The_Relativistic200
29-01-2007, 08:13 AM
بسم الله
اول حاجة عشان برضو حبايبنا الحلوين يعرفوا
يمكن حد هيقوللى مين السفاح ده
السفاح دى واحد متخلف عقليا او مريض نفسيا
جنبنا فى المعادى .....القاهرة
وظيفة هذا الشخص حاليا فى الحياة تعوير البنات و احتمال ******(معتقدش هو بيقتل علطول) والله اعلم
وطبعا اهل المعادى كلهم خايفين على بناتهم اكيد
والقضية منتشرة بقالها ييجى اسبوعين واحتمال تلاتة
والله ما بقيت فاكر
وكل يوم....السفاح .....السفاح .......السفاح
وكل اب دلوقتى يمشى ناقص يخبى بنته جوا القميص بتاعه يا عينى
وطبعا اهنئ مباحث امن الدولة وجهاز الشرطة على دورهم الروعة فى حل المشكلة
ادى ذلك الى:-
1) البنات بقت تشيل مطاوى
2) مراكز الرياضات العنيفة سجلت نسبة اعلى فى التحاق البنات وطبعا للدفاع عن النفس نظرا لعدم وجود
رجالة للدفاع عنهم
وخاصة ان بعضهم بيجرى وانا منهم
3) اصبح البنات يمشون فى حراسة المخبرين(ومحدش يعرف حاجة)
4) السفاح حديث الشارع والناس يتحدثون يوميا عنه وعن اعماله واكتظ الحى بالشائعات
فهاجم ابنة اللواءء فلان وابن علان وقد يكونوا ليس لديهم اولاد ولا بنات اساسا
5) اصبح الناس يستعملون الجنازير وزيد عدد الاقفال على بوابة كل منزل اتقاء لشره
ده الحال حاليا فى المعادى
وهاكم احدى النتائج المترتبة على هذا :-(مقتطفات من احدى الصحف)
'ايمان'.. سيدة مصرية تقطن احدي ضواحي المعادي.. هالها كم الجرائم.. والشائعات المصاحبة لعمليات سفاح المعادي الخاطفة.. تملكها الرعب.. وراحت حالة من القلق النفسي والعصبي تتغلغل بداخلها.. اجرت اتصالا بزوجها المهندس الذي يعمل في احد البلدان الاوربية.. طالبته بسرعة العودة لحمايتها هي وطفلها وشقيقتها من جرائم السفاح .. وحين تعذر عليه الأمر لارتباطات ملحة بعمله.. طالبته بتوفير طبنجة خاصة.. تدافع بها عن نفسها وطفلها وشقيقتها اذا ما قرر السفاح مهاجمتهم.
طفل صغير لا يتجاوز عمره السبع سنوات .. سأل والدته والرعب يتملكه: لماذا لدينا اخت بنت، ولم نكن كلنا أولادا؟.. سألته الأم في هدوء: ألا تحب أختك؟.. أجابها ببراءة الأطفال: احبها ولكن أخاف عليها من السفاح.. مكنتش عاوزها تكون 'بنت' علشان ميقتلهاش!!
================================================== ==============
من المتوقع، وكما هو معتاد في مثل هذه الاعمال الاجرامية أن يبتعد مثل هذا السفاح عن موقع الجريمة التي ارتكبها، وأن يحاول تغيير مجال ارتكابه لجرائمه، خاصة ان الكثير من الشهود والضحايا شاهدوا ملامحه، غير ان ما حدث من السفاح كان شيئا مغايرا لكل الحقائق ومتجاوزا لكل الحدود.
ففي ظهر يوم الجمعة قبل الماضي، وبينما كانت المساجد تكتظ بالمصلين في صلاة الجمعة، وفيما كانت المساكن شبه فارغة من الرجال.. كان السفاح يستغل مثل هذا الوقت، ويتسلل الي ذات المنطقة، بل إلي نفس الشارع الضيق المكتظ بالبشر، وهو شارع المهندس نبيل المتفرع من شارع احمد عبد العزيز بمنطقة عرب المعادي.
وكأن السفاح اراد أن يعلن تحديه لرجالات الأمن، وللمواطنين، والأهالي من سكان المنطقة، وكأنه اراد أن يثبت لضحاياه التزامه بكل ما قاله حين اكد لهم وهو يولي هاربا بعد اعتدائه عليهم 'انه سيعود إليهم ثانية'.. وها قد صدق وعده.. وعاد إلي نفس المكان..بل ونفس الموقع، والشارع.. بل والادهي.. في اقل من يومين من آخر جريمة ارتكبها في هذا الشارع.
================================================== ==============
http://www.egyblogs.com/Haridy/ma3ady.jpg
وطبعا لغاية دلوقتى مسمعناش عن انهم قبضوا عليه
يمكن اخر حاجة كانت انهم قبضوا على 15 واحد مشتبه فيهم(((يا حلاوة....)))
وطبعا احد الاحياء تعيش حالة من الذعر تمام......
ربنا يطول فى اعمارنا ونسمع انهم قبضوا عليه
ويطلع هو اللى قتل جون كنيدى
.....و سرق الهرم الرابع
وكان السبب الاكبر فى زلزال اكتوبر
وقطار العياط
وفجر طابا واحتمال يكون فى مخطط لقلب النظام
انا بقى نفسى اعرف سؤال واحد بس........
لرجال الشرطة ربنا يكرمكم يارب..
هو السفاح ده ادهم صبرى ....ولا فان دام
ولا جيمس بوند
ولا بيتنكر فى شكل سحالى ولا ايه بالظبط...؟؟؟؟
ودمتم :)
اول حاجة عشان برضو حبايبنا الحلوين يعرفوا
يمكن حد هيقوللى مين السفاح ده
السفاح دى واحد متخلف عقليا او مريض نفسيا
جنبنا فى المعادى .....القاهرة
وظيفة هذا الشخص حاليا فى الحياة تعوير البنات و احتمال ******(معتقدش هو بيقتل علطول) والله اعلم
وطبعا اهل المعادى كلهم خايفين على بناتهم اكيد
والقضية منتشرة بقالها ييجى اسبوعين واحتمال تلاتة
والله ما بقيت فاكر
وكل يوم....السفاح .....السفاح .......السفاح
وكل اب دلوقتى يمشى ناقص يخبى بنته جوا القميص بتاعه يا عينى
وطبعا اهنئ مباحث امن الدولة وجهاز الشرطة على دورهم الروعة فى حل المشكلة
ادى ذلك الى:-
1) البنات بقت تشيل مطاوى
2) مراكز الرياضات العنيفة سجلت نسبة اعلى فى التحاق البنات وطبعا للدفاع عن النفس نظرا لعدم وجود
رجالة للدفاع عنهم
وخاصة ان بعضهم بيجرى وانا منهم
3) اصبح البنات يمشون فى حراسة المخبرين(ومحدش يعرف حاجة)
4) السفاح حديث الشارع والناس يتحدثون يوميا عنه وعن اعماله واكتظ الحى بالشائعات
فهاجم ابنة اللواءء فلان وابن علان وقد يكونوا ليس لديهم اولاد ولا بنات اساسا
5) اصبح الناس يستعملون الجنازير وزيد عدد الاقفال على بوابة كل منزل اتقاء لشره
ده الحال حاليا فى المعادى
وهاكم احدى النتائج المترتبة على هذا :-(مقتطفات من احدى الصحف)
'ايمان'.. سيدة مصرية تقطن احدي ضواحي المعادي.. هالها كم الجرائم.. والشائعات المصاحبة لعمليات سفاح المعادي الخاطفة.. تملكها الرعب.. وراحت حالة من القلق النفسي والعصبي تتغلغل بداخلها.. اجرت اتصالا بزوجها المهندس الذي يعمل في احد البلدان الاوربية.. طالبته بسرعة العودة لحمايتها هي وطفلها وشقيقتها من جرائم السفاح .. وحين تعذر عليه الأمر لارتباطات ملحة بعمله.. طالبته بتوفير طبنجة خاصة.. تدافع بها عن نفسها وطفلها وشقيقتها اذا ما قرر السفاح مهاجمتهم.
طفل صغير لا يتجاوز عمره السبع سنوات .. سأل والدته والرعب يتملكه: لماذا لدينا اخت بنت، ولم نكن كلنا أولادا؟.. سألته الأم في هدوء: ألا تحب أختك؟.. أجابها ببراءة الأطفال: احبها ولكن أخاف عليها من السفاح.. مكنتش عاوزها تكون 'بنت' علشان ميقتلهاش!!
================================================== ==============
من المتوقع، وكما هو معتاد في مثل هذه الاعمال الاجرامية أن يبتعد مثل هذا السفاح عن موقع الجريمة التي ارتكبها، وأن يحاول تغيير مجال ارتكابه لجرائمه، خاصة ان الكثير من الشهود والضحايا شاهدوا ملامحه، غير ان ما حدث من السفاح كان شيئا مغايرا لكل الحقائق ومتجاوزا لكل الحدود.
ففي ظهر يوم الجمعة قبل الماضي، وبينما كانت المساجد تكتظ بالمصلين في صلاة الجمعة، وفيما كانت المساكن شبه فارغة من الرجال.. كان السفاح يستغل مثل هذا الوقت، ويتسلل الي ذات المنطقة، بل إلي نفس الشارع الضيق المكتظ بالبشر، وهو شارع المهندس نبيل المتفرع من شارع احمد عبد العزيز بمنطقة عرب المعادي.
وكأن السفاح اراد أن يعلن تحديه لرجالات الأمن، وللمواطنين، والأهالي من سكان المنطقة، وكأنه اراد أن يثبت لضحاياه التزامه بكل ما قاله حين اكد لهم وهو يولي هاربا بعد اعتدائه عليهم 'انه سيعود إليهم ثانية'.. وها قد صدق وعده.. وعاد إلي نفس المكان..بل ونفس الموقع، والشارع.. بل والادهي.. في اقل من يومين من آخر جريمة ارتكبها في هذا الشارع.
================================================== ==============
http://www.egyblogs.com/Haridy/ma3ady.jpg
وطبعا لغاية دلوقتى مسمعناش عن انهم قبضوا عليه
يمكن اخر حاجة كانت انهم قبضوا على 15 واحد مشتبه فيهم(((يا حلاوة....)))
وطبعا احد الاحياء تعيش حالة من الذعر تمام......
ربنا يطول فى اعمارنا ونسمع انهم قبضوا عليه
ويطلع هو اللى قتل جون كنيدى
.....و سرق الهرم الرابع
وكان السبب الاكبر فى زلزال اكتوبر
وقطار العياط
وفجر طابا واحتمال يكون فى مخطط لقلب النظام
انا بقى نفسى اعرف سؤال واحد بس........
لرجال الشرطة ربنا يكرمكم يارب..
هو السفاح ده ادهم صبرى ....ولا فان دام
ولا جيمس بوند
ولا بيتنكر فى شكل سحالى ولا ايه بالظبط...؟؟؟؟
ودمتم :)