البشاير:رندا رشدي:

واقعة مؤسفه شهدة أحداثها جدران مدرسة أحمس بالهرم حيث أقتحم أحد أولياء الأمور المدرسة وقام بضرب مدرس نجله بالجزمة في فناء المدرسة والمؤسف أكثر هو أن مرتكب هذه الواقعة هو مشستشار بمجلس الدولة من المفترض أن يكون هو الحكم الذي يحصل للناس علي حقوقهم .

والواقعة روت تفاصيلها لبرنامج الحياة اليوم ليلي السيد مديرة المدرسة والتي أكدت أن المستشار لم تكن المرة الأولي التي جاء وقام بعمل مشكلة بالمدرسة ولكنه فعلها اكثر من مرة وفي أحدي المرات قال لي علي المدرس ده أن ممكن أحبسه وسمعتها وكما لم أسمع حتي أحتوي المشكلة وقد نبهت علي المدرسين عقب عودة نجله للمدرسة ويده في الجبس بعدم معاقبة الولد أو ضربه أو تعنيفه بسبب مشكلات والده ..

وبالفعل كان المدرسين يلتزموا وما حدث هو أن المدرس طالبه بالوقوف كعقاب له مجرد وقوف فقط ..

وأذا بوالده المستشار بمجلس الدولة يحضر ويقوم بضرب المدرس بالجزمة في وسط فناء المدرسة امام الجميع فقمت علي الفور بأدخاله لحجرة شئون الطلبة لتهدئته بحكم أنني أريد تحقيق الأمن بالمدرسة ولكنه دخل وظل يسب في كافة العاملين بالمدرسة وأتصل بمجموعه حضرت للمدرسة وأقتحموا المدرسة وأثاروا الذعر بين الطلاب والمدرسين والمدرسات ..

فتقدمنا ببلاغ للنيابة وأجرت التحقيق في الواقعة .

لا حول ولا قوة الا بالله
العلى العظيم .
هذا المستشار كان المفترض ان
يخرج من المدسة محمولا على نقالة
فليس لدينا كمعلمين ما يجعنا نفرط
فى حقوقنا او ننزعج من اى فرد فى المجتمع مهما كان .
ولى تجارب خاصة للتعامل مع بعض هؤلاء السفهه من
اصحاب الكارفتات الشيك .

ههههههههههههههه

لغه النعال في مدارس الجمال شوف يا جمل ايه اللي حصل ورينا هتعمل ايه

استاذنا الفاضل ممدوح اتفق معك حرفيا في رأيك
والذي يحيرني اين كان باقي زملاء المدرس من مدرسين واداريين
وفي بعض المواقف مع الاسف لا ينفع القانون
ولا يفل الحديد الا الحديد
وكما كان يقول جدي الكف السابق سابق
كان عليهم اغلاق المدرسة عليه وياخد اللي فيه النصيب وبعدها نبقى نروح سوا القسم
مشكور للمرور الكريم

والغالي me5050
فعلا واجب الوزير ان يشعر انها اهانة لشخصه ولوزارته ويتصرف على هذا الاساس
لكني اعتقد انهم هيحيلو المدرس للتحقيق وهياخد خصم ليه؟؟؟
اكيد هو السبب ضربه لا
شتمه برضة لا؟؟
باص له بصه وحشة

أخوانى

الجزمة اصبحت تستخدم أكثر من المسدس

بصراحة من علامات الساعة

بصراحة المستشار ليه حق يعمل أكتر من كدة
أكيد لو كان شاف ناس تخوفه كان خاف ووقف عند حده
لكن هو بيقول دى مدرسة خاصة وبفلوسى اعمل اللى انا عايزه
مشوفتوش رد فعل المديرة كان ايه ؟

بتهديه ... يا سلاااااااااااااااااام
بس برضه هى غلطانة
كان المفروض تطلبله حاجة ساقعة أو كابتشينو
حسب مزاج الباشا !!

ومن يهن يسهل الهوان عليه ما لجرح بميت إيلام

يا جماعة عماذا تنتظرون من مستشار قد يكون اصل تعينة في النيابة رشوة او محسوبية وانتم تعلمون ما يحدث في تعينات النيابة
ولكن هل الدكتور الجمل هيعمل حاجة لهخا الموقف اشك

اللى غايظنى .. انه لم يضرب 60 جزمة على دماغه !!!!

كان فين باقى المدرسين وزميلهم بيضرب؟؟؟

والمدرس المضروب كان فين وقت ما انضرب؟؟؟؟

حاجة تغيظ الصراحة ... والست المديرة خايفة على ولى الأمر الغير محترم وخايفة منه طبعاً !!!!!

المدارس الخاصة للأسف المادة هى التى تحكمها .. !!!!!!!!

ده عيب نظامفى المقام الأول اللى سمح لواحد زى ده متعين بالواسطة والمحسوبية او بالفلوس أن يفعل هذا
وعيب وزارة تعليم انها لم تأخذ حق المدرس فلابد أن تختصم مستشار الدولة الى ان يعتذر علانية للمدرس ويدفع تعويش كمان عن تلك الاهانة
وعيب امن مدرسة اللى سمح له بالدخول للطابور
وعيب للمديرة انها هدأته
وعيب للمعلمين زملاء المعلم المضار لأنهم لم يكيلوه ضربا حتى يبان له صاحب
شوفتوا العيوب اد ايه
هل كل تلك العيوب ستنصلح؟

يا جماعة انتم مش مقدرين الموقف ولا ايه
انا طالب عارفين يعنى مدرسى قدوتى اللى بيربينى ويعرفنى الصح والغلط ينضرب
ولا ده منضربش يالايد لا ده انضرب بالجزمة
دى مصيبة ان المدرس حد يزعقله اساسا
مش ينضرب ولكن يا جماعة هو مكانش يقدر يضربه لسبب انه كان واخد معاه بلطجية
المستشار ده لازم يتعدم علشان يكون عبرة لازم يتعدم

بارك الله فيك

لا حول ولا قوة الا بالله

انا حصل معايا نفس الموقف دة لما كن فى مدرسة خاصة السنة اللى فاتت

قومت ولد قمة قلة الادب بقولة افتح ايدك بيقولى انا محدش بيضربنى ولا حتى صاحب المدرسة

فطلعتة على السبورة فقعد يقول المستر معرف يضربنى

روحت ضربتة عصاية واحدة بس

لقيت المدرسة كلها اتقلبت عليا ونزلونى تحت للمدير وقعد يقولى انت عارف دا ابن مين

قولتلة لا معرفش

قالى دا ابن مستشار فى المحكمة اللى جنبنا دية اللى هى جنب مديرية امن القاهرة

فقولتله مستشار على اهلة هناك لمايربى ابن يبقى يقول انا مستشار

قالى دا هيقدم فيك تقرير

قولتلة يقدم انا معملتش اى حاجة غلط

واخر مازهق قالى طب اطلع جيب الولد واتاسفلة

قولتلة لا مش هاعمل كدة

قالى طب هات انا اتاسفلة

قولتلة ولا حضرتك تتاسفلة
وجة ابو الواد وكان عاوز يشوفنى باى طريقة ولا عمل اى حاجة

صوت وخلاص

ماهو خلاص الدنيا سابت

كل واحد فاكر نفسة ابن باشا وهو .............. لاداعى عشان مش نكون زيهم

مشاركاتكم المتميزة تثري الموضوع
وفعلا كلنا عارفين لا الوزارة ولا النقابة بتجيب حق حد
وكا ن واجب المدرس وزملاؤه ان يأخذوا حقهم بايديهم ومع الاسف وهو اسلوب خاطئ طبعا لكن الفتنة اشد من القتل وكان ساعتها يبقى يروح يشتكي بقة
واللي متحمسين قوي لقضاة الاخوان فريق نها الزيني ومكي والخضيري يفسرولنا صمتهم في هذة الواقعة

أنا معاكم ياجماعة لا يفل الحديد إلا الحديد ونحن لم يبقى لنا إلا كرامتنا والمفروض في المدرس وزملاؤه كانوا اتلموا عليه وعلموه الادب من جديد وبعدين نتصالح في القسم
أما السكوت وخلي القانون ياخد مجراه عمرها مانفعت

الغريب إننا بنقلد الغرب فى كل حاجة ياأخى مش عارف هم ليه جم عند مكانة المدرس ومنزلته ..( ........... ) مش لاقى كلام اقوله ومطلوب من المدرس يخرج رجال أفاضل يحبو بلدهم ويتقنوا عملهم ويخرج رجال أسوياء
وهم بينضربو بالجزمة
أنا حزين وزعلان من زملاء المدرس ده

يا أخي الزميل المصاب في كرامته لا تحزن
فالمصيبة اللي جاية أكبر
حيث سيتم تحويلك للتحقيق من قبل وكالة الوزارة و بتوصية من مكتب الوزير
هو أنت مش عارف إن
وزير في التربية و التعليم = عسكري في الأمن المركزي

أخى الفاضل
طبعاً ده أكيد نتيجة لصورة المعلم المهزوزة لدى كل الناس
والسبب هو وزارتنا الرشيدة اللى بتقلل من قيمة المعلم بكل تصرفاتها
فأين يجد الاحترام من لايجده فى بيته ومن أهله ؟؟؟

وأيضاً هذا نتيجة حالة الفساد والفوضى الموجودة فى بلدنا الحبيبة منذ سنواااااااااااات
نسيت أقول حاجه مهمه
المستشار المذكور أكيد مش متربى وكان لازم مدرسين المدرسة يربوه ويحبسوه فى فصل ويبلغوا الشرطة :abdoog8:

لا تعليق
ههههه
ده انا فى حقوق

كله من وزير التربية والتعليم ( يسرى الجمل ) هو الى جعل الطلبة وأولياء الأمور يعملوا كده وأكثر من كده
يورينا بقى رد فعله للخبر ده

بكره ابن المستشار يضرب المستشار ابو ه بالجزمة

الوزير ومستشاره ابوسريع عملين ودن من طين وودن من عجين بس انا لي سؤال ليه المدرس ما خلعش الجزمة وضرب المستشار زي ماضربه
http://file15.9q9q.net/preview/26592873/-------.jpg.htmlhttp://www.thanwya.com/vb/%3Ca%20href=http://file15.9q9q.net/preview/26592873/-------.jpg.html%20target=_blank%3Ehttp://file15.9q9q.net/img/26592873/-------.jpg

ارجو ان يكون لوزاره العدل موقف لهذا المستشار
واعتقد ان سياده النائب العام
حول الموضوع للنيابه العامه للتحقيق
وسرعه اتخاذ الاجراءات وياريت نسمع ان سياده المستشار حول الى مجلس تاديب حتى يكون عبره لاخرين
وبذلك لايكون احد فوق القانون
نقابه المعلمين المحترمه لا اسمع لهاصوتا اونفس
متى تتحرك
سؤال اود ان ارى اجابته سريعا

ما حك جلدك مثل ظفرك
فتولى انت جميع امرك

كله من وزير التربية والتعليم السابق ( حسن بهاء الدين ) هو الى جعل الطلبة وأولياء الأمور يعملوا كده وأكثر من كده
يورينا فيهم يوم

كان المفروض في الحال يقوم المعلم المعتدى علية بخلع نعلة وضرب هذا القذر برتبة مستشار على رأسه .... من لم يثُر لكرامته فلا يطلب من أحد أن يثور من أجله:stickjo4::stickjo4::abdoog8::abdoog8::abdoog8 ::049gc0::049gc0::049gc0:يا غِللي ..يا غيظي

يا جدعان انا في مدرسة احمس و الي حصل ان المستشار اثناء طابور الصباح قام بالتعدي علي المدرس بالجزمة و وقع المدرس علي الارض في حالة من الاندهاش علي المدرسين و كانوا المدرسين يريدون ان يضربوة و لكن مديرة المدرسة اخذتة داخل حجرتها لكي تبعدة عن المدرسين فظن المستشار ان المديرة قامت بحبسة فقام بالاتصال بأخوة فجاء في عربية و معة بلطجية فقاموا بتحطيم باب المدرسة و كان معهم اسلحة بيضاء و اقتحموا المدرسة و اخذوا المستشار و ابنة الذي في الخامس الابتدائي و نسيوا ان لهم ابنة في الاول الاعدادي لغات

مشكوور يا غالي للتوضيح

اقترح حل عملي اننا نرسل احتاجا من كل معلم في مصر الى رئيس الدولة ووزير العدل والزير بتاع التربية والتعليم ونفكره بموضوع التربية وكفاية يتحكم في مصير التعليم ازيار نريد رجال يغيروا مصير التعليم في مصر ويتغير معاهم مصير البلد اول شيئ اننا نعمل صفحة علي الفيس بوك ونوصل احتجاجنا ورفضنا لمثل هذه الاساليب

وانا اول واحد معاك وهي فعلا فكرة
وارجو نلاقي افكار عملية تاني لمنع تكرار الامر

ارجو من احد الأخوة الأعضاء كتابة صيغة احتجاج مختصرة ومن ناحيتي سأحاول ان اعثر على اميلات بعض الجهات التي يمكن ان نرسلها اليها وبذلك نكون قد تعاون ونثبت للجميع اننا سنقف معا لأخذ حقوقنا ولو من اتخين تخين في البلد دي

وياريت الناس اللي على الفيس بوك وليهم خبرة يعملوا جروب سموه كرامة المعلم المصري
لان الامر مش على هذة الحادثة فقط