(نثر)
~ْ*~ْ*~ْ*~ْ*~ْ*



ازيك




ازيِك




عاوزة أقولّك حاجة




قولي




خايفة تزعل




لا قولي متخافيش




دي آخر حكايتنا إنساني




يااااااه تاني؟

*********


(موال)
~ْ*~ْ*~ْ*~ْ*~ْ*ْ*


حكاية متكررة ونهاية متعادة


وحياتنا متمررة وقلوبنا متقادة


سهم انطلق والنوح


شق الفضا المدبوح


بين السكوت والبوح


بين الانهزام والروح


وصل الجواب إنِّك للقتل معتادة


ف حكاية متكررة ونهاية متعادة


*******


(غناء)
~ْ*~ْ*~ْ*~ْ*~ْ*


أنا عارف انك هتجيني


هتقولي بحبك من تاني


طب مين هيصدقلك كلمة


هما يومين وتقولي انساني

*******

اصحي دا قلبي خشبة مسرح


هيوديكي البحر ويسرح


ويجيبك عطشانة لحبي


ولا يسقيكي غرام من تاني


هما يومين وتقولي انساني

*******

زمن اللعب معايا اهو ولى


والعاشق اهو فاقلك والله


امشي بعيد احسنلك ولا


راح اوريكي الوش التاني:040vk0:


هما يومين وتقولي انساني

*******

جربي غيري عشان تتذلي


وانا راجع لحبيبتي وضلي


خنتها لكن قلبها قالي


مهما تخونِّـي بحبك تاني


هما يومين وتقولي إنساني

*******

أنا عارف انك هتجيني


هتقولي بحبك من تاني


طب مين هيصدقلك كلمة


هما يومين وتقولي انساني

*******

ماشاء الله جميلة جدااا لحنها سلاسة كلماتها
بس هى بس فيها ملاحظة بسيطة
مش عارفة فى النهاية محستش ان كدة القصيدة خلصت كنت فاكرة ان لسه فى تانى
وجزاكم الله خيرا

جميله يا أحمد
رائعه كروعتك
تسلم إيديك
تقبل مرورى المتواضع

حكاية متكررة ونهاية متعادة
وحياتنا متمررة وقلوبنا متقادة


ايه الضحكة الصفرا اللي ف اول الموضوع دي ؟؟؟
طبعا بعك
بس جد وحقيقي رائعه
كلمات جميلة جدا
وزي م قالت " آية من الله "
حاسس ان القصيدة محتاجه شوية كمان
بس حضرتك .. واظاهر كدا .. كنت مكسل عشان الصقعة والجو برد
طنشت يعني
بس عموما كلمات جميلة جدا والله
واحلي م فيها التنوع
مرة نقرأ نثر ... وشوية موال .. وشوية اغنية
تسلم ايديك ي فندم
وزي م قال الزعيم ( هشتكنا وبشتكنا ي ريس ... دانت ريس والنعمة كويس )
تقبل مروري المتواضع

دمت شاعراً
مبدعاً

ماشاء الله جميلة جدااا لحنها سلاسة كلماتها
بس هى بس فيها ملاحظة بسيطة
مش عارفة فى النهاية محستش ان كدة القصيدة خلصت كنت فاكرة ان لسه فى تانى
وجزاكم الله خيرا
طبعاً أنا فرحان جداً إني بشوفك في كل أعمالي ودا والله شرف كبير لي
طب تفتكري يا أية التكملة تكون ايه؟
بجد عاوز اعرف
أول مرة ملقيش كلام أقوله بعد كده ..

(موال)
~ْ*~ْ*~ْ*~ْ*~ْ*ْ*



حكاية متكررة ونهاية متعادة

ينفع تقول مكررة بكسر الميم وتشديد الكاف؟

وحياتنا متمررة وقلوبنا متقادة

واضح يا شاعرنا هنا كلمة متمررة ولو أنها توحى بالمرار بس ممكن توحى بمعنى آخر أى أنها تمر دون دخل لنا بها
وعايز اقول ان مرارة الحياة مش شرط تكون بفعل فاعل مش شرط تكون متمررة

وقلوبنا متقاده

طبعا واضح انك تقصد انها مشتعله
بس متقادة هنا غير مشتعله
فقد تشتعل ذاتيا
أما متقادة فلابد أن يقيدها أقصد يوقدها أحد
وكون القلوب متقادة صورة ضعيفة


سهم انطلق بيروح
جميل ظهور قوة السهم ولكن كلمة بيروح هنا لم تضف لمعنى الانطلاق بل لعلى أرى أنها أضعفتها لأن كلمة بيروح ممكن يروح على مهله
أما الانطلاق يحمل معانى القوة
فايليتها أضافت


شق الفضا المدبوح
صفة الذبح للفضاء لا أرة أنها تقدم جديداً بل على العكس الفضا مدبوح مش واضحه قوى لأن الفضا واسع ورحب ووصف الذبح له مستحيل لاتساعها فلا يوجد له ممسك


بين السكوت والبوح

جميل التضاد هنا








*******

رائع بارك الله فيك

(موال)

~ْ*~ْ*~ْ*~ْ*~ْ*ْ*



حكاية متكررة ونهاية متعادة

ينفع تقول مكررة بكسر الميم وتشديد الكاف؟
تصدق أحلى بجد (حكاية مكررة) بس للأسف حتى لو شكلتها يا محمد هتتقرأ (مُكَررة) طبعاً انت فاهمني

وحياتنا متمررة وقلوبنا متقادة

واضح يا شاعرنا هنا كلمة متمررة ولو أنها توحى بالمرار بس ممكن توحى بمعنى آخر أى أنها تمر دون دخل لنا بها
وعايز اقول ان مرارة الحياة مش شرط تكون بفعل فاعل مش شرط تكون متمررة

وقلوبنا متقاده

طبعا واضح انك تقصد انها مشتعله
بس متقادة هنا غير مشتعله
فقد تشتعل ذاتيا
أما متقادة فلابد أن يقيدها أقصد يوقدها أحد
وكون القلوب متقادة صورة ضعيفة
هي بالفعل صورة ضعيفة لو أقصد بالاشتعال مثلاً الاشتعال بالحب أو بالحماسة إنما يا محمد أنا اقصد الاشتعال بالتعذيب فالقلب هناك من أشعله عذاباً ولم يشتعل من تلقاء نفسه فقلبي لا يهوى العذاب
وكذلك حياتي لا تهوى المرار ولكن هناك من مررها وأنا قصدت استخدام اسم المفعول (متمررة ومتعادة) لأن حياتي وقلبي الاثتنين اتلعب بيهم الكورة ههههههه وتسلم يا غالي

سهم انطلق بيروح
جميل ظهور قوة السهم ولكن كلمة بيروح هنا لم تضف لمعنى الانطلاق بل لعلى أرى أنها أضعفتها لأن كلمة بيروح ممكن يروح على مهله
أما الانطلاق يحمل معانى القوة
فايليتها أضافت
فعلاً عندك حق في دي .. وأنا فكرت أغيرها وأخليها (سهم انطلق والنوح) وطبعاً كلمة النوح هنا هتحمل أكثر من معنى إما معنى المصاحبة لصوت الألم والنواح لانطلاق السهم أو تعني معنى الانقاذ لما توحيه كلمة (نوح) أي سفينة (نوح) أي أن هذا الدمار والسهم لا منجي منه سوى سفينة كسفينة نوح عليه السلام وأنا قاصد هنا تورية بالفعل

شق الفضا المدبوح
صفة الذبح للفضاء لا أرة أنها تقدم جديداً بل على العكس الفضا مدبوح مش واضحه قوى لأن الفضا واسع ورحب ووصف الذبح له مستحيل لاتساعها فلا يوجد له ممسك
بالفعل الفضا واسع وصفة الذبح له مستحيلة ولكن فضاءك انت ما تراه أنت من الفضا يمن أن يذبح وأنا هنا أعني بالذبح لون الحمرة والتي يصاحب غروب الشمس واليأس وأنا أرى فضائي مذبوحاً سالت دماؤه في وقت الشفق وليس عندي حمرة الشفق سوى اليأس


بين السكوت والبوح

جميل التضاد هنا


تسلم يا غالي






*******

وحشتني يا راجل والله هههههه
فينك وفين غوصك من زمان

حبيبى وشاعرى
انت اللى واحشنى بس لو اتفرغ هاتشوف شغل كويس ان شاء الله

جميله يا أحمد
رائعه كروعتك
تسلم إيديك
تقبل مرورى المتواضع
شكرا لك يا نودا
وشكرا ً لمرورك الرائع:)

رائعة كالعادة كلماتك ، وصادقة أحاسيك
جربي غيري عشان تتذلي



وانا راجع لحبيبتي وضلي



خنتها لكن قلبها قالي
http://m002.maktoob.com/alfrasha/ups/u/27517/31924/398857.gif


مهما تخونِّـي بحبك تاني



هما يومين وتقولي إنساني

http://www.yesmeenah.com/smiles/smiles/50/dear%20%281%29.gif

الله عليك يا مستر احمد ... بجد حضرتك عبقرى بكل معنى الكلمة

امتعتنا بكتاباتك

لك منى اغلى التحيات "

فى حفظ الرحمن ...

أنا عارف انك هتجيني



هتقولي بحبك من تاني
تمتاز بخفة دم واضحه جدا مع إنتقاء الكلمات التى ان تنم فتنم عن حبيب مجروح من حبيبه بس مش قادر على بعده ونفسه يكمل الحكايه تانى..سلم إحساسك :)

استاذ دائما ومبدع ادام الله عليك قلمك واحساسك تقبل تحياتى واحترامى

زمن اللعب معايا اهو ولى


والعاشق اهو فاقلك والله


امشي بعيد احسنلك ولا


ماشاء الله ابداع فى ابداع

سهم انطلق والنوح
شق الفضا المدبوح
بين السكوت والبوح
بين الانهزام والروح


خلصت فيك كل الكلام

إبداع و فن و تميز و رقى و سلاسة

الأستاذ أحمد نجم رائع كالعادة

رائد الابداع السهل الممتنع