راتب المعلم الساعد بعد كل الزيادات [الأرشيف] - بوابة الثانوية العامة المصرية

مشاهدة النسخة كاملة : راتب المعلم الساعد بعد كل الزيادات

mikeadam

27-12-2009, 09:46 PM

بالله عليكم الى من يعرف بالضبط فليشرح انا راتبى 312 الان هل ستكون
312 + 80 كادر + 33 او 37 تذكرة بدل نفدى +30 ج حوافز السنة القادمة - وهنا الاختلاف --------- + هنا المشكله حوالى 45 جنيه مربوط الدرجة الثالثة ؟
والله هوه كان المفروض فى كلام من فترة طويله قاله احد موجهى الاقسام انه المفروض هيبقى 530 جنيه / بس ده طبعا رقم كبير شوية على شغل سنتين /يعنى زيادة تصل ال 200 جنيه فأكيد مستحيل - بس هوه المفروض انه يعدى ال 450 فارجو التفاعل

ارجو الايضاح لمن له دراية حقيقية وشكرا جدا للجميع

احمدوزه

27-12-2009, 11:04 PM

والله معتقدتش انها هتكون زيادة كبيرة هما كام جنيه ده لو اصلا مطلعوناش باى حجه من التعاقد

mikeadam

28-12-2009, 12:39 AM

انا متأكد انها هتعدى ال 400 جنيه

تيتو82

28-12-2009, 02:10 PM

ياجماعة قاعدين تقولو 400 او 500 جنية شوفو الشباب اللى متعين فى البترول او المياة او الكهرباء او الضرائب العامة بيخدوا كام ادعوا ناخد ولو حتى زيهم علشان نعرف نتجوز ونفتح بيت

أ\سلوي

28-12-2009, 03:38 PM

امبن يا رب العالمين

اليوسفي

28-12-2009, 03:49 PM

هو المدرس فى سوهاج تعيين 2004 مرتب صافى و لة تذكرة بدل نقدي و احدة 490 جنيه

Samar Essam

28-12-2009, 04:23 PM

الأسوء مش في بكره بس .. انهارده كان القبض و لاقيته 266 جنيه و الباقي فين؟؟؟؟؟؟؟؟؟
السكرتيرة بتقول فيه حاجات كنتم بتاخدوها منغير وجه حق ..بالزمة ده كلام؟

وليد سرحان

28-12-2009, 04:23 PM

أنا من سوهاج متعاقد مرتبي 339 جنيه كله علي بعضه ولو علي افتارض 70 كادر فقط حد ادني + 35 بدل نقدي يعني حوالي 450 جنيه
آمين يارب

زوزو وزهراء

28-12-2009, 04:48 PM

ربنا يسمع منكم خلونا نعرف نعيش زي بقيت الناس
على فكرة هما مش كتير بالنسبة للحياة الصعبة اللي بنعيشها

shima sayed

28-12-2009, 11:41 PM

أي زيادة تيجي المهم بس يكون في فعلا زيادة بس أعتقد أنه أكيد المرتب حيعدي ال 400

mikeadam

28-12-2009, 11:45 PM

اكيد هيعدى ال 400

kanarylove27

28-12-2009, 11:52 PM

يا رب المرتب يزيد يااااااااااااااااااااااااااارب
خلوا بالكوا الحكومة بتاعتنا واخدة دكتوراة فى الاستقطاعات

ا/توفيق عزت

29-12-2009, 12:16 AM

ا/توفيق عزت

29-12-2009, 12:24 AM

http://www.4shared.com/file/87266340/c671d764/shere_baladna_amanaaa.html

مدرس اللغة

29-12-2009, 02:02 PM

السلام عليكم اخوى تيتو وابو القسام واختى زوزو وسلوى والاستاذ توفيق طبعا انتم شايفين ال400ولا500ولا700ولا1200حكاية طبعا يااخوانى من حقكم انتم معزورون لانكم شايفينها اعلى مرتبات فى التعليم ونسيين الفلوس الكنتم تاخذوها فى ايام الجامعة نسيين لما كنت تدفع الدروس الخصوصية ايام الثانوية العامة نسيين فلوس السكن الكنتم جالسين فيه منحقكم تنسون لانكم فى ظل حكم ديمقراطى ماتقدرون تطالبون بحقوقكم على العموم انا كنت متعاقد مثل حضرتكم وكرهت التعاقد وكرهت البلد وسافرت على السعودية وانا طبعا من اوائل الدفعة فى كلية اللغة العربية بالازهر وبعد ما تخرجت وتعاقدت سنة ولقيت موضوع التعاقد مماطلة تركته وسافرت وحتى كرهت اليوم اللى اكملت فيه تعليمى

vip_ame

29-12-2009, 02:04 PM

طب سؤال احنا فى مفردات مرتبنا فيه 50% بدل معلم

هل دى تبع الكاد ولا حاجه تانية؟

mikeadam

29-12-2009, 08:51 PM

والله يا استاذ توفيق ربنا معاك ويكرمك ان شاء الله

تيتو82

29-12-2009, 11:12 PM

رسالة للاستاذة سلوى ..ممكن تردى على فيها بصراحة...انت مدرسة رياض اطفال؟؟؟؟؟؟؟

أستاذ السيد على

30-12-2009, 12:16 AM

الصبر يارب صبرنا

AlaaElden

30-12-2009, 01:36 AM

كيلو اللحمة 42 جنية

AlaaElden

30-12-2009, 01:42 AM

على فكرة ال50% من الاساس القديم مش الجديد

العروبة2

30-12-2009, 05:08 AM

من كتر الكلام عن الدنيا اصبحت في قلوبنا

كفاية كلام عن الدنيا ومشاكلها الواحد زهق وقرف سمحوني .
اتكلم شوية عن اللي خلقنا ورزقنا وعطنا نعم كتيييييييييييييير ونسينه بالحمد والشكر
" لأسلطن عليه الدنيا ....." هو دا حالنا إذا لم نرجع للي خلقنا سبحانه وتعالى
أنا أول مقصر بس نخليه أول صوت ينادي ويقول يا رب ارحمنا ويسر لنا أمورنا واقضي لنا حوائجنا وارفع عنا الغم والهم والكرب العظيم ....... يا رب يا ملكنا يا رازقنا ............
يا رب مالناش غيرك ........... يا رب والله مالناش غيرك يا رب

ابو ايه255

30-12-2009, 05:50 PM

:giljotiiniug3:

مدرس اللغة

30-12-2009, 06:49 PM

انابصراحة سمعت خبر بس مش عارف مدى صحته بيقولوا راح يكون الحد الادنى للمعلم 1000الف جنيه ياترى الخبر صحيح ولا اشاعة بس فى بداية الفترة الرئاسية القادمة ياليت تبلغونى على صحت الخبر

mikeadam

30-12-2009, 10:33 PM

مستحيل لان ده سوف يتطلب ميزانية جبارة محتاجين 100 ضرايب علشان يجمعوها ههههههههههه + تخيلا لو انه صحيح يبقى بقيت الوزارات هتفنح بقها على الاخر وتخرب الدنيا وتقول اشمعنى ! وبعدين احنا نسينا السرقة والاستقطاعات ----------- بس هو ممكن يحصل ده وفى الميعاد ده بالتحديد اذا جمال ال اترشح لان عدد موظفى الحكومه 6 مليون موزعين على 18 وزارة تخيلو ان نصيب الاسد منهم المعلمين ال معديين مليون وخمسين الف / فدول لما يتراضوا هيعدوا اصوات فى صناديق الانتخاب للصبح مع انهم مش محتاجين وكده كده ---------------- يلا كسبان كسبان

ا/توفيق عزت

30-12-2009, 11:49 PM

انابصراحة سمعت خبر بس مش عارف مدى صحته بيقولوا راح يكون الحد الادنى للمعلم 1000الف جنيه ياترى الخبر صحيح ولا اشاعة بس فى بداية الفترة الرئاسية القادمة ياليت تبلغونى على صحت الخبر

مستحيل لان ده سوف يتطلب ميزانية جبارة محتاجين 100 ضرايب علشان يجمعوها ههههههههههه + تخيلا لو انه صحيح يبقى بقيت الوزارات هتفنح بقها على الاخر وتخرب الدنيا وتقول اشمعنى ! وبعدين احنا نسينا السرقة والاستقطاعات ----------- بس هو ممكن يحصل ده وفى الميعاد ده بالتحديد اذا جمال ال اترشح لان عدد موظفى الحكومه 6 مليون موزعين على 18 وزارة تخيلو ان نصيب الاسد منهم المعلمين ال معديين مليون وخمسين الف / فدول لما يتراضوا هيعدوا اصوات فى صناديق الانتخاب للصبح مع انهم مش محتاجين وكده كده ---------------- يلا كسبان كسبان
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــ
بالعكس يا اساتذة
الحد الادنى لو 1000 جنيه ...... معناها ان المتوسط حوالى 1500 جنيه
لجميع موظفى مصر و ايس المدرسين فقط
عددهم حوالى 5 مليون موظف
نحتاج بذلك فى الشهر 5 مليون فى 1500 = 8 مليار جنبه تقريبا
فى السنة 8 مليار فى 12 = 96 مليار جنيه
دخل الحكومة السنوى طبقا للميزانية التى تقدمها لمجلس الشعب حوالى 260 مليار جنيه سنويا
مشروعات المباه البايظة بتاعة الفشل الكلوى و فيروسات الكبد و مشروعات الصرف التى لا تعمل حتى الآن و قد بدأ تنفيذه من 20 سنة ( 1990 ) و الدعم الذى لا يذهب لمستحقيه
و مشروعات و مشتريات و مدفوعات الفيفتى فيفتى
160 مليار
يتبقى 100 مليار للمرتبات لتاعة الموظفين ( و ما لكش دعوة بالمعاشات لانها ليها موال تانى )
عاوزين 96 مليار فقط
اهدمها عليهم يارب

mikeadam

31-12-2009, 12:28 AM

اهدمها عليهم يارب
يسمع منك ربنا والله استاذ بمعنى الكلمة وياريت الناس كلها فاهمة بدقة زى حضرتك وبأكون سعيد بمشاركاتك استاذنا العزيز ولن انسى فضلك بامتحانات الكادر التى ذاكرتها جيدا واتى منها الامتحان يوم 20/11 الماضى فعلا شكرا

ايهاب العراقى

31-12-2009, 11:42 AM

530 جنيه !!!!!!!!!!!!!!!!!!!!
فيه ناس شباب معايا تعيين 2004 تعيين تعييييييييين ..........مرتبه 475 بيقبض فى الشهر!!!!!!!!!!!!!
معقولة الاحدث يكون اكتر ؟؟؟؟؟؟؟؟؟؟؟؟؟؟؟؟
انا تعيين 1/12/1984 من 25 سنة ... و مرتبى + الكادر = 1200 جنيه
ايجار الشقة = 350 جنيه
بنتى فى كلية عملية
ابنى فى معهد خاص
ابنى فى 2 ابتدائى
ليس لى اى مصدر رزق ........ لا دروس ..... و ليس عندى اى ممتلكات من اى نوع ............ مرتبى فقط لا غير
احسبها معايا ......... يمكن اكون ضعفت فى الحساب
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
اهدمها عليهم يا رب

استاذى العزيز توفيق انا لو مكان حضرتك اكيد مش هرحم نفسى من الدروس

على فكره انا مكنشى نصابى مكمل ال 21 حصه فرحت طلبت انى اكمل جدولى و اشتغل عربى الصف الرابع و بالفعل اديت دروس مع ان تخصصى تربيه رياضيه - " العاب " يعنى زى ما بيقولوا

بس كانت خطوه جميله و لاول مره اندم انى دخلت هذه الكليه يارتنى كنت دخلت اداب او اى حاجه تطلعنى مدرس مادة

بس للاسف هى الى كانت بتعين ايامها و كانت كل اهتمامى للتعين

مدرس اللغة

31-12-2009, 05:48 PM

انا كنت عارف انه اكيد ده اشاعات واخبار لاتغنى ولا تسمن من جوع على العموم صاحبك لس عايش وربنا يطول فى عمره ويخرب بيت اللى يفكر يجلس مكانه وهو عايش وربك يسهل ويحل العقد ويلطف بعباده بس بصراحة اعجبت بالاستاذ توفيق لانه بصراحة كميائى بارع ومحلل اقتصادى مرن يلا على العموم ما فيه احد بتقدر الزمن ده ولو كل الناس زى الاستاذ توفيق ماكان احد يسكت 00000

صبرى الشريف

31-12-2009, 08:24 PM

سبحان الله وبحمده ... سبحان الله العظيم ... سبحان الله .. والحمد لله ... ولا إله إلا الله .... والله أكبر .... ولا حول ولا قوة إلا بالله