<div align="center">بسم الله الرحمن الرحيم

صدمة ما بعدها صدمة تلقتها اذني وانا اتناول وجبة العشاء امام التلفاز

كانت قناة دريم 2 وانا ارى منى الشاذلي وبرنامج العاشرة مساءا بالأمس صدمة اتعبتني نفسيا

اني لأرى ثقافة امتنا العربية تنهار مع كل كلمة تتخطى اعتاب أُذني

ارى الكلام يتدفق بشكل غزير على تفكيري وانا اغرق في التفكير

ما هو الموضوع وماذا يحدث؟

نتكلم عن معدل القراءة في العالم واحصائية عالمية للتقدير؟

هل اضحك ام ابكي على حالنا

يبلغ معدل الفرد في أمريكا في العام الواحد من القراءة 9 كتب

في الولايات المتحدة 7 كتب

ماذا تنتظرون لن أقول مصر او السعودية او الجزائر او او او

انها لصدمة كبرى عندما نعلم ان معدل القراءة في العالم العربي

للفرد الواحد تخيلوا معي فرد واحد يقرأ كل عام ربع صفحة

ليتها ربع كتاب ليتها صفحة كاملة

واحسرتاه انها مجرد ربع صفحة

تخيلوا معي الموقف 5 اسطر 7 اسطر

يحتوون على كام كلمة؟

100 كلمة

هل تتخيلون هذا؟

بالطبع انها صدمة كبرى

وتنتهي مشاهدتي للبرنامج لكن تفاجئني صدمة اكبر واعظم



واذهب الى موضوع اخر لم اعرف اذا كانت وسائل الإعلام تطرقت له بالحديث

وهو بحث قامت به شركة جوجل او موقع جوجل بالأخص

لمن يكتبون كلمات في البحث عن موقع اباحي

نجد الدول العربية تتصدر الاستفتاء والبحث والاحصائيات بدون منازع


ونجد مصر هي ثالث دول العالم



والقاهرة هي أول مدن العالم في البحث عن مجرد كلمة (***)


طبعا كلنا مدركين الموقف

ربع صفحة نتذيل بها ترتيب الثقافة

ومليارات من كلمة واحدة نحتل بها ثالث العالم

لا تبكي ... لا تحزن

افخر بكونك عربي

بل قل لهم نحن كنا

الانسان ماضي وحاضر ومستقبل وليس ماضي فقط

ولا تقل من ليس له ماض ليس له حاضر

افخر بكونك مصري

افخر بكونك من ثالث بلد تبحث عن موقع اباحي

افخر بكونك من بلد ماضيها الفراعنه

افخر وافخر بكونك عربيا

ارفع رأسك وعليك ان تكون مفتخرا بكل شئ

بلدك منها مدينة هي الأولى للبحث عن المواقع ال*****ة

ولو قامت توزيع باحصائية للقراءة لنجد ربع صفحة

عمار يا مصر ... عمار يا عرب

في أخر كلامي تحية للست نانسي عجرم ( حبيبة قلب الشعب المصري )

ونغني ونقول( أنا مصري وابويا مصري ... بشرابي وجزمتي مصري )


والى اللقاء في باقي المواضيع


معلش يا جماعة انا كاتب الكلام دا وانا متدايق قوي بصراحة حاجا تخنق</div>

عمااااااااااار يا ايجيبت
هيا دى بلد اساسا
عليه العوض فى دى بلد
انا عن نفسى يا جماعه ههاجر من دى بلد لانى طهقت خلاص

انا فخور باني مصري يا محمد

لا نحمل مصر المسؤلية مصر معناها الإنتماء فانا أحب مصر لانها مصر

أما ما يفعله شعب مصر ف هذا هو ما استنكره ولا اريده


متى ينصلح حال شعبك يا مصر

انا فخور بكي لأنكي بلدي

فلماذا يا شعب تلك الارض تدنسون وطنكم

بالله عليكم افيقوا من غفلتكم حتى لا يساء الى وطنكم الغالي مصر

لا تعليق

هأقول ايه ؟؟؟؟؟؟؟؟

مش هنتغير الا بالثقافة اللى احنا سايبينها دى

ربنا معانا

<div class='quotetop'>إقتباس(كلكول @ Jan 30 2007, 03:41 PM) 261787</div>
عمااااااااااار يا ايجيبت
هيا دى بلد اساسا
عليه العوض فى دى بلد
انا عن نفسى يا جماعه ههاجر من دى بلد لانى طهقت خلاص
[/b]


ايوه بلد بلدك اللي نشات فيها واتربيت وكبرت لغاية لما بقيت راجل

بلد ويشرف اي انسان انه يكون منها

مش معنى ان في ناس بيدنسوها يبقى مبقتش بلد

بكرة لما تهاجر ده لو هاجرت أصلا هتعرف قيمة البلد اللي انت بتتكلم عليها

هتتمنى انك تنزلها ولو لخمس دقايق


صدقني دي الحقيقة

ايوه يا زيزو انا مقصدش مصر مصر

انا قصدي كناية مجاز عن شعبها شعبها دلوقتي بأى اجهل شعوب الأرض

ربنا يفقونا من اللي احنا فيه

ودلوقتي بقيت أنكر حاجا مسؤوليه تحملتها عاتقنا انتم جيل النصر وانتم جيل المستقبل

يعني احنا بكدا هنرجع عراق وصومال وفلطسين ولبنان

لأ اظن صعب قوي طول نا احنا كدا

بلد ويشرف اى انسان انه منها
تصدق حلوه يا اخ زيزو طب تقدر تقولى بلدى عملتلى ايه
ياعم روح شوف عدد الشباب الى قاعدين على القهاوى وللاسف معاهم شهادات عاليه
ياعم شوف ارتفاع الاسعار الى كل يوم عماله تزيد
ياعم شوف معدل العزوبيه والعنوسه اد ايه
ياعم شوف المليارات الى بتتصرف على الحفلات والهجص ويجوا على رغيف العيش بتاع الغلابه عايزين يلغوا الدعم
ياعم شوف الفرق الطبقى الكبيييييييييير بين الشعب ناس تلاقيهم بترمى الفلوس فى اى هجص وناس مش لاقيه تاكل
انا مهما اتكلمت عن البلد دى مش هوفيها حقها
تيجى تقولى ليك الفخر انك منها
ونعم الفخر ياحج

<div class='quotetop'>إقتباس(كلكول @ Jan 30 2007, 03:55 PM) 261793</div>
بلد ويشرف اى انسان انه منها
تصدق حلوه يا اخ زيزو طب تقدر تقولى بلدى عملتلى ايه
ياعم روح شوف عدد الشباب الى قاعدين على القهاوى وللاسف معاهم شهادات عاليه
ياعم شوف ارتفاع الاسعار الى كل يوم عماله تزيد
ياعم شوف معدل العزوبيه والعنوسه اد ايه
ياعم شوف المليارات الى بتتصرف على الحفلات والهجص ويجوا على رغيف العيش بتاع الغلابه عايزين يلغوا الدعم
ياعم شوف الفرق الطبقى الكبيييييييييير بين الشعب ناس تلاقيهم بترمى الفلوس فى اى هجص وناس مش لاقيه تاكل
انا مهما اتكلمت عن البلد دى مش هوفيها حقها
تيجى تقولى ليك الفخر انك منها
ونعم الفخر ياحج
[/b]

لاتعليق ياكلكول :)
بس على رأىالاستاذ زيزو
العيب مش فى البلد العيب فى اللى ماسكين البلد

مع انى بحب حسنى مبارك ومش عارف اكره

مش عارف ليه :rolleyes:

ارفع رأسك فانت عربى

يا محمد العرب احسن شعوب العالم

عمرك شفت شعب بيحترم العلم زى العرب ؟؟
عمرك شفت شعب بيحترم المرأة زى العرب ؟؟
عمرك شفت شعب مثقف زى العرب ؟؟
عمرك شفت شعب بيتفهم الاخر وبيحترم الاقليات زى العرب ؟؟

انت يا برى اكيد عميل صهيونى او امريكى وبتنقد العرب وخلاص
ربنا يسامحك يا شيخ

افخر بكونك من بلد ماضيها الفراعنه

افخر وافخر بكونك عربيا

عار على المسلمين وليس على العرب ولا على اجدادنا الفراعنة فقط
بس السبب فى ده كله فعلا " الست نانسى وهيفاء ومثيلاتها "
على فكره اول فيديو كليب خليع كان بتاع الست نانسى " آخاصمك اه " وبعدين ما تخاصمه واحنا مالنا

وعمااااااااااااااااااااار يا مصر

فعلا عار على المسلمين
المسلمين اصحاب ديانة التوحيد والاخلاق هو ده حالهم

ياجماعه بصراحه ليهم حق
احنا اللي عمالين في نفسنا كده
راقي مصر باولادها

و الله انا فخور بيك جدا يا محمد و بموضوعك ده

و بص العرب هايفضلوا كدة لحد ما حد يصحى من نومه الازلى او الابدى

بجد انت وضحت حاجات مش واخدين بالنا منها

انا لما دخلت المنتدى في الاول خالص لقيت مواضيع بنفس المعنى وهرد نفس الرد الي رديت عليه في المواضيع الي قبل كده
قال صلى الله عليه وسلم " بدأ الاسلام غريبا وسيعود كما بدأ غريبا فطوبى للغرباء "

وبعدين كفا بنا فخرا انا مسلمين مش مصريين ولا عرب
" نحن قوما اعزنا الله بالاسلام متى ما ابتغينا العزة بغيره أذلنا الله "

وبيتهيألي ان احنا ابتغينا العزة بحاجات كتييييييييييييييير اوي الا الاسلام
وفي نقطة هثيرها لاحظتها في الموضوع والردود بس ليش هذا مقامها ولا مكانها هحطها في موضوع ان شاء الله

شكرا يا محمد على الموضوع :(

:) :)

بص يا محمد مصر مش هيتصلح حالها فى يوم وليلة

مصر عايزة الاول حد صح يمشيها

مصر بجد بقت سمعتها وحشة جدا


واول حاجة بتعكس الصورة دى الوسط الزبالة (الوسط الفنى)


دلوقتى اى حد عايز يشتهر ينزل على مصر

لانهم متاكدين ان البلد خلاص فسدت والسبب حكومتها

بس هنعمل ايه هنغير حكومتها ونمنع الواسطة :D

مظنش

ياااااااااااااااااااااااااااااا رب استرها

شكرا ليكم على المشاركة والتفاعل بجد الموضوع خطير وحيوي جدا انا مش عارف اقول ايه تاني كفايا الصدمة اللي شوفتها

لما نلاقي أمة صنعت التاريخ دلوقتي تاريخها بينهار

وفعلا مصر مبقتش زي الأول يا جماعة الناس دلوقتي مبتقش تحب الخير لحد

ربنا يستر وتعدي الأيام دي على خير

لا يا محمد تاريخها مش بينهار تاريخها هو تاريخها احنا الي بننهار مش هي الامة الاسلامية باقية
واكبر الادلة ان الخطة الحربية الي عملها خالد بن الوليد رضي الله عنه في موقعة مؤتة لا تزال تدرس في جامعات اوربا لحد دلوقتي

ويا اميرة الحل مش في تغيير الحكومة ولا الواسطة اينعم ده جزء من الحل بس مش كلو
الحل جوانا احنا احنا الي نغير نفسنا هي القراية الحكومة مانعاها ؟؟!!!!
المواقع الاباحية الحكومة الي بتخلينا نخشها ؟؟!!!!

بيتهيقلي ان الحكومة دي شماعة بنعلق عليها هبلنا وأخطائنا للاسف اينعم هيا متحملة جزء بس مش كلو
اظن احنا لو اتغيرنا من جوانا الحكومة هتتغير بردو مش زي واحد يقول ايه البلد الي مش نضيفة دي ويقوم رامي المناديل في الشارع

معلش يا جماعة بس بجد انت دايقتني وصدمتني بكلامك يا بري

كفايانا هببببببببببببل يا جماعة بقة

<div class='quotetop'>إقتباس(كلكول @ Jan 30 2007, 03:55 PM) 261793</div>
بلد ويشرف اى انسان انه منها
تصدق حلوه يا اخ زيزو طب تقدر تقولى بلدى عملتلى ايه
ياعم روح شوف عدد الشباب الى قاعدين على القهاوى وللاسف معاهم شهادات عاليه
ياعم شوف ارتفاع الاسعار الى كل يوم عماله تزيد
ياعم شوف معدل العزوبيه والعنوسه اد ايه
ياعم شوف المليارات الى بتتصرف على الحفلات والهجص ويجوا على رغيف العيش بتاع الغلابه عايزين يلغوا الدعم
ياعم شوف الفرق الطبقى الكبيييييييييير بين الشعب ناس تلاقيهم بترمى الفلوس فى اى هجص وناس مش لاقيه تاكل
انا مهما اتكلمت عن البلد دى مش هوفيها حقها
تيجى تقولى ليك الفخر انك منها
ونعم الفخر ياحج
[/b]
السلام عليكم ورحمة الله وبركاته
اولا يا محمد تصدقنى لو قولتلك ان ده اول موضوع من مواضيعك اهتم بيه
احنا يا اخ كلكول المفروش منستناش البلد تعملنا حاج لان حالها منيل يبقى احنا لازم نعتمد على نفسنا
الشباب بتوع اليومين دول عايزين يقعدو جمب الحج ولدتهم والشغل يجى على طبق من فض لهم بالله عليك هما كده ولا لا
وانا ليه كل وكامل الفخر انى من مصر
شيل بس الحراميه الفيها وهى تبقى جنه

<div class='quotetop'>إقتباس(محمد البري @ Jan 30 2007, 06:23 PM) 261871</div>
شكرا ليكم على المشاركة والتفاعل بجد الموضوع خطير وحيوي جدا انا مش عارف اقول ايه تاني كفايا الصدمة اللي شوفتها

لما نلاقي أمة صنعت التاريخ دلوقتي تاريخها بينهار

وفعلا مصر مبقتش زي الأول يا جماعة الناس دلوقتي مبتقش تحب الخير لحد


ربنا يستر وتعدي الأيام دي على خير
[/b]
تعرف يا برى ان مصر البلد الوحيده الى الناس بتعتها تخدمك وهى متعرفكش
كفايه يا اخى انك لو تهت فى اى حته فيها وتسال تلاقى حد يجوبك

اه زي واحد عماني بيحكي قدامي بس عن المصريين

نزل القاهرة فبيسال بيقول للناس ميدان كزا فين وهو اصلا اسم مش في مصر

اللي قاله قدام كمان شارعين واللي قاله ورا كمان شارعين

لغاية ما قابل راجل قاله علي الطلاق بالتلاته ( ازاي معرفش ) انا ليا 25 سنة في البلد دي عمري ما سمعت عن الميدان دا

يلا يا عم بيساعدوا قوي شكلك متعاملتش معاهم

انا عشت بره مصر 4 سنين

اوحش صداقة وصحبة هما المصريين مسيرك هتجرب في يوم

سلام :)

<div class='quotetop'>إقتباس(محمد البري @ Jan 30 2007, 08:15 PM) 261923</div>
اه زي واحد عماني بيحكي قدامي بس عن المصريين

نزل القاهرة فبيسال بيقول للناس ميدان كزا فين وهو اصلا اسم مش في مصر

اللي قاله قدام كمان شارعين واللي قاله ورا كمان شارعين

لغاية ما قابل راجل قاله علي الطلاق بالتلاته ( ازاي معرفش ) انا ليا 25 سنة في البلد دي عمري ما سمعت عن الميدان دا

يلا يا عم بيساعدوا قوي شكلك متعاملتش معاهم

انا عشت بره مصر 4 سنين

اوحش صداقة وصحبة هما المصريين مسيرك هتجرب في يوم

سلام :)
[/b]
السلام عليكم ورحمة الله وبركاته
صدقنى يا برى احسن ناس المصريين ومش حتلاقى اصحاب احسن من المصريين
شوف يا محمد كل البيحصل فى البلد ده ولس برضه اهلها بتحب بعض وبيسالو عن بعض

برضو شكلك مش عايش في البلد

انا عايزك تجرب الغربة يا عم وهتعرف الفرق والله لتعرف طبيعة الشعب على اصله

انا مبتكلمش من فراغ

الاخ دلوقتي بيكره اخوه

غير كدا دا شذوذ عن القاعدة العامة دي

وربنا يوفق ونرجع نصحى ونفوق من اللي احنا فيه

اللي بيحصل خلاص فاض بينا

و الله يا جماعة كل ما نقول انا ها اهاجر و هى ده بلد معفنة كدة ما حدش ها يصلحها
لازم نحاول نعمل اى حاجة نصلحها يا جماعة
و على فكرة انا شاب متفائل جدا لمصر
و شكرا جدا على الموضوع الجميل يا ميدو باشا

هو انت يا برى بتكره مصر ولا ايه

وبعدين حتى لو هى وحشة بلاش فضايح

مصر لسه بخير

انا بحب البلد دي قوي

والدليل اني لما نزلت المطار سجدت وبوست الارض

يا جماعه شعور الغربة مميت قوي قوي

بحب مصر

لكن فين مصر

هتروح من ما بين ايدينا احنا مستسلمين

بلادي بلادي يا ام البلاد
بلادي بلادي يا عشق الفؤاد

بس ترجع زي ما كانت :)

أروع أنواع الحب هو الحب اللا مشروط
لو بتحب بلدك بجد إوعى تتشرط عليها
اعملي كده وأنا أحبك
ديه نقطة
وآسف للبداية الشديدة ديه
فيه نقطة كمان
بالنسبة للقراية
أنا هقلك حاجة ظريفة أوي
فيه واحد بيقول
لا فرق بين أمي ومتعلم إذا كانوا لا يقرأون
يعني واحد درس 13-18 سنة وفي الآخر ما بقاش يقرا عن إللي بيحصل في العالم
إيه الفرق بينه وبين واحد أمي مش بيعرف يقرا؟
الاتنين معلوماتهم نع الوضع الحالي صفر
عن التطور صفر
لأن الاتنين مش بيقروا
حتى لو كان فيه واحد منهم بيعرف يقرا
ده على العكس
المتعلم إللي مش بيقرا أسوأ في نظري من الأمي
لأن الأمي على الأقل مش بيعرف يقرا فعنده عذر أقبح من ذنب
لكن المتعلم ليه مش يقرا؟ ما عندوش حتى العذر
تعرف إن الدول المتقدمة أحياناً بيكون الواجب عندهم إنك تقرا كتاب
بس تقراه وتيجي الفصل تاني يوم تناقشه !!!
الحل فين؟
أنا مستعد أقسملك إن ما حدش هنا في الموقع هيديك الحل
ببساطة لأن الحل مش بهذه البساطة
واحد يقول كلمة ويمشي أو جملة
أو يحط حل نظري
الموضوع كله من بدايته لنهايته محتاج دراسة
وبالنسبة لموضوع البحث ده
بغض الن\ر عن إني شاكك في الإحصائية
فأنا هقلك حاجة
إنت فاكر إن إللي بيتفرج على مواقع *****ة هوه بس إللي وحش؟
طب ما إللي بيشتري المنتجات الأمريكية والإسرائيلية ما هو كمان وحش
ما إللي بياخد رشوة وحش
أي واحد بيعمل حاجة وحشة يبقى تصرف وحش
مش بس المواقع ال*****ة
حاجات كتير
وعلى فكرة الكلام كتير ولو حسيت إني عاوز أتكلم تاني
فهيكون ليا عودة
شكراً على الموضوع

شكرا ليكم كلكم ومنتظر صلاح وخالد :)

انتوا عارفين بقى المصريين مش بيقروا ليه

لانهم بقوا كلهم على النت

انتوا مش اخدين بالكو ولا ايه المصريين خلاص عدوا يا جماعه

احسن حاجه فى المصريين انهم بيجيبوا من الاخر

مش بيقولوا ان الامى فى العصر هو اللى مبيعرفش يشتغل على الكمبيوتر

هيا بنا نقضى على الامية

وشكرا

<div align="center"> :( so sad ya man ... بس هتقول ايه بقى ...



وايه اللى وصلنا لكل ده ؟؟ </div>

والله يا مازن اللي وصلنا لكدا دي تسال نفسك فيها شوف انتا كمان وصلت لأيه؟

ما لو كل واحد بص لنفسه وعدل منهم هنفوق م اللي احنا فيه بس احنا نايمين في العسل :D