shaframan
03-01-2010, 02:48 PM
السلام عليكم و رحمه الله و بركاته
بأختصار انا اسمي********
مش مهم منعا للاحراج
انا كنت منحرف 360 درجه و كنت بشرب سجاير و مدمن و عملت كل حاجه وحشه
بس عيلتي كلها مستوي حلو و الحمد لله بابا مستشار و اخواتي كلهم مهندسين
المهم انا قررت ابطل و بطلت و بصلي و الحمد لله المهم انا مش عارف اذاكر
يعني انا عايز ابقي حاجه و اجيب 97 علشان اروح لمحمد اخويا امريكا ادرس هناك
هو راح ياخد الدكتوراه من هناك من جامعه سياتل و انا عايز اروحله بس ازاي
ازاي ازاي ازاي مش عارف انا حلو في معظم الدروس بس مشكلتي انا بقعد نص ساعه
و بحس اني قعدت 4000 مليون ساعه و اول لما اقعد اذاكر بحس اني عايز انام
و كمان الفئه p في الباب الرابع واقفه معايا و مش عارف افهم و كمان الاستاذ
كل شويه يقولي انا مش هتحصل ال 90 و احبطني احباط غير عادي انا عايز حد يقولي الحل
shaframan
03-01-2010, 02:54 PM
لو سمحت عايز اي جدول امشي عليه علشان انجح و اححق املهم فيا
ممدوح مصطفى الانصارى
03-01-2010, 07:45 PM
مبارك ابننا الفاضل رجوعكم للحق والفضيلة
وحاول وركز وربنا يوفقك ويثبتك على طريق الهدى
shaframan
07-01-2010, 10:41 PM
طيب اعمل ايه علشاااااااااااان ازاكر انا مش بعرف بقعد ازاكر نص ساعه و بحس كأني قعدت زاكرت مليون سنه و بحس بالخمول في جسمي
المجاهد فى سبيل الله
07-01-2010, 11:15 PM
اخى الحبيب
كل كلامك جميل جدا
و طلبك مش غالى بالعكس سهل اوى
حقولك على الخطوات الى بجد جابت نتيجة مع ناس كتير اوى
اول حاجه كويس اوى اوى انك رجعت تانى وصليت
اول خطوة للتفوق
انك متسبش ولا ركعة وكلها يبقى فى المسجد
مش تصلى فى البيت
وواظبط بالاخص على صلاة الفجر
والله العظيم صلاة الفجر دى لها مفعول فى المذاكرة ولا تاثير السحر
بجد حتحس ان ربنا ميسرلك كل حاجه
تانى حاجه
انك تعمل خير تعمل خير كتير اوى
تصدق
صلى قيام باليل
ربنا حيشرح صدرك و تحس ان انت نشيط جدا جدا حتحس انك ممكن تاكل الكتاب دا اكل بجد
نيجى للمذاكرة بقى
ثالث خطوة
فى مقولة بتقول ايه
عن احد التابعين قال لا يضيع علم بين قرانين
يعنى قبل ما تذاكر اقرا شوية قران فليكن خمس ايات
و تذاكر وبعد ما تخلص اقرا كمان خمس ايات
استحالة العلم الى انت ذاكرته فى الوقت دا يضيع ولا تنساه طول حياتك مش للامتحان وبس
دى الخطوات لو عملتها بجد ربنا حيكرمك اوى
ولو احتجت اى حاجه كلنا اخواتك و متتكسفش
مس رانيا حسن
08-01-2010, 12:14 AM
السلام عليكم ورحمة الله وبركاته
اخى الفاضل
برجاء كتابه المواد الخاصه بك
حتى اقوم بعمل جدول مذاكرة يناسبك
وبالتوفيق ان شاء الله
shaframan
14-01-2010, 03:11 PM
انا المواد بتاعتي عربي - فرنساوي- انجليزي - كمياء- رياضه1 و انا شاكر مجهوداتكوا جامد جدا بصراحه انا مش هلاقي ناس زيكوا كده ابدا
shaframan
21-01-2010, 12:48 PM
eh hawa mafesh had 3aez yesa3edny
tatathequeen
25-01-2010, 06:27 PM
كويس انك قربت من ربنا
انت كده على الطريق الصح
اما بالنسبه للمزاكره
انت اللى المفروض تحط لنفسك جدول تمشى عليه
مش حد تانى اللى يحطهولك
وشوف ايه الوقت اللى انت بتحب تزاكر فيه واستغله
ويفضل تكون لواحدك فى غرفه
وبعيد عن الازعاج
فى البدايه قول باسم الله الرحمن الرحيم
وابدا مزاكره . لما تلائى نفسك زهقت خد راحه 10 دقائق وارجع للمزاكره تانى
يستحسن تعمل لنفسك كوب من العصير او اى حاجه تشربها
هتسليك وانت بتزاكر
نصيحه ليك ماتخدش نصايح من اصحابك
لان فى السن ده بيكونوا كلهم بيتنافسوا
ومش هيقول لك النصيحه الصح حتى لو هو صاحبك المقرب
لو عملت كده يوم ورا يوم هتحب المزاكره
ولما تيجى تزاكر ماتجبرش نفسك على المزاكره
اقرأ اكنك بتقرا جرنان
حاجه لاول مره وبعدين حاول تخرج النقاط الاساسيه من الدرس فى الهامش
وبعدين اقرأه تانى بتأنى
جرب ورد عليا .على فكره احنا كلنا كنا كده ,انا كنت بنام كل اما اجى ازاكر
ربنا يوقفك.
مستر عبدالرحمن المغربى
26-01-2010, 02:06 PM
ربنا مابينساش اللى معاه ابدا حتى لو الانسان نسى ربنا ربنا ماينساش حد أبدااااااااااااا
وربنا يكرمك باذن الله انا مستر عبدالرحمن المغربى مدرس كيمياء لو عاوز أى حاجة فى الكيمياء ممكن تبعتلى واجاوبلك على طول أوك
سلام عليكم