مشاهدة النسخة كاملة : ليه بنكره كليه علوم
ahmed_mody13 30-01-2007, 01:11 PM بسم الله الرحمن الرحيم
محدش سال نفسه ليه كل الناس بيقولوا ان كليه علوم صعبه ؟ هل شعب مصر كله غبي ومفيهوش حد يقدر يغوشها ؟
الاجابه ع السوال ده مش هقولها بس هسيبكوا تجاوبوا انتم بعد متقروا الموضوع
.................................................. .................................................. .................................................. ......
تعد كليه علوم من افضل الكليات ف الخارج اما بالداخل - مصر المحروسه - فلا تسوي جناح بعوضه
فبالخارج تصنف كليه علوم الاولى على كل الكليات وذلك يعكس مدى التاخر الذى نعانى منه :(
وانا بجد لما عرفت انى داخل كليه علوم سمعت كلام يشرح القلب اللى قالى " حول تجارة يا بني وممتعبش نفسك و اللى قالى ليه كده حرام عليك ...... الخ "
انا اخدت الكلمتين دول من هنا وحطيط ف دماغي انى هفشل علطول
بعد ما دخلت الكليه لقيت نفسي بدرس كميا وفيزيا ورياضه ...كدا يعني
يعني مواد الواحد درسها قبل كدهبس بدراسه سطحيه ومفيش الا مادتين بس لسا اول مرة اخدهم الجيوفيزياء والجيولوجيا وتقريبا عندي فكرة عنهم
المهم يا حضرات افتكرت كل الكلام اللى اتقالى عنها وربطه باللى موجود وشايفه لقيته مينتميش ليه ابدا
يعني مثلا الكميا باخد فيها عضويه وفيزيائيه وغير عضويه
الفيزيائيه باخد فيها قوانين الغازات وبعد كده السوائل والمحاليل يعني كلام اهبل
ونفس الكلام ف الرياضه
والللى فيها تشغيل مخ شويه هيا الفيزيا كنت باخد فيها كهرومغناطيسه وخصائص ماده
وخصائص ماده دي عباره عن رياضه 2 بتاعت الثانوي يعني الدفع والتصادم كده يعني
والكهربيه والمغناطيسيه عبارة عن مبادى الكهربيه والمجال الكهربي
الحقيقه انا مذاكرتش الترم الاول بس شديت حيلي ف الامتحانات بس ده طبعا مينفعش لازم المذاكرة الجد المتوسطه الضعيفه المهم المذاكرة
ونسيت اقول حاجه مهمه ان نظام الكليات عامتا يختلف عن المدارس يعني انتا ف ثانوى المعلومه بتيجي لحد عندك .... لكن ف الكليه والله كنا بنجرى ورا المعلومه ويا عالم بنلحقها ولا لا
يعني من الاخر هتغش تجارة هتتعب لانك ف كليه وهتغش طب هتتعب لانك ف كليه
.................................................. .................................................. .................................................. ......
وبعد كده نفسى كل واحد يعقل الكلام اللى قولتوا ويقولي هل كليه علوم رخمه زي مالناس بتقول ولا مفيش حاجه سهله ف الكليه عامتا ولكل مجتهد نصيب ؟؟؟؟
احمد بالفرقه الاولى جيوفيزياء علوم عين شمس
=ivan= 30-01-2007, 01:42 PM لا والله كلية علوم مش رخمة .. وانا لو مكنتش جبت مجموع هندسة كنت هخش حاسبات او علوم ..
شكرا على الموضوع يا جيوفيزيكال ..
انا بحب كلية علوم والله
الرومانسيه 30-01-2007, 02:24 PM لا لو سمحتوا محدش يغلط فى كليتى حببتى انا لو ماكنتش دخلت كليه العلوم كنت برده اتمنى انى ادخل كليه العلوم
واللى اقدر اقوله يا جماعه انى فى 3 كليه العلوم قسم النبات والكيمياء جامعه المنصوره
فعلا بناخد مناهج على اعلى مستوى من الروعه والجمال فى فرعى النبات والكيمياء
مواد فى متسوى جميع الطلاب والحمد لله انا شايفه ان المرهق فى الكليه هى المعامل واوقاتها المتاخره
انما على المواد فهى الحمد لله سهله جدا ومن مزاكره متوسطه الحمد لله الواحد بيجيب تقدير كويس كمان
اما على مستقبل الكليه ففى كليه العلوم جامعه المنصوره وضعت خطه لتوظيف خريجى الكليه وتوعيتهم على اماكن العمل المطلوبين فيها
اما بالنسبالى فهيكون الوضع مختلف ففى كليتى امكانيه تحضير دراسات عليه كدبلومه
وبعدها ان شاء الله هاكون قادره على فتح معمل للتحاليل الطبيه والبيلوجيه
يعنى ياجماعه بطلوا احباط فى طلبه الجامعه حراااااااااااااااااام عليكوا
ساره النبوى
=ivan= 30-01-2007, 02:36 PM يعنى ياجماعه بطلوا احباط فى طلبه الجامعه حراااااااااااااااااام عليكوا
ساره النبوى
هههههه.. معلش بقى استحملوا ..
والراجل بيدافع عن الكلية
الاميرة المصرية 30-01-2007, 03:51 PM <div align="center">كلية علوم احلى واجمل كلية فى الوجود
وفعلا زى مانت قولت يا احمد مش واخدة مكانتها فى مصر
بره فى امريكا مثلا مش بيدخلها غير امريكى الاصل دليل على اهميتها
واهمية الى بيخرجوا منها كفاية انى الى بيخرج منها هيكون عالم (دا المفروض :( ).
بجد الكلية سهلة بس بشرط تبعد عن الكلام الى هتسمعه وانت فيها او قبل ما تدخلها :ph34r:
المشكلة فى مصر بصفة عامة انها بتعتمد على مجموعك مش على دماغك وميولك
فى كندا مثلا لو انت عايز تدخل طب ومجموعك مش يدخلك طب
بيعملولك اختبار بيشوفوك لو انت فعلا ينفع تدخل طب بيدخلوك
احكيلكم حكايتى مع علوم
وانا صغيرة كان نفسى ادخل علوم بس فى البيت رفضوا قالولى لا لازم تبقى دكتورة :lol: :(
او تدخلى صيدلة وبعدين بصراحة دخلوا حكاية صيدلة فى دماغى ونسيت علوم
بس الحمد لله مجموعى دخلنى علوم :lol:
وطبعا زى اى حد داخل علوم سمعت كلام احبطنى جامد جدا :ph34r:
الى قال هتقضى السنة سنتين على الاقل وحاجات تانية كتير
ربنا يعدى الترم الاول ده على خير
بس بجد باذن الله ناوية من الترم التانى بنظام تانى خالص
خلاص اتعلمت كتييييييييير وفعلا مفيش حد بيتعلم ببلاش
ادعولى
اسفة طولت عليكم</div>
ahmed_mody13 30-01-2007, 04:29 PM شكرا للردود
والحمد لله يا اميرة انك دخلتي الكليه اللى انتى عايزاها !!!
وربنا يوفقك ويوفق كل مجتهد ف علوم او اى كليه تانيه
ويارب يعدى الترم ده على خير
جميله 30-01-2007, 11:13 PM فعلا عندك حق
كليه علوم تعتبر من اهم الكليات في مصر
بس انا عن نفسي كنت الحق علوم رياضه من بدري بس حبيت اكتر هندسه زراعيه
بس معرفش هي راحه نفسيه لهندسه زراعيه و لا هو نصيب
بس اللي اعرفه اني بحب هندسه زراعيه اوي
و على فكره هي ما تقلش صعوبه عن علوم
بس الحكايه مش حكايه صعوبه ما كل الكيلت صعبه
الحكايه حكايه تفكير الناس
طب قولي كليه زي كليه زراعه دي ... انا شايفه انها اهم كليه في مصر
باعتبار ان احنا اساسا بلد زراعي
ايه اللي يخليه تبقى بشكل ده
ده طلبة زراعه بيمشوا في الشارع يتداروا خايفين حد يسالهم انتم في ايه
انا لما دخلت هندسه زراعيه كان الناس كلهم بيتريقوا عليا ويقولولي زراعه ما لقتيش الا زراعه
بس انا هندسه زراعيه و بعدين مالها زراعه
دي حتى دراستها حلوه اوي و مجالاتها كتير
بس تفكير الناس بقى
.........
_the_sad_smile_ 30-01-2007, 11:30 PM علوم بجد مظلومة اوى
انا بقى دخلتها عشان ملحقتش حاسبات وعشان هيا قريبة منى
بس بجد مظلومة الكلية مش صعبة بجد
وزى مقولت معظمها حجات اخدنها قبل كدة
بس هيا متعبة ومتعبة اوى
بهدلة من الاخر
بس انا حاليا طموحى
اما ادخل القسم علوم الحاسب
او اخد الدبلومة ودة اللى بابا وماما عايزينة
كفاية اوى كدة مستقبل كويس بس انا اشد حيلى بس
halhol 28-09-2007, 07:35 AM طب كويس ان اللى هنا فى علوم اصلا بصوا انا عايزه ادخل علوم بس خايفه منها بردو طب قولولى هوا صعب فعلا انى اجيب حتى مقبول وايه
اصعب السنين فى علوم وممكن فعلا اخد اول سنه بتقدير فى علوم وبعدين احول صيدله ولاا دا هجص
أ. الدادمونى 28-09-2007, 08:46 AM وانا بجد لما عرفت انى داخل كليه علوم سمعت كلام يشرح القلب اللى قالى " حول تجارة يا بني وممتعبش نفسك و اللى قالى ليه كده حرام عليك ...... الخ "
انا اخدت الكلمتين دول من هنا وحطيط ف دماغي انى هفشل علطول
أنا سمعت نفس الكلام عند دخولى هذه الكلية التى أحبها أكثر من كل شئ،
والحمد لله أننى عندمـا إلتحقت بهذه الكلية كانت هذه رغبتى عن كل حب، ولم أشرب الكأس وتحديت الآخرين، لدرجة أننى أول ما دخلت هذه الكلية صممت لوحة جميلة معلقة فى الكلية إلى الآن شعــــارها (ابتســـــم أنت فى كلية العلوم)، والآن انتهيت من دراسة رســــالة الماجستير ، ويارب عقبال الدكتوراة. :rolleyes: :rolleyes: :rolleyes: :rolleyes: :rolleyes: :rolleyes:
(عاشق كلية العلوم = محمد الدادمونى) :D :D :D :D :D :D
--------------------------------------
wafaaanany 28-09-2007, 09:51 AM وانا كمان لما كنت ف الثانوية كتبت 16 رغبة علوم وفعلا جاتلى واتخرجت بجيد جدا كل سنة علشان انا كنت بحبها اوى
ودايما انا بقول ان كليه العلوم بفتح المخ بتخليه يفهم حاجات كتير
وكمان انا على وشك مناقشة الماجستير
Xx.Youri.xX 28-09-2007, 03:44 PM صعبة ومبتطلعش منها حاجة
حد يصححلي معلوماتي لو غلط
halhol 12-10-2007, 04:03 PM ياريت يا جماعه لو فيه حد هنا فى كليه علوم الاسكندريه فى سنه اولى او تانيه يكتب ايميله وانا هضيفه لانى بجد فى سنه اولى وفيه حاجات كتيره اوى تايهه منى خالص ومحتاجه اعرفها و معرفش حد استفسر منه عن اى حاجه خالص ياريت لو فيه حد يرد بسسسسرعه
nisreen 27-01-2008, 07:27 PM كلية العلوم دي كلية المستقبل كل طالب لو فهمها كويس وعرفها يبقى عرف انه امتلك المستقبل
المستقبل للبحث العلمي خريجي كلية علوم دول ليهم الفضل ع الناس التانية ف المجالات التانية
اولى علوم جامعة اسكندرية
tota diab 09-02-2008, 02:50 AM فعلا الناس هنا فى مصر واخدين فكرة وحشة اوى عن كلية علوم بس انا من رايى انها من اهم الكليات لانها فيها كل حاجة عن العلم ممكن الواحد يعرفها يعنى مش متخصصة فى حاجة واحدة بس زى مثلا صيدلة متخصصة فى دراسة الادوية وتركيبها وكل ده انا كان نفسى من وانا صغيرة انى ادخل كلية علوم بس اهلى كانوا عاوزين يدخلونى صيدلة بس الحمد لله ربنا اراد انى ادخل كلية علوم وانا مبسوطة اوى انى دخلتها انا سنة اولى كلية علوم جامعة حلوان يا ريت لو فى حد هنا من الكلية يا ريت يقولى لانى ماليش اصحاب هناك ونفسى يبقى ليه اصحاب
3olomgy 13-02-2008, 06:47 AM صعبة ومبتطلعش منها حاجة
حد يصححلي معلوماتي لو غلط
طبعا معلوماتك غلط ...وزير الانتاج الحربى الحالى خريج كلية العلوم جامعة القاهرة واتفضل اقرا كده
وزراء من الكلية
أ.د. إبراهيم حلمي عبـــــد الرحمن وزير التخطيط سابقا
أ.د. أحمـــد مصطفى احمد وزير البحث العلمى سابقا
أ.د. أحمــــــــــــــــــــــد رياض ترك وزير البحث العلمى سابقا
أ.د. حسين محمــــــــــــــــــد سعيد وزير البحث العلمى سابقا
أ.د. سيــــــــد مصطفى مشعل وزير الانتاج الحربى
أ.د. صـــلاح هدايت وزير البحث العلمي سابقاً
أ.د. عبـــــــــد السلام عبد الغفار وزير التربية والتعليم سابقا
أ.د. مصطفــــــى كمـــــــــــال حلمى وزير التعليم سابقا ورئيس مجلس الشورى
أ.د. محمد عبد المعبود الجبيلى وزير البحث العلمى سابقا
أ.د. مصطفى كمــــــــــــــال طلبة وزير الشباب سابقا
أ.د. محمــــــــــــــــــــد مرسى أحمد وزير التعليم العالى سابقا
ولعلمك الوزراء دول من جامعة القاهرة فقط ...فما بالك ببقية الجامعات ؟
مفيش حاجة اسمها مالهاش شغل ولا الكلام الفاضى ده واحب اعرفك بردو ان فيه تخصص فى الكلية ( جيوفيزيائى) التخصص ده اهم من تخصص مهندس البترول دون ادنى مبالغة والكلية مش صعبة بالشكل اللى الناس بتتوهمه ده
مفيش دولة هتتقدم ولا هتصنف ك ( دولة محترمة ) الا لو احترمت العلم وقدرت العلماء
nisreen 15-02-2008, 11:03 PM مفيش دولة بتتقدم من غير علم وعلماء
سيد سعد غباغبي 16-02-2008, 12:09 AM كان لي صديق اكثر من شقيق يقول لي
انها صعبة بس مش مستحيلة
وكانت هذه الكلمة تغسل عندي كل توتر
وحتي الآن اقولها لكل تلاميذي الذين يدخلون اي كلية
وبالذات كلية العلوم
التي اعشقها بكل روائحها المميزة وبالذات قسمي ( قسم النبات )
ولا ازال اذكر بكل خير اساتذتي فيها واود لو اطبع علي جبين كل منهم قبلة تحية له علي ان جعل مني انسان يتعلم باستمرار
nisreen 16-02-2008, 07:41 PM تحيا كلية العلوم
mano..... 27-02-2008, 01:54 PM السلام عليكم ورحمه الله انا فى سنه اولى كليه علوم المنصوره قسم كيمياء ويا رت لو فى حد هنا اكبر منى يكلمنى عشان انا تعبانه اوى اوى مش عارفه اعمل ايه فى الكليه العجيبه دى ذاكرت وطلعت روحى وبرضه مجبتش تقدير حلو بس برضه بحبها وهفضل فيها ولازم اتحدى سااااااااااااااااااااااااااااااااعدونى:confused::o
mano..... 27-02-2008, 02:01 PM [طب والله كليه العلوم دى من اجمل الكليات وانا بحس بفخر كبير لما حد يسالنى انتى فى كلية ايه واقوله انا فى كليه علوم كفايه انك تعمل كل حاجه باديك التجارب والمعامل حاجات فى غاية المتعه مع انى بتاخر بس مش مشكله وعندنا staffدكاتره ممتازيين بجد ربنا يصلح حالهم يا رب...... انا اسفه انى طولت
:wub::D
الساهره 02-03-2008, 04:28 PM ا انا زميله لكم
فى كليه العلوم جامعه عين شمس سنه رابعه
كليه العلوم كليه جميله
بس لان طول ما احنا فى الدراسه الكل وطبعا اولهم الكاتره
مافيش شغل لعلوم دى كليه مظلومه فباتالى مش بنحبها
بس انا بحب كل بتوع علوم وربنا يوفقنا يارب
وهى مش صعبه
m18389 07-01-2009, 12:27 AM كلية العلوم جميلة وسهلة ولذيذة وممنوع الاقتراب او التصوير
Travel 08-01-2009, 09:40 AM بص هى كلية علوم سهلة بس صراحة انا اللى بستعبط
(هتكلم عن نفسى طالما فيه شتيمة) :d
بس المشكلة بقى فى كتر اللى فيها
امتحانات الميد تيرم لسه مخلصينها يوم الخميس اللى فات ده
وكمان الاسبوع ده مقضينها امتحان شفوى ومفيش غير يومين بس اللى يتراجع فيه النهج كله
ده غير بقى ان بسم الله ما شاء الله الدكاترة لو شرحت شوية تزعل من نفسها
او لو انا فهمت دماغى تصدع
اى واحدة فيهم بقى
ده غير ان المعامل بتبقى ورا بعضها ومن الصبح مفيش فاصل
غير ساعاية واحدة بس ودى محدش بيلحق يعمل فيها اى حاجة غير اننا ننتقل الى المدرج او المعمل علشان احنا بيعذبونا بيخلونا نعمل ريجيم :d
المسافة بين المدرجات والاماكن بعيدة اوى
كفاية كده مش هقول تان
علشان متحبوهاش زيى
ربنا يعديها على خير:(
براءة 09-01-2009, 04:02 PM علوم :d
اقول ايه بس
ده انا بحبها جدا اهو
تحياتى
دبلر اولى :p
محمد.فوكس 11-01-2009, 11:50 PM ياريت يا جماعه لو فيه حد هنا فى كليه علوم الاسكندريه فى سنه اولى او تانيه يكتب ايميله وانا هضيفه لانى بجد فى سنه اولى وفيه حاجات كتيره اوى تايهه منى خالص ومحتاجه اعرفها و معرفش حد استفسر منه عن اى حاجه خالص ياريت لو فيه حد يرد بسسسسرعه
انا اولى علوم اسكندرية .. يمكن اقدر اساعدك آت ياهوو دوت كوم
one way 12-01-2009, 02:23 AM انا الصراحة شايفة ان كلية العلوم كلية ممتازة وجميلة جدا واكتر حاجة بحبها فيها ان فيها اكتر من قسم يعنى الواحد بيتخصص فى المادة اللى بيحبها وشايف ان دى حتحدد مستقبله بعد كده سواء فى الدراسة او كمجال العمل بالنسبة للدراسة هى عايزة اللى شادد حيله من اول السنة لكن اللى حيسيب المذاكرة مش حتجرى وراه ولا حاجة لا حيلاقى بس مجرد هموم فوق راسه زهى ساعات بتكون صعبة شوية لكن مش مستحيلة وربنا يوفقنا فى الامتحانات
طالبة اولى علوم_ جامعة الاسكندرية
m7md Gamal 13-01-2009, 01:43 AM يا جدعان كفاية ان العالم الكبير احمد زويل خريج علوم ,اى نعم احنا عمرنا مهنبقى زيه بس الحمد لله اهو اسمنا علماء المستقبل
القائد السفاح أبو العباس الاسود 13-01-2009, 02:08 PM الكلام مش ان الكلية صعبة
لا ابدا هى طريقة التدريس مش ملائمة لكنها ميلة جدا
ومثلا انى طالب ثالثة ثانوى و متابع بمنهج علوم رياضيات .......... ( العيب فى الطريقة للتدريس و ليس منهجيا )
تحياتى
"RANDA" 14-01-2009, 11:23 PM ازيكوا انا اولي علوم اكيد طبعا مكنتش عايزة علوم بس الحمد لله علي كل حالك ،انا كان اي حد يشوفني و اقوله دخلت علوم وشه كان يدي الوان ،علوووووووووووووووووووووووووم!!! انتي مجنونة ولا ايه لالا حولي تجارة اداب احسن والله وفي ناس ولا تعرف حاجةعن الكلية و برضه بتتكلم ده غير التعليق السخيف بتاع"هتتطلعي منها ايه دي؟!!"
بس و الله الكلية لطيفة جدا بس عايزة شغل و مذاكرة و اكيد اي حد داخل علوم هيكون واخد علي المذاكرة الجد
|