السلام عليكم ورحمة الله وبركاته


عذرا لكم منى على اهداري اوقاتكم الثمينة فيما يلى :


اولا ان لم تكن قد عرفتنى قبلا او انت من الجدد الرائعون فانصحك بالا تكمل لانك لن تتفهم من كلامى شيئاا


(( عذرا على بقائي معكم تلك الفترة الطويلة فقد بت معدومة الشخصية ،
مهزوزة الثقة ،
متدنية الفكر ,
واعترف بانى اثقلت عليكم .............. ))


وقد فشلت بكونى عضو فعال عندكم ..


اعترف بان معكم عقلي قد تدني ليحاور عقولكم فلازمه التدنى وفارقتنى الشواهد ،،، ومؤخرا صرتم انتم العقلاء وغادرنى حتى

احساسي النقدى بالامور .....

فمعكم انا غبية .....



وايضا اعترف بان مراهقتكم الفكرية قد خلفت بذهنى انطاباعتكم مع انى اعلم وادرك بان اراءكم ما هى الا نتاج ثقافة سطحية ...

متدنية ...

وانى لموقنة بفشلي فى مقاومة تاثيركم السلبي علي واعترف بانكم حولتم عقلى الى مستودع افكار مريضة ....


اعترف بانى بكيت هنا اياما وحينما اتذكر ما مضى من تلك الوهلات الحمقاء راودنى شعور بالسخف

كيف سمحت لدموع بان تنهمر على الوان اساسها خيالي ؟؟

يا لى من فتاه ..


اتعجب كيف كنت انتظر لقاؤكم بفارغ صبري . وكم كنت اتحايل بالقول على اوليائي لاظفر بمصاحبتكم ...

حمق متاصل ...


اعترف بانكم قد حققت نجاحا عظيما فى تدمير ذكائي الاجتماعى وشخصيتى القيادية وبفضلكم قد تلاشت كليا شخصيتى

التى كنت اتميز بها ...


اعترف بان ارتضيتكم بدلا عن كتبي لان وقتى المهدر لديكم كان يوهمنى بانى قد اكتسبت قدرا لا باس به من العلم ولكنى اكتشفت

بان صيد الخواطر وفقه السنة والبحر الرائق كانوا لعلمى اكثر انضاجا


واعترف بانى معكم قد اثرت الشغب مع كامل علمى بقدرتكم على ازاحة الجدال لصفوفكم

بل اكثر ما يؤلمنى ان شجاري مع بعضكم كان لصالح البعض الاخر ....... عجبا ويالى من فتاة ....!!!



حاولت التاثير فى القسم العلمى ولكن وكالعاده كان الفشل حليفي



اما عن العلاقات الاجتماعيه فهى معدومة فقد فشلت بتكوين صداقات مع الفتيات ومع الباقين فقد حققت نجاحا

باهرا فى تنفيرهم عنى وذلك مما نجحت به فى اهوال فشلي



لن انسي انكم اعددتمونا يوما اطفالا لم نعرف ما معنى الحياة ولم نذق خبرتها وليكن فى اعتباركم بانا اعلم من وجدوا عندكم

يا شباب العقل كله


جزاكم الله خيرا فانى شهدت لديكم فشلا وتدنيا فى حياتى لم اشهده مسبقا ولن اشهده باذن الله


وانى لاتمنى ان اري سخريتكم على ما خططت لاطمئن بان المنتدى لايزال يجتاحه ذوى المراهقة الفكرية الهوجاء


وانى وقبل الرحيل اتمنى بان اسجل تقديري لمن استحق يوما الشكر وهم على ما اذكر منهم :


ا/ اشــرف
صلاح الدين فارس حطين
ابراهيم الفلسطين
خالد الجن فى عهد قد مضى له
المجاهد فى سبيل الله
....... شاعر الحب....... >> صاحب الاشارات قبل وبعد اسمه
فتاة_الاسلام
كول جيرل
وكثيرون هم ولكنى سردت ما تذكرت منهم


واتمنى اخيرا من ا/ اشرف بحذف عضويتى نهائيا

العضوية (( رحمة للعالمين)) صاحبة التاثير المحدود

لانى ارفض بقاء اى شاهد على حمقى

وكم كنت اتمنى لو لم اتعرف عليكم نهائيا

يا احلى منتدى !!!!!!




ملحوظة :

العضوة حابي لازلت اقدر لها كل الحب واتمنى ان تدوم لى اختا

العضو محمد البري ها انا قد انسحبت ولم توف بوعدك لى .. اتذكره ؟؟؟؟؟؟؟؟








عذرا على الاطالة ،،،،،،،،،،،



رحمة

مش عارف ليه يعني ؟

وفكريني بالوعد يا رحمة

ومين قال عنك كدا؟

انا ؟؟

مش عارف ياريت توضحي


وعدي اني مرجعش الموقع انا رجعته غصبن عني لاني بحبه

اما كلامك فمش فاهم حاجا

انتي غلطانه انك تطلعي نفسك الغلط

لاني عارف ان الموقع هو اللي غلط محدش بقدر كبير كدا



وانا مش عارف ليه اتلاعضاء الكويسين بيمشوا والله دي بأت مهزلة وانا مش عارف اقول ايه

بس بقول امك من افضل عضوات الموقع ادبا وخلقا ودي مش مجاملة

لو كنت في يوم رديت عليكي برد ناقد او وحش فانا اسف بس انا عمري ما افتكر اني رديت رد وحش قوي في موضوع ليكي ولو رديت برض

ومش عارف ليه يعني كل دا مفيش اسباب انك تتكلمي كدا

وبجد انا مستعجب ليه كل دا بيحصل :0

لو حد داقك قولي مش عشان تقولي

توفى الى رحمة الله تعالى ( منتدى الثانويه العامه)

والعزاء عند وصول الجثه

























أسفين ياجماعه الخبر كاذب
هو حاليا حالته متعسره وبيمر بمرحله خطيييييييره جدا

ممكن ربنا يكرمه ويرجع زى الاول وممكن لا
بس كلمة حق قبل مايموت(بعد الشر عليه طبعا)
انا مش عارف بحبه ليه

والله انتو ناس زى العسل
خاصة لما تتخانقوا :D

السلام عليكي اختاه
والله واكبر عليك
بالفعل قد ارتقي الامام ابن الجوزي صاحب (صيد الخاطر) بعقلك وفكرك

ولكن نسيتي ان الرسول عليه الصلاة والسلام علمنا ان احنا نتعامل مع الناس على قدر عقولهم

بفضل الله كم من كتب دينية في النفوس والعقول لابن الجوزي ولابن القيم وغيرهم

ولكن لن انسي اني في موقع طلاب ثانوية عامة يعني 15 سنة فلازم ادخل الموقع بفكرهم هما

ومن الممكن انتي تكون مربية ليهم تعرفيهم وتسردي معاهم الكتب دي

وتناقشيهم في الكتب الدينية

وعايزك تقرئي كتاب (تلبيس ابليس ) لكي تعرفي ان الشيطان لبس عليك في تركك الموقع

لكي تنسي انك من الممكن ان تنفعي المراهقين هنا وتعلميه دين الاسلام

وفي انتظار رجوعك

اه نسيت بالله عليكي غيري كلمة (فتاة حمقاء) ولا تستخفي بنفسك ولا تستخفي بينا لان هذا من فعلا الشيطان ليس فعل المسلمين اصحاب الهمم العليا

<div class='quotetop'>إقتباس</div>خالد الجن فى عهد قد مضى له[/b]
:unsure:
انا اهو :D
============================
بصى يا رحمة اسمعى بس الكلمتين دول
انا احترمتك لسببين
اول حاجة شجاعتك الادبية
على الرغم انك لم تخطئى فى اشرافك للقسمين خاصتك
بس كونك تعترفى بخطأ لم ترتكبيه فده شئ جميل جدا
....
بعيدا عن الكتب التى لم اقرأ منها شيئا
....
لازم تعرفى فى الاول وفى الاخر ان محدش يكون له تأثير على تفكيرك
واعترف...ان ما يحدث يؤثر سلبا بالتأكيد على عقول اى عضو
لانى وزى ما قولت فى موضوع (اذا سمحتى اقوله)
ان الكل بيفتى بدون علم
وخاصة ناس كبيرة فى المنتدى- سنا لمنع الخطأ فى الفهم-واكيد بيأثروا او بيتركوا انطباع او ما شابه
.....
انت لست حمقاء ابدا
طريقتك فى الكلام بتوحى بكده
والصراحة انا لم اراك فى المنتدى لمدة
يمكن تكونى قطعت نشاطك للاسباب اللى قولتيها
وعندك حق
لان المنتدى حاليا لا يفيد
وضرره اكثر من نفعه
مجاملات وغيره وغيره
مشكلتك انك عيشتى بكامل شخصيتك فى المنتدى
وده غلط
لازم تفصلى
بمعنى (((دماغ لحضرتك مع اسرتك واصدقائك))
ودماغ للمنتدى ده
او للنت بشكل عاملانك هتلاقى المثقف و المتزن والاهبل والعبيط
عشان كده ده يمكن خلاكى تتعبى شوية
وانا فى رأيى انك لو صممتى تمشى من المنتدى فى يوم
يبقى تعمليها راحة لذاتك
وخاصة انتى تقريبا فى ثانوية عامة
يعنى مش ناقصة تعب اعصاب :D


ده على قد فهمى :unsure:

وربنا يباركلك ان شاء الله
ويشرح صدرك
ولو كان المنتدى او النت اثر سلبا على حياتك
يبقى الافضل سيبك منه خالص

nooooooooooooooooo
stop here
كله الا رحمة للعالمين
لا يا رحمة بليييييييييز متقوليش كدة
بجد بجد انتى من اكتر الشخصيات المحبوبة ان لم تكونى فى الصادرة ولو حتى عندى انا
والله بجد انتى من الناس القليلة اللى انا بحبهم وبحترمهم فى المنتدى
وفى ناس كتير كنت بحبهم وبرضو معتش اشوفهم خالص
بجد المنتدى كدة حاسة انه فى النازل
لما تكونى انتى من اكتر الاعضاء المميزين وتطلعى هيتبقى مين
يحســـــــــــــــــــــــــــــــــــــــــــــــ ـــــــــرتاه

_______________________


صدمة ..

كنت منتظر مقلب او اى حاجة فى الاخر ..

لكن كل مااكمل قراية باعرف انى غلطان ..

كان لازم اعرف كدة لما عملتى موضوع بخصوص تأثير المنتدى فى التزام العضو ..

=======================

حرام عليكى

انا بصراحة مش مشتركة من زمان على المنتدى بس انا قرات ليكي مواضيع حلوة وعجبتني جدا
وفعلا بجد واضح انك انسانة محترمة
وعلشان كده انا رايي ان اللي تشوفيه في مصلحتك اعمليه بلا تردد
بس الاكيد انك ماتهنيش نفسك ابدا مهما حصل بالشكل ده لانك اكيد افضل من كده بكير

:( :(

إذا سألتنى لماذا مازلت فى المنتدى أقول لسببين

الاول إحساس بالمسئولية تجاه كل معلومة خاطئة تكتب فى المنتدى أستطيع تصحيحها

أحس ان أننى لأبد ان اقول ان هذا خطأ

واحس ان الله سيحاسبنى على هذا

ثانيا إناس أحترمها فى المنتدى

أحس أن على ايضا ان اشجعهم كى يستمروا


أرو ان تجعلى هذان السببان فى أعتبارك

انا اعتقد انك انكى مخطئه لكنى لانى جديد لا اعلم ماذا كان يحدث سابقا لكن انا اعتقد ان المنتدى جيد الان بدليل الموضوع الذى طرحته فى الركن العام وكان بعنوان شارك ولتكن هادئ وكنت عرضت فيه نقاط من الممكن ان تؤدى فيه الى الفتنه واشياء خطيره جدا وتسألت عن الذات الالهيه ووجدت ردود جيده جدا منها رد استاذ جمعه وهذا دليل على نضج فكر اعضاء المنتدى