اولا بالنسبه للعراب
1) الكلمه ياما اسم او فعل او حرف
بالنسبه للفعل او الحرف فميش مشكله
عشان اعرف الفرق بين الاسم والفعل بضع (ال) قبل الكلمه عرفت اقرائها بتكون اسم معرفتش بتكون فعل
ولما تكون فعل يبقي كدا خلاص اتعربت
2) المشكله ف الاسم
عشان اعرب الاسم لازم ابص علي الكلمه اللي قبلها هل هي اسم ولا فعل
بمعني اعرف نوع الجمله
فاذا كانت اسميه هتكون ياما مبتدأ او خبر
والنهارده هبدأ معاكوا بالجمله الاسميه
1) اي اسم يأتي ف اول الجمله يكون مبتدأ
2) اي اسم نكره يأتي بعد المبتدأ يعرب خبر
3) معرفه + معرفه تعرب الثانيه نعت
4) نكره + نكره تعرب الثانيه نعت
5) نكره + معرفه تعرب الثانيه مضاف اليه
6) اي اسم يأتي بعد حرف الجر يعرب اسم مجرور
مثال (ثروه العرب هائله جدا)
حاول تطبيق القواعد السابقه ولاحظ الفرق ف اعرابك اتحداك لو غلطت

* يبقي ف الجمله الاسميه انواع الخبر

انواع الخبر ياما مفرد او جمله او شبه جمله
المفرد مفيش فيه مشكله
المشكله ف الجمله وشبه الجمله
اولا الجمله ياما جمله اسميه او فعليه
اولا الجمله السميه
الجمله الاسميه بتتكون من مبتدأ و خبر

قاعده ( اي اسم وبه ضمير يأتي بعد المبتدأ يعرب مبتدأ ثاني)

مثال الكتاب موضوعه سهل
الكتاب : مبتدأ مرفوع بالضمه
موضوعه : مبتدأ ثاني مرفوع بالضمه والهاء ضمير مبني في محل جر مضاف اليه
سهل : خبر المبتدأ الثاني مرفوع بالضمه
والجمله الاسميه ف محل رفع خبر المبتدأ

النوع الثاني من الخبر هو الجمله الفعليه
قاعده ( اي فعل يأتي بعد المبتدأ يعرب فعل عادي ولكن الجمله الفعليه تعرب في محل رفع خبر المبتدأ )

مثال ( الصوم يعود الصبر)

الصوم : مبتدأ مرفوع بالضمه
يعود : فعل مضارع مرفوع بالضمه والفاعل ضمير مستتر تقديره هو
والجمله الفعليه من الفعل والفاعل في محل رفع خبر المبتدأ
الصبر : مفعول به منصوب بالفتحه

ملاحظه ( الجمل واشباه الجمل بعد النكرات صفات وبعد المعارف احوال الا في حاله ان تاتي الجمل واشباه الجمل بعد المبتدأ فتطبق القواعد السابقه)

شبه الجمله مثل خبر الجمله

كان التامه وكان الناقصه
( هنفرق بينهم بطريقه بسيطه قوي )
( هنحذف كان ونشوف الكلام اللي بعد كان لو نفع جمله كان ناقصه ولو منفعش جمله تبقي كان تامه )
مثال
كانت الشجره مثمره
ذاكر الطلاب فكان النجاح
احذف كان ولاحظ الفرق
( الشجره مثمره جمله اسميه )( تبقي كان ناقصه)
(النجاح) ( تبقي كان تامه)

( المصادر واسم الفاعل واسم المفعول وصيغ المبالغه واسم الاله واسم المره واسم الهيئه )
( اللي هيقدر يخليها سماعيه هيبقي كويس فيها فهي مش محتاجه شرح ولا حفظ اجعلها سماعيه فقط وده هيجي بالتدريب فقط)
فاضل الاسماء الجامده
بتيجي ف الامتحان سؤال استخراج
هنجيبها ازاي اي اسم مره او هيئه او مصدر فهو اسم جامد
( يعني اللي هيجيب المصدر او اسم الهيئه او اسم المره ) ( يجيب الاسم الجامد)
( وكذلك بالنسبه للاسماء المشتقه
( اسم الفاعل واسم المفعول واسم الاله واسم التفضيل وصيغ المبالغه اسماء مشتقه)
لو في اي حد محتاج اي حاجه للشرح يقول وباذن الله انا موجود لحد الامحانات

بارك الله فيك

انا عايز شرح المشتقات لو سمحت

انت اللي يهمك انك تجاوب علي سؤال المشتقات ف الامتحان
اولا سؤال المشتقات بيجي في الامتحان عاده علي هيئه استخراج
اولا اسم الفاعل( اسم علي وزن فاعل)
ثانيا اسم المفعول ( اسم علي وزن مفعول )
اذا مكنش موجود في القطعه الوزنين دول فبدور علي اي اسم بادئ بميم مضمومه وتشوف اذا كان الحرف اللي قبل الاخر مفتوح يبقي اسم مفعول واذا كان مكسور يبقي اسم فاعل
وبالنسبه لصيغ المبالغه فاوزانها يجب ان تكون محفوظه وهي ( فعال - مفعال - فعول - فعيل - فعل )
فاضل اسم الاله ولها اوزان يجب ان تحفظ وهي ( مفعال - مفعل - مفعله ) ويجوز فعاله مثل غساله
بس هو دا اللي مطلوب منك واذا اردت توضيح اكثر فمفيش اي مشكله
النحو والصرف أبسط مما تتخيل