ارجوكم ارجوكم ساعدنو وانصحونى

مش عارفة اعمل ايه الامتحانات قربت خلاص وانا مش عارفة اقسم وقتى كل مجهود طول السنة هيضيع

بدا مستوى التركيز يقل والخوف يزيد حاسة انى متاخرة جداا

وحتى لو الامتحانت جت سهلة مش هاعرف احل مفيش ثقة بنفسى

وعلى طوول ضغط على النفس

وساعات النوم ذرات ومش عارفة اتحكم فى الوقت

يار يت تقولى لى احسن طرق انى اذاكر بها وانظم وقتى

وتفدونى والله يجزيكم خيرااا

السلام عليكم ورحمة الله وبركاته
الخوف كل ما الامتحانات تقرب دا عندنا كلنا
يا اما عند اللي مذاكرين اووووى (خوف مجرد شعور بس)
ياما الي مش مذاكرين خااالص (خوفهم في محله )
بس حاولى مش تفضلي حاطهقدامك خوفك دا
لان بيرهبك ويضيع منك التركيز
...
والنو اللي زاد دا عشان بتهربي من اللي وراكى
لكن بتهربي من ايه
ما انتي كدا كدا هتيجي ع الاقل يوم الامتحان تبفتحي الكتاب
فبدل ما تفتحى ومش تلحقي تخلصي
يبقي افتحى من اوقتي
...
الوقت مش نقدر نتحكم فيه
لــــــكـــــــن ...
تقدرى تتحكمى في نفسك مع الوقت
وبعدين الامتحانات لسه ناقصلها كام يوم (دا لو انتي مش تانيه وتالته ثانوي )
يعني تقدرى تعملي كتير
بس بشرط !!
ان يكون عندك اراده وثقه بالله وبنفسك
والاراده بتيجي من انك تركزي علي هدفك كويس اووى
عارفه لما اقولك اجري وتعالى من غير ما احددلك
هتروحى تجىوشويه وهتقفى لانى مش حددتلك حاجه توصللها
لكن لما اقولك اجري مثلا من هنا لغاية الجامع هتجرى وتوصلي للجامع
لانى م الاول عرفتك انت عايزه ايه ورايحه فين ..


....
ثقِ بالله بمعنى انك اعملى اللي عليكي والباقي علي الله
وبعدين حطى قدامك الحكمه دي بتقول
القليل الي القليل كثير
اقعدى ذاكري ذاكري هتحسى انك ذاكرتي حبه صغيريين
لكن الحبه الصغيريين اللي في عينك دول لو معاهم حبه زيهم هيعملوا كتير

اما الثقه بالنفس فانك تبطلى تحسسي نفسك
بانك مش هتقدرى تخلصي كم المنهج
وان انتي فاشله
وان اللي ذاكر ذاكر
واحساس ان القيامه قامت خلاص
لاااا خالص دا لسه في وقت
وسيبك من التلفيزون
والموبيل والتليفون
والكمبيوتر قللي منه الايام دي
انا مش بقعد الا ساعه في اليوم بس
وكلها اسبوعين تلاته وتيجي الاجازه وهتقعدى براحتك علي كل دول وهتلاقي كمان اوقات مش لاقيه حاجه تعمليها
و حافظى علي الصلاه فى وقتها
وربنا يوفقك ان شاء الله :)

شكرا لنصحتك بس مكلتى مع الكمبيوتر وما بتفرجش على تليفزيون كتيير

بس بجد هحدد هدفى زى الجرى كدة هوصل اسرع

شكراا لك