السلام عليكم ورحمة الله وبركاته

يمكن دي اول مرة اكتب فيها موضوع عن معاداة لطرف معين او اني اقصد اغلط في شخص معين سواءا كان شخص طبيعى او اعتبارى
لكن لما يكون الشخص دا هوا قناة الجزيرة
يبقي فيه كلام تاني

http://img6.imageshack.us/img6/3055/notoaljazira.png

انا هاقسم الموضوع لقسمين

قسم اول
(خاص بالتليفزيون المصري)

دلوقتى الجزيرة طالبه من مصر 55 مليون جنيه
عشان يذيعوا 10 ماتشات بس من بطولة افريقيا
وطبعاً التليفزيون المصري لازم يرفض رفض قاطع
دا لو كاس العالم نفسه مش هايطلبوا فيه المبلغ المهول دا
وبالتالى المشاهد المصرى مش هايشوف البطولة لا على الارضى ولا على النايل سات "القنوات المفتوحة"

قسم الثانى
(خاص بالمشتركين)

لما انا ابقى راجل مشترك عادى جدا جدا زيي زي غيري
وافاجأ بان بقدرة قادر الاشتراك بتاعي اتلغى
وانى لازم اشترك من اول شهر يناير
وادفع
500 جنيه
لمدة 3 شهور
وكل دا عشان كاس افريقيا
اذا كنت انا بدفع الـ 120 جنيه بالعافية وبقول الحمدلله
يقوموا يعلولي السعر 500 جنيه مرة واحده ؟!

لييييييييييييييييه وعشان ايه

ايه الاحتكار وقلة الضمير اللي فيهم دي

داحنا كنا بنشتم في الـ art
طلعت الـ art ارحم وربنا

وطبعا مافيش قهوة ولا كافيه واحد في مصر هايدفع 500 جنيه اشتراك عشان الناس تتفرج على البطولة

وبالتالى البطولة كدا شبه ميتة في مصر
او بمعنى اصح هيا مًٍاًًٍٍتًٍتًٍ مقدماً خلاص

ولذلك

انا ادعو كل مصرى محترم
كل شخص بيقدر يعني ايه مصر
انه يقف ضد قناة الجزيرة ويمتنع عنها

حتى لو كان الامتناع دا في ظل ظروف زي دلوقتى

لان انا اظن ان تاريخ قناة الجزيرة مع مصر تاريخ اسود وملئ بالحقد والكراهية والغل

- دايما بيسوءوا سمعة مصر
- دايما بيجيبوا كل حاجة وحشه عن مصر ومش بيجيبوا حاجة عدلة واحده عنها
- دايما بيتحاملوا على مصر وبيطلعوها بصورة زي الزفت
- دايما بيتجاهلوا مصر لما بيحصل حاجة كويسة ليها

- اوعوا تنسوا الخبر بتاع ضرب اتوبيس منتخب الجزائر -
- اوعوا تنسوا ان مافيش نص ولا ربع خبر واحد اتكتب عن الاحداث اللي حصلت في السودان -

واخيراً .. اللي يضحك بقى

منتخب مصر حامل اللقب وملك افريقيا وصل لأنجولا ومافيش خبر واحد نزل على الجزيرة الرياضية وقالوا ان منتخب مصر حامل اللقب وصل

وعلى الجانب الآخر كان اول خبر في النشرة الرياضية
وصول المنتخب الجزائري لانجولا وسط استقبال حافل

بالذمة مش حاجة تضحك بجد

طب سيبكوا من العروبة والاسلام والكلام دا كله

دا مصر .. مصر حاملة اللقب اللي غصب عنك وعنى وعن الكل بطلة افريقيا ماتجيبش سيرة بس انهم وصلوا ؟!

ايه كمية التجاهل الغير مفسرة دي ؟!

ليه الناس دي بتكرهنا ؟!

ليه الناس دي بتيجي علينا وبتطلعنا في صورة مش كويسة ؟!

ليه ؟! ليه ؟! ليه ؟!!!

حاولت كتير الاقى تفسيرات للموضوع دا ومالقيتش
وعشان مش لاقي سبب واحد يفسر دا

يبقى انا لازم اقاطع

عشان كدا انا بدعوكوا جميعاً لمقاطعة القناة دي
حطوا في بالكوا ان قناة الجزيرة عطشانه فلوس دلوقتى
لانها دافعة للـ art تلاته مليار دولار الا ربع عشان تشتري قنواتها
وبالتالى الجزيرة عايزة تلم الفلوس اللي دفعتها بأى طريقة وبأقصى سرعة عشان تحاول ترجع مركزها المالي تاني

وانا كشخص مصري .. بخاف على بلدى وبحترمها وبكره اللي يمسها .. وبكره حاجة اسمها احتكار
عندي اني ماتفرجش ع البطولة ولانيش انفع قناة الجزيرة دي بشلن حتى !!

وطالما كدا كدا التليفزيون المصري مش هايذيع البطولة

وطالما كدا كدا انا مش هاعرف اتفرج ع البطولة في الدش المفتوح

يبقى تغور الجزيرة باحتكاراتها بسلطاتها ببابا غنوجها

وربنا يبقي يوفق المنتخب فى انجولا بقى

وساعتها ابقي اكتفى باني اتفرج ع الملخص من موقع الـ caf او انشالله حتى الـ fifa

انا عارف ان القسم العام مش مكان لموضوع زي دا
بس انا ارجو من المشرفين على القسم العام انهم يسيبوا الموضوع في نفس مكانه للأهمية

تمام جدا كلامك والمبلغ المطلوب كبير جدا جدا جدا
ولكن لاننا شعب مستهلك وحط تحت ديه مية خط عندفع علشان نشوف البطولة وعفكرك انك عتتفرج عليها وانا كمان عتفرج عليها للاسف احنا اتعودنا على كده وللاسف القناة دى عتستغلنا اكتر واكتر واكتر فى كاس العالم

هما ميقولوش كده والرقم ده الا اذا كانو متاكدين انه هيتدفع احنا شعب مش لاقى ياكل لكن لاقى فلوس لشحن الموبايل واسال عيال ابتدائى معكو موبايل من امتى:bosyht9::d

لا حول ولا قوة الا بالله
خلاص
قطعنا القنوات الاباحية ومنتجات العدو ووووووووو
فعلا حاجة مهمة اننا نقاطع الجزيرة
ممكن تكون صعبة على البعض
مهو التسلية الرياضية حق كالماء والهواء
يااااااااااااااااا عالم فوقوا بقي
هنفضل في الغيبوبة لحد امتى ؟؟

لا حول ولا قوة إلا بالله كل همنا إن الجزيرة هتاخد كام علشان تذيع ماتش كورة وكل الى حاصل حولنا مش فى بالنا فعلا عليه العوض فى شبابنا

ليه ندفع من الاصل للجزيرة ولا لغيرها
نروح ندفع الفلوس دي للناس اللي من غير مأوي نشغل بيها الشباب الضايع نعمل بيها أي حاجة مهمة
والله عندنا تلاميذ في المدرسة ماهم لاقيين لبس ولا مصاريف
ولا حول ولا قة إلا بالله

قناة الجزيرة تمويلها اجنبي ومش بعيد تكون اسرائيل هي محركها

طب لو الجزيرة فجأة كدة اهدت مصر البطولة مجاناً
هل هناخد نفس الموقف دة
هل هنرفض المشاهدة ونقول لا لا لا الجزيرة وحشة :d

احنا نايميييييييييييييييييين ومش عايزين نصحى

طول عمرهم بيخدرونا باوهام الريادة والتفوق
وان احنا 7000 سنة مش عارف ايه
والنتيجة زى منتو شايفين


الجزيرة اشترت البطولة ومن حقها تبيعها انشالله حتى بمليار جنيه
انا واحد من الناس اللى دمها اتحرق ومش لاقى حتى موقع نت اتفرج منه
بس دى الحقيقة

احنا بنضحك على بعض :bosyht9: