السلام عليكم و رحمة الله و بركاته
اولا لازكم الكل يعرف اني من المؤيدين للمقاومة.
و الاخوان المسلمين انا متفق معاهم في حاجات كتير.
ايران انا كنت متفق معاها لكن بقيت مجرد معجب بتجربتهم و نفسي نعمل زيهم.
لانهم تقدمو جدا.
موافق على المقاومة لكن الغباء و البرود مبحبهوش.
حماس اتسببت في مقتل 1400 فلسطيني و خسائر حماس نفسها كانت 14 واحد بس.
حماس بتعمل احلى شغل من الانفاق ..
الوقود المصري المدعم بيدخل غزة من الانفاق و بيتباع لاسرائيل بأكتر من ضعف التمن.
و في نفس الوقت مصدعة دماغ اهالينا بالمعابر دي.
و لعلمكم معبر كرم ابو سالم بيدخل منه اكل و شرب.
لكن حماس بتعمل حاجات ملهاش تفسيرات...عاجبها الوضع و مش عايزة تمضي على المصالحة المصرية و كل شوية تطلع تصريحات ضد مصر.
و بعدين يرجع يحترم نفسه و يلايمها.
الجدار ضد الانفاق ضايقهم عشان بيستنفعوا منها جامد.
حماس عمالة تضغط علينا و بتستهبل و كأنها مش عارفة بالتزاماتنا مع اسرائيل و المجتمع الدولي.
و انا شايف انها عايزة تحكم و خلاص .. و مش عايزة تتحمل مسئولياتها.
____________________________
اخر الاستفزازت هي قتل الشهيد احمد شعبان .. و صوروه و هم بيقتنصوه.
و بعد ما قتلوه الكلاب يطلعو على البرج عشان يحتفلوأ.
هو ده عدوكم؟؟؟....هو ده فعلا اللي بيحاصركم؟؟؟
ولا ده اللي حارب عشانكم؟...ده اللي استشهد عشانكم؟؟
ده اللي مات من العطش في سيناء عشان عايز يحرركم؟؟
ده اللي لولاءه مكانتش هتبقى ليكم حدود مع مصر اصلا و كانت اسرائيل هتحاوطكم من كل حتة.
ده الجندي المصري.
خلاص نسيوا ان في حاجة اسمها اسرائيل.
طيب مدام حطوتنا في اولوياتكم عن اسرائيل .. متزعلوش لما نتصرف زيها.
و على فكرة احنا فينا اللي مكفينا .. يعني اذا كنتم محاصرين و الله احنا عندنا ناس في مصر تعبانة اكتر منكم ميت مرة.
و بعدين انتو ليه بتتكلموا على اساس ان مصر دي مبتعملش حاجة لغزة و اقصى شيء بتعمله هو انها بتعدي مساعدات.
المعبر بيفتح كتير جدا لكن محدش بيقول ... و خلينا نفكر بالعقل .. لو مصر مش عايزة تساعدكو كان هيبقى معاكم سلاح....كنت لسه هتكونو عايشين و ممتوش من الجوع.
و كمان جاي تستفز مشاعر المصريين كلهم .. انت كده ما استفزتش النظام ولا الحكومة.
الشهيد احمد شعبان ده مش ابن مبارك ولا ابن ابو الغيط .. ده ابن اسرة مصرية عادية.
و بعدين المصريين عندهم الجيش خط احمر .. ممكن نبقى ضد الشرطة ضد الحكومة لكن الجيش هو الشيء الوحيد اللي لسه بخير في مصر.
و اوعى بقى من الكلام ان مصر هي السبب و اننا استفزينا الفلسطينيين.
القافلة .. كانت في طريقها و هتعدي لحظة ما استشهد على ايدكم.
الاستعباط بتاع القافلة انتو معندكوش استعداد تسمعو وجهة النظر المصرية.
لو انتو بتقولو انكوا ملكمش سيطرة علي اللي حصل على الحدود ....... خلاص سيبونا بقى احنا نسيطر و نبني جدار.
الجندي المصري المفروض يقع قصاده 100 منكم.
و للاسف انتو حولتو المواجهة مع مصر و سبتوا اسرائيل.
و انا عارف كويس انتو هتقولو ايه .. مصر هي السبب .. و ما تفرحوش اسرائيل فينا ..بالضبط زي موضوع الجزاير بس المرة دي الموضوع مفيهوش هزار.
لما نيجي نبقى عايزين نتوجع او نرد او نحاول نرجع حقنا ... هتقولو العروبة و الاسلام و الاقصى.
بس بصراحة الحق مش عليك ... الحق على الادراة المصرية اللي سايبانا نتلطش من اللي يسوى و اللي ميسواس و مش عايزة تدينا فرصة نبقى مؤدين ليها و لو في موقف واحد.
شكرا يا حماس ........ و شكرا للي وراكي.

وهما فاكرين وقوع مصر حيبقى في مصلحتهم ؟

إذا وقعت موارد مصر في يد اسرائيل وانهارت قوة مصر امامها
فعلى جميع العرب السلام
وأهلاً بمملكة من النيل للفرات

و الله حماس مش عارفة مين السبب في انها لسه موجودة اصلا.
قولو بنعايرهم قولو بنذلهم بس هي دي الحقيقة.
انا من الاول و انا موافق على الجدار الفولاذي.
و اعتقد دلوقتي حماس عرفت ليه احنا بنقول عايزين ندافع عن امننا القومي.

شكرا
جزاك الله كل خير

و انا عارف كويس انتو هتقولو ايه .. مصر هي السبب .. و ما تفرحوش اسرائيل فينا ..بالضبط زي موضوع الجزاير بس المرة دي الموضوع مفيهوش هزار.
لما نيجي نبقى عايزين نتوجع او نرد او نحاول نرجع حقنا ... هتقولو العروبة و الاسلام و الاقصى

مش عارفة الصراحة اقلك ايه
مخلتنيش اتعب وكتب الرد :d
ع العموم متشكرة
سلالالالالالالالام

ربنا يخلي حماس لاسرائيل و ميحرمهمش من بعض يا رب.

ايوه مصر عدو للفلسطنيين لانها بتحاصرهم وبتتفق مع اليهود عليهم هو ده لبحق وبلاش ضحك على الناس

لا تعليق
كلام حضرتك جميل جدا وعاطفى جدا جدا
وانا مشفق عليك ليس اكتر
بكره تضحك على كلامك دا
وجزاكم الله خيرا

انا نفسي افهم حاجة.
هو انا عشان ابقى مسلم .. لازم افضل المسلم الغير مصري على المسلم المصري.
هو المصري ده مش مسلم يعني؟
طيب بالله عليكم حماس استفادت ايه من قتل الجندي المصري...
لا هنبطل نبني الجدار و لا هنغير سياسة ادارة معبر رفح....بلاعكس عملت غضب و ممكن نتصرف بتشدد معاهم.
يا جماعة انا نفسي نبقى غيورين على المصريين اكتر من كده.
شوفو الفلسطينيين بيقولو ايه .. الفلسطينيين على مواقعه بيشتمو الشعب المصري علنا مش الحكومة ولا الرئيس بس.
عموما افتكر ان كلامنا ده مش هيجيب نتيجة لان الدولة هتعمل اللي في دماغها.
و هي كالعادة انها تسكت .. بس المرة دي بتسكت على اعتداء على القوات المسلحة المصرية من شوية صيع نفعصهم برجلينا.
تفتكرو انا غضبان ليه كده ... لو اسرائيل هي اللي قتلته مش هبقى غضبان كده.
طبعا هطالب برد فعل مصري .. و لكن ان ده يحصل من الفلسطينيين اللي المفروض انهم مسلمين؟

ربنا يخلي حماس لاسرائيل و ميحرمهمش من بعض يا رب.
هههههههههههههه
حماس+ اسرائيل يا راجل حرام عليك
لاتعليق الصراحة
ربنا يهدينا

لا حول ولا قوة الا بالله العلى العظيم

والله يا جماعه انا صعبان عليا حاجة واحده وهيا ان ولاد البلد يشتموها
محدش يقدر يشتم مصر
يمكن بنم ع الحكومة :d
بننتقد اعمالها الخبيثة


طيب قلنا حماس دي مقاومة بس فاهمين الدين (بالدراع) وده غلط طبعا وعشان كده ربنا مش مباركلهم
طيب ليه يجي واحد في اعدادية يقول لي مصر بتحاصر وبتعمل
هو قرى تاريخ؟

معلش العتب ع النظرهو التاريخ
فيه ايه حضرتك شايفه واحنا مش شايفينه:bosyht9:

بيروح عالحدود ويشوف؟
ولا بيفتي وهوى قاعد
وعنده فالبيت بيشغلو قناة الحصيرة كتير
يا جماعه عيب اسالو أبائكم قولو لهم كم شهيد مصري راحو في الحروب
روح كده بعد الغدا قول لوالدتك يا ماما لو واحد ضربني بالرصاص عشان بحرس بلدي هتعملي ايه
لا حول ولا قوة الا بالله
اللهم اهدي شباب المسلمين وإهلك الظلمة والكافرين المختبئين تحت ستار الإسلام

قولو آمين


أولا :: انا لسه مصرة ان اللي ورا الموضوع دا اسرائيل
وهي اللي اشغلت الفلسطنيين ضدنا عشان يشغلوهم ويعملوه مظاهرة ع الحدود وهم كمان اللي ساندت الحكومة المصرية عشان تبني الجدار بجد مهزلة الجدار دا
ثانيا:: بالله عليك مصر فيها كام واحد شاب عاطل مش لاقي شغل
مصر فيها كام واحد فقي من لاقي يأكل (اتفرج ع برنامج واحد من الناس وحضرتك تعرف) وبعد كدا الحكومة الهمامة تبني
جدار بيتكلف الملايين عشان زعم منها كاذب
انها بتحمي الحدود والاسرائليين بيمشوا ع ارضها وهم نفسهم اللي بيهربوا كل شيء
بدل دا بيعملوا مشاريع للشباب ولا حتي يبنوا بيوت للناس اللي البيوت بتتهددي عليها
وع كدا بقي يبنوا حدود مع لبييا والسودان
دا كله اسرائيل بتعملوا عشان تحاصرهم من بره وجوه
ومش يلاقوا الاكل ولا اي شيء فيسيبوا ارضهم لاسرائيل وهو دا اللي اسرائيل عايزة
ثانيا:: مش معني اني بحب بلدي ان اشوف الفساد فيها وضحك وغمض عيني عشان بحبها اللي بيحب بلده بجد يتمني انها تكون احسن حد ف الدنيا
رابعا:: كل واحد حر في رايه

ربنا يخلي حماس لاسرائيل و ميحرمهمش من بعض يا رب.
التاريخ يا استاذة هيقول لك ان الفلسطينيين قتلو من انفسهم ومن العرب اضعاف ما قتلو من الاسرائيليين
وليه بتتحاملو على مصر والاردن من 8 سنين مفتحتش معابر
موتو بغيظكم يا بتوع الاخوان وحماس ومصر هتفضل فوقكو وهنبني بدل الجدار عشرين ومهما الكلاب يقتلو الشباب معندناش أكتر منه وهيموت واحد هيجي مية وبقولكو تاني موتو بغيظكو يالي عمالين تهرو في نفسكو من تلاتين سنة بس الكبير مديكو بالجزم والحدق يفهم :p
وعلى راي اللي فوقيا كل واحد حر في رأيه والحمد لله عندنا اللي بيفهمو أكتر وإلا كنا ضعنا من زمان
سلام

مش عارف والله لما هم شطار كدة وبيعرفو يضربو نار ميورونا الهمة مع اليهود
ولا هم بيتشطرو على العسكرى الغلبان الى مديهم الامان واكيد مكنش يفكر او حتى ييجى فى بالة
ان الرصاصة تجيلة من غزة
اية الى استفادوة بتوع غزة لما اديهم بقت ملوثة بدم مسلم ملوش ذنب فى اى حاجة
كل دة لية عشان عاوزين نحمى نفسنا من تشكيلات حزب الله وافكارهم الغريبة
ولا عيزنا نكون زى لبنان الى ممكن تولع فى اى لحظة
ولا زى غزة الى حماس سابت اهليها لقنابل اسرائيل فى الوقت الى قادتها كانو قاعدين فى الفنادق
فى لبنان وطهران
حماس اية ونيلة اية كاتكو الارف دانتو جهلة بدل ماتضربو فى الى واقفين النحاية التانية بتضربو فى الى بياكلوكو ويشربوكو
كتكو نيلة قرفتونا انتو عار على الاسلام والمسلمين يا سفاحين فرقتو اية انتو بئة عن الياهود
روحو ربنا يسامحكم على الى انتو عملتوة فى اهل غزة

الغالي محمد فوكس مع الاسف اللي زيك وزي وزي حاتم بنغرد خارج السرب
وكله هايقوللك مصر الاخت الكبرى هههههههه
مع ان الاخت الكبرى تساعد وكمان كلامها يتسمع وتربي اللي محتاج يتربى
بس مع الاسف اعلام جزيرة الشيطان بتاع احمد مكسور ورفاقه سيطر تماما على عقول شبابنا وكتير من الكبار كمان
خاصة ان بقى ليهم فروع هنا ولوبي قوي من القومجية والاخوان المفلسين
وعصابة حماس التي لاتحمل الان الا سلاح المال الرافضي الشيعي والاعلام القطري البغيض الذي يقطر حقدا على مصر
مشعل بتاعهم مقيم في سوريا ولا يمكن يجيب سيرة الجولان المحتلة
زي قرضاوي الاخوان مش ممكن يجيب سيرة قاعدة العديد ياترى بيعدي عليها وهو رايح للجزبرة ؟؟
ان حب الوطن من الاسلام وكلنا يعرف كم كان رسولنا الكريم يحب مكة
اما موضوع الجدار فهو اكبر دليل على سيطرة اعلام الجزيرة واتباعة في مصر منى الشاذلي وبكري وصباحي
فالجدار لن يغلق المعابر ولكن سيغلق الانفاق
واحد بيعمل حديد على الشباك جاره زعلان يبقى حرامي
والمعابر فتحت 100 يوم العام الماضي
ودخل منها 75 الف منهم 5800 حاج علىفكرة العام اللي قبله حماس الاسلامية منعت الحجاج من العبور
اللهم حرر الاقصى من الصهاينة الغاصبين
وحرر غزة من هذة العصابة الغادرة المتاجرة بدينك
وارزقنا من العمل والاخلاص ما يجعلنا اهلا لنصرك الذي وعدت

على فكرة يا جماعة الناسبتوع الفاعدة اللي عملو تفجيرات في شرم الشيخ من كام سنة دول مستخبيين في غزة و جم اساسا من غزة.
هتقولي مهو التفجيرات استهدفت اليهود.
هرد عليك .. لما تيجي تقتل يهود جوه مصر انت بتسبب لمصر مشاكل .. يعني احنا لو عايزين نقتل يهود مش مستنينكم بس انتو كده سببتلونا مشاكل .. و كمان في مصريين ماتو.
يعني يرضيكم يدخلولنا ناس يخلونا زي باكستان و العراق و اليمن كل يوم تفجير و ضحايا.
يرضيكم نبقى عايشين زي البلاد التانية دي.
انا موافق ان القاعدة تحارب الامريكان ... لكن ضد انها تقتل واحد مسلم.
__________________
موضوع المصريين اللي قتلو من اسرائيليين.
على الاقل اسرائيل اعتذرت ... و زي ما مصر ما ضربتش حماس و جابت عليها و اطيها عشان احمد شعبان او عشان الرائد ياسر في يناير 2009.
مش هينفع نشن حرب على اسرائيل و كمان هي اعتذرت.
على الاقل لو ضربنا حماس مش هياخدو في ايدينا غلوة و حماس كمان ما اعتذرتش.
مش قصدي اننا نضرب حماس .... بس بشرح للناس اللي بتقول اشمعنى لما اسرائيل قتلت مصريين.
و عايز اسأل سؤال تاني .....بذمتكم مش لو كانت الادارة المصرية ضد حماس مش كانت ما هتصدق اللي حصل ده عشان تطلع عين اهل حماس........و مع ذالك معملناش اي حاجة.
مصر هدفها انا تخلص موضوع المصالحة عشان كده ساكتة.
الحيوان الحمساوي اللي اسمه اسامة دحلان اتصل ببرنامج 48 ساعة و سألوه .. عملتو ايه في الرائد ياسر اللي قتلتوه في نفس الوقت من السنة اللي فاتت.
قالهم انهم مسكو القاتل و حاسبوه ........... ههههههههههههههههههههههههههه فاكرنا تلامذة ولا بريالة.
و الاخوة الفلسطينيين في مواقعهم ما شاء الله.
عشان القنوات المصرية طرحت الموضوع يبقى بيقولو انهم بيشنو حرب ضد حماس و الفلسطينيين.
دول ما عايزينا نقول اه و نتوجع بس.
عمرو اديب مثلا انتقد موقف الخارجية من قافلة شريان الزفت.و قال ان المفروض كنا ندخلهم من العقبة.
لكن لما عمرو اديب اتنرفز من استشهاد احمد شعبان الفلسطينيين سلخو جلده و طلعوه خاين و ابن ستين في سبعين.
عمرهم ما هيسكتو مهما قدمنا من تنازلات على حساب كرامتنا.
_________________________________
انا بوجه رسالة للادارة المصرية و القيادة السياسية و الريس و ابو الغيط... ادونا فرصة نأيدكم و لو مرة ... خدو موقف في استشهاد احمد شعبان.
خلونا نقف وراكم ولو مرة واحدة .. انتو ليه دايما بتتصرفو عكس ما احنا عايزين... حتى لما بدأنا نجتمع على موقف واحد انتو بتخذلونا و بتسكتوا.
___________________________________
يا جماعة نفسي نحب بلدنا شوية اه نحب فلسطين و عايزين نحررها .. بس اعتقد انه مش غلط خالص اننا نقول مصر اولا.
ازاي عايزينا نحرر بلد تانية و احنا اساسا بدلنا وضعها زفت.
ازاي ادي مبرر لقتل جندي مصري؟
المصري ده مسلم زي الفلسطيني بس المصري ده شقيقنا الفلسطيني ممكن نقول اخونا.
نفسي افهم ليه بنكره نقول مصر اولا .. عبد الناصر حط العرب فوق مصر اتهزم و مات من تصرفاتهم مع بعض.
السادات ادرك ان مصر هي اهم و نفض للعرب شوية فحرر ارضه....اقسم بالله العلي العظيم لو كان مشي وراهم كان زماننا عاملين زي فتح و حماس ولا خدنا ارضنا ولا غيره.
و على فكرة لا يخفى عليكم اننا لو اهتمينا بمصر يبقى بنهتم بالبلد و الشعب و الجيش و الجنود اللي هيحررو فلسطين.
لازم يبقى عنكو اليقين اننا اللي هنحررها .. لا حماس ولا فتح ولا حزب الله مع احترامي للاخير.
شغل الصواريخ اللي مش بتعور مش هيحررها .. و بعدين الفرق بينا و بين حزب الله اننا دولة و بناحرب بجيش نظامي لكن حزب الله لا مسئول عن شعب ولا ممكن يتفرض عليه عقوبات ولا حاجة.
هو انا بقول حاجة غير منطقية .. احب بلدي و ولاد بلدي اكتر من اي حد في العالم عربي او غيره...هل ده غلط.
يعني انت دلوقتي اخوك مسلم و اتخانق في الشارع مع واحد مسلم هتقف مع مين؟
لازم نعرف اننا لو اهتمينا ببلدنا و ريحنا دماغنا من العرب ده في مصلحة العرب لان مصر هتقوى لو العرب حلو عن دماغها شوية و خصوصا حماس.
تحيا مصر... خير اجناد الارض (اللي الفلسطينيين قالو عليهم في منتدياتهم : الجندي المصري ذل و هوان من قديم الزمان و جيبين صور اسرى 67 .. يعني بيعايرونا بالاسرى بتوعنا).
صدقت يا رسول الله .. المصريين خير اجناد الارض و هم في رباط الى يوم القيامة.
تحيا مصر اولا و ثانيا و ثالثا.

الغالي محمد فوكس مع الاسف اللي زيك وزي وزي حاتم بنغرد خارج السرب
وكله هايقوللك مصر الاخت الكبرى هههههههه
مع ان الاخت الكبرى تساعد وكمان كلامها يتسمع وتربي اللي محتاج يتربى
بس مع الاسف اعلام جزيرة الشيطان بتاع احمد مكسور ورفاقه سيطر تماما على عقول شبابنا وكتير من الكبار كمان
خاصة ان بقى ليهم فروع هنا ولوبي قوي من القومجية والاخوان المفلسين
وعصابة حماس التي لاتحمل الان الا سلاح المال الرافضي الشيعي والاعلام القطري البغيض الذي يقطر حقدا على مصر
مشعل بتاعهم مقيم في سوريا ولا يمكن يجيب سيرة الجولان المحتلة
زي قرضاوي الاخوان مش ممكن يجيب سيرة قاعدة العديد ياترى بيعدي عليها وهو رايح للجزبرة ؟؟
ان حب الوطن من الاسلام وكلنا يعرف كم كان رسولنا الكريم يحب مكة
اما موضوع الجدار فهو اكبر دليل على سيطرة اعلام الجزيرة واتباعة في مصر منى الشاذلي وبكري وصباحي
فالجدار لن يغلق المعابر ولكن سيغلق الانفاق
واحد بيعمل حديد على الشباك جاره زعلان يبقى حرامي
والمعابر فتحت 100 يوم العام الماضي
ودخل منها 75 الف منهم 5800 حاج علىفكرة العام اللي قبله حماس الاسلامية منعت الحجاج من العبور
اللهم حرر الاقصى من الصهاينة الغاصبين
وحرر غزة من هذة العصابة الغادرة المتاجرة بدينك
وارزقنا من العمل والاخلاص ما يجعلنا اهلا لنصرك الذي وعدت



جزاك الله خيراً ياأستاذ علاء.
والله ياأخوه أنا أضرب كف على كف من ضحك حماس على كثير من الناس بأسم الجهاد ورفع راية الدين ووو وغيرها الكثير من الشعارات الجوفاء التي لا زرع فيها ولا ماء وإنا لله وإنا اليه راجعون.
الا ترون الترابط العجيب بين حماس ومدافعتها عن الروافض من حزب اللات ودفاعها عن النصارى وغيرهم رغم أنهم على عقيدة مضادة لعقيدة أهل السنة والجماعة وفى المقابل تجدهم يقتلون فى إخوانهم ولا عجب.
فبالأمس القريب بغى الإخوان المفلسين على إخوانهم فى مسجد الامام الألباني رحمه الله تعالى وقتلوا من قتلوا بالمسجد والمسجد موجود فى شمال قطاع غزة وحسبنا الله ونعم الوكيل.
بل تعجب فى المقابل وقبل الهجوم على مسجد الشيخ الألباني رحمه وقع إعتداء على (جمعية الكتاب المقدس التنصيرية فماذا تتوقع حماس فاعلة:
خرج بيان وزاري من حكومة حماس يشجب ويستنكر ويدين ويقول بأن هذا العمل خارج عن الوسطية التي هم عليها وأن هذا العمل القصد منه ضرب الوحدة الوطنية ( إسلام ومسيحية ) وطعنها في الصميم . وقاموا بوضع حراسات من الجنود الأشاوس على هذه المؤسسة على هذه المؤسسة وتم تشكيل جهاز من النخبة للحفاظ على على هذه المؤسسات من قبل المتشددين وهم يقولون نحن نشجب ونستنكر وندين .
بل يزداد عجبك عندما تعلم:
أنه قد وقع اعتداء على مدرسة الراهبات الوردية النصرانية فشكلت لجنة طوارئ وزارية من قبل حكومة حماس يرأسها وزير العمل ووزير الاتصالات وأيضا خرج بيان يشجب بشدة ويستنكر بشدة هذه الهجمة الشرسة على أهل الذمة المواطنين وأنهم بريئون وهذا كله من فعل المتشددين الذين هم من غير الإخوان المفلسين.
وأما مسجد الشيخ الألباني ومابه من إخوة لنا مسلمين وعلى ديننا:

ومن قام عليه من أهل السنة السلفيين فهو يقتحم ويكسر ويضرب رجاله من المسلمين وضرب للإمام وللمؤذن والقائمين على المسجد بحجج واهية.
لا بل وقد دخلت مليشيا حماس للمسجد بالمسدسات والبنادق الألية
وكسروا المكتبة ومزقت الكتب وضرب الكبير العجوز قبل الصغير والصبي.

لنا الله
لمصلحة من ياحماس إقتحام بيت من بيوت الله؟؟
لمصلحة من يقتل من يقتل من الدعاة الى دين الله؟؟
لمصلحة من إعتقال وقتل من يدعون الناس الى التوحيد؟؟
لمصلحة من يقتل داعية التوحيد الشيخ عادل نصار والشيخ عدنان المناصرة؟؟
ولمصلحة من يقتل الجندي المصري أحمد شعبان؟؟
أهذه هي الوسطية ياحماس؟؟
أم أن الوسطية تكون مع الكفار والروافض ولا تكون مع المسلمين؟؟
حقاً حسبنا الله ونعم الوكيل.
فى النفس كلام كثير ولي عودة إن شاء الل.

كلام حضرتك والله كله صح
وانا دلوقتي بقول ان المفروض المساعدات الي بتروح ليهم تقف
لانهم ملهمش بقي علي حد
مصر اولي بالحاجات دي في هنا غلابه كتير محتاجين اكتر منهم
مش لاقين حتي رغيف العيش وفي الي مش لاقي يتعالج
وفي غلب كتيررررررررر
مش هقول غير


حسبي الله ونعم الوكيل فيهم

حسبي الله ونعم الوكيل فيهم

حسبي الله ونعم الوكيل فيهم

من قصيدة للراحل امل دنقل وطبعا ليست مقصودة حرفيا لكنها مجرد حالة من الغضب المشروع من غدر من نعتبرهم اخوة

لا تصالحْ !
.. ولو منحوك الذهب
أترى حين أفقأ عينيك،
ثم أثبت جوهرتين مكانهما..
هل ترى..؟
هي أشياء لا تشترى..:
ذكريات الطفولة بين أخيك وبينك،
حسُّكما - فجأةً - بالرجولةِ،
هذا الحياء الذي يكبت الشوق.. حين تعانقُهُ،
الصمتُ - مبتسمين - لتأنيب أمكما..
وكأنكما
ما تزالان طفلين!
تلك الطمأنينة الأبدية بينكما:
أنَّ سيفانِ سيفَكَ..
صوتانِ صوتَكَ
أنك إن متَّ:
للبيت ربٌّ
وللطفل أبْ
هل يصير دمي - بين عينيك - ماءً ؟
أتنسى ردائي الملطَّخَ بالدماء..
تلبس - فوق دمائي - ثيابًا مطرَّزَةً بالقصب ؟
إنها الحربُ !
قد تثقل القلبَ ..
لكن خلفك عار العرب
لا تصالحْ ..
ولا تتوخَّ الهرب !
(2)

لا تصالح على الدم .. حتى بدم !
لا تصالح ! ولو قيل رأس برأسٍ
أكلُّ الرؤوس سواءٌ ؟
أقلب الغريب كقلب أخيك ؟!
أعيناه عينا أخيك ؟!
وهل تتساوى يدٌ .. سيفها كان لك
بيدٍ سيفها أثْكَلك ؟
سيقولون :
جئناك كي تحقن الدم ..
جئناك . كن - يا أمير - الحكم
سيقولون :
ها نحن أبناء عم.
قل لهم : إنهم لم يراعوا العمومة فيمن هلك
واغرس السيفَ في جبهة الصحراء
إلى أن يجيب العدم
إنني كنت لك
فارسًا،
وأخًا،
وأبًا،
ومَلِك!
لا تصالحْ، ولو حذَّرتْك النجوم
ورمى لك كهَّانُها بالنبأ..
كنت أغفر لو أنني متُّ..
ما بين خيط الصواب وخيط الخطأ .
لم أكن غازيًا ،
لم أكن أتسلل قرب مضاربهم
أو أحوم وراء التخوم
لم أمد يدًا لثمار الكروم
أرض بستانِهم لم أطأ
لم يصح قاتلي بي: "انتبه" !
كان يمشي معي..
ثم صافحني..
ثم سار قليلاً
ولكنه في الغصون اختبأ !
فجأةً:
ثقبتني قشعريرة بين ضعلين..
واهتزَّ قلبي - كفقاعة - وانفثأ !
وتحاملتُ ، حتى احتملت على ساعديَّ
فرأيتُ : ابن عمي الزنيم
واقفًا يتشفَّى بوجه لئيم
لم يكن في يدي حربةٌ
أو سلاح قديم،
لم يكن غير غيظي الذي يتشكَّى الظمأ