<div align="center">بسم الله الرحمن الرحيم

تكلمة لسلسلة من المواضيع هطرحها هنا في الموقع قلت أختار موضوع جميل رشيق وخفيف نتكلم فيه؟

الموضوع بيقول لو سالتك انتا مصري تقول ايه؟

تعرف انا هتكلم عن ايه طبعا هتكلم عن حاجات كتيرة بس هاخد دلوقتي حاجا معينة اتكلم عنها

هبدأ بالمستقبل في مصر ( مستقبل أي شاب في مصر )

اتكلنا على الله وافتح الموضوع

رجل + امراءة ـــــــــــــــــ( معامل التفاعل ... تزاوج .....) = جنين ( الناتج)

شوفتوا المعادلة الرهيبة دي

يلا نمسك اطراف المعادلة طرف طرف

رجل : مسئولية ماذا كان الرجل كان جنين

يبأى نبدأ بيه

بدأ الجنين ينمو ويكبر التحق بالتعليم أكيد

خلص ابتدائي

اعدادي

ثانوي

( واراهنك لو فهم حاجا من اللي درسها )

كبر ( الشاب الأمور دا وبأى شيك قوي )

دخل كلية ( طب . صيدلة . هندسة . تجارة . شحاته . سرقه )

المهم دخل كلية والسلام او نقول معهد

محمد او حسين او احمد او سين من الناس مش هيفرق الأسم

اتخرج ولله الحمد بكالوريوس

مفيش تعيين الله اكبر

محمد بيحب سها واحمد بيحب نهى وشادي بيحب نجلا

محمد مش لاقي شغل

احمد مش لاقي شغل

شادي مش لاقي شغل

محمد وشادي واحمد لموا نفسهم على قهوة وقعدوا شيشة تفاح واديها

شاي ومشاريب وطاولة وضومنا

السنين جرت ( سهى ونهى ونجلا ) حبايب عنيا اتجوزا بنات مش لازم

راح محمد بأى بيفكر ان حماه أهبل اونكل ممكن اطلب ايد سهى

قاله انتا مين وابن مين عندكوا ايه ؟

انتا بتشتغل ايه؟ مرتبك كام؟

الخ الخ

المهم كدا نلاقيها معروفة قدامنا

نتكلم عن محور مهم الشباب يروح فين؟

هيتجوز امتى؟ نسبة العنوسة 9 مليون يجدعان؟


يتولد للشاب احباط

الاحباط دا بيتراكم ويوصل للجيل اللي بعده يتكاسل عن اداء دوره الحيوي في المجتمع

يبأى عمرنا ما هننهض ولا عمرنا هنرجع زي ما كنا؟

انا عاوز حل؟

هل عندنا علماء في مصر

مجدي يعقوب مش بيجي مصر قد كدا

زويل

والبقية برضو كلهم بره بيكملوا بره فيه حاجات كتيرة تساعد

عايز اعرف بس ( امتى مهزلة طوابير العيش هتنتهي)

امتى الأب يبأى ومراته بتولد ضامن مستقبل ابنه دا اللي جاي

مش ينعى الهم بتاع ابنه كمان

امتى وامتى وامتى ؟

حاجات كتيرة

محبطين ... مش قادرين نتكلم ... مقيدين

امتى هننطق ونقول الحق

امتى نقول للظلم لأ

امتى نقول كفايا حرام

امتى هنفوق من دي احلام

امتى هنرجع ونقول لأ

باسم جندي وشهيد وجريح

امتى نخلي الحق صريح

نرجع تاني ونقول لأ

حدود وقيود كتيرة حاولينا مش قادرين نتكلم يا جماعه

نحن لا نفقه اشياء كثيرة؟

واقرب دليل للمستقبل

اللي حصل في كلية الزراعه للعلوم البيئية في جامعة قناة السويس

لما قبل الامتحانات باسبوعين سحبوا كارنيهات الطلبة ... وقاللهم متنفعوناش

اللي سابوا كليات ومعاهد للفرصة دي قالولهم منعرفكمش

ونقول لأ للجهل ولأ للأمية معا لنمحي الأمية

وانا لحد الان أمي

ليس الأمي من لا يقرا ولا يكتب ولكن من كانت على قلبه غشاوة

كلنا سكتنا للظلم مقدرناش نقول حاجا ورضينا بالأمر الواقع ... ونقول وانا مالي ونتكاسل ونرمي الحمل على بعض

ياريت نقدر نفوق شوية ونصحى زمن النوم راح دلوقتي اللي نايم محدش هيصحيه ولا أكنه يعرفه

ايام وهنلاقي الاخ بيتقل اخوه على لقمة عيش مش رغيف

يا جماعة حد يقولي امتى احنا هنفوق دا انا بتكلم عن مستقبلنا بس

يا عالم كمان خمس سنين البلد هيكون احوالها ايه؟

كفايا اللي بيحصل للواحد بجد انا تعبان قوي من اللي بيحصل

دول دمروا ارادتنا ودمروا فينا كل حاجا

ممكن حد يقولي

امتى هنرجع تاني نكون
لينا صوت بيهز الكون؟</div>

ليا رد طويييييييييييل فى موضوعينك يا برى
بس لما ارجع :D
واقوللك
على مشكلة الكتب والموضوع ده
استنانى B)

وليا تعديل بسيط
<div class='quotetop'>إقتباس</div>رجل + امراءة ـــــــــ+ مأذون ــــــــ( معامل التفاعل ... تزاوج .....) = جنين ( الناتج)[/b]
عشان تبقى شرعى لا مؤاخذة :D :P

السلام عليكم ورحمة الله وبركاته
والله يا جماعه مفيش غير حاجه واحده وهى حديث الرسول عليه الصلاة والسلام

"تركت فيكم ما ان تمسكتم به لن تضلوا بعدى ابدا كتاب الله وسنتى " صدق رسول الله صلى الله عليه وسلم

والله هو ده الحل

لما بعدنا عن الحاجتين دول

خد عندك بقى عنوسه وجهل وامية واطفال شوارع و كل واحد مش عاجبه حاله

انتوا عارفين ان الشاب على ايام الصحابه كان لما يوصل 16 سنه بيكون متجوز

وطبعا بقى مبيكونش جاب العربية والقصر اللى هعيش فيه وحساب فى البنك كان بيروح بايمانه بس

ده الرسول عليه الصلاة والسلام قال " يسروا ولا تعسروا "

وقال كمان " اذا جاءكم من ترضون دينه وخلقه فزوجوه " صدق رسول الله صلى الله عليه وسلم

انا معاكو ان الزمن اتغير بس كل اب الوقتى عايز يضمن مستقبل بنته يقعد يتامر بقى

وشكرا

سلام عليكم ورحمه الله وبركاته وبعد
بس يا محمد حال البلد هيتعدل اذا
وقف الشعب مع بعضه و كل واحد يساعد الثاني وميقلس لا لحد

كل واحد يراعي ظروف الاخرين
صوت الشعب هيهز الكون اذا فقنا من احلامنا التي ليس لها اساس وممكن احلمنا تتحقق اذا كانت مبنيه صح وهو الي هيكون احلامه
وعدم العتماد على الخرين

السلام عليكم ورحمة الله وبركاته
بص يا برى بصراحه انا اقف بكل احترام لموضوعك ده بجد فى غاية الروعه ماشاء الله عليك
يا برى ويا شباب الحل فى اسلمنا نرجع ونحن نجد الحل
هناك معادله يا برى قصاد المعادله بتعتك او بمعنى اخر حلها
رجوع الى الاسلام+رجوع الخلافه الاسلاميه +فهم +اخلاص +ثبات على الايمان = اننا حنصلح الاوطان
واعتقد ده اجابت السؤال بتعكم لان د الحل ومفيش اى حل تانى غير دول وجارى التحميل والتنفيذ

<div class='quotetop'>إقتباس(طالب الجنة @ Jan 30 2007, 07:54 PM) 261913</div> السلام عليكم ورحمة الله وبركاته
والله يا جماعه مفيش غير حاجه واحده وهى حديث الرسول عليه الصلاة والسلام

"تركت فيكم ما ان تمسكتم به لن تضلوا بعدى ابدا كتاب الله وسنتى " صدق رسول الله صلى الله عليه وسلم

والله هو ده الحل

لما بعدنا عن الحاجتين دول

خد عندك بقى عنوسه وجهل وامية واطفال شوارع و كل واحد مش عاجبه حاله

انتوا عارفين ان الشاب على ايام الصحابه كان لما يوصل 16 سنه بيكون متجوز

وطبعا بقى مبيكونش جاب العربية والقصر اللى هعيش فيه وحساب فى البنك كان بيروح بايمانه بس

ده الرسول عليه الصلاة والسلام قال " يسروا ولا تعسروا "

وقال كمان " اذا جاءكم من ترضون دينه وخلقه فزوجوه " صدق رسول الله صلى الله عليه وسلم

انا معاكو ان الزمن اتغير بس كل اب الوقتى عايز يضمن مستقبل بنته يقعد يتامر بقى

وشكرا [/b]

انا معاك يا طالب الجنة

هقول أنا مصري
يعني عاوزني أكدب يعني؟

لو لم اكن مصريا لوددت ان اكون مصريا :P

امتى هننطق ونقول الحق

امتى نقول للظلم لأ

امتى نقول كفايا حرام

امتى هنفوق من دي احلام

امتى هنرجع ونقول لأ

باسم جندي وشهيد وجريح

امتى نخلي الحق صريح

نرجع تاني ونقول لأ

الموضوع جميل جداً يا محمد، بس بصراحة مش عارفة أقول إيه
مهما حصل برضه مصر دي بلدنا اللي إتولدنا فيها وبنحبها وإنتمائنا ليها
ربنا اللي عالم باللي إحنا فيه وكل اللي أقدر أقوله ربنا معانا..

صدقوني محدش هيعرف قيمة مصر الا لو اتغرب

انا مع طالب الجنه و بحر الحب يا محمد
إن الله لا يغير ما بقوم حتى يغيروا ما بأنفسهم
يعنى فعلا يا محمد احنا مش هنقف ايد واحده
غير اما نشوف ايه اخطاءنا الاول و نحاول نصححها

ههههههههه و الله يا زيزو عندك حق
انا محستش بقيمه المكان اللى انا عايش فيه
غير اما جاتلى صيدله بنى سويف و انا من كايرو
و دى نفس النظريه

ماشاء الله موضوع جميل يا محمد .....
والحقيقة ان مصر كبلد هي بلد جميلة جدا وانا عن نفسي لما بسافر ببقى نفسي ارجعلها تاني ..
بس مصر كشعب دي بقى اللي نتكلم فيها .. والحمل مش على الشعب وبس ( الشعب هيعمل ايه ؟ ) الحمل برده على الحكام اللي ماسكين البلد ...
ومعنى كدة ان كله لازم يكمل بعضه . مش كل واحد يرمي الحمل على التاني .. وبالايمان اكيد هنقدر نصلح البلد ...
وفي النهاية كلنا مصريين ... ونفتخر بذلك .
شكرا محمد عالموضوع الجميل ..

كلامكوا صح
مش هنتغير الا لما نتغير من جوة
بس تعرفوا اية الحاجة اللى نفسى اننا نغيرها بجد

الكلام

تعبنا كلام كفاية كلام اللى احنا فية مش محتاج كلام كلنا شايفين دة واقع

مش يلا بقا
خلونوا من هنا نبتدى
نطلع بحاجة
نغير حاجة
اللى نقدر علية
هنعمل
وكفاية كلام
واحنا هنا جيل واحد يمكن يطلع مننا اللى يقول حل عملى
كلنا عايزين مصر ترجع مصر
والسؤال نعمل اية عشان مصر ترجعلنا؟

امتى هننطق ونقول الحق

امتى نقول للظلم لأ

امتى نقول كفايا حرام

امتى هنفوق من دي احلام

امتى هنرجع ونقول لأ

باسم جندي وشهيد وجريح

امتى نخلي الحق صريح

نرجع تاني ونقول لأ


و انا مع زيزو

شكرا ليكم كلكم بجد

وفعلا يا زيزو محدش هيعرف البلد دي وحبه ليها بجد الا لما يعيش الغربة :) :D

وشكرا ليكم وفي انتظار خطوات بدائية منا اولا عشان نقدر نرجع مصريين بجد :)