Lost_Boy
20-12-2009, 02:18 PM
السلام عليكم .. دى اول مشاركه ليا هنا فى المنتدى و بصراحه المنتدى عاجبنى اوى ... المهم انا فى 2 ثانوى عام . و المفروض يعنى ان شاء الله ادخل هندسه ... المهم مشكلتى الوحيده لحد دلوقتى هيا الكيمياء مش عارف ليه مع انى والله اكتر ماده بذاكرها هيا الماده دى .. الحمد لله انا مش غبى والله ولا حاجه ... المواد التانيه مش بذاكرها اوى و بجيب درجات الحمد لله كويسه .. و بعدين انا اصلا مشكلتى انى مش بعرف اذاكر انا عمرى ما اتعودت انى اذاكر .. انا مش كنت بذاكر اوى وبجيب درجات كويسه . واانا عارف انا لو ذاكرات باذن الله هجيب مجموع كويس .. المشكله بقى انى بذاكر كيمياء كويس اوى وبدخل الامتحان الاقى حاجات مش عارفها .. بعمل كل حاجه وبرده لسه مافيش فايده .. بجد الماده الوحيده اللى حسيت نفسى انى بجد غبى هيا دى .. اى ماده تانيه اذاكرها يوم واحد و اتفرج عليا فيها .. لكن دى مش عارف ليه .. واحد صاحبى قالى ممكن علشان مش عارف اذاكر ماده علميه .. بس انا الحمد لله بفهم و كمان بحفظ شويه . ومشكلتى فى المعادلات بنساها بسرعه .. و بكره عندى امتحان على الباب السادس واانا فى المسائل ابيض .. افهم المسئله كويس اوى اجى بقى اطبق . مش عارف .. والله انا اتخنقت و مش عارف اعمل ايه !!؟؟ معلش انا اسف انى طولت عليكم ....
مروة صلاح عبده
20-12-2009, 07:00 PM
اول حاجة تحمد ربنا علي النعم دي وبعدين تخلي صلتك بربنا قوية وتصلي و تقرا قران .......يعني مش عاوزة اطول عليك حاول تاخد العملية ببساطة و واحدة واحدة مش مهم تاخد وقت طويل في مسالة علي ما تحلها لكن المهم انها لو جتلك مرة تانية انك تحلها وياريت متخفش لان احنا في المرحلة دي بالذات كل المدرسين بتبدا تخلص في المناهج فبنحس ان احنا متبرجلين شوية لكن بعدين في المرجعات هتحس ان الكمياء سهلة خالص .بالتوفيق لينا كلنا ان شاء الله.
Lost_Boy
20-12-2009, 10:34 PM
الحمد لله على كل حاجه ... و شكرا على ردك و ان شاء الله تبقى كل حاجه سهله
one4ever
21-12-2009, 08:15 AM
بص يا صحبى انت تعمل زى العضوة مروه ما بتقول
تانى حاجه يا مان الكيمياء بالذات تاخد الدرس فيها شرح تيجى تبص على الاسئله تلاقى حجات تانيه خالص فانت الحل فى الموضوع دوت انك ماتذكريش كيمياء نظرى ذاكر اسئله على كل وحده ولو انت مثلا قبل امتحان الكييماء بتاعك مسكت مسائل كتاب الوزارة والملخص حلتها هتلاقيها هى الى فى الامتحان بالنص المدرسين مش بتخترع اسئله يعنى
daisy rose
21-12-2009, 08:32 AM
بص انا مش هاقول اكتر من الى زمايانا قالوه (نا الله لايضيع اجر من احسن عملا) وسيبها لله
اما الكيمياء فهى ماده عايزة مجهود وحل والمسائل كلنا لسا مش مظبتينها اوى
وبالتوفيق ان شاء الله
doc_toto
21-12-2009, 09:47 AM
يا جماعة بجد دى مشكلة فعلا ومسائل الباب السادس وخصوصا المعايرة بتلخبط موووت وعلى فكرة اا المدرس بتاعى بيتحدانى انى مش هجيب اكتر من 48 وانانفسى اجيب الفول مارك ادعووووولى
Lost_Boy
21-12-2009, 11:59 AM
مشكووورين على الردود دى يا جماعه و ان شاء الله هعمل زى ما قولتو ... بس يارب
mostafa elghafary
21-12-2009, 07:31 PM
انا بقى ياجماعة مشكلتى الوحيدة هى حفظ المعادلات ياريت حد يقولى احفظها ازاى
ainmo
16-01-2010, 03:43 PM
المشكلة الرئيسية هى الكيمياء لكل طلبة الثانوية العامة
المعادلات بتاعتها مش صعبة اوى انت بس تفهمها كويس وتتعود على كتابتها اكتر من مرة وهتكون سهلة بإذن الله
بس انا عندى مشكلة عويصة مش عارفة اعمل فيها انا بذاكر الكيمياء ممكن بال6 ساعات فى اليوم وبعد مخلص ب نص ساعة كله يتمسح ومفتكرش حاجه
وفى الامتحان اكون مذاكرة كويس القوانين وحلة عليها بس اول ماشوف الاسئلة فى الورقة معرفش احل اى حاجة
سورى طولت عليكم بس نفسى الاقى حل؟
نانسي وسلمي
16-01-2010, 07:56 PM
ع فكرة المعادلات عاوزة حد يفهمهالك كويس لانك لو فهمتها عمرك ماهتنساها فكل واحد يحاول يشوف حد يفهمهالو كويس لاني كنت مع مدرس مكنش بيفهمهالي ومكنتش اعرف حاجة ف المعادلات اما بعد مارحت لمدرس تاني فهمهالي بقيت كويسة فيها