اخوانى الاعزاء :
هيا نتحد لرفع قضية لتغيير المسمى الوظيفى من مدرس ابتدائى الى معلم ( ..... ) تعليم اساسى . و ذلك لان موهلنا تعليم اساسى اى ابتدائى و اعدداى و قانون الكادر 155 ينص انه يتم الانتقال بين المراحل و فق للمؤهل بعد اجتياز الاختبار . فمن يريد الانضمام لهذه الحملة يتواصل معى على الايميل usamahakeem *********** و لكم الشكر .

تم ذلك بالفعل فى بعض الجامعات
وقد رأيت بعينى
امكانية تغيير شهادة المؤهل وذلك بعد استبدال تعليم ابتدائى بـ تعليم اساسى
كما ان العبرة الآن بالعمل القائم به وعلى اساسه يتحدد دخول الكادر والتثبيت وليس المؤهل

ياعم مش فارقة شىء هو ابتدائى ولااعدادى مش الراتب واحد بل بالعكس بتاع الابتدائى لابيذاكر ولاحاجة علشان العيال صغيرين مش هيسئلوا ولا حاجة لكن الاعدادى ممكن اى عيل يسئل اى سؤال وانت مش عارف يعنى ابتدائى من غير وجع دماغ حتى الموجه فى الاعدادى بيتفذلك عليك لكن الابتدائى راحة

كلوا محصل بعضه

وقيمةُ المرءِ ما قد كانَ يحســنُهُ
والجاهلــون لأهلِ العلمِ أعـــداء

ارى الكثير من التشاؤم و الاحباط
لماذا كل هذا يا معلمى مصر ؟

ياعم احمد ربنا دا فى ناس تربية عام بتقدير جيد جدا شغالة مدرسين فصل

فعلا أنا تربية عام بتقدير جيد جدا

وأعمل مدرس لغة عربية ابتدائى

ياجماعة مبقاش في فرق من بعض ما عينوا اوائل الدفعات كلهم مدرسين ابتدائي خلاص النظرة بتاعة ابتدائي واعدادي مبئتش موجودة
ده في ناس معاهم ماجيستير ودكتوراة وبيدرسوا في ابتدائي والله

يعنى انتم شايفين اننا ندرس طول عمرنا قى ابتدائى و نسلم بالامر الواقع و بلاش نحسن من مستوانا المهنى مش عارف اقول ايه و لكنى ساستمر ان شاء الله الى ان وفقى الله و اغير المسمى الوظيفى

الازهر بيعين الناس فى الابتدائى الاول وبعدين يكملوا فى بقية المراحل ولو أننى أرى من يعمل فى الابتدائى يكون أعلى مؤهلا وأكثر دراية بالتربية لأنه هو الأساس إذا كان الأساس سليم ارتفع البنيان بقوة وصلابة وإذا كان غير ذلك فلن يرتفع البنيان فى الدولة المتمدنة
كل المدرسين بيتخرجوا فى مستوى علمى واحد والذى يريد أن يدرس فى الابتدائى يحصل على درجات علمية خاصة أما عندنا فى مصر فالعكس تماما

التعليم الابتدائى افضلك تكون فيه