كل واحد مر فى حياته بتجارب كتير منها الحلو ومنها اللى مش حلو الأهم من كدا نكون استفدنا منها
كل اللى عايزين نعرفه كيف استفدت من التجربة سواء حلوة أو وحشة ؟
وكمان عايزين ننصح أى حد يمر بتجربة صعبة لأننا أسرة واحدة واللى يهمك يهمنا:slap1qk6::d:(

أنا مريت بتجربة مريرة لكن أول ما أخدت القرار اللازم والصح بدأت أبنى نفسى من جديد بأت مشروع صغير جنب عملى كمدرسة وكمان قربت من ربنا قوى أحلى حاجة إنك تعرف إن أى حاجة تحصلك فيها خير لكن احنا مش شايفينه علشان عقلنا قاصر مش بنبص لبعيد . وأحلى حاجة نكون راضيين بالمقسوم لنا لأن الفكرة بسيطة قوى لو مارضناش مش هنقدر نعمل حاجة بس لو رضينا صدقونى هتحسوا بالراحة وكل ما نقرب من ربنا كل ما ربنا هيزيدك قرب منه . علشان كدا بدأت حفظ قرآن مع مجموعة صغيرة لكن العزيمة على الحفظ كانت موجودة كلنا استمرينا لكن فى بعضنا لم يستمر .الحاجة اللى استفدتها قوى من حفظ القرآن إن ربنا سبحانه وتعالى زاد من الرضا اللى كان جوايا وأنعم على من نعمه كتير . أنا الآن أعطى دروس فى التجويد وأيضا أطلع على الأحاديث وأحاول أبلغ الأحاديث الضعيفة والموضوعة للمعرفة . وأدرس السيرة والعقيدة والفقه والتفسير كل ذلك بجانب العمل ورعايتى لإبنتى الوحيدة والغريب قوى إن الوقت يكفى كل دا .لا أعلم الوقت دا كان فين قبل كدا. لكن فى النهاية أقول الحمد لله . وأدعو الله لكل من يمر بأزمة أنه يفك أزمته ويخرجه منها على خير .
ونصيحتى لكل من يمر بأزمة أن يقرب من ربنا لأن إليه الملجأ وهو خير معين وسلالالالالالالالالالالالالالام