السلام عليكم ورحمة الله وبركاته
ما هي معلوماتك عن معرض القاهرة الدولي للكتاب ؟؟ :ph34r:
هل ذهبت من قبل لهذا المعرض ؟؟ :angry:
هل تعرف أن الدورة (المرة) الحالية هي الدورة رقم 39 ؟؟ :huh:
إذا كنت ممن يحب القراءة و الاطلاع فهل زرت معرض هذا العام ؟؟ B)
هل تعرف أن المعرض بدأ هذا العام 23 / 1 / 2007 وينتهي 4 / 2 / 2007 ؟؟ :(
ما هي تعليقاتك واقتراحاتك علي معرض الكتاب ...... ؟؟؟؟ :unsure:

مشكور يا سي سيد خضر على التذكير للاعضاء بمعرض القاهرة الدولي للكتاب
بس للاسف انا من فلسطين وما بعرف شي عن هذا المعرض :(

اخي السيد خضر كنت اتمني اني اكون في معرض القاهرة الدولي للكتاب
انا روحته مرة واحدة بس الكلام ده وانا عندي عشر سنين يعني من 12 سنة تقريبا
عموما مشكور اخي السيد علي موضوعك

امم
معرض القاهرة الدولى للذباب لا مرحتوش
بس اعرف انه فقد كثير من الككتاب والمثقفين والشعراء الذين عزفوه عن المشاركة
باى اعمال فيه نظرا لحالة الكوسة المستشريه والمنتشره لدرجة وصول الرائحة التى تزكم الانوف
لمرضه انفلونزه الطيور

كعادتى كل سنة بنزله مع والدى تبع اتحاد الكتاب

لكن المره دى كلها كانت وحشة

اولا كان الجو وحش

ووصلنا الساعة 2.30

وكان المفروض نمشى الساعة 7 مساءا

وطبعا مالحقتش الف فى المعرض كويس

لكن نقيت كتب وطلبت من احد احبائى انه يجيبهالى

وبالفعل جابها ومنها ديوان ابن زيدون وكتاب الشيخ القرضاوى الإسلام والعلمانية ومسرحية الست هدى لشوقى ..

وللاسف ..

دورت ما يقرب من 3 ساعات من غير راحة على ديوان او اى عمل للشاعر احمد بخيت

وللاسف مالاقيتش اى حاجة

وخليت صاحبى يدور برضه لما نزل هو تانى

وامالاقاش

مش عارف الاقيله فين ده

والحمد لله المعرض كان فيه كتب جميلة

لكن الاسعار للاسف غالية شوية

ما هي معلوماتك عن معرض القاهرة الدولي للكتاب ؟؟

معرض للكتاب سنوي وهو في القاهرة

هل ذهبت من قبل لهذا المعرض ؟؟
كثيراً تقريباً بصفة سنوية منذ الدورة 28

هل تعرف أن الدورة (المرة) الحالية هي الدورة رقم 39 ؟؟
نعم أعرف منذ المعرض الفائت

إذا كنت ممن يحب القراءة و الاطلاع فهل زرت معرض هذا العام ؟؟
أجل زرته
بالمناسبة أنا شفت الموضوع قبل ما أروح بس حبيت أرد بعد ما رحت :)

هل تعرف أن المعرض بدأ هذا العام 23 / 1 / 2007 وينتهي 4 / 2 / 2007 ؟؟
أنا عرفت متى يبدأ من زمان وما ركزتش على متى ينتهي بسبب المد إللي بيحصلوه كل سنة
عرفت ميعاد الانتهاء من هنا

ما هي تعليقاتك واقتراحاتك علي معرض الكتاب ...... ؟؟؟؟
في الواقع المشكلة مش في المعرض بحد ذاته
المشكلة في البشر
دلوقتي الناشرون بقوا يركزوا على المكسب أكتر ما يركزوا عل المعلومة المفيدة والثقافة الموجهة
وكمان أنا سمعت واحد بيقول للتاني
3/4 إللي جايين المعرض إنهاردة جايين يتفسحوا
لأنه على ما أعتقد مش معرض كتاب
ده معرض فسيخ
والحتة ديه أغلى من ديه
وبتعرف الفرق من اللون والريحة أكيد
وبتختار على هذا الأساس
كل ما اللون والريحة يزيدوا أكيد حتة الفسيخ هتبقى أجمل وأغلى طبعاً
ومع ذلك المعرض احتمال يكون له دور في التشجيع على القراية
ممكن وحد يجيب منه كتاب مرة واحدة وبعدها يحب القراية
بس المعرض الدولي للكتاب بالقاهرة
مات
الله يرحمه
صحيح ضيف المعرض السنة إللي فاتت كانت ألمانيا
والسنة ديه إيطاليا
شكراً أستاذ سيد على الموضوع :)

أيوه فعلا يا صلاح الدين

إحنا دخلنا علشان بس الناس اللى كانوا معانا كان عندهم ندوة الساعة 2.30 وكنا وصلنا 2.25 تقريبا

وكان طابور للدخول رهيييييييييييب

على فكرة صاحبى قالى زى كلام الواحد ده:D

3/4 اللى جايين جايين فسح !!

كنا ماشيين والناس قاعدة على النجيلة المزروعة هناك

وفارشين وبياكلوا :D

ربنا يهدى

بس كمية الكتب رائعة

لكن الاسعار هى اللى وحشة جدا

وخاصة انى اتصدمت اول لما دخلت المعرض

كان اول حاجة دخلتها مكتبة مدبولى عند البوابة 10 , 11

ولاقيت كتب رهيبة

وبسأل على الاسعار اتصدمت :D

يلا خير

الحمد لله

انا جبت اللى عاوزه

الا كتاب احمد بخيت ده

مره تانية ان شاء الله ...


ويا ريت اللى زاروه تانى يحكولنا ويقولو لنا رأيهم :)

السلام عليكم ورحمة الله وبركاته
اود أن أشكر كل السادة الأعضاء الذين شاركو معنا بالرد و التعليق
و أود أن أسجل أنا ايضا ملاحظاتي علي المعرض وهي كما يلي :
1- مدة المعرض حوالي 12 يوم منها أول وأخر يوم ريحين بين الافتتاح ودا بلا جمهور ويوم الانتهاء و دا بلا بائعين .
2- المعرض في إجازة نصف العام ومعظم الشباب لسة خارجين من الامتحانات و زنقة المذاكرة أما رجال التربية و التعليم مثلا و كذلك التعليم العالي مازالوا مشغولين في تصحيح امتحان الترم الأول .
3- المعرض يتم علي حد معلوماتي بهذا الحجم في القاهرة فقط وبيكون منتاهي الصغر في أجازة الصيف الكبيرة في الأقاليم .
4- الزحام الشديد وعدم النظام وعدم مراعاة السلوك الحضاري في معرض دولي . كما قال البعض الناس فرشين علي الأرض .
5- الأسعار مولعة جدا لدرجة إن إنا شخصيا لم أشتري سوى كتابين جديدين و اشتريت 42 كتاب من سور الأزبكية .
و في النهاية ....
أشكر جميع المشاركين
وأدعوا الله أن تصل ملاحظتنا إلي المسئولين عن المعرض و يحاولوا يعالجوها .