انا هاقسم الموضوع لقسمين


قسم اول
(خاص بالتليفزيون المصري)


دلوقتى الجزيرة طالبه من مصر 55 مليون جنيه
عشان يذيعوا 10 ماتشات بس من بطولة افريقيا


وطبعاً التليفزيون المصري لازم يرفض رفض قاطع
دا لو كاس العالم نفسه مش هايطلبوا فيه المبلغ المهول دا


وبالتالى المشاهد المصرى مش هايشوف البطولة لا على الارضى ولا على النايل سات "القنوات المفتوحة"



قسم الثانى
(خاص بالمشتركين)


لما انا ابقى راجل مشترك عادى جدا جدا زيي زي غيري
وافاجأ بان بقدرة قادر الاشتراك بتاعي اتلغى
وانى لازم اشترك من اول شهر يناير
وادفع
500 جنيه
لمدة 3 شهور
وكل دا عشان كاس افريقيا
اذا كنت انا بدفع الـ 120 جنيه بالعافية وبقول الحمدلله
يقوموا يعلولي السعر 500 جنيه مرة واحده ؟!
لييييييييييييييييه وعشان ايه
ايه الاحتكار وقلة الضمير اللي فيهم دي
داحنا كنا بنشتم في الـ art
طلعت الـ art ارحم وربنا
وطبعا مافيش قهوة ولا كافيه واحد في مصر هايدفع 500 جنيه اشتراك عشان الناس تتفرج على البطولة


وبالتالى البطولة كدا شبه ميتة في مصر
او بمعنى اصح هيا مًٍاًًٍٍتًٍتًٍ مقدماً خلاص


ولذلك
انا ادعو كل مصرى محترم
كل شخص بيقدر يعني ايه مصر
انه يقف ضد قناة الجزيرة ويمتنع عنها


حتى لو كان الامتناع دا في ظل ظروف زي دلوقتى


لان انا اظن ان تاريخ قناة الجزيرة مع مصر تاريخ اسود وملئ بالحقد والكراهية والغل


- دايما بيسوءوا سمعة مصر
- دايما بيجيبوا كل حاجة وحشه عن مصر ومش بيجيبوا حاجة عدلة واحده عنها
- دايما بيتحاملوا على مصر وبيطلعوها بصورة زي الزفت
- دايما بيتجاهلوا مصر لما بيحصل حاجة كويسة ليها


- اوعوا تنسوا الخبر بتاع ضرب اتوبيس منتخب الجزائر -


- اوعوا تنسوا ان مافيش نص ولا ربع خبر واحد اتكتب عن الاحداث اللي حصلت في السودان -



ليه الناس دي بتكرهنا ؟!


ليه الناس دي بتيجي علينا وبتطلعنا في صورة مش كويسة ؟!


ليه ؟! ليه ؟! ليه ؟!!!


حاولت كتير الاقى تفسيرات للموضوع دا ومالقيتش
وعشان مش لاقي سبب واحد يفسر دا
يبقى انا لازم اقاطع


عشان كدا انا بدعوكوا جميعاً لمقاطعة القناة دي


حطوا في بالكوا ان قناة الجزيرة عطشانه فلوس دلوقتى


لانها دافعة للـ art تلاته مليار دولار الا ربع عشان تشتري قنواتها


وبالتالى الجزيرة عايزة تلم الفلوس اللي دفعتها بأى طريقة وبأقصى سرعة عشان تحاول ترجع مركزها المالي تاني


وانا كشخص مصري .. بخاف على بلدى وبحترمها وبكره اللي يمسها .. وبكره حاجة اسمها احتكار
عندي اني ماتفرجش ع البطولة ولانيش انفع قناة الجزيرة دي بشلن حتى !!


وطالما كدا كدا التليفزيون المصري مش هايذيع البطولة
وطالما كدا كدا انا مش هاعرف اتفرج ع البطولة في الدش المفتوح
يبقى تغور الجزيرة باحتكاراتها بسلطاتها ببابا غنوجها


وربنا يبقي يوفق المنتخب فى انجولا بقى


وساعتها ابقي اكتفى باني اتفرج ع الملخص من موقع الـ caf او انشالله حتى الـ fifa

__________________


ده مجرد رأي اقبل كل المعارضين



وايه رايكم مع ولا ضد موقف الجزيره!!!

الجزيرة من حقها تعمل اللى هى عايزاه


وبالنسبة للإعلام المصرى اقول
دلوقتى بس عرفنا معنى كلمة ريادة
واتأكدت كمان من قيمة ال 7000 سنة حضارة اللى مصدعينا بيها

المستقبل للأقوى :slap1qk6:
ياريت نفهم معنى الكلمة دى بدون شكاوى وتذمر وتبادل اتهامات !!

http://www.thanwya.com/vb/showthread.php?t=177131

انا معاك
الجزيرة لا تذيع سوي اخبار الفضائح والمصائب الخاصة بمصر وكان الدنيا ستكون جنة اذا اختفت مصر من علي وجه الارض
او ان كل دول العالم ملائكة والمصريين شياطيين ( كل ما يقولونه ان الحكومة شىء والمصريين شىء اخر ) السنا جميعً مصريين من الرئيس الي اصغر طفل

لا تعليق
بجد لا تعليق

يا جماعة بصرف النظر عن اذاعة البطولة من عدمه أنا نفسي أعرف الأمكانيات الضخمة للجزيرة دي مين قناة زي الجزيرة الاخبارية لا تقدم الاعلانات التي توفرلها هذه الامانيات فكيف تمول نفسها وحتى قنوات الرياضة قبل شراء حقوق البطولات من artلم تكن على المستوى بدليل انخفاض اشتراكها ،،،،،،،،،،،،،،،،،،،،،،،،،،،،

أنا والهي شايفة أن أحنا اللي عملنا كده لأن أي حد يزود علينا فلوس في أي شئ لا نعترض المفروض أن كل المصريين يقاطعوا ولا يجددوا الاشتراك وبكده أي حد هيفكر الف مرة قبل أن يغالي في الزيادة والله الموفق