المساعد الشخصي الرقمي

مشاهدة النسخة كاملة : تابع الضفدعة the toad

dent.mohamed
16-12-2009, 09:13 PM
هذا وكما وعدتكم فيديو لتشريح الضفدعة يارب يعجبكم ;)
للتحميل اضغط هنا
http://www.zshare.net/video/699684529ec2ebfd/
bode bedo
16-12-2009, 10:51 PM
شكرا ليك يا دكتور على المجهود الرائع ده
--Dr.Mostafa--
17-12-2009, 01:05 PM
موضوع حلو ورائع ..

لكن عندي ليك حاجة .. وقلتها قبل كدة ..

انتا مقسم الموضوع لــ 3 مواضيع ؟؟

وكل حاجة تكتبها ف موضوع لوحدها .. سواء اخبار او كدة ..

حضرتك كدة بتبقى ف زحمة ف المنتدى .. وبتشيل المواضيع التانية ..

كان ممكن كله يتحط ف توبيك واحد ..

او حتى ف توبيك "طب اسنان المنيا " .. لكن كدة بتصعب على غيرك انه يلاقى المواضيع ..

مش كل حاجة تتحط ف توبيك .. دا رايئ ..

واعتقد دا احسن بكتير من اللى حضرتك عملته ..

واللى عنده حاجة تانية يتفضل ..
No_Way
18-12-2009, 09:51 PM
شكرا يادكتور ع الفيديوهات
المهم ف تشريح الضفدعه اننا نبقى متقنين التشريح
وحافظين خطوات تشريح كل جهاز
بالاضافه للعضم
لاني سألت الدكتور هنيده قالت ان في عضم بينزل مع التشريح
وانا موافقه دكتور مصطفى ف اننا نحطهم كلهم ف موضوع واحد
avnan
22-12-2009, 11:50 PM
بارك الله فيك يا دكتور محمد
ربنا يخليك لمصر (ادينى بشارك :d)

اه يا ريت منكترش التوبيكات طالما بتتكلم على موضوع واحد
devotion_mony
23-12-2009, 09:53 PM
جزاك الله خير يادكتور وشكرا على مجهود حضرتك
DR.smily
26-12-2009, 06:12 PM
بارك الله فيك يا دكتور
ربنا يقدرنا وننزل حاجة كده قريب بس ان شاء الله هتكون جماعية هنشترك فيها انا وافنان وممكن يكون معانا حد تالت
وبالنسبة لموضوع التوبيكات هى فعلا كترت وحاسة ان فى توبيكات احنا مبقناش محتاجينها
فانا عايزة اسأل احنا ينفع نمسح منها ولا احنا ملناش حرية التصرف فى كده؟
ولو مينفعش هيكون ايه الحل؟
devotion_mony
26-12-2009, 07:22 PM
ولهى بجد عندك حق فى حاجات ممكن نستغنى عنها وبصراحه المنتدى عايز شغل وتنظيم وده ان شاء الله ممكن نرتبه فى الاجازه .
ويا جماعه بالنسبه لموضوع المتحانات اللى هتبقى بعد الاجازه اعتقد ان ده مش من مصلحتنا علشان كده الامتحانات هتكون اصعب وبكده مش هنكون براحتنا فى الاجازه وهنكون مضغوطين جامد وبصراحه انا خايفه ان الدكاتره يفتكروا اننا كده بنلوى دراعهم او حاجه واحنا مش ناقصين ولا انتو ايه رايكوا
No_Way
27-12-2009, 12:22 AM
يادكتورة موني بالنسبه لموضوع الامتحانات بعد الاجازة انا شايفه انها هتكون ف مصلحتنا ان شاء الله
لو قسمنا وقتنا هنعرف نذاكر ونعيش حياتنا ان شاء الله
وحكايه الدكاتره دي عادي ع فكرة ف اسنان ان الامتحانات بتكون بعد الاجازة
انا كنت بتكلم مع واحده ف تانيه اسنان قالتلي ان امتحاناتهم كلها كانت بعد الاجازة
والدكاترة بتوع علوم متعودين ان كليتنا هي اللي تحدد

بالنسبه لاقتاح الدكتورة سمايلي اننا نحذف القديم
انا حاسه انها مش استفاده لينا لوحدنا
دي تعتبر صدقه جاريه اصلا للسنين اللي جايه بعدنا
بس بردو لازم حد مننا يكون مشرف ع اسنان عشان لو حاجة مش ليها لازمة يشيلها
avnan
27-12-2009, 12:44 AM
ازيك يا مونى ويا سمايلى ويا نو واى
على كدة يا مونى انا فكرت قبل كدة فى اللى حضرتك بتقوليه بالنسبة للامتحانات
بس ميتهياليش احنا عايزيين المهم نذاكر وان شاء الله هنعرف نحل
واعتقد انها لما تيجى صعبة واحنا مذاكيين احسن من سهلة واحنا مش عارفين حاجة
وبالنسبة لحكاية الاشراف فاحنا فعلا عايزيين مشرف لاسنان (هو دكتور اسلام زمان كان اتكلم فى الحكاية دى بس كان القسم لسة صغير )ما علينا
هوانا افضل ان دكتور مصطفى دلوقتى يكون مشرف وده لانه متابع المنتدى وكمان مواضيعه كويسة
المهم حد يقدم طلب لرأيس المنتدى بكدة
اه وكمان عايزيين نعمل تثبيت موضوع (طب اسنان المنيا )للدكتورة الطالبة السعيدة
--Dr.Mostafa--
27-12-2009, 08:57 PM
بداية السلام عليكم ،،

انا اول ما شوفت الكمية الكلام اللى ف المشاركات اتخضيت ..

اصلي مش متعود الاقي الكمية دي ف المنتدى :bosyht9: .. المهم ابدا بحاجة حاجة ...

-----------


ربنا يقدرنا وننزل حاجة كده قريب بس ان شاء الله هتكون جماعية هنشترك فيها انا وافنان وممكن يكون معانا حد تالت


ربنا يوفقكوا .. ويسهلكوا الخير دايما ان شاء الله .. :)


وبالنسبة لموضوع التوبيكات هى فعلا كترت وحاسة ان فى توبيكات احنا مبقناش محتاجينها
فانا عايزة اسأل احنا ينفع نمسح منها ولا احنا ملناش حرية التصرف فى كده؟
ولو مينفعش هيكون ايه الحل؟



احنا مش عايزين حاجة قديمة نحذفها .. لانه غيرنا واحنا كمان مكن نستفيد منها مستقبلا ان شاء الله ..

لكن احنا ملناش حرية التصرف ف المواضيع .. لاننا كلنا ف درجة واحدة هيا " الاعضاء " ... لكن اية الحل بقى .. !!

والله الحكاية دي هتكلم فيها كتير .. وانا وعبده صراحة لقينا ليها حل .. بس هنبقى نقولكوا عليها بعدين ان شاء الله ..

--------------

وبصراحه المنتدى عايز شغل وتنظيم وده ان شاء الله ممكن نرتبه فى الاجازه .


صح عندك حق .. بس ازاي ومفيش اى واحد لية سلطة ف المنتدى .. !!
-------------


ويا جماعه بالنسبه لموضوع المتحانات اللى هتبقى بعد الاجازه اعتقد ان ده مش من مصلحتنا علشان كده الامتحانات هتكون اصعب وبكده مش هنكون براحتنا فى الاجازه وهنكون مضغوطين جامد وبصراحه انا خايفه ان الدكاتره يفتكروا اننا كده بنلوى دراعهم او حاجه واحنا مش ناقصين


لا ان شاء الله مش هتبقى اصعب .. بالعكس هناخد راحتنا ف المواد .. وهنظم امورنا ..

واذا كانت على حكاية لوي الدراع .. فمعتدقش كدة خالص .. دا بالعكس اريحلهم .. واحسن لنا .. وكمان دا عميد .. ;)

------------


بس بردو لازم حد مننا يكون مشرف ع اسنان عشان لو حاجة مش ليها لازمة يشيلها



حكاية المشرف اتكلمت فيها كتير لغاية ما زهقت .. بعت رسالتين للمدير الموقع .. / محمود سرحان ..

ولكن مفيش اي رد .. برده حطيت موضوعين ف قسم اقتراحات الاعضاء .. مفيش حد عبر .. لغاية ما زهقت ..

المفروض انه ف عندنا مشرفين اتنين .. واحد اسمه مينا ماهر والتاني د.احمد91 .. وانا عمري ما شوفت حد فيهم عمل اي مشاركات ف قسم طب اسنان .. انا مطلبتش من الادارة انه يجي مشرف جديد .. لكن طلبت حتى ع الاقل .. انه يتبعت رسائل للمشرفين دول .. يخليهم يجيوا مرة واحدة حتى يقولوا سلام عليكم ويمشوا .. لكن برده .. مفيش حد عبرني خالص .. على العموم انا وعبده اتكلمنا برده ف الحكاية دي .. وساعتها ضحكنا ضحك :d .. لاننا اكتشفنا واحنا بنشوف المنتدى انه لو في مشرف فعلا علينا .. كان وقف عضويتي وعضوية عبده وعضوية ناس كتيـــــــــــــــــــر هنا :022yb4:.. وبلاش نقول الاسباب لية .. خليها مستورة احسن :blush:

فيمكن فيها ميزة وفيها عيب .. على الاقل ادينا براحتنا .. بس الحق اننا عايزين مشرف فعلا .. وف الحقيقة محتاجين قسم خاص بينا .. وكمان محتاجين اقسام جواها .. يعني عايزين منتدى لوحدنا .. وهوا دا اللى فكرنا نعمله ..

لكن للاسف قولت قبل كدة انه ف حاجات كتير مخلاينا نفكر اكتر من مرة ف حكاية المنتدى دي .. انه مش عايزين الحكاية تاخد اكتر من وقتها مننا ودي اهم حاجة وتبقى واخدة كل اهتمامنا .. وكمان انه حكاية منتدى دي صعبة ومش سهلة .. ف الحقيقة هيا لو اتسهلت كانت هتبقى هيا المفجاءة اللى هنعملها ف الاجازة .. لكن لو قدر ربنا .. ومنفعش يبقى ادينا قاعدين هنا .. وهنحاول نشوف الادراة يمكن زي ما قدر الكتور اسلام زمان واتفصل قسم اسنان عن قسم الطب البشري .. ننجح ونجيب مشرف لينا .. :friendsxs3:


-----------


دكتور اسلام زمان كان اتكلم فى الحكاية دى بس كان القسم لسة صغير


هوا لغاية دلوقتي يعتبر صغير نوعا ما ..


هوانا افضل ان دكتور مصطفى دلوقتى يكون مشرف وده لانه متابع المنتدى وكمان مواضيعه كويسة
المهم حد يقدم طلب لرأيس المنتدى بكدة
اه وكمان عايزيين نعمل تثبيت موضوع (طب اسنان المنيا )للدكتورة الطالبة السعيدة


اولا احب اشكرك يا دكتورة لانك رشحتيني اني ابقى مشرف بس انا مستحقش والله .. وكمان دي مسؤلية برده ...

لكن انا ماليش اي صلة باي واحد من الادراة .. دا غير انه الادراة مش مديانا اي اهتمام ... واسباب تانية كتير ..

المهم ما علينا يعني ..

احنا اولا نشوف حكاية المنتدى الخاص بينا دي .. لو نفعت وربنا سهلها .. هيكون احسن لنا .. على الاقل هتتقسم اقسام وعالم تاني خالص .. لكن قدر الله ومقدرناش نعمله .. يبقى نرشح كلنا واحد .. ونجتمع ونقول رائينا للادراة ولو هما شافوا كدة مننا اكيد هيوافقوا ان شاء الله ..

------------
No_Way
31-12-2009, 03:06 PM
السلام عليكم
انا كمان برشح دكتور مصطفى انه يكون مشرف ع القسم
لانه هو اللي متواجد باستمرار غير الحاجات اللي بيعملها ف المنتدى
بالنسبه للادمن اعتقد انه شايل ايده من حكايه الاشراف دي خالص
ممكن حضرتك لو هتتعب يعني
تبعت للعضويه دي وتشرحله الوضع هنا
لاني اعتقد انه هو معاه صلاحيات يعين المشرفين ومكتوب تحته نائب الاداره
http://www.thanwya.com/vb/member.php?u=116700
وغالبا هو متواجد اكتر من الادمن
avnan
31-12-2009, 07:03 PM
بارك الله فيكى
--Dr.Mostafa--
01-01-2010, 12:06 AM
الف شكر يا دكتورة نو واي .. ربنا يباركلك ..

بس انا مينفعش اروح اقول لواحد .. حطني مشرف .. انا بقول حد يقوله او يبعتله رساله ..

وهوا ممكن يشوف القسم ويحط مشرف .. واذا قال اختاروا مشرف .. يبقى ساعتها حضارتكوا تختاروا اللي عايزينه ..

وهوا شكله فعلا متابع المنتدى بشكل يومي .. وكمان ليه سلطة انه يعين مشرفين ..

وشكرا والسلام عليكم
No_Way
02-01-2010, 06:11 PM
السلام عليكم
انا فعلا كنت هبعتله بس انا مشاركاتي قليله لازم اوصل لعدد معين عشان اعرف ابعت رسايل خاصه
ثانيا اللي عرفته انه غالبا ميفعش حد يتعين ع قسم فرعي صغير زي ده
يعني لو هيبقى حد مشرف يبقى مشرف ع المجموعه الطبيه كلها (بشري -صيدله-بيطري-اسنان)
ف هل ده يناسب حضرتك او اي حد هنا
dr.Abdoooo
03-01-2010, 10:56 PM
ان شاء الله الموضوع ده ها يتحل قريب انا ومصطفى قربنا نخلص المنتدى الجديد ان شاء الله وده ها يبقى بتاع اسنان بس وان شاء الله ها يعجبكم ومستنين مشاركتكم معانا اول ما المنتدى يخلص
--Dr.Mostafa--
04-01-2010, 05:25 PM
ثانيا اللي عرفته انه غالبا ميفعش حد يتعين ع قسم فرعي صغير زي ده
يعني لو هيبقى حد مشرف يبقى مشرف ع المجموعه الطبيه كلها (بشري -صيدله-بيطري-اسنان)
ف هل ده يناسب حضرتك او اي حد هنا



اه فعلا ..

وعلشان كدة انا مش عايز حكاية الاشراف دي ..

لاني مش هقدر اتابع اربع اقسام ف وقت واحد ..

دا غير انه الادارة مش هتوافق .. وانا عارف كدة ..

فبالتالي بلاش من حكاية الاشراف دي دلوقتي .. وان شاء الله هنلاقي بديل احسن ..

-0-0-0-0-0-0--0-0--0-0-0-0-0-0-0-



ان شاء الله الموضوع ده ها يتحل قريب انا ومصطفى قربنا نخلص المنتدى الجديد ان شاء الله وده ها يبقى بتاع اسنان بس وان شاء الله ها يعجبكم ومستنين مشاركتكم معانا اول ما المنتدى يخلص




بلاش يا عبده من حكاية المنتدى دي .. عيوبه كتير ...

وانا لقيت حل حلو جدا .. ان شاء الله اقولك عليه بعدين ..

بس ادعي ربنا يسهل ..
avnan
06-01-2010, 09:29 PM
ربنا يسهل ان شاء الله