انا طالبه فى اولى انتساب(ز) .....
انا مش فاهمه حاجه من الرياضه وكمان روحت مجموعات التقويه بس للاسف متاخر لانى كنت مسافره ولاقيتهم خدو تقريبا3مرات وطبعا انا مفهمتش حاجه وخايفه جدا جدا جدا ومش عارفه اعمل ايه؟؟؟؟؟؟

وممكن اعرف ايه الفرق بين المحاضرات وورق الدروس اللى بتباع فى المكاتب اللى بره الجامعه ولا المهم الورق اللى انا افهم منه وخلاص؟؟؟؟؟؟؟؟؟

ورق المحاضرات هو اللى اتقال بالنص جوه المحاضره مافيش حاجه زياده عليه
اما ورق الدرس فهو عباره عن الحاجات اللى اتقالت جوه المحاضره بس بشرح اكتر + امثله +اسئله امتحانات

بصى روحى اسألى فى مكتبه الحرم على ورق الدرس لو لقيتى المعيد اللى كتب الورق ده اسمه محمد حسنى اشتريه
علشان الورق بتاعه حلو اوى وبيفهم

ومتقلقيش من الرياضه هى سهله بس مش اوى

شكرا كتير ليك يا مصطفى ورايك يحترم كثيرا وهوا صح ولكن امامك اختيار اخر تجربى ورق مكتبه شمس وفى نفس الوقت تذاكرى من الكتاب انا جربت ورق شمس وهوا كويس والكل بيقول ان شمس احسن يعنى تفهمى من شمس وتشوفى التطبيقات ولو فى حاجه عايزاها بالتفصيل هتفهميها من الكتاب بصراحه انا جربت ده فى المحاسبه وشكرا

شكرااا كتييير يا جماعه عالمساعده وانشاء الله ربنا يوفق الجميع

العفو ولا شكر على واجب كلنا اصدقاء ويجب ان نساعد بعضنا