مشاهدة النسخة كاملة : لقاء السحاب
ahmed monsif 26-01-2007, 01:29 AM السلام عليكم
انه في يوم تاريخي قام الطبيب الشاب احمد منصف بزيارة لجامعة طنطا للقاءالسحاب مع عميد كلية صيدلة الاستاذ الدكتور
اللي شايل مادتين
محمد البري
وقد كان معه لفيف من اساتذة الجامعة اهم واحد فيهم كلكوول
ووفد رفيع المستوي من جامعة الاسكندرية يراسهم عميد كلية طب اسنان الدكتور اسلام رشوان
وبعد المداولات والمباحثات ومناقشة كيفية النهوض وتطوير المجمع التعليمي بطنطا
وزيارة لجميع كليات المجمع والتجول بساحاته التعليميه وخصوصا تحت الكوبري 00000000؟ فاهمين طبعا
وبعد هذا قمنا بغذاء عمل وفي مطعم فاخر يدعي الطيبات
وعلي حساب الطبيب الشاب احمد منصف الله معاه دلوقت؟
تناولنا وجبة الغذاء في هذا المطعم علي حسابي
وقد كانت 2 بورجر من غير بصل
وتناول كل واحد 2 بورجر بالبصل طبعا لكن اسلام حب يخفف عليا شوية اكل واحد بس
مع انهم قالوا احنا لسة فاطرين0000000000؟ حسبي الله ونعم الوكيل
وبعدين قمنا بالتجوال في مدينة طنطا
وقام ابو الكرم والواجب اسلام بيك رشوان بعزومة الوفد كله علي ايس كريم من عند عبدالفتاح مرزووق
وقد تناولت ايس كريم بالشيكولاته والمانجو مع ملاحظة انه كان بالباسكويت
يعني تعملها 2.5 جنيه متشكرين ياعم اسلام علي الواجب دة
وكنا الصراحة عايزين ندخل سينيما لكن انا كنت مستعجل عندي ميعاد سيبتهم بقي هما يكملوا الرحلة؟
هما يبقوا يكملوا عملوا اية بعدها
The Happy Angel 26-01-2007, 01:34 AM هههههههههههههههههههههههها ايه دا والله المصريين تحف دمهم اخف من السكر ربنا يكرمك فرجت عني الهم شويا
ahmed monsif 26-01-2007, 01:37 AM ايه ياعمي هم ايه بس
ياما دقت علي الراس طبوووول
امال لو شفت البري بقي
مش هاتبطل ضحك
شكرا علي مرورك
wa_islamah2100 26-01-2007, 01:43 AM هههههههههههههههه
مش كنتوا تخدونى معاكم
يبقى فى حد ممثل هندسة الاسكندرية حتى
ahmed monsif 26-01-2007, 01:45 AM والله كنت تنور يا باشمهندس
المرة اللي جاية ان شاء الله
بس ابقي تقل جيبك
لاني الصراحة هاعلن افلاسي خلاص
هههههههههههههههههههههههههه
أسيل رزق 26-01-2007, 02:52 AM ههههههههههههههههههههههههه
حلوة نشرة الاخبار دى
اول مرة اقرا نشرة اخبار وانا ليا نفس(لللاكل مش للقرايه لتفهمونى غلط :P )
والله نفسى اجمع بنات المنتدى واوديهم دمياط امشيهم على الكورنيش بعد ما اتجدد
ويعزمونى زى اسلام كدا على ايس كريم
واقوم انا بدور برى و هوا الاكل وبس :D
شفتوا الدمايطة كرمهم عامل ازاى
ملوووووووووووش حدووووووووووووووووووووووووووود B)
بجد يا بختكم
اكيد كانت فسحة رائعه ;)
The Happy Angel 26-01-2007, 03:02 AM هو ليه البري علي طول متضايق كل لما اكلمه علي التيليفون يقوليه وربنا متضايق يا اما بيلعب فيفا
الاخت اسيل
انتوا ليه مش بتحبوا الاولاد والبنات بتوع المنتدي يتقابلو مش اقصد اختلاط ولكن يعني البنات مع البنات والصبيان مع بعضهم ولا ايه
انا نفسي اشوف المنتدي ايه رايكم اعزمكم علي يوم او يومين في تركيا بجد والله انا مسافر في الاجازه بلدي اسبوع وجي
فتاة_الإسلام 26-01-2007, 03:16 AM أكيد كان يوم جميل دكتور أحمد ((بغض النظر عن التفليس اللي حصل)) :D
بصراحة نشرة أخبار بطريقة جديدة :)
ونفسي فعلاً بنات المنتدى يتجمعوا مع بعض أكيد هتكون مقابلة رائعة هنقدر نتعرف على بعض أكتر.. بس كل واحد ياكل على حسابه أنا مش مستعدة أفلس :rolleyes: :lol:
ولو كان فيه فرصة وأي بنت من بنات المنتدى جت القاهرة تكون فرصة حلوة جداً..
ويارب يجمعنا كلنا على الحب في الله والخير إن شاء الله..
The Happy Angel 26-01-2007, 03:21 AM ما الولاد وحشين
محمد البري 26-01-2007, 02:00 PM :D ههههههههههههههههههههههههههههههههههه :lol:
الله يكسفك يا ميدو يا منصف :(
ال برجر ال يخي اجري :D :lol:
يعم انا كنت هشيل حساب السينما بس الأفلام كانت :( الله يكسفهم :(
المهم والله كان يوم زي العسل بس لولا الباشا مشي بدري كان زمانا كملناه :D
وكلكول التزم الصمت
انا اياك تحكي كنا بنقول ايه
دنا رجلي ورمت يا بو منصف :D :lol:
:D وربنا ليا يومين مش بمشي يلا
المهم يا باشا انه كان يوم مية مية ;)
كلكول 26-01-2007, 02:03 PM ههههههههههههه
انا والله يادكتور مكنتش عايز اكل بس حسيت انك مضايق من الفلوس الى معاك فقولت اساعدك
وبعدين انا مكنتش عارف افتح الكاتشب وكان منظرى زباله .انا دايما بديه للبرى يفتحه هههههههه
انا كنت ناوى اعزمكوا على السينما بس انته كنت عايز تمشى والبرى واسلام مرضيوش يدخلوا وقالو هنروح
بس الصراحه انا رجليا ورمت ودماغى كانت خلاص هتنفجر من الشمس والدنيا كانت زحمه حاجه تخنق
وانا سعيد جدا بمعرفه حضرتك يا دكتور وشكرا على ال2 برجر ومردوده ان شاء الله بس حضرتك تيجى تانى
المهم انا بقى ركبت تاكسى للجلاء وروحت بعد ما حضرتك مشيت
البرى واسلام يكملوا بقى
سلام
ReceptiveGuy 26-01-2007, 02:10 PM أحسن حاجة تتعرف على واحد ع النت وتقضي معاه وقت طويل وبعدين في النهاية تتقابلوا
في الواقع الموضوع أكثر من رائع وانا نفسي مجربها
ربنا يسعدكوا يا رب وتفضلوا أصحاب
وما تنسوش موضوع الشلل وحاولوا تقاوموا وتحافظوا على شلتكم بقى
وبلاش الطفاسة ديه كلها وهاتولي واحد برجر يا بخلا
<
<
<
<<
<
<
<
<<
<<<
<<
<<<<
<
<
<
<
<
<
<<
<
<
<
<
<
<
<
<<
<
<<<
وما تنساش الحاجة الساقعة
_the_sad_smile_ 26-01-2007, 02:14 PM ههههههههههههههههههه فضايح الله بحب اتفرج على الفضايح اوى اية الجمال دة ههههههههههه
تعالى هنا يا اسيل مالها دمياط انشاء الله تعالى انتى بس وانا اوريكى
اسلام رشوان 26-01-2007, 02:16 PM الحقيقة و الله يا ميدو
انه كان يوم جميل قوي بس حصلت حاجة ضايقتني قوي و بلاش كلام عنها خلاص
بس يا جماعة الواد منصف ده واد جامد
مفيش بنت في المجمع متعرفوش :lol: ( راجل خبرة ست سنين كلية :P )
وبمناسبة السينما زي البري ما قال مكنش فيه فيلم عدل
و بالنسبة لموضوع الايس كريم انت اللي قولت انا عاوز بسكوت مش عاوز كباية قولت خلاص الراجل بيوفر
بس انا و البري طبعا اخدنا كباية :lol:
اما المطعم اللي ميدو عزمنا فيه
كان كله بنات حلوين :lol: و اللي يغيظك انهم كلهم يعرفوه و الناس اللي شغالين في المحل كمان يعرفوه :lol: :P
كفاية لغاية كده
عشان اللي بعد كده كله خناقات و زعل :rolleyes:
محمد البري 26-01-2007, 02:21 PM :D يجدعان انا عازم اسلام وكلكول على الفطار :lol:
وكانزات بس كلكول مرضيش لانه كان متدايق
بحب الفانتا تووووووووت قوي :D
المهم هحكي موقف انا وكلكول (محمد ابراهيم ) كنا رايحين نقدم كراسة تدريبات لدكتور الرياضا المهم المكتب في علوم
طلعنا لقينا لجنه
نزلنا تاني قابلنا اتنين صحبنا طلعنا 5 ادوار تاني
ونزلنا بس في موقف غريب
نزلنا نهرش :(
مش عارف الكلية فيها ايه :(
احنا معندناش جرب اي نعم
بس كلية علوم اكيد فيها حاجا بدره زغزغه او بدره عفريت :D :lol:
::::::::::::D يا ميدو يا منصف انا مش عارف الشعب دا كله يعرفك منين :lol:
دنتا محتل المجمع يعم :(
اسلام رشوان 26-01-2007, 02:25 PM ههههههههههههههههههههههههههههههههههههههههههه
اه و الله يا محمد
مش عارف احنا اول ما نزلنا من كلية علوم دي
قلعت البلوفر و شمرت القميص
و مش عارف هو احنا كنا عاوزين نهرش ليه كلنا :lol: :lol:
كلكول 26-01-2007, 02:25 PM فضحت الراجل منك لله
ههههههههههههههه
اما يابرى انا التزمت الصمت لان كان نفسى اسلم كتاب الاحصا منهم لله بتوع علوم
طلعنا الدور الخامس بتاع 4 مرات حاجه تخنق.وكمان بيبصولنا بقرف كاننا جايين نشحت منهم
على العموم ماعلينا وماتنسوش ياجماعه الحجات الى كانت بتقرص فى علوم دى ههههههههههههههه كليه دى ولا ايه مش عارف
وكمان انا نايم الساعه 4.5 الفجر وصاحى الساعه 8 ومتخاااااااااااااانق ع الصبح
بلاش احكى الخناقه بقى
على العموم انا كنت فرحان اوى والله بمعرفه الدكتور احمد والدكتور اسلام بس معلشى تتعوض والله
اعذروووووونى يا جماعه بليز
سلام
عبد اللطيف 26-01-2007, 02:56 PM طبعا انا كنت مدعو للاجتماع التاريخى
بس كنت مسافر
معلش خيرها فى غيرها
ahmed monsif 26-01-2007, 04:49 PM شئ عظيم شئ جميل
بقي انا اللي المجمع كله يعرفني
هانصيح لبعض يابري انت واسلام ماشي ماشي
ومحمد اللي بيقول سعيد بمعرفتي انا اسعد والله بس واضح ان الشمس كانت حامية جدا
ومكانش ليكم نفس خالص انت والبري
دة كان بيقوي عايز فانتا توووت اجيبهاله من اين دة بس
علي العموم كان يوم جميل والاجمل اللي اسلام والبري عارفينه ؟
مش هاقول خليه سر هههههههههههههههههه
momi1985 26-01-2007, 05:13 PM ازيكم يا شباب
انا عارف طبعا اليوم كان ممتع اد ايه لاني مجربه تقريبا 3 مرات قبل كدة :)
والبري قالي بس انا والله كنت مشغول جدا في الشغل لاني برجع من مصر حوالي الساعة 10 او 11 بالليل :D
بس باذن الله لينا لقاء تاني عشان اتعرف على منصف وكلكول لاني عارف البري واسلام ;)
وباذن الله يكون معانا ميدو msamido بعد ما يطلع من الجيش :(
واشوفكم على خير ان شاء الله
تحياني
:) :)
نغم البحر 26-01-2007, 05:25 PM اشطة ع الفضايح
بقى كل ده عشان اتقابلتو طب منا شفت اسلام ولففته المجمع وطلعته قسم الاثار عندنا طلع 4 ادوار يا عينى
ههههههههههههههههههههههه
يا ابنى مكنتوش طلبتو برجر كنتو طلبتوا فول ولا مشيتو خفيف بدال الفضايح دى
ahmed monsif 26-01-2007, 05:33 PM تقولي ايه بقي يااحلام
حبيت اعمل فيها المعلم عاشوور
وجت علي دماغي في الاخر
كلكول 26-01-2007, 05:40 PM ههههههههههه
والله انته الى جبته لنفسك وعملت فيها الكبير
خلاص ياعم ادفع بقى ههههههه
مكناش مشيناها انجليزى احسن؟
محمد البري 26-01-2007, 07:13 PM هههههههههههههههههههههههههههههههههههههههههه :D :lol:
مش انا اللي كنت هدفع وانتا مرضتش يعم انتا حر
:( بقولك ايه يا احلام بطلي فوووووووووووووووووول مين
الفول دا ليكي يا احلام :P :lol;
:D دنتي معزمتيش اسلام على كوبايه مايا مش سندوشت فوووول :D :lol:
وجيبالو كركديه ليه يختي شايفه الوااد ضغطه عالي :lol: :D
اه صحيح دنا نسيت انك تعلي ضغط بلد بحالها :D :lol:
منصف :0
استر عليا الله يستر عليك :(
اسلام رشوان 26-01-2007, 07:32 PM عموما يا عم احمد يا منصف
بس طلب بسيط
ابقي سلملي علي كلية طب الاسنان :P :P
و متنساش اللي قولتلك عليه
لازم اعرف قبلها بمدة
و بعدين يا ست احلام :D
ينفع التسييح ده قدام الناس
ماشي نتحاسب بعدين
و انت اصلا فين من زمان
و غيرتي الايميلات و لا لسه
فهماني طبعا :P :P
The Happy Angel 26-01-2007, 07:59 PM يا ه مساميدو في الجيش ربنا معاه انا هستني منك كل جديد منه اوك باااااااي
ahmed monsif 26-01-2007, 09:30 PM ايه ياعم البري
كنت كلت ولا ماكالتش وقال اية كان عايز يتخانق مع الجارسون علشان عايز يغير محطة الاغاني مش عاجباه
وبالنسبة لاسلام رشوان قفل يا اسلام احسن مانفتح في مواضيع قصيرة قصيرة
اما بقي بالنسبة لفوول احلام دة يبقي احلي فول بس تيجي عندنا المحلة لاني مش باكل فول غير في مطعم واحد بس
اكيد كل المحلاوية عارفينه
اسلام رشوان 26-01-2007, 09:43 PM منصف بطل عشان منزعلش مع بعض
ما زي ما انت تعرف اسراري
انا كمان اعرف بلاوي عنك
ahmed monsif 26-01-2007, 09:50 PM اسلام رشوان طبعا عمره مايزعل مني
وطبعا هو مايعرفش عني حاجة لاني الحمد لله ماعنديش بلاوي ولا حاجة
وبس هو بيحب يهزر
صح يااسلام
المجاهد فى سبيل الله 26-01-2007, 11:10 PM السلام عليكم ورحمة الله وبركاته
ايه يا عم الفاضايح دى
هما ما شفهمش وهما بيسرقو شافوهم وهما بيتحسبو ولا ايه
ليه الفاضيح دى يا اخ احمد انته بتزلهم يعنى ولا ايه(بهدى النفوس )
يعنى علشان البرى كل وخلاص ومدفعش حاجه وكل ايس كريم كمان بلوشى ايه كان تبع المعازيم ولا ايه
سمحونى يا جماعه بس دى الحقيقه ولابد من وقفه على كده ازاى يعنى انتم تعزموه وهو ميعزمكوش انتم لازم تتقبلو تانى والعزومه كلها تبقى على البرى
ملحوظه (اصلى بحبك يا برى)
محمد البري 27-01-2007, 01:10 AM يعم ولا يهمني والله لو طلت أعزم الموقع كله يشرفوا :)
المهم بس انا كنت عاوز اقول ايه :(
ايوووووه افتكرت
احمد منصف كاتب في وصف الموضوع شفت البري انهارده
محسسني انك قابلت البرت اينشتاين :D :lol:
ولا كائن من كويكوب أخر
بس كان يوم جميل يوم معقول مقدرش اقول حاجا عنه
فاكر لما عدينا من على الزوو يا بو منصف قولتلك ايه :D :lol:
ولا الحج اللي اتبعت في علبه السجاير :D :lol:
ههههههههههههههههههههههههههههههه حرام عليك وجعت بطني
انا نازل طنطا انهاردة تاني عشان اسلم الكراسة الشؤوم :(
مـــــــــازن 27-01-2007, 01:42 AM <div align="center">انا والله داخل ارد عالموضوع الجميل ده ...
والبرى برضه واسلام قالولى ان اجمل حاجة فى اليوم انهم قابلوك يا دكتور ...
بس انا كمان والله فى اليوم ده كنت فى طنطا ... انا وتيتو صاحبى ... كنا بنشترى حاجات ...
وفضلنا فترة طويله فى طنطا
والمفروض انى اتصل بكلكول عشان نتقابل ... بس قولت بلاش عشان حصلت حركة ندالة جامده مووووووت
وملهاش لزمة الفضايح بقى ...
وانا زعلان اصلا ... بس يلا بقى هنقول ايه ...
والبرو يا جماعة هيعزمكو الترم التانى ( كان عاملها مفاجاءة ) ... هههههههههههههههههههههههه
:rolleyes: ** اطلع منها بقى يا برو ** :rolleyes: </div>
نسمة اشرف 27-01-2007, 02:02 AM الله جميل اوي موضوع ان الاصدقاء يتقابلوا ويقضوا يوم جميل مع بعض .
انا برضه ليا صحاب من هنا ويمكن اقرب اصدقاء ليا وهم اللي عرفوني على المنتدى .
بس ياريت تحافظوا على صداقتكم دي علطول .
ahmed monsif 27-01-2007, 04:05 PM السلام عليكم
انا طبعا سعيد بلقاء حبايبي اسلام ومحمد البري وكلكول
وكنت اتمني فعلا اني اقابل اكبر عدد من اصدقائنا علي المنتدي
بس طبعا مش هاعزمهم كلهم
ولا اقولكم ان شاء الله لما نتيجتي تبان هاعمل صوان في الكلية ونكتب عليه اعضاء منتدي الثانوية
ونعمل عزومة كبيرة بجد
واللي عايز يجي يجي كي نحتفل بتخريج اول طبيب من المنتدي ان شاء الله
وعلي حسابي ياجماعة ماتزعلوش
وشكرا لكل من قرا الموضوع
|