انا المسئول عن كنترول المدرسة من اربع سنين
وهذا العام قررت عمل الكنترول على الكمبيوتر لما لقيت برنامج الكنترول المردسي للاستاذ أحمد السيد
وعرفت ان كل المطلوب هو الرصد فقط والبرنامج يجمع ويقسم ويطلع التقدير كمان
ولكن اعداء التكنولوجيا الحديثة في الادارة قالوا لازم شيت ورق بجانب الكمبيوتر
يعني الورق ورانا ورانا
اعمل ايه في المشكلة دي؟
لو حد في حضراتكوا معاه تايفون اي مسئول في الوزارة او في مديرية تعليم القليوبية ياريت يدلني عليه
لاني بجد مضايق جدا من الناس دي ونفسي اصعد الموضوع معاهم لأعلى درجة

والسلام عليكم ورحمة الله وبركاته
باسم محمود
القناطر الخيرية

انا المسئول عن كنترول المدرسة من اربع سنين
وهذا العام قررت عمل الكنترول على الكمبيوتر لما لقيت برنامج الكنترول المردسي للاستاذ أحمد السيد
وعرفت ان كل المطلوب هو الرصد فقط والبرنامج يجمع ويقسم ويطلع التقدير كمان
ولكن اعداء التكنولوجيا الحديثة في الادارة قالوا لازم شيت ورق بجانب الكمبيوتر
يعني الورق ورانا ورانا
اعمل ايه في المشكلة دي؟
لو حد في حضراتكوا معاه تايفون اي مسئول في الوزارة او في مديرية تعليم القليوبية ياريت يدلني عليه
لاني بجد مضايق جدا من الناس دي ونفسي اصعد الموضوع معاهم لأعلى درجة

والسلام عليكم ورحمة الله وبركاته
باسم محمود
القناطر الخيرية

حضرتك انا حدث معايا نفس الموضوع منذ خمس سنوات
و فعلا صممت بنفسي برنامج علي الاكسيل و عملت كل شغل الكنترول علي الكمبيوتر و أخرجت رسم بياني للنتيجة النهائية ونسبة كل معلم
ولكن ايضا اشتغلنا الورق اللي هما عايزينه يمكن اللي ساعدنا علي ذلك ان المدرسة صغيرة
ونفسي نفسي الموضوع ده يتعمم صدقوني هيكون اسهل بكتير مما يحدث حاليا

أعداء التكنولوجيا فى كل مكان ..

وبالصبر تبلغ ما تريد

معلش لازم الكنترول الورقي كمان بجانب الكمبيوتر

ليه لازم الشيت الورق بجانب الكمبيوتر؟
طالما النتيجة في الاخر هتتطبع والشيت كله هيكون مطبوع بالنتيجة والتقدير كمان
غير كدة المدير قالي افرض ان الكهرباء قطعت هنعمل ايه؟
قلت لسيادته مافيش مشكلة عندي لاب توب
يعني الحلول كلها موجودة لكن تقول ايه لاعداء التقدم

الشيت الورقى مطلوب لمراجعة النتيجة وللتاكيد ان النتيجة زى بعضها
لان ممكن نخطأ فى اى منهم ومن خلال الشيت الورقى ومراجعته على الكمبيوتر هنتأكد ان الدرجات تم رصدها بشكل صحيح والنتيجة هتكون متشابهه فى النهاية
انا بعمل كده
شغاله بالكمبيوتر والورقى
وعلى فكرة ليه فائدة مش تعب قلب وخلاص لان ممكن وانا برصد الدرجات على الكمبيوتر اخطأ فى اى مادة ومن خلال المراجعه من الشيت الورقى نتوصل لوجود الخطأ
وربنا يعين الجميع

يا أخن roaaaa ما الغلط ممكن يكون برضو في الشيت الورق يعني هي هي برضو

ايوة حضرتك ممكن يكون فى خطأ بس عندى فى المدرسه فى اكتر من مدرس بيراجع عملية رصد الدرجات فى الشيت الورقى وبعد كده بنرصد على الكمبيوتر يعنى الورقى اهم من الكمبيوتر فى الحاله دى وهدف المدرسة عندى من الكمبيوتر ان النتيجة تظهر مطبوعة ليس اكتر
وزى ما حضرتك قولت اعداء التكنولوجيا
والله الموفق