المساعد الشخصي الرقمي

مشاهدة النسخة كاملة : آه منها!!!!

_the_sad_smile_
25-01-2007, 07:32 PM
ازيكم وحمد لله على سلامتى خلصت امتحانات الف مبروك الف مبروك ورجعت لكم بعمل جديد بس انا عايزة اعرف مين هيوصل ويعرف مين هيا (آه منها) اللى يعرف مين هيا قبل ميوصل لنهاية القصيدة؟؟؟؟؟؟؟؟؟؟ياترى مين :rolleyes: ؟؟ عشان كدة لازم وحتما وضرورى هتتقرأ مرتين المرة الاولانية عادى جدا وتعرفوا مين هيا فى الاخر والمرة التانية بعد معرفتوا مين هيا ووعد هتكون القصيدة ليها معنى تانى خالص فى المرة التانية وشكرا اتفضلوا بقى :)




<div align="center">آه منها
شغلتى قلوب ولهيتى كتير
وان ملكك عبد يبقى أمير
ولما سألت زمـــانى عنك
قالى غدر ملــوش كبــير

آه منها
عيونها سود بسواد الليل
خطفت قبلى كتير وقلــيل
ودة مين اللى اقوى منها
ويرفض يبقى ليها قتــيل

قولت يا زمن انت ظالمها
ومحدش قــادر يفهـــمها
ضحك وقالى يا مسكين
وانت اية تعرفة عنــها

قولت لو تسمع ضحكتها
وتعيش تتنفس بسمــتها
طب دة انا حلم عمــرى
انى بس المس ايـــدها

فتحت عينى لقيتها بتقرب منى
بتمد ايدها وعن خوفى بتسالنى
ندانى الزمن يابنى اهرب
قولت لية من المتعة بتحـرمنى

ومشيت معاها وتوهتنى
وبكاس العطش سقتنى
ولما حاولت اهرب منها
لقيت ان الزمن فاتنى

ولما وقعت فى وحدى لقيتنى
بنادى عليها عشان تسندى
ضحكت عليا كتير خدعتنى
وانا الضحية وهيا خانتنى
ضحكت وقالت انا الدنيا
وانت هنا عبد عنــــدى
والمقابل انا مش بتدى
بكيت وندمت وقولت ياريتنى
وبعد اية والزمن فاتنى
دعيت بقلبى يارب ساعدنى
يارب مفيش غيرك ينجدنى</div>
wa_islamah2100
25-01-2007, 07:37 PM
كلام جمييييييييييييل جداا
مع انى انا مليش فى الشعر اووى بس الكلام حلو
شكراا ليكى
مغترب وبس
25-01-2007, 07:48 PM
كلام حلو يا بسمة بس قريتها مرة واحدة بس عشان عرفت المقصود من الاول
بس ظبطيها شوية كمان
_the_sad_smile_
25-01-2007, 07:57 PM
شكرا ابن الخطاب على مرورك
شكرا يا مغترب حاضر هظبطها كمان لو نفع
فتاة_الإسلام
26-01-2007, 03:09 AM
حلوة يا بسمة بس ياريت تصححي الأخطاء الكتابية بدل "ـــ" عملتيها "ت"
وأنا عرفت إنها الدنيا من الأول مش عارفة ليه كنت متوقعة كدة من بداية الشعر..
وشكراً ليكِ :)
_the_sad_smile_
26-01-2007, 01:43 PM
علم وتم التعديل شكرا يا علا
محمد البري
29-01-2007, 01:26 AM
اممممممم من اول بيت عرفت انها الدنيا بجد

بس عاوزه تعديلات كتيرة

مش مركزة اليومين دول خالص يا بسمة :)
_the_sad_smile_
29-01-2007, 01:32 AM
شكرا يا برى
على فكرة انا كتباها من زمااااااااااان اوى من اكتر من شهر وبشكر اوى اوى اوى مسميدو سعدنى فيها كتييييييييييييييييير
هيا كانت اوحش من كدة بمراحل
نهى جلال
29-01-2007, 07:16 PM
جميلة اوي يا بسوم ...
انا برده جالي احساس انها الدنيا من اول ما قريتها ...
ربنا يوفقك يا بسوم :rolleyes:
_the_sad_smile_
02-02-2007, 03:23 AM
شكرا يا نهى على مرورك