بسم الله الرحمن الرحيم ....


حقيقة أصبح يثيرني كثيراً موضوع الجدار الفولاذي الجديد
واصبح حماية الحدود السياسية مبرراً غير كافي لبنائه

من المفروف أن الجدار بدأ بنائه في الآونة الأخيرة بشكل سري قليلاً
حيث أعلنت اسرائيل أن جداراً يبنى على الحدود المصرية وهي لا دخل به اطلاقاً

طبعاً الغرض من كده واضح ومعروف
ثم أكدت مصادر امريكية وصحف اسرائيلية الأمر مما اثار الكثير من الشكوك واختلاف الآراء
سواء داخل مصر او خارجها


كان سبب بناء الجدار هو محاولة لغلق جميع انفاق التهريب التي تصل ما بين غزة ومصر
والتي يبلغ عددها ما بين 1200 إلى 1500 نفق


هذه الأنفاق موجودة من سنين وكانت تستخدم لتهريب الطعام والدواء وغيره
وكانت مصر تغض الطرف عنها
ولكن لم يذكر أحد فضل مصر في ذلك

لكن بعد ذلك تطورت الانفاق لتهريب الاشخاص "مثل خلية حزب الله "والتي قبض على فردين منها
دخلوا إلى مصر من خلال هذه الانفاق
ده غير الاسلحة والمخدرات والافراد وعربات النقل اللى بتيجي بصورة غير شرعية لمصر
غير الوفيات اللى من الجانب المصري على الحدود بسببهم
كلامي مش حيكون احسن من كلام احد الخبراء الامنيين في حوار له مع عمرو اديب
http://www.youtube.com/watch?v=nUhcje3jjrY
أتمنى إنكو تشوفوه
حواره يبدأ من الدقيقة الرابعة وما يخص التهريب يبدأ من الدقيقة السابعة


الحاجات اللى بتتهرب من مصر دي
اللى جزء كبير منها بيعتبر معونة وببلاش
وحتى اللى بفلوس منه الله اعلم فلوسه مضروبة ولا لأ
بيروح هناك عبر الانفاق عشان يعدي على حماس وتاخد عليه جمرك !
ده غير إنه تأجير الانفاق دي لوحدها بيجيب دهب لحماس

ده غير بعض الاسرائيليين اللى تم العثور عليهم في مصر تم تهريبهم أيضاً خلال تلك الانفاق


يبقى انا مش عشان سبتلك باب شقتي مفتوح
تفضل تدخل وتخرج وتاكل براحتك
وجبت قرايبك وانا مكلمتكش على الرغم إني سايبك براحتك
ومع ذلك متكلمتش
وشوية الاقي كمان شوية بلطجية داخلينلي البيت وبياكلو على حسابي وانا سايبهم
وكمان سنة الناس تولف عالبيت وشوية يتحلوه ويطلعوني بره !!!


ده مش منطق أبداً
لازم حجيب قفل للباب وحقفله وعايز بعد كده تيجي اهلاً وسهلاً
رن الجرس وافتحلك
معبر رفح بيتفتح 3 أيام في الاسبوع
ايه المانع لما المعونة تدخل بصورة شرعية
محدش يقول مفيش
اللى خلى مصر بتسمح بيها في انفاق التهريب مش حتسمح بيها شرعي ؟؟؟


يبقى اللى بيسأل وبيقول "اشمعنى دلوقتي ؟"
كده عرفنا ليه مينفعش نصبر اكتر من كده

يبقى كده تصح الجملة اللى بتقول "حماية الحدود السياسية"
والراجل يتكلم ويقول غلط ولا حرام
حقوله متكلمتش ليه قبل كده لما السعودية ضربت في اليمن عشان الحوثيين
هو مش كان المبرر حماية الحدود السياسية برده ؟
طب احنا عملنا حاجز لمنع التهريب الغير شرعي ومعبر رفح مازال قائماً

لكن السعودية قتلت بالفعل مدنيين من اليمن واستخدمت الفوسفور الابيض كمان

اشمعنى دي من حقها تحمي حدودها مع القصف
واحنا مينفعش نحمي حدودنا لمجرد منع التهريب !


طبعاً المناقشة دي مش من حق اي حد من بره مصر يتناقش فيها
قوله بلدك عملت ايه الاول عشان تتهم مصر بحاجة
اللى بيقولك عملاء وكدابين وحبايب اسرائيل وغيره
غزة نصها مش عايش غير عالاكل المصري

في إحدى حلقات عمرو اديب بيحكي كان بيكلم فلسطيني بيسأله عالبرتقال
قاله ده بسرة من مصر
يعني الاكل كله هناك من مصر
قالك كمية البضائع اللى بتنقل من مصر لفلسطين تقدر بمليار دولار سنوياً باين
يبقى ميجيش واحد يسيب كل ده لمصر ويمسك في الجدار

بصراحة انا ضد اللى بيقول جدار العار ولا جدار الحصار ولا اي من ده
اللى عمل الانفاق دي زي ما عملها هو مسؤول عن اللى حييجي منها

وحماس زي ما بتعرف تتصرف وتجيب ملايين
ومادام هي اللى خلت نفسها مسؤولة
يبقى هي المسؤولة الاولى عن حياة الفلسطينيين وليست مصر

مينفعش يحموا نفسهم على حساب دولة تانية متعاطفة معاهم

ودول 5 أجزاء لفيديوهات أيضاً لعمرو اديب
لحلقة واحدة
واللى استمديت بعض معلوماتي منها
لو فاضيين ابقو اتفرجوا عليهم


http://www.youtube.com/watch?v=X5S2Cd5LFqw&feature=related
http://www.youtube.com/watch?v=1fIqMEGShs0&feature=related
http://www.youtube.com/watch?v=KtsTPkHfrjc&NR=1
http://www.youtube.com/watch?v=ZWToxSmgqm4&NR=1
http://www.youtube.com/watch?v=37egyFvqHEc&NR=1

جهد مشكور
و لكن دعنا نشاهد و بعد
نناقش .........

غلق المعبر +الجدار الفولازى =خنق أهل غزة
خلاص الحل يفتح المعبر بطريقة رسمية زى أى حدود أو ترك الأنفاق كما هى وعدم إستكمال الجدار
شكرا لك يا باشمهندس

اقتباس:
~~~~~~~~~~~~~~~~~~~~
حقوله متكلمتش ليه قبل كده لما السعودية ضربت في اليمن عشان الحوثيين
هو مش كان المبرر حماية الحدود السياسية برده ؟
طب احنا عملنا حاجز لمنع التهريب الغير شرعي ومعبر رفح مازال قائماً

لكن السعودية قتلت بالفعل مدنيين من اليمن واستخدمت الفوسفور الابيض كمان
~~~~~~~~~~~~~~~~~~~

اخي الكريم السعوديه لم تقصف داخل اليمن بل تقاتل اي احد داخل اراضيها فقط!

ثانياً الفسفور هاذا شيئ اخرجه الحوثيين لاستعطاف الراي العام وهو طبعاً شيئ كاذب

تحيتي.

انا متفق معاك بصراحة.
ليه حماس مصدعانا بالمعابر مدام هي شغالة الله ينور من الانفاق؟
خلاص هنفتح المعابر بس مفيش انفاق.
و بعدين لو عايز المعابر تتفتح ما تتصالح مع فتح.
و هل لما نفتح المعابر عايزهاتبقى سادح مداح منعرفش مين داخل ولا مين خارج؟
و بعدين احنا مش ناقصين حد يدخلنا يولع في البلد زي ما بيحصل في باكستان و اليمن .. و الله احنا ما ناقصين.
و رفح دلوقتي تحتها فراغ يعني هتختفي من كتر الانفاق دي.
و بعدين ليه محدش قال كتير خيرك يا مصر على تطنيشك للانفاق و السلاح طول الفترة دي؟
و انا شايف ان المعبر هيتفتح لو حصل توقيع على الورقة المصرية للمصالحة.
بعدين موضوعتهجير الغزاويين لسيناء .. كل العرب و الفلسطينيين بيقولو لااااااااااااااا الفلسطينيين مش عايزين يهربو مش هيسيبو ارضهم.
طيب انا هرد عليك ان انا واثق فيهم بس مش واثق في الشيطان.
افرض دخل 150 الف زي ما حصل قبل كده بس بقى اسرائيل ضربت غزة و قفلت المعبر من الجانب الفلسطيني؟؟
يبقى ايه العمل؟
و بعدين انا عايز افهم حاجة .. لو مصر عايزة تزود الحصار على غزة مش كانت تبني الجدار ده في اي وقت تاني مش في ذكرى الحرب على غزة عشان متاخدش هجوم و شتمية للصبح؟
لكن اعتقد ان الموضوع ملح و لازم يتعمل بسرعة.
و كمان لو مصر شيطان زي ما العرب مصورينها ... لما الغزاويين اقتحموا معبر رفح .. اعتقد ان المشهد كان مستفز و الامن المصري كان ممكن يتصرف بس سابهم.
مش كل حاجة نقول مصر عملاء و خونة و الكلام الحمضان المستهلك ده.
و بعدين العرب و الفلسطينيين عمالين يقولو المصريين لازم يتخصلو من النظام ده.
و الله احنا محدش يقولنا نعمل ايه و منعملش ايه و محدش يدينا امر اننا نغير النظام او نخليه.. يعني الانظمة العربية التانية هي اللي بتخر رجولة؟
و بعدين الفوضى في مصلحة في مصلحة اسرائيل لا غير لاننا اقوى دولة في وش اسرائيل لو حصل فوضى عندنا اسرائيل هي المستفيد.

نسيب الموضوع للعلماء اللى بحق ونقول سمعنا واطعنا اما سيد بيه كتر خيره قدم لنفسه اللى يخلينا منسمعلوش اصلا وانا فى راى سابق قلت محدش يصحيه اهو صحى وهيفتى

ازيك يا باشهندس عامل اية والله ليك واحشة كبيرة خالص
ربنا معاك ويوفقك يا رب
معلش يا بشمهدنس انا مش معاك خالص فى الكلام دة
اكيد انت عارف وانا عارف والكل عارف ان مش مصر هى صاحبة الفكرة ودا واضح
نحن الان ننفذ سياسة اليهود بمعنى اننا بنساعدهم لتحقيق احلامهم وطبعا معروفة
سياسة يهووووووود
بدل ما نقف معاهم ونساعدهم ونمد ليهم المعونة هتقلى مهى مصر بتساعدهم هى مش بتبعتلهم مساعدات
اقولك لا هى بتبعتلهم عينات وليست مساعداد
طب تعالى نتكلم شوية فى الحرب الى فاتت دى لما يكون كل العرب بعتلهم مساعدات ومفيش منفذ غير من مصر
لان اسرائيل متحكمة فى الباقى واحنا نيجى نقول لا نبعت فى حدود المعقول يعنى موت بالبطيئ
مثلا عدد المصابين مية نيجى احنا نبعتلهم عشرة او خمستاشر وانت عندك مقدرة تبعتهم كلهم
فيلة يعنى كدة يقلك حماية الامن سيبك من دى
الجدار الى بيبنوة دالوقتى الى بسد ويموت ويخنق اخوانك لما يكون كل مغلق قدامهم مفيش منفس غير واحد
واجى اسدة عليك يبقا هتعيش ازاى ؟؟؟؟؟؟
يعنى احنا بنساعد اسرائيل ازاى؟؟؟؟؟؟؟
لما يبقا فية حرب ومحاصرين ومفيش قدمهم غير مكان واحد ومنفذ واحد يجيبو منة الاسلحة والاكل والشرب والدواء وكل شئ
تيجى حضرتك تسدة عليهم يبقا الحجات الى فاتت دى كووولها مش هتتدخل يبقا احنا حصرناهم
لا اسلحة ولا اكل ولا دواء حطناهم فى علبة وقفلنا عليهم هما بيستنجدو بينا لية علشان نساعدهم
كا مسلمين وكا عرب وكااخوة المفروض انك تساعدهم من غير ما يطلبو منك

احنا وقفنا بجانبهم كتير وسعدناهم كتير ولكن للاسف كل دة هيتنسا بسبب الى بنعملة
عرفنا لية العرب مش بيحبونا بعد ما كانو مساندنا ومعانا
الجدار دة كان اولا بية انة يساعد المصرين بدلا منة المصاريف الى بالعبط الى هتتصرف علية دة
كان اولى بية انة يسد المجاعة والفقر الى فى مصر ونسبة البطالة وعدم الشغل وكل دة
كل الى اقدر اقولة ربنا يهدينا وربنا على الظالم الى مش راضى يتعظ ولا راضى يعرف ان فى اخرة
شكرا ليك يا بشمهندس واسف على الاطالة

جهد مشكور
و لكن دعنا نشاهد و بعد
نناقش .........
اللى حصل حصل خلاص لسه حنتفرج على ايه تاني :d

غلق المعبر +الجدار الفولازى =خنق أهل غزة
خلاص الحل يفتح المعبر بطريقة رسمية زى أى حدود أو ترك الأنفاق كما هى وعدم إستكمال الجدار
شكرا لك يا باشمهندس
أكيد المعبر مش حينفع يتفتح على مصراعيه طوال الوقت
بس هو فعلاً بيتفتح
شكراً لمرورك استاذي

اقتباس:
~~~~~~~~~~~~~~~~~~~~
حقوله متكلمتش ليه قبل كده لما السعودية ضربت في اليمن عشان الحوثيين
هو مش كان المبرر حماية الحدود السياسية برده ؟
طب احنا عملنا حاجز لمنع التهريب الغير شرعي ومعبر رفح مازال قائماً

لكن السعودية قتلت بالفعل مدنيين من اليمن واستخدمت الفوسفور الابيض كمان
~~~~~~~~~~~~~~~~~~~

اخي الكريم السعوديه لم تقصف داخل اليمن بل تقاتل اي احد داخل اراضيها فقط!

ثانياً الفسفور هاذا شيئ اخرجه الحوثيين لاستعطاف الراي العام وهو طبعاً شيئ كاذب

تحيتي.
شكراً لمروركم

بعدين موضوعتهجير الغزاويين لسيناء .. كل العرب و الفلسطينيين بيقولو لااااااااااااااا الفلسطينيين مش عايزين يهربو مش هيسيبو ارضهم.
طيب انا هرد عليك ان انا واثق فيهم بس مش واثق في الشيطان.
افرض دخل 150 الف زي ما حصل قبل كده بس بقى اسرائيل ضربت غزة و قفلت المعبر من الجانب الفلسطيني؟؟
يبقى ايه العمل؟
حتى لو من غير شيطان او حاجة
الغزاويين وصل بيهم الامر الانتحار من اليأس
يبقى شيء غريزي وطبيعي جداً حتلاقيهم كلهم استطنوا سيناء فجأة وطبعاً دول مش عشرة ولا عشرين واحد ممكن ترعاهم ولا تحطهم في مستشفى ولا حاجة
دول حيبقو بالآلاف
ومش بعيد حييجو مشحونين من الاعلام العربي ضد مصر ويكسروا الدنيا
واحنا فينا اللى مكفينا
اعتقد في دول تانية عربية كتير عندها مساحة كافية وميزانية تشيل شعب كامل
و بعدين انا عايز افهم حاجة .. لو مصر عايزة تزود الحصار على غزة مش كانت تبني الجدار ده في اي وقت تاني مش في ذكرى الحرب على غزة عشان متاخدش هجوم و شتمية للصبح؟
لكن اعتقد ان الموضوع ملح و لازم يتعمل بسرعة.

فإن المعايب تنمي والمعاذير لا تنمي
وحتفضل مصر دايماً تعمل الخير وترميه في النيل ومحدش يسمع عنه !

نسيب الموضوع للعلماء اللى بحق ونقول سمعنا واطعنا اما سيد بيه كتر خيره قدم لنفسه اللى يخلينا منسمعلوش اصلا وانا فى راى سابق قلت محدش يصحيه اهو صحى وهيفتى
مكتوبين علينا نروح منهم فين :d
شكراً لمروركم الكريم

ازيك يا باشهندس عامل اية والله ليك واحشة كبيرة خالص
وأنت اكتر والله
اصلي خلاص خلصت امتحانات اعمال السنة وتقريباً بايعها
مفيش امل السنادي :d


ربنا معاك ويوفقك يا رب
معلش يا بشمهدنس انا مش معاك خالص فى الكلام دة
عادي ياباشا
الاختلاف في الود لا يفسد للرأي قضية :d

اكيد انت عارف وانا عارف والكل عارف ان مش مصر هى صاحبة الفكرة ودا واضح
لا مش واضح
هو ممكن اسرائيل تكون احد الاسباب اللى دفعت مصر لكده ماشي
لإنه ضبطوا اسرائيليين قبل كده هاربين من الانفاق دي
ولو كان الموضوع كده كانت اسرائيل اجبرت مصر تعمله من زمان
لإنه حماس تقريباً بتعتمد بجزء كبير على الانفاق دي إن لم يكن بشكل رئيسي

نحن الان ننفذ سياسة اليهود بمعنى اننا بنساعدهم لتحقيق احلامهم وطبعا معروفة
سياسة يهووووووود
...................................
....................................
......................................

الجدار الى بيبنوة دالوقتى الى بسد ويموت ويخنق اخوانك لما يكون كل مغلق قدامهم مفيش منفس غير واحد
واجى اسدة عليك يبقا هتعيش ازاى ؟؟؟؟؟؟
يعنى احنا بنساعد اسرائيل ازاى؟؟؟؟؟؟؟

لما يبقا فية حرب ومحاصرين ومفيش قدمهم غير مكان واحد ومنفذ واحد يجيبو منة الاسلحة والاكل والشرب والدواء وكل شئ
تيجى حضرتك تسدة عليهم يبقا الحجات الى فاتت دى كووولها مش هتتدخل يبقا احنا حصرناهم
في فرق بين إنه الحكاية دي في مصلحة اسرائيل
وفي حماية أمن مصر
إذا كان اصحاب الانفاق دي مش قادرين يأمنوها كويس
ويمنعوا منها المتسللين لمصر
يبقى اغلاقها افضل
حيرجع لمصلحة اسرائيل ولا لمصلحة ايران ولا حتى مصلحة السوفيت
ملناش دعوة

زي ما قلتلك فوق
انا مش معنى إنك جاري وفاتحلك باب بيتي تيجي في اي وقت
إني اسيب بيتي دايماً مفتوح للى رايح واللى جاي
انت على عيني وراسي اه بس مش على حسابي
دي خدمة بقدمهالك ومش انا لوحدي المسؤول عنها !




احنا وقفنا بجانبهم كتير وسعدناهم كتير ولكن للاسف كل دة هيتنسا بسبب الى بنعملة
عرفنا لية العرب مش بيحبونا بعد ما كانو مساندنا ومعانا
الجدار دة كان اولا بية انة يساعد المصرين بدلا منة المصاريف الى بالعبط الى هتتصرف علية دة
كان اولى بية انة يسد المجاعة والفقر الى فى مصر ونسبة البطالة وعدم الشغل وكل دة
كل الى اقدر اقولة ربنا يهدينا وربنا على الظالم الى مش راضى يتعظ ولا راضى يعرف ان فى اخرة
شكرا ليك يا بشمهندس واسف على الاطالة

ياباشا مفيش اطالة ولا حاجة
وعشان اوضحلك حاجة غايبة عن الكثيرين واللى شاف الفيديوهات حيسمع منها جزء

المحتلين دول زي ما في منهم ناس معندهاش كهربا ولا مية
في ناس لو عرفتهم عايشين ازاي حتحسدهم وتروح تقعد معاهم


كان عمرو اديب بيحكي بيقول وهو بيكلم واحد فلسطيني
شايف معاه عيال كتير
بيقوله اسمائهم ايه
سماله كل اسماء الانبياء
قاله طب وفين نوح
قاله ده ابن اخويا :d

واحنا عندنا من كتر الكثافة السكانية بنفكر نطبأ مبدأ الهند بتاع تنظيم النسل !!!

السلام عليكم
احنا فى ايه وهمن فى ايه
مش عارف تفكيرتنا ليه ضيقة
همن اولا حيبنى الجدار من فين ومن الممول
اسرائيل اكيد لالالالالالالالالالالالا
لانها احنا معطينها غاز مجانى حتعطينى اموال لبناء جداء
طيب واحنا ايه اللى جبرنا على بناء الجدار يعن هى حماس اللى قتلت امناء وعسكرنا على الحدود
وليه ما عملنا الجدار داه مع اسرائيل
طيب ومن فين حنجيب فلوس للجدار
ومن الممول
مصر اكيد لا
لانه احنا ما لقين ناكل والكل عارف
يبقى من الممول
وما هى الاهداف الغير معلنة
هل تضيق على اخوانا فى غزة ام فعلا لحماية الحدود الامنية المصرية
طايب وليه ما نامنها مع اسرائيل
بصراحة وياخيبتها
المثل يقول انا واخويا على ابن عمى وانا وابن عمى على الغريب
بين العكس بقيت انا وعدوى على اخويا وابن عمى ماله ضعيف

لأنى زهقت من الكلام فى الموضوع ده
هقول ردى فى كلمتين
الله ينور عليك يا محمد
كده أربعة مش اتنين :d
ههههههه خليها عليك

ومن الممول
مصر اكيد لا
لانه احنا ما لقين ناكل والكل عارف
يبقى من الممول
وما هى الاهداف الغير معلنة
هل تضيق على اخوانا فى غزة ام فعلا لحماية الحدود الامنية المصرية

اهه في الحالة دي مصر حتقدر تمول نفسها
من الفلوس اللى ناهبينها من كل حتة دي :d

لكن وعلى أي حال وحتى لو كان في تمويل خارجي زي ما بتقول
فإني أجيب شخص من بره يساعدني في تركيب قفل على باب شقتي
لا يعني بالضرورة أنني أغلق داري في وجه جيراني
فأنا أرفض سطرك الأخير الذي يفصل بكلمة "أم"

وكما يبدو أنك لم تقرأ موضوعي كاملاً
إذا كانوا اصحاب الانفاق مش قادرين يتحكموا في الانفاق
يبقو يتحملو نتيجة انفاقهم

مش تبقى كل حاجة على حساب مصر وامن مصر
ولو عايزين فعلاً مساعدات يبقى خلوها بطريق شرعي
عن طريق معبر رفح
هو المساعدة لازم تبقى بالطريق الغير شرعي بس :confused:

لأنى زهقت من الكلام فى الموضوع ده
هقول ردى فى كلمتين
الله ينور عليك يا محمد
كده أربعة مش اتنين :d
ههههههه خليها عليك
دول خمسة وحياتك :d
كفاية نورك في الموضوع يا جميل

يا اخى الكريم
اقوى دولة فى ايه بس
من اننا نضرب على الحدود
ولا اخرتها نضرب من اشقائنا الجزائرين
خليها على الله

يا اخى الكريم
اقوى دولة فى ايه بس
من اننا نضرب على الحدود
ولا اخرتها نضرب من اشقائنا الجزائرين
خليها على الله
مفهمتش حاجة
بس على العموم منور :d

جزاك الله كل خير

انا بصراحة مع الجدار جدا
بس مش معنى كدة انى بكرة فلسطين او اهلها والله ربنا عالم ان قلبى واجعنى اوى عليهم
ربنا معاهم
شكرا جدا لموضوع

مينفعش يحموا نفسهم على حساب دولة تانية متعاطفة معاهم

http://images.google.com.eg/url?source=imgres&ct=img&q=http://www.saaid.net/mktarat/flasteen/122-2.jpg&usg=AFQjCNEuwp3tngYadaPsLcdqeDBjUMSOuQ

جزاك الله كل خير
وجزاكم بمثله

انا بصراحة مع الجدار جدا
بس مش معنى كدة انى بكرة فلسطين او اهلها والله ربنا عالم ان قلبى واجعنى اوى عليهم
ربنا معاهم
شكرا جدا لموضوع
كلام سليم ولازم نفصل بين الحاجتين
شكرا للمرور

مينفعش يحموا نفسهم على حساب دولة تانية متعاطفة معاهم
بالظبط
منور الموضوع