مشاهدة النسخة كاملة : فيــــــــــــــــــــــــــــــــــلم هندي!


**تسابيح**
12-01-2010, 04:13 PM
السلام عليكم ورحمة الله وبركاته
ازيكم ياجماعة..!
يارب تكونوا بخير يارب
المهم كان فيه فيلم هندي كنت بتفرج عليه قلت لازم احكيلكم عليه :d
كان فيه واحد بيحب بنته أوي وبعدين حماه فرق بينه وبين مراته
وتم الطلاق فقرر أنه يدور علي حل عشان يشوف بنته
في يوم بيقرأ الجرايد فشاف أعلان بيقول ان مطلوب زي دادة كدا
في بيت حماه ففكر قال:: أعمل ايه ... أعمل ايه !
راح لواحد صاحبه قاله أنا عايزك تعملي وش واحدة ست
صاحبه عمله وش بس قاله ان الوش دا لازم بيبقي لمدة 24 ساعة وبعد كدا ممكن كل حاجة يظهر وتتعرف
عمل الوش فعلا وراح وتقبل ومحدش عرفه ... مع أنه راجل
بجد انا فعلا كنت بحسبه واحدة وعاملة الدور مكانه طلع هو نفس الشخص
طبعا مستغربيين انتم مالكم بالفيلم الهندي أصلا ...
اصبروا بس.....
ونيجي لبرنامج الكاميرا الخفية اللي كلنا كنا بنحبها وكنا بنتابعها
لو شفته إبراهيم نصر اللي كان عامل دور واحدة مكنش حد بيعرف انه راجل
وكان برده بيغير صوته ...
طبعا كنا ساعتها بنقول ايه الناس العبيطة اللي مش عارفة ان ده راجل
مع انك لو كنت مكانه برده كنت مش هتعرف !:p
المهم دا كان مجرد تمهيد موضوعي هو
ان لو فيه راجل عايز يعمل أنه واحدة هيعمل
والدليل جبتهله اهو
دلوقتي هما بيقولوا أن النقاب مش بيبقي عارفين مين اللي تحته
وكدا-... دي حجة لان اي واحد عايز يبقي واحدة ويعمل حاجة هيعملها
بالمكياج وكل حاجة هتبقي تمام !!
الغش
كان فيه ولد مصري جيه من قطر وفيه استاذ مش عنده ذمه ولا ضمير
المهم الولد دا جبس ايد علي اساس انه ايده مكسوره
ولبس كاب وحط السماعة بتاعة الموبايل في ودنه
والموبايل في الجبس والاستاذ علي التليفون وعاش حياته
مع انه ولد وعرف يغش
معني كدا ان اللي عايز يغش هيغش
ولد او بنت
يبقي الاساس في الموضوع هو مراقبة ربنا والتربية
مش نقاب او حجاب او اي حاجة من الحاجات دي
ع فكرة أنا مش ضد النقاب وبرده مش معاه أنا شايفة انه حرية شخصية
كل واحدة حرة انها تلبس نقاب او حتي مش تلبسه...المهم انها ملتزمة بالحجاب الشرعي
عايز اقول لكم ان اللي بيتعمل دا شغل الناس عن قضايا أكثر أهمية
أيوة أكثر أهمية معلش بس هي دي الحقيقة بقلنا مليون سنة بنشوف المنتقبات
اشمعني يعني دلوقتي؟!!
..............
نيجي لموضوع مهم برده
بصراحة مش فيلم هندي المرة دي فيلم عربي:d
مش يفرقوا عن بعض كثير
قبل ما احكي عن الافلام دي
كنا مرة أنا وواحدة صاحبتي السنة اللي فاتت بتتكلم عن اللحية
فهي بتقول ان اي حد ملتحي متشدد !!
بصراحة هي مش رأيها بس دا كان رأي أنا كمان
مش عارفة ليه ! زمان مش دلوقتي محدش يفسر الكلام ع مزاجه;)
يمكن كمان ناس كثيرة فاكرة كدا ان اي حد ملتحي
مش بيبتسم ولا بيهزر وعلي طول عامل الوش الخشب;)
ليه بقي !
عشان الناس عايزة طول الوقت تنم
فلان عمل فلان سوي
ولو الشخص دا قام
هيقولوا الكلمة المعروفة **دا معقد ياعم الحاج**
ولو الشخص دا قعد وسمع عشان محرج يقوم
هيقولوا كلمة واحدة شفتوا الشيخ
بينم علي الناس
يعني لا دا عاجب ولا دا عاجب :d
ينتحر الراجل يعني
طيب الافكار دي جت منين
لوشفت في الأفلام هتلاقي ان الشيوخ
بيبقوا مكشريين ومبهدلين وشكلهم وحش
ومش بيضحوا ولا حاجة ومعقدين الدنيا!!
وغير كدا كان فيه فيلم
بيصور ان اي واحد ملتحي ارهابي ومتشدد
وبيعصي ربنا ومش بيصلي وبيقتل الابرياء
كان فيه مسلسل**لن أعيش في جلباب أبي**مثلا
الحاج عبد الوهاب كان مش بيسمع كلام ابوه
وكلمان عشان كان ملتحي ابوه كل شوية
يقولوا ربنا يهديك ياعبد الوهاب
ياعم الحاج هو ماشي ولا معلق حد ;)
في مسرحية عادل امام بتاع الواد سيد الشغال
شفتوا المأذون لما عادل امام قعد يتريق عليه
وبينه بمنظر مهزق وكمان قعد يتكلم باللهجة العربية الفصحة بسخرية
اللي هي اصلا لغة القرآن !!
قيس بقي علي كدا
لما نكون احنا مسلمين وبنعمل اولادنا واخواتنا ان اي واحد ملتحي بيبقي كدا او اي حد بيطيع ربنا ويصلي يبقي متعصب وو.. و.:.. و....
المهم أن الموقف اتغير
لما شفت الشيوخ علي قناة الناس وأقرأ
بجد ما شاء الله كفاية الابتسامه بس
دي بالناس كلها
وكان فيه الشيخ محمد العريفي
ما شاء الله علي علمه مبتسم شيك جداا كلامه تحفه
موقف حصل معايا
المهم انا بعشق القصص قلت بقي اروح اجيب قصص قصيرة
ليوسف ادريس وبالذات انه بيكتب قصص اجتماعية
دا اللي انا اعرفه عنه
وانا بصراحة بحب القصص دي
رحت جبت كتاب كبيرة فيه مجموعة قصص كثير خالص
قلت بقي لازم اخلصهم
قرأت اول قصة مفهمتش حاجة دي الطبيعي:d
قلت لا مش هيأس بقي نشوف الثانية كدا
استفزتني اوووي الثانية دي مش كملتها اصلا
بتحكي عن واحد راح لواحد جاره
ومش لقي جاره ولقي مراته بتصلي والباب كان مفتوح او بتصلي بره
بالله عليكم واحدة بتصلي تصلي بره البيت او حتي الباب مفتوح
وغير كدا ان الوحدة لو بتصلي وواحد راجل غير المحارم دخل
مفروض تقطع الصلاة او قبل كدا تقفل الباب كويس
المهم كمل وبيقول انه كان عايز يملي ميه من عندها وطلب منها كدا وراحت معاه
فالطرحة بتعاتها وقعت فشاف شعرها
فبدأ الحب والنظرات وهي كمان اعجبت بشكله
بالله عليكم واحدة لسه قايمة من علي سجادة الصلاة هتعمل كدا
غير ان في الارياف مفيش واحدة هتفتح لراجل غريب وزوجها
مش موجود وحتي في المدينة وبالذات المسلمين
دا غير بقي الامام المسجد اللي كان بيصلي بناس
بيشربوا مخدرات وبانجو وبيتجروا فيه
بالله عليكم ربنا قال
قال الله سبحانه وتعالى

" ان الصلاة تنهى عن الفحشاء والمنكر والبغى "
وغير ان واحدة جت تقولوا علمني الصلاة
بقي يبصلها بنظرة مش محترمة
يعني صاحب العقل يميز
اذا كان المسلمين بيصورا الاسلام كدا فما باللك الغرب
اللي هم اصلا مش يعرفوا عنه الا اسمه
ياريت نفوق بقي ونشوف ان اللي حولينا بيشوهوا صورتنا
واحنا بنتابع ونضحك ونمجدهم ونرفع من شأنهم:bosyht9:

فهمتم حاجة من الرغي الكثير دا!!

في أمان الله

"أم طلحة"
12-01-2010, 05:02 PM
بصراحة العنوان خضنى ومكنتش فاهمة حاجة فى الاول لحد ما خلصت قرايا فالحمد لله فهمت .قصدك تمام

هو فعلا الى بيحصل بين المسلمين لانا اصبحنا نتلقى ثقافتنا عن طريق الافلام والمسلسلات وغيرها ممن لايرقبون

فى مؤمن الا ولاذمة .

جزاكى الله كل خير اختى تسابيح النجوم على هذا الموضوع الجميل والطرح الجيد.

السلام عليكم.

**تسابيح**
12-01-2010, 05:09 PM
بصراحة العنوان خضنى ومكنتش فاهمة حاجة فى الاول لحد ما خلصت قرايا فالحمد لله فهمت .قصدك تمام

هو فعلا الى بيحصل بين المسلمين لانا اصبحنا نتلقى ثقافتنا عن طريق الافلام والمسلسلات وغيرها ممن لايرقبون

فى مؤمن الا ولاذمة .

جزاكى الله كل خير اختى تسابيح النجوم على هذا الموضوع الجميل والطرح الجيد.

السلام عليكم.
وعليكم السلام ورحمة الله وبركاته
المشكلة ان الاهالي مش بتعلق
فالطبيعي ان فيه اطفال قاعدة بتتفرج بالحاجات دي بتبقي راسخة في الزهن ومش بتتمحي بسرعة
ودا طبعا بيأثر علي ديننا الحنيف
ربنا يهديهم ونشوف عن قريب فن راقي
جزاك الله مثله
نورتي ياقمراية

dai_alamar
12-01-2010, 05:28 PM
ربنا يبارك فيكى بجد كلامك كلو صح وطريقة عرضك ليه جميله جدا

تسلم ايدك يا قمرايه المهم نخش فى الرغى

بصى ياختى انا مش هعمل نفسى مش بشوف وهقولك لا حرام

عليكى دول بيرفهو عن الناس بردو كده تعيبى على سيد الشغال

دى مسرحيه جميله اوى وبتضحك هى كلها اشتغالات منهم علشان

يلهو الشباب عن الصح ويخلو الى بيعملوه ده هو الى المفروض يتعمل

ويمكن تضحكى عليا فى دى والله اعلم هما فعلا معرفوش يحتلونا كبلد

لكن عرفو يحتلو عقولنا وافكارنا ويضيعو شباب كتير مناا بحجة الحريه

والديوقراطيه وكل واحد يعمل الى عايزو ويقلد الى يحبو

لكن مهما عملو ان شاء الله ربنا هيظهر الحق على ايد مشايخنا الافاضل

وهما خلاص نهايتهم بتقرب ان كنت انا عن نفسى زمان كنت متأثره بيهم اوى

وكانو فعلا شاغلين وقتى والله الممثله دى جميله ودى عليها لبس يجنن

والممثل الفلانى كان روعه فى الفيلم العلانى لكن الحمد لله دلوقتى ربنا

هدانى بفضل الصحبه الصالحه بجد هى اساس كل خير

طولت عليكى اوييييييييييييييي

بس اعذرينى

**تسابيح**
12-01-2010, 05:34 PM
ربنا يبارك فيكى بجد كلامك كلو صح وطريقة عرضك ليه جميله جدا

تسلم ايدك يا قمرايه
ربنا يخليك يارب للشعب المصري
المهم نخش فى الرغى
هو مش انا لوحدي اللي رغاية والا ايه:d

بصى ياختى انا مش هعمل نفسى مش بشوف وهقولك لا حرام
كلنا ياروحي بنشوف ;)بس بدرجات فيه ناس بتتأثر وناس بتفهم انها حرب وبتوعي الناس


عليكى دول بيرفهو عن الناس بردو كده تعيبى على سيد الشغال

دى مسرحيه جميله اوى وبتضحك هى كلها اشتغالات منهم علشان

يلهو الشباب عن الصح ويخلو الى بيعملوه ده هو الى المفروض يتعمل

ويمكن تضحكى عليا فى دى والله اعلم هما فعلا معرفوش يحتلونا كبلد

لكن عرفو يحتلو عقولنا وافكارنا ويضيعو شباب كتير مناا بحجة الحريه

والديوقراطيه وكل واحد يعمل الى عايزو ويقلد الى يحبو
بصراحة الاحتلال دلوقتي مش بقي احتلال عسكري الاحتلال بقي اقوي من كدا بقي ثقافي ودا اللي بيحصل

لكن مهما عملو ان شاء الله ربنا هيظهر الحق على ايد مشايخنا الافاضل

وهما خلاص نهايتهم بتقرب ان كنت انا عن نفسى زمان كنت متأثره بيهم اوى

وكانو فعلا شاغلين وقتى والله الممثله دى جميله ودى عليها لبس يجنن

والممثل الفلانى كان روعه فى الفيلم العلانى لكن الحمد لله دلوقتى ربنا

هدانى بفضل الصحبه الصالحه بجد هى اساس كل خير

طولت عليكى اوييييييييييييييي

بس اعذرينى
ربنا يهدينا كلنا يارب
نورتي ياقمراية :022yb4:

arabian-boy
12-01-2010, 06:00 PM
ربنا يبارك لكي بصراحه مش عارف ارد اقول ايه زياده عن اللي قالوه الاعضاء. :)

**تسابيح**
12-01-2010, 06:27 PM
ربنا يبارك لكي بصراحه مش عارف ارد اقول ايه زياده عن اللي قالوه الاعضاء. :)
شكرا ع زوقك

نورت الموضوع

account closed
12-01-2010, 06:39 PM
موضوع رائع


وهما يعني مش عارفين الكلام ده ؟


هي حرب على الاسلام

**تسابيح**
12-01-2010, 06:52 PM
موضوع رائع


وهما يعني مش عارفين الكلام ده ؟


هي حرب على الاسلام
الله يخليك ياخوخة
طبعا هي حرب شرشة علي الاسلام
بس كمان عايزين يخلوا اطفال عيال تافهه مش ليها شخصية
كل همهم البعد عن الاسلام ومش يفكروا فيه
بس هم اكيد عارفينوا
بس فيه ناس زينا بيتأثروا بالكلام دا
فدا للتوعية فقط
نورتي ياقمراية:av4056bb7jp3:

ياسمينايا
12-01-2010, 11:35 PM
كلام جميل جد ا..

تسلمى ياجميل ....

**تسابيح**
13-01-2010, 12:14 PM
كلام جميل جد ا..

تسلمى ياجميل ....
شكرا ياروحي
نورتي الموضوع:av4056bb7jp3:

BaNZeR
13-01-2010, 03:09 PM
اول ما شفت اول الموضوع كنت حمشي
انا مالي انا فيلم هندي ولا فيلم صيني :d


بس بعد كده فهمت هدف الموضوع او اهداف المواضيع يعني:d

بالنسبة لموضوع الجبس ولا المكياج ولا الكلام ده
هو اي نعم طريقة للتنكر بس مش في كل الحالات
ومش كل الناس حتعرف تعملها
لكن النقاب وسيلة سهلة ومضمونة للغش
اللى خلى المحجبات بس بيحطوا السماعات ويغشوا :d



لكن انا ما قلتش طبعاً ده يبقى مبرر للى بيعملوه دلوقتي
ده حرب اسلامية واضحة



بالنسبة للحية معنديش تعليقات حالياً
شكراً للفيلم الهندي

لو في حاجة اجنبي بقى انا متابع برده :d

shren
13-01-2010, 07:13 PM
والله مش عارفه اقولك ايه
جزاكى الله خيرا وجعله فى ميزان حسناتك

وربنا يهدينا جميعا اللهم امين

miss heba
13-01-2010, 08:16 PM
جميل قوى الفيلم يا تسابيح دا جامدة قوى . وكل كلامك صح صح . وبصراحة كل الأعضاء المشاركون عملوا الواجب وزيادة شوية

**تسابيح**
14-01-2010, 02:16 PM
اول ما شفت اول الموضوع كنت حمشي
انا مالي انا فيلم هندي ولا فيلم صيني :d


بس بعد كده فهمت هدف الموضوع او اهداف المواضيع يعني:d

بالنسبة لموضوع الجبس ولا المكياج ولا الكلام ده
هو اي نعم طريقة للتنكر بس مش في كل الحالات
ومش كل الناس حتعرف تعملها

لا انا عارفة فعلا ان مش كل الناس بتعملها
وطبعا بتمني محدش يعملها أصلا
بس انا بقصد ان اللي عايز يغش هيغش
سواء ولد بنت منتقبة محجبة مش محجبة
يبقي العامل الاساسي في الموضوع الالتزام بالدين والتربية

لكن النقاب وسيلة سهلة ومضمونة للغش
اللى خلى المحجبات بس بيحطوا السماعات ويغشوا :d


ايه دي ياباشمهندس:040vk0:
مش تعمم !!!
اللي بتغش دي مش عندها ولا ذمة ولا ضمير:bosyht9:
لانها مش بتغش الا نفسها
وبعدين الناس دي بتكشف
بالمرة الحاج شيخ الازهر يمنع الحجاب
انا بقول برده هو دا اللي ناقص:mad:


لكن انا ما قلتش طبعاً ده يبقى مبرر للى بيعملوه دلوقتي
ده حرب اسلامية واضحة



بالنسبة للحية معنديش تعليقات حالياً

التعليق في الحرب الجاية:d


شكراً للفيلم الهندي

لو في حاجة اجنبي بقى انا متابع برده :d


الشكر لله
احنا لازم برده نثقف اعضاء المنتدي بالافلام الهندية
فيه كوري المرة الجاية ينفع:p
نورت الموضوع ياباشمهندس

**تسابيح**
14-01-2010, 02:18 PM
والله مش عارفه اقولك ايه

جزاكى الله خيرا وجعله فى ميزان حسناتك


وربنا يهدينا جميعا اللهم امين

جزاك الله مثله
آمين يارب العالمين
نورتي الموضوع:022yb4:

**تسابيح**
14-01-2010, 02:20 PM
جميل قوى الفيلم يا تسابيح دا جامدة قوى . وكل كلامك صح صح . وبصراحة كل الأعضاء المشاركون عملوا الواجب وزيادة شوية
شكرا ياقلبي
نورت الموضوع


هذا المنتدى يطلّب بأنّ تنتظر 60 بين المشاركات. الرجاء حاول ثانية بعد 5 ثواني

:o:o

**تسابيح**
22-08-2010, 06:11 PM
----------------------

عبد الله الرفاعي
22-08-2010, 06:28 PM
اولا: انا بكره الافلام الهندى جدا فلاتعليق عليها
ثانيا:وجهة نظرك فى موضوع النقاب واللحية غاية فى الاحترام وروعة فى الطرح..وعلى فكرة دى نفس وجهة نظرى الموضوع حرية شخصية ولا يجب ان نقيس تصرفات هذا الشخص على الدين لانه قد يلتزم بمظاهره وينسى جوهر الدين ...بعض اصدقائى الملتحين بينصحونى يوميا بتربية اللحية وبيقولولى هى دى بقى اللى نقصاك ياعبدالله..وصدقنا اللحية هى اللى بتربيك مش انت اللى بتربيها ..ودائما يكون ردى عليهم :ان لو شوية الشعر دول هما اللى هيربونى يبقى انا من الاساس مش متربى
وجزاك الله خيرا

Free Love
22-08-2010, 09:56 PM
شكرا علي الموضوع
تسلم ايديكي ........

دى برولى
22-08-2010, 10:07 PM
هندى فعلا


مموضع جميل

**تسابيح**
22-08-2010, 10:28 PM
اولا: انا بكره الافلام الهندى جدا فلاتعليق عليها

ثانيا:وجهة نظرك فى موضوع النقاب واللحية غاية فى الاحترام وروعة فى الطرح..وعلى فكرة دى نفس وجهة نظرى الموضوع حرية شخصية ولا يجب ان نقيس تصرفات هذا الشخص على الدين لانه قد يلتزم بمظاهره وينسى جوهر الدين ...بعض اصدقائى الملتحين بينصحونى يوميا بتربية اللحية وبيقولولى هى دى بقى اللى نقصاك ياعبدالله..وصدقنا اللحية هى اللى بتربيك مش انت اللى بتربيها ..ودائما يكون ردى عليهم :ان لو شوية الشعر دول هما اللى هيربونى يبقى انا من الاساس مش متربى
وجزاك الله خيرا
أولا: الموضوع طبعا مش عن الافلام الهندية بس كنت بحكي ان اي واحد عايز يعمل ست او واحدة
هيعمل سواء كان فيه نقاب او حجاب او حتي من غير دا ولا دا
زي الفيلم اللي حكايته :d..
وغير محاربة الدين بشتي الوسائل
سواء في الأفلام أو القصص...

ثانيا: موضوع اللحية دا أنا شايفة ان الناس مسودا
الرجال الملتحيين انهم متعصبيين ومتشددين
ودا كله بسبب الأفلام ...مع ان الملتحي
بس خلي بال حضرتك ان مش اي ملتحي
لا ..لازم يكون مسلم قولا وفعلا ...
انسان كويسة وممكن كان تستريح له
زي الشيوخ ...
لكن فيه ناس بتلتحي وفاهمة دينها غلط
ممنوع ابتسم ممنوع اتكلم ممنوع ممنوع ممنوع
مع ان ممكن ابتسامة تخلي واحد يدخل الإسلام
لكن فيه ناس بتأخذ اللحية تقليد اللي ما يتسماش
واحد حضرتك بتحبه اوووي والعكس صحيح
اول حرف من اسمه تامر حسني:d
ما علينا...ربنا يهدي عباده
ثالثا: علي فكرة أصحابك
وجهه نظرهم مش صواب دايما
ان فيه ناس بتبقي ملحية واسوء خلق الناس
وع فكرة شواذ لا يقاس عليهم...
بس الإنسان الملتزم المتدين بيبقي بالمعاملة واتباع تعاليم الدين
وان كان المظهر المسلم بردو نأخذوا عليه
بس مش دايما المظهر بيكون صح...

بس لو شخص حب انه يلتحي ويتبع سن سيدنا
محمد(صلي الله عليه وسلم)جزاها الله خيراا ...
ام من لم يلتحي ..فأكيد مش بئا عليه آثم والله أعلم ...
وشكراا لحضرتك نورتنا

**تسابيح**
22-08-2010, 10:30 PM
شكرا علي الموضوع
تسلم ايديكي ........
ايه دا ياحاج أحمد
دا انا لسه كنت بشكر فيك
وقول انه بطل موضوع شكراا دا:d
يلا شكل كدا
الطبع يغلب التطبع:p
نورتنا ....
مع ان للعلم أفكارك بجد هايلة ومستنيرة
خليك حرامنا منها كثير كدا
سلالالام

**تسابيح**
22-08-2010, 10:32 PM
هندى فعلا


مموضع جميل
جزيت خيراا
نورتنا

الأميـرمحمد
22-08-2010, 11:29 PM
الســـلام عليكم
اولا : انا بكرههـ السينما والممثلين
ثانيا : انا بكرههـ السينما والممثلين
ثالثا : حسبنا الله ونعم الوكيــــــــــل

..

من فترة كنت بصلح الكمبيوتر عند مركز صيانة
وبعدين صاحب المركز مشغل قنوات فضائية
ومعروضة في مركز الصيانة
وساعات بيشغل افلام و ساعات قناة القرءان
المهمـ

..

كان مشغل فيلمـ عربي سخيف زي اللي بيعملوه !!
وكان فيه اغنية ..
جايبين ناس ملتحيين ( رجال بلحية )
وبيرقصووا ... !!

..
وفي نفس الدقيقة .. كان معدي رجل ملتحي
فـ قال : شايفين .. بيسئوا صورة الملتحين ازاري وبشوهوو صورتهم ازاري

..

انا اتعصبت جدا ..
..
ولو فاكرين فيلم ( مرجان احمد مرجان )
شوفوا ساعة الاغنية اللي لما يكونوا في الجامعة
هتلاقوا ناس ملتحيين بيرقصوو في الاغنية !!

...

بجد حسبي الله ونعم الوكيل في كل اللي السبب في اساء صورة الاسلام والمسلمين

..

ونحن الآن لا نملك غير الدعاء


بجد .. انا لو وصلت لسلطـــة في البلد
هعتقل الفاسدين


ودهـ عهد علي نفسي

وجزاكي الله خير يا أ - تسابيح

دائماً مواضيعك مميزة

**تسابيح**
23-08-2010, 12:48 AM
الســـلام عليكم
وعليكم السلام ورحمة الله وبركاته

اولا : انا بكرههـ السينما والممثلين
ثانيا : انا بكرههـ السينما والممثلين
ثالثا : حسبنا الله ونعم الوكيــــــــــل
مش دايما السينما بتبهي هابطة
اكيد فيه حاجات مفيدة
بس هما مش بيحبوا يعملوها
..

من فترة كنت بصلح الكمبيوتر عند مركز صيانة
وبعدين صاحب المركز مشغل قنوات فضائية
ومعروضة في مركز الصيانة
وساعات بيشغل افلام و ساعات قناة القرءان
المهمـ

..

كان مشغل فيلمـ عربي سخيف زي اللي بيعملوه !!
وكان فيه اغنية ..
جايبين ناس ملتحيين ( رجال بلحية )
وبيرقصووا ... !!

انا شفت مسلسل اسود واذل
جايبيين واحد ملتحي مش ليه شخصية
وبيصاحب بنات
وبيشرب مخدرات!!!
..
وفي نفس الدقيقة .. كان معدي رجل ملتحي
فـ قال : شايفين .. بيسئوا صورة الملتحين ازاري وبشوهوو صورتهم ازاري
تقصد بيسؤوا لصور المسلمين !!

..

انا اتعصبت جدا ..
..
ولو فاكرين فيلم ( مرجان احمد مرجان )
شوفوا ساعة الاغنية اللي لما يكونوا في الجامعة
هتلاقوا ناس ملتحيين بيرقصوو في الاغنية !!

...

بجد حسبي الله ونعم الوكيل في كل اللي السبب في اساء صورة الاسلام والمسلمين

..

ونحن الآن لا نملك غير الدعاء


بجد .. انا لو وصلت لسلطـــة في البلد
هعتقل الفاسدين


ودهـ عهد علي نفسي

وجزاكي الله خير يا أ - تسابيح


دائماً مواضيعك مميزة

إن شاء الله تحقق حلمك
وتخلصنا من الفساد دا
نورتني بجد
وجزيت خيراا