الكل بيشكى........الكل بيبكى.....الكل مجروح....وناس قلبلة اوى اللى فاهمة
ليه دايماَ بنشكى من الحب ؟؟ ليه دايماَ بنقول دة خان ودة جرح؟؟دايماَ انا باسمع
عن البنت اللى خانها حبيبها وتلعن اليوم اللى عرفته فيه او اللى حبيبته سابته وراحت
لصاحبه او اللى كان بيتسلى وخلاص زهق وبيدور على حد تانى يتسلى بيه
الاسباب كتير بس فى النهاية هيه هيه انك بتحلف انك مش هتحب تانى
وانك اتظلمت فى حبك وحبيبك ضحك عليك مع انك كنت بتضحى بكل حاجة عشانه
ليه عمل فيك كل دة بعد اللى عملته معاه؟؟ عشان مراية الحب عامية ؟؟ ولا عشان
انك تستحق اللى حصلك؟؟
انت الملاك البرئ والطرف التانى ظالم وقاسى و مش عنده رحمة
لو فكرت مع نفسك شوية وواجهتها بالحقيقة هتلاقى انك انت اللى غلطان استعجلت
شوية لما حبيته او لما صارحته بحبك ليه قبل ما تعرف انت ايه بالنسبة ليه
مش سمعتى كلام صحابك لما قالولك ان دة انسان مش كويس وبيلعب بيكى
او مش كنت ناضج كفاية انك تختار وتبقى اد مسئولية الاختيار بتاعك
ليه الحب نفسه هوه اللى بنعلق عليه غلطاتنا ونقول السبب فى الحب ومش فى حب
لا فى حب وموجود حواليك كتير بس لو انت فكرت كويس الحب بجد احساس جميل
ويابخت اللى يحس بيه ويكون حقيقى بس الغلط علينا احنا بنختار غلط وفى الآخر
نجيب الغلط على الحب نفسه الحب مش انسان عشان يعرف يغلط دة مجرد شعور
واحساس السبب فى الناس اللى بيفهموه غلط ومش بيحسوه صح
ولا انتو شايفين الغلط فيييييين؟؟؟؟