بسم الله الرحمن الرحيم


السلام عليكم ورحمة الله وبركاته


في حاجة كدة يا جماعة كان نفسي اقول عليها من زمان
دلوقتي انا لما بدخل علي المنتدي هنا
مش بدخل الا عشان استفيد منو
وبصراحة المنتدي مليان مواضيع مفيدة
وانا مش بلحق اشوف كل الجديد
او بمعني اصح
المفيد
وافضل بقي ابعت لاصحابي رسايل خاصة واسالهم في مواضيع جديدة
طب في مواضيع مهمة
وبالتالي هما كمان بيبعتولي الرد
طب والواضح من الموضوع دا ان انا بس اللي بستفيد
انا بقي حبيت في الموضوع ده استفيد وافيد حبايبي كمان
طب ازاي
اي حد اتفرج علي موضوع حلو في اي حته في المنتدي
يكتب اسم الموضوع ولو امكن يضع الرابط
وكمان يقول ايه اللي عجبوا في الموضوع ده
ودا لزوم التشويق والتشجيع وكدة يعني
وكده طبعاً كلنا هنفيد بعضنا ونرتقي أكيد بمستوي المنتدي
وربنا يوفقنا كلنا ونجيب اعلي الدرجات في الثانوية اللي منهجها مش عايز يخلص ده
وأنا هبدأ واحط كام موضوع في المشاركه الجاية وطبعاً هقول ايه اللي عجبني فيهم

يلا سلام

شوفوا يا جماعة روعة الموضوع ده :

الاسم
المفاتيح العشرة للنجاح الدراسي
الكاتب
ا / أفنان أحمد
الرابط
http://www.thanwya.com/vb/showthread.php?t=106383 (http://www.thanwya.com/vb/showthread.php?t=106383)

الموضوع بيتكلم عن الدراسة والمذاكرة وازاي تبقي فعلاً ناجح وكمان ازاي تقدر تحفظ الحتت اللي فيها حفظ وتفهم اللي المفروض يتفهم وهيخليك تذاكر بجد .
وعلي ما اعتقد ان اللي هيعمل بالموضوع ده أكيد لازم يكون من المتفوقين وهيجيب درجات جامده اوي آخر السنة

الاسم /
الاعجاز العلمي في حياه النمل
الكاتب /
وليد صاوي
الرابط /
http://www.thanwya.com/vb/showthread.php?t=173438 (http://www.thanwya.com/vb/showthread.php?t=173438)
كل اللي علي حضرتك تدوس ع الرابط وبعدين لما تقرا الموضوع تقول سبحان الله
لازم تقول سبحان الله
لما تشوف النمل الصغير ده عندوا قدرات قد ايه
وان لو فعلاً عملوا مقارنة بين النمل وبين الانسان
يبقي النمل هو اللي يكسب بكل المقاييس
لو عايز تعرف ليه النمل يكسب
يبقي لازم تقرا الموضوع
وما تنساش تقول سبحان الله