نادي المنتدي (ارجوا المشاركة ) [الأرشيف] - بوابة الثانوية العامة المصرية

مشاهدة النسخة كاملة : نادي المنتدي (ارجوا المشاركة )

ندي المصرية

12-01-2010, 10:01 PM

http://www.alhsa.com/forum/imgcache2/128677.gif

اسمعوا يا اعضاء المنتدي الاحباءانا حبيت نتجمع فى مكان يكون فية الجو جميل و الورد والاشجار من حولينا والعصافير بتزقزق http://www.alhsa.com/forum/imgcache2/128691.gif

لقيتلكم نادى المنتدي نتجمع فية فى اى وقت من اليوم نتكلم وندردش مع بعض

http://www.alhsa.com/forum/imgcache2/128691.gif وكل فترة حنعمل موضوع للنقاش واللى عنده موضوع مهم

وعايزة تتكلم فية وتشاركنا معاها تقول علية

واحنا ننقشه معاه http://www.alhsa.com/forum/imgcache2/128691.gif

وحنبتدى ان شاء الله بموضوع

"الصداقة ومين اصدقائنا ولية اختارنا الاصدقاء دول بالذات عشان نقول عليهم هما دول اللى مش حنقدر نبعد عنهم وححكلهم ادق تفاصيل حياتى واخد رايهم فى مصير حياتى"

اية رايكم فى الموضوع دة يلا مستنياكم

http://www.alhsa.com/forum/imgcache2/128678.gif

Dr/shymaa moaz

12-01-2010, 10:49 PM

super hero 1991

13-01-2010, 01:31 AM

طيب ماشي الموضوع ده مش هحذفه ان شاء الله

بس ياريت المواضيع اللي هتتناقشه فيها تبقي مواضيع هادفه وهامه ومتقلبش شات ولا كلام في الحب بعد اذنكم
لان الحاجات ديه ممنوعه

ندي المصرية

13-01-2010, 05:59 PM

طيب ماشي الموضوع ده مش هحذفه ان شاء الله

بس ياريت المواضيع اللي هتتناقشه فيها تبقي مواضيع هادفه وهامه ومتقلبش شات ولا كلام في الحب بعد اذنكم
لان الحاجات ديه ممنوعه

----------------------------------------------------------------------------------------------------------------------

طبعا احنا بنتكلم في مواضيع عامةجدا ومش بنفكر غير في الموضوعات العامة مثل \سياسية موضوعات اجتماعية دينية وكدة طبعا :039uw8:

ندي المصرية

13-01-2010, 06:03 PM

دي فكره جميله اوي وهايله يا نودي
وانا اول حد هشارك معاكي بس ماوعدكيش قبل 4/2 اشارك بحاجه لان الدنيا متلخبطه خالص والامتحانات دخلت
بس انتي ابدائ واحنا معاكي
وادعولي بقي ربنا يخلص الترم ده علي خير

طبعا شيماء احنا مستنينك براحتك علي اقل من مهلك :p

ها ايه رائيكم في الصداقة وايه الفرق بين صديق السوء وصديق الخير

عبير الشذى

15-01-2010, 09:10 AM

فكرة جميلة جداااا... بس ياريت تحددى الموضوع اللى حنتكلم فيه.

angel-girl

15-01-2010, 01:36 PM

فكرة جااااااامدة جدا
دمتى متالقة

ندي المصرية

15-01-2010, 03:45 PM

فكرة جااااااامدة جدا
دمتى متالقة

-----------------------------------------------------------------------------

شكرا لكي حبيبتي

Dr/shymaa moaz

15-01-2010, 03:49 PM

يلا يا ندي قوللي وحددي الموضوع اللي هنتكلم فيه

ندي المصرية

16-01-2010, 01:28 PM

ممكن نتكلم عن

ايه سبب كراهية الجزئر لمصر او العكس

والسؤال هل يليق بان العرب يحصل منهم كدة وهل جئنا لنشجع ام لنحارب

ومن له بسبب كراهية البلدين

مين اللي بيقول يا فرحتي يا فرحتي

دول اللي يسقفوا بجانبنا عند الحروب \ مين اعدائنا

ولا احنا العرب

يعني عايزة اقول ليه كدة دي كرة قدم مش حرب

انا احب ان نعرفكم ان الكرة مكسب وخسارة واللي كسب ربنا يحقق ليه طموحه اكتر واكتر

واللي خسر ربنا يعوضه

مثلا مصر خسرت طب ربنا معوضهاش ولا لا مش كسبت في الماتش اللي بعدة انا حتي الان مش فاكرة مصر مع مين اصلي مش من مشجعي الكرة

والجزائر انا سمعت انها خسرت بعد الماتش مصر والجزائر

وكدة الكرة مكسب وخسارة طب ليه التشجيع باالاسلحة والسكاكين والطوب مش عارفة انا ليه بصراحة

دي وجهة نظري عن الذي حدث وما وجهة نظركم انتم

من حقكم ان تعبروا برائيكم

عبير الشذى

18-01-2010, 05:43 PM

مع انى مليش فى الكورة بس اللى حصل ما بين مصر والجزائر يخصنا كلنا كعرب وقبل كل ده مسلمين من اصل واحد
اب واحد وام واحدة(ادم و حواء)
انا شايفة ان اللى حصل ده كان لغرض سياسى وذى ما الجزائريين غلطوا المصريين هما كمان غلطوا.
وبعدين الموضوع خرج عن نطاق كرة القدم فكان يجب على حكومتى مصر والجزائر التدخل لحل هذه المشكلة التى تركت اثر عميق فى نفوس المصريين.
وانامعاكى يا ندى لان كرة القدم فى الاول وفى الاخر لعبة اضاعت وقتنا والهتنا عن ما يحدث فى الدولة من غلاء فى الاسعار وما شبه ذلك احنا خلينا كده مورناش حاجة غير اننا نشجع ونصفق ونهلل لما مصر تجيب جول او تكسب فى مبارة ونسيب الاهم ذى التعليم والصحة والنهوض بمصر ثقافيا.

ندي المصرية

21-01-2010, 07:49 PM

وانامعاكى يا ندى لان كرة القدم فى الاول وفى الاخر لعبة اضاعت وقتنا والهتنا عن ما يحدث فى الدولة من غلاء فى الاسعار وما شبه ذلك احنا خلينا كده مورناش حاجة غير اننا نشجع ونصفق ونهلل لما مصر تجيب جول او تكسب فى مبارة ونسيب الاهم ذى التعليم والصحة والنهوض بمصر ثقافيا.

-------------------------------------------------------------------------------------------------------------------------

كلام مقنع جدا دة حتي احنا لما بنكسب الاسعار تغلي بطريقة مش ممكن ولما تخسر الاسعار برضه تغلي

يعني حاجة ماشفتش ولا حشوف بعد كدة والكورة بقيت اهم حاجة فين الاهتام بالتعليم والصحة ونركز ونشوف

حولينا كويس بس نعمل ايه مظاهرات امام السفارة المصرية في الجزائر ومظاهرات امام السفارة الجزائرية

في مصر

وبعدين في سؤال ليكي عبير انتي منين بالضبط ؟

مصرية ولا ايه

عبير الشذى

23-01-2010, 08:44 AM

ايوة انا مصرية
من البحيرة.........وبحب مصر جدااااااااا
هو انا علشان بقول الحقيقة ابقى مش مصرية
بالعكس انا بحب مصر جدااااااااا
بس مش بحب حكومتها لانها هى سبب تخلفها احنا شعب ذكى جدا بس مش لقيين اللى يوقف جنبنا ويشجعنا والدليل د|احمد زويل
لو كان فضل فى مصر مكناش عرفناه ولا عرفنا الفيمتو ثانية اللى هو اكتشفها لكن اول لما سافر خارج مصر هناك شجعوه واتاحوا له الفرسة فى التطبيق
انا طالبة فى اولى ثانوى ونفسى نطلع دكتورة بس فى مصر"بلدى"

ندي المصرية

02-04-2010, 03:22 PM

برافوا علي الروح الوطنية عبير

اسماعيل البدرى

02-04-2010, 10:00 PM

يا جماعة سبب الكرة دة لية علاقة بموضوع فلسطين وان مصر قفلت الحدود عن الفلسطينين

انا كلمت واحد جزائرى قبل كدة وقالي الكلام دة

دة من وجهة نظرى وكمان غيرة لات مصر احسن فى كل حاجة عن الجزائر

fehasr

04-04-2010, 04:59 AM

معتقدش يا جماعة

كل الكلام البتقولوه دة

عادى

احنا متعصبين و هما متعصبين

لكن كلنا اخوة

صح ؟؟؟؟

تعصب كروى بس

بنت الجزائر

04-04-2010, 02:41 PM

نعم اخوانى نعم كما تقولون
كل احد متعصب لبلده
لكن سمعت ان مصر فتحت الحدود
يا ربى دائما نساعد فى الخير

Blue Ruse

04-04-2010, 11:37 PM

فكرة جميلة اوى وحقيقى موضوع جامد اخر حاجة

اسماعيل البدرى

05-04-2010, 02:39 AM

ربنا يهدى النفوس بس مصر مش غلطانة ورئيس الاتحاد الجزائرى روراوى دة لازم يتشال من مكانة

بنت الجزائر

05-04-2010, 07:12 PM

ربنا يهدى النفوس بس مصر مش غلطانة ورئيس الاتحاد الجزائرى روراوى دة لازم يتشال من مكانة
لماذا ها الكلام
تفتحوا معى المواضيع وتقولوا على انى غلطت فيكن
قول لى غلطنا فى اى شى؟

اسماعيل البدرى

06-04-2010, 12:35 AM

لماذا ها الكلام
تفتحوا معى المواضيع وتقولوا على انى غلطت فيكن
قول لى غلطنا فى اى شى؟

انا مش قصدى عليكي انتى انا قصدى على الجماهير الجزائرية اللى كانت هوايتها فى الاثناء الماضية هى حرق علم مصر انا مش عارف هما كانو بيعملو كدة لية هو احنا يهود مثلا ولا اسرائيلين علشان يعملو كدة وكمان احداث ام دورمان فى السودان دة اية عادى يعنى

وانا شايف ان ولا واحد مصرى عمل ربع اللى عملة الجزائرى

BaNZeR

06-04-2010, 01:28 AM

قول لى غلطنا فى اى شى؟
يوووووووووووووووه
دنا كنت كاتب مواضيع تعبيير عن الحوار ده
بس الواحد تعب من التكرار ومفيش داعي لفتح الملف ده تاني بقى :bosyht9:
وكفاية عشان لما بفتح السيرة .....................يلا
كلامي مش موجه ليكي كفاية إنه حضرتك عندنا هنا
واتمنى اي كلام قلته عن الجزاير تنسيه ومتخدهوش عليكي

BaNZeR

06-04-2010, 01:33 AM

يا جماعة سبب الكرة دة لية علاقة بموضوع فلسطين وان مصر قفلت الحدود عن الفلسطينين

انا كلمت واحد جزائرى قبل كدة وقالي الكلام دة

دة من وجهة نظرى وكمان غيرة لات مصر احسن فى كل حاجة عن الجزائر
ايه ياعم انت بيشتغلوك ولا ايه

انا كلمت تلاتة جزائريين واتنقاشنا في الموضوع ده لما زهقت
الاول كنا كويسين مع بعض لحد قبل مطش السودان
وبعدها بطل يدخل احتمال كان معاهم في السودان ولا حاجة :d

التانية بدأتها بدعوة للتآخي وروح النضال والعلاقة الطيبة
وبعدين لما دخلنا في الجد ومع إتياني بكل الادلة المصورة والفيديو لما فعلوه الجزائريين
اتهمتني بالكذب والخيانة وقالتلي منتو بتوع الافلام وانتو اكبر ممثلين في العالم اصلاً :d
احترمت نفسي ورحت طالع من سكات وقلتلها شكراً :d

التالت ده ملحقش يكلمني اصلاً
شتمني بس :d
هو في الحقيقة مشتمش في شخصي انا
بل سب في كل مصري عامة :d

دول تلاتة كانو بره غير اللى حكيت معاهم في المنتدى هنا واللى شفتهم في منتدياتهم

موضوع فلسطين دي حجة لوصف مصر بمصرائيل لا اكثر
لكن السبب الحقيقي هو اعلامهم قبل اعلامنا وجريدة الشروخ في المقام الأول

بنت الجزائر

06-04-2010, 11:13 AM

الماتش الدى كان فى السودان صور لكم ان حنا شخصيات ما كويسة
حنا ايضا تصورناكم كدلك وقلنا عليكم مصرائيليين
انتم ايضا قلتم علينا جزائرنساويين
قلنا عليكم ان علم اليهود رفرف ورفع على ارضكم ولا يزال
انتم ايضا قلتوا علينا انتم تاثرتم بلغة الفرنسيين
و قلتم نحن لم نتاثر بلغة اليهود كما تاثرتم بلغة الفرنسيين

ويش نقول نحن ولا انتم بع دلك؟

بنت الجزائر

06-04-2010, 11:34 AM

تعال نتكلم فى اى شى بعيد عن الكورة لانى انا خلااااااااااص

اسماعيل البدرى

06-04-2010, 02:49 PM

ايه ياعم انت بيشتغلوك ولا ايه

بعد ازنك اتكلم بأسلوب احسن من كدة كل واحد لية وحهة نظرة

BaNZeR

06-04-2010, 06:16 PM

الماتش الدى كان فى السودان صور لكم ان حنا شخصيات ما كويسة
حنا ايضا تصورناكم كدلك وقلنا عليكم مصرائيليين
طيب احنا تصورناكم لمنظر البلطجة
انتو تصورتونا كده لمنظرنا واحنا بنضرب يعني
انتم ايضا قلتم علينا جزائرنساويين
قلنا عليكم ان علم اليهود رفرف ورفع على ارضكم ولا يزال
هو رفرف وطلع على ارضنا وطردناهم ورجعنا علمنا تاني
لكن انتو استعمركو الفرنسيين ومازلتم حتى الآن الكثير منكم لا يعرف العربية !
ومنتخبكو اولكو
فكيف نقارن الموقفين ؟
انتم ايضا قلتوا علينا انتم تاثرتم بلغة الفرنسيين
و قلتم نحن لم نتاثر بلغة اليهود كما تاثرتم بلغة الفرنسيين
هل ده محصلش ؟
ويش نقول نحن ولا انتم بع دلك؟
طيب ماشي احنا قلنا وانتو قلتو والمتعصبين في البلد كتير وبيتكلمو كتير
حرقنالكم كام مصلحة زي ما ولعتوا في مصالحنا بالجزائر؟
بلطجنا عليكو في كام بلد ولا حتى في بلدنا عشان تبهدلو جمهور كامل في بلد محايدة ؟
لأ وبعدين تطلبو مننا اعتذار رسمي كمان ؟
وخرقتوا مواقعنا وحطيتو فيها نجمة اسرائيل
واتهمتونا برشوة الحكام
وغيره من اللى مش فاكره دلوقتي
كل ده كان مقابل كلامنا بس ؟
معلش لازم كل واحد يعترف بغلطاته برده

BaNZeR

06-04-2010, 06:18 PM

بعد ازنك اتكلم بأسلوب احسن من كدة كل واحد لية وحهة نظرة
أنا آسف جداً للفظ مش قصدي تقليل من المكانة او حاجة

اسماعيل البدرى

06-04-2010, 07:10 PM

اسماعيل البدرى

06-04-2010, 07:11 PM

أنا آسف جداً للفظ مش قصدي تقليل من المكانة او حاجة

لا ولا يهمك احنا اخوات يا صحبي

بنت الجزائر

07-04-2010, 08:37 AM

طيب ماشي احنا قلنا وانتو قلتو والمتعصبين في البلد كتير وبيتكلمو كتير
حرقنالكم كام مصلحة زي ما ولعتوا في مصالحنا بالجزائر؟
بلطجنا عليكو في كام بلد ولا حتى في بلدنا عشان تبهدلو جمهور كامل في بلد محايدة ؟
لأ وبعدين تطلبو مننا اعتذار رسمي كمان ؟
وخرقتوا مواقعنا وحطيتو فيها نجمة اسرائيل
واتهمتونا برشوة الحكام
(وغيره من اللى مش فاكره دلوقتي)
كل ده كان مقابل كلامنا بس ؟
معلش لازم كل واحد يعترف بغلطاته برده
لم افهم قصدك بالجملة لى انت كاتبها وانا محددها بالاحمر

الموهم ان نجمة اسرائيل مضايقاكوا كتير
م انتم وضعتوا فى علمنا بدل النجمة رقم 4
ايضا شى يضايقنا

و المصالح لى بتقول عليها ناس بلطجيية( متل ما بتقولوا) هم لى فعلوا دلك
لا يعنى هدا ان جميع الجزائريين هكدا
ما انتم بتقولوا علينا كلام لايصح ايضا وانا بعرف

اى حقنا نطلب اعتدار وفى الاساس رئيس الاتحاد الجزائرى روراوة لم يقدم شكوة الى الفيفا
هتقولوا لى الكلام لى بنسمعوا ويش يعنى اما هو ما قدم شكوة
هقول لكم شوفوا انتم من اى المصادر تاتون بالكلام

ولى ما بتعرفوا انه كان يوجد فى مقابلة انكلترا لمصر جزائريين فى انكلترا شجعوا مع المصريين و فعلوا مشاحنات مع الجمهور الانكليزى من اجل المصريين وكانوا مع المصريين
ما كانوا ضربوا المصريين متل ما بتقول انهم ضربوهم فى عدة بلدان وفى بلد محايدة
ايضا لا يعنى لى عملوه فى السودان انهم لا يحبوكم هدا تعصب كروى

و انت بتقول كل هدا كان مقابل كلامنا فقط
اى هدا من اجل الكلام فقط لان الكلام بيجرح اكتر من المعاملة بالايدى
وشوفوا انتم ويش قولتوا لنا و علينا و قولتوا فرنسا تبا ايه بالنسبة للجزائر
كلامكم اثر فينا كتير

اسماعيل البدرى

07-04-2010, 11:59 AM

لم افهم قصدك بالجملة لى انت كاتبها وانا محددها بالاحمر

الموهم ان نجمة اسرائيل مضايقاكوا كتير
م انتم وضعتوا فى علمنا بدل النجمة رقم 4
ايضا شى يضايقنا

و المصالح لى بتقول عليها ناس بلطجيية( متل ما بتقولوا) هم لى فعلوا دلك
لا يعنى هدا ان جميع الجزائريين هكدا
ما انتم بتقولوا علينا كلام لايصح ايضا وانا بعرف

اى حقنا نطلب اعتدار وفى الاساس رئيس الاتحاد الجزائرى روراوة لم يقدم شكوة الى الفيفا
هتقولوا لى الكلام لى بنسمعوا ويش يعنى اما هو ما قدم شكوة
هقول لكم شوفوا انتم من اى المصادر تاتون بالكلام

ولى ما بتعرفوا انه كان يوجد فى مقابلة انكلترا لمصر جزائريين فى انكلترا شجعوا مع المصريين و فعلوا مشاحنات مع الجمهور الانكليزى من اجل المصريين وكانوا مع المصريين
ما كانوا ضربوا المصريين متل ما بتقول انهم ضربوهم فى عدة بلدان وفى بلد محايدة
ايضا لا يعنى لى عملوه فى السودان انهم لا يحبوكم هدا تعصب كروى

و انت بتقول كل هدا كان مقابل كلامنا فقط
اى هدا من اجل الكلام فقط لان الكلام بيجرح اكتر من المعاملة بالايدى
وشوفوا انتم ويش قولتوا لنا و علينا و قولتوا فرنسا تبا ايه بالنسبة للجزائر
كلامكم اثر فينا كتير

انتى بتقولى عملو مشاحنات مع الانجليز علشان مصر الف شكرا على دة

لكن يولعو فى محلات المصريين فى الجزائر ويحرقو العلم وبعد ماتش الجزائر يبلطجو ويحاولو يموتو بكل همجية المشجعين المصريين

انتى شايفة ان الكلام يستحق كل هذا الفعل الهمجى

وتشتمونا فى اغانيكم ورئيس الاتحاد الجزائرى يرفض ان يسلم على رئيس الاتحاد المصرى

والصحافة عندكم قالو علينا يهود

وقالو علينا أل فرعون

انتى شايفة ان دة صح

بنت الجزائر

07-04-2010, 12:24 PM

انتى بتقولى عملو مشاحنات مع الانجليز علشان مصر الف شكرا على دة

لكن يولعو فى محلات المصريين فى الجزائر ويحرقو العلم وبعد ماتش الجزائر يبلطجو ويحاولو يموتو بكل همجية المشجعين المصريين

انتى شايفة ان الكلام يستحق كل هذا الفعل الهمجى

وتشتمونا فى اغانيكم ورئيس الاتحاد الجزائرى يرفض ان يسلم على رئيس الاتحاد المصرى

والصحافة عندكم قالو علينا يهود

وقالو علينا أل فرعون

انتى شايفة ان دة صح

آل فرعون......

الموهم
لكن لاتنسوا ان قبل ماتش الجزائر ومصر فى انغولا المصريين اتصالحوا مع الجزائريين على قناة mbc
اتصدق ان انا بعرف ان انتم ما فعلتوا شى فينا غير الكلام
لكن لا يهم نحن خسرنا لقبا وكسبنا منتخبنا وابطالنا

انا مسلمه

08-04-2010, 07:18 PM

[quote=بنت الجزائر;2090635]لم افهم قصدك بالجملة لى انت كاتبها وانا محددها بالاحمر
قاصده حاجات كتير هو مش فاكرها
الموهم ان نجمة اسرائيل مضايقاكوا كتير

طبعا انا اصلا لسه عارفه الموضوع ده دلوقتي بس اتنرفزت
هو احنا فينا حاجه من اسرائيل ؟؟؟؟؟؟؟؟؟

ولا علشان دي البلد الي محدش طايقها ؟؟؟؟؟؟؟؟؟

م انتم وضعتوا فى علمنا بدل النجمة رقم 4
ايضا شى يضايقنا

انا اصلا معرفش الحكايه دي

4 مش نجمه بلد محدش يحترمها

و المصالح لى بتقول عليها ناس بلطجيية( متل ما بتقولوا) هم لى فعلوا دلك
لا يعنى هدا ان جميع الجزائريين هكدا
ما انتم بتقولوا علينا كلام لايصح ايضا وانا بعرف

اي علاقة كلامنا بالي انتم بتعملوا
انا المصرين غلطو فيكو بس منشرهاش على النت و ركبوا مكان اللعيبه ممثلات
انا منكرش اني انا كمصريه وبمنتهى الصراحه لما كنت بشوف المناظر واحنا شعبنا بتتهجموا عليه كنت بغلط فيكو (فاللي بيعمل كده يعني ) ومكنتش بنشرها على النت :)

اى حقنا نطلب اعتدار
هههههههههههههههههههههههههههههههههههههههههههههههه
هههههههــــ(ـوهكذا يبقى شعب الجزايرـ)ـــــــــــــــههههههههههههههههه
هههههههههههههههههههههههههههههههههههههههههههههههههه هههههههههه

على فكره انا مبشجعش على الهمجيه ولا اي حاجه

احنا ردينا اعتبرنا بعد الرباعيه النظيفه اكيد
ولاكن لو حتى شعب الجزاير جيه وقدم اعتذار رسمي انا بردوا هفضل من جوايا في نواحي سوده من نحيتكم
بس طبعا هظهر الحب والرضا

الحكاية دي مش هتعدي غير بمرور الزمن

وعلى فكره مش الجزاير بس انا اصلا تعبت ومليت من 3/4 الشعوب العربيه

بما فيهم فلسطين

وفى الاساس رئيس الاتحاد الجزائرى روراوة لم يقدم شكوة الى الفيفا

يقدم شكوه هيقول فيها ايه ؟؟؟؟؟؟؟؟؟؟؟

الله يرضى عليكي تقوليلي

هتقولوا لى الكلام لى بنسمعوا ويش يعنى اما هو ما قدم شكوة
هقول لكم شوفوا انتم من اى المصادر تاتون بالكلام

كلام ايه ؟؟؟؟؟

اللي انتو عملتوه احنا شفناه ع القنوات و لا الولد العسول الجزايري الي امنتية حياة يقتل اي مصر ده عسل
:)
ولى ما بتعرفوا انه كان يوجد فى مقابلة انكلترا لمصر جزائريين فى انكلترا شجعوا مع المصريين و فعلوا مشاحنات مع الجمهور الانكليزى من اجل المصريين وكانوا مع المصريين

شعئول انتو تتخانقوا مع الانجليز ليه هما عاملوا لينا حاجه اصلا
يا بنتي احنا شعب مسالم اصلا
انتو عايزين تتخانقوا وخلاص
ما كانوا ضربوا المصريين متل ما بتقول انهم ضربوهم فى عدة بلدان وفى بلد محايدة

والسودان د بتعمل ايه (كبلد محايده )

وشعبكم المسالم

ايضا لا يعنى لى عملوه فى السودان انهم لا يحبوكم هدا تعصب كروى

في حاجه اسمها استوب على عصبيتكم
تعصب كروي تعصب كروي
يعني انا اقتل صاحبتي واقولها تعصب دراسي :)

و انت بتقول كل هدا كان مقابل كلامنا فقط
اى هدا من اجل الكلام فقط لان الكلام بيجرح اكتر من المعاملة بالايدى
وشوفوا انتم ويش قولتوا لنا و علينا و قولتوا فرنسا تبا ايه بالنسبة للجزائر

هو انتو مش فرنسا فعلا بالنسبه لكم حاجه كبيره ده جميله بو حريد بعد الي اتعمل فيها ده كله راحت عاشت في فرنسا

كلامكم اثر فينا كتير[/quot

معلش بجد انا اسقه كان كلامي في تعصب وطني :)جامد بس معلش

الكلام ده كان نفسه يطلع ولسه مطلعش كله على فكره

وانا عارفه انك يا بنت الجزاير هتقولي كالعاده

مو حابه احكي في هيك مواضيع

بس انا بتكلم عادي

يعني بتكلم في اطار الموضوع نفسه

مقصدكيش بحاجه

في رعاية الله

اسماعيل البدرى

08-04-2010, 07:33 PM

بنت الجزائر

09-04-2010, 12:43 PM

BaNZeR

20-04-2010, 10:53 PM

لم افهم قصدك بالجملة لى انت كاتبها وانا محددها بالاحمر

الموهم ان نجمة اسرائيل مضايقاكوا كتير
م انتم وضعتوا فى علمنا بدل النجمة رقم 4
ايضا شى يضايقنا

و المصالح لى بتقول عليها ناس بلطجيية( متل ما بتقولوا) هم لى فعلوا دلك
لا يعنى هدا ان جميع الجزائريين هكدا
ما انتم بتقولوا علينا كلام لايصح ايضا وانا بعرف

اى حقنا نطلب اعتدار وفى الاساس رئيس الاتحاد الجزائرى روراوة لم يقدم شكوة الى الفيفا
هتقولوا لى الكلام لى بنسمعوا ويش يعنى اما هو ما قدم شكوة
هقول لكم شوفوا انتم من اى المصادر تاتون بالكلام

ولى ما بتعرفوا انه كان يوجد فى مقابلة انكلترا لمصر جزائريين فى انكلترا شجعوا مع المصريين و فعلوا مشاحنات مع الجمهور الانكليزى من اجل المصريين وكانوا مع المصريين
ما كانوا ضربوا المصريين متل ما بتقول انهم ضربوهم فى عدة بلدان وفى بلد محايدة
ايضا لا يعنى لى عملوه فى السودان انهم لا يحبوكم هدا تعصب كروى

و انت بتقول كل هدا كان مقابل كلامنا فقط
اى هدا من اجل الكلام فقط لان الكلام بيجرح اكتر من المعاملة بالايدى
وشوفوا انتم ويش قولتوا لنا و علينا و قولتوا فرنسا تبا ايه بالنسبة للجزائر
كلامكم اثر فينا كتير

بالمناسبة كل اللى انا قولته كان قبل احداث المباراة من طرفكو
وكل اللى قولتيه من طرفنا كان بعد المباراة
وهنا لا تجوز المقارنة !!
انا نفسي واحد من اللى حطوا نجمة اسرائيل على علم بلدكو !
واديني بعترف
بس يوم ما عملتها كان بعد ما عملتوها وكان بعد احداث مطش عذراً مجزرة أم درمان بالسودان !!

انا مش عارف انتو بتزاولونا ولا بتزوغو في الكلام عشان مش لاقيين رد او حجة
بس يظهر مفيش فايدة
كل ما اميل لحد منكو اكتشف إنو كلكو نفس الصنف !!

أكيد مهو مش بناتكو اللى اتمرمطوا هناك ولا انتو الى نزلت عليكم الحجارة والسكاكين ولا استخبيتو تحت العربيات خوفاً من هؤلاء الوحشيين المدعمين من قبل حكومتهم وشعبهم
ولا اتعملكو رقم مخصوص عنوانه " لو في جزايري بيجري وراك اتصل بينا على الرقم .... وننقذك !"
ثم تدعون أنهم قلة متعصبة ولا تمثل أحداً !!

كله شعارات زائفة
مللت من هذا التعصب البعيد تمام البعد عن كرة القدم والرياضة
والذي لست أدري حقاً إلى أي نوع ينتمي
الشيء الوحيد اللى انا متأكد أنه ليس عربياً ولا اسلامياً !

egyptian fox

28-04-2010, 09:19 AM

لا لا اخيتى قولى كل لى انت تريدى تقوليه وانا بسمع لك
لا اقول لك( انا ما بدى احكى فى ها الحكى) كما تقولين
قولى كل لى نفسك تقوليه و انتضرى منى الرد
كل شوى تقولوا الرباعية النظيفة الرباعية النظيفة
انتم ما بتمللوا من ها الكلام
خلاص الجزائر صعدت الى المونديال وما حدا بيعرف ينزلها :bosyht9:
ومصر اخذت كاس افريقيا وما حدا يغعرف ياخدوه منها بعد حين:bosyht9:

و اظن ان ها الكلام خلاص ما منو فايدة
خلاص
لكن قولى كل لى تريدى

بصي
الجزائر طلعت المونديال مقولناش حاجه بس المونديال بيبقى العالم كله شايفه يعني مفيهوش بلطجه ولا فيه
http://www.superkoora.com/images/shawishkodga.jpg
يعني مظنش انكو هتعملو حاجه وبصي بس علشان تعرفو انتو عملتو ايه
http://www.masreat.com/wp-content/uploads/2009/11/10algeria4-300x285.jpg

http://img.youtube.com/vi/Un-DUSiscuY/0.jpg

http://photos-h.ak.fbcdn.net/hphotos-ak-snc3/hs116.snc3/16340_1213616835064_1668114079_531540_2257707_n.jp g

http://productnews.link.net/reuters/OLMESPORT_iptc/21-11-2009/2009-11-21T074240Z_01_ACAE5AK0LFC00_RTROPTP_2_OEGSP-SOCC-EGY-ALG-MN1.JPG

على ما اظن كده فهمتى قصدنا كلنا

اسماعيل البدرى

28-04-2010, 05:18 PM

الله ينور يا عم الحج

ندي المصرية

29-04-2010, 03:23 PM

يا جماعة انتم كرهتوني في الموضوع دة انا اعتذر لفتحة جزائرين بسبوا بمصريين ومصريين بيسبوا الجزائرين
انا مش حقول للجزائرين ليه حبستم المصرين عندكم انا مش ضدد الجزائر ولا ضدد مصر انا بحب مصر طبعا لانها بلدي
بس انتم داخليت بهجام علي بعض نسيتم نفسكم ونسيتم دينكم ونسيتم العروبة التي جمعتنا بين بعض
لعبة بسيطة هادفة وهي دي الحقيقة تعمل كدة اين التشابك الدول العربية كما قالوا ليه تخلوا الخنازير الاسرائلين يضحكوا علينا
طلعتم عن وعيكم وتفكريكم
ملحوظة
انا لا اكلم الجزائرين واوجه لهم ذلك فقط وانما لكم يا مصريين ايضا
يا خسارة كان نفسي اموت قبل ان اشاهد هذا الحادث انتم اللي بتعملوا دة حرام
رحوا اتفرجوا عليهم تلاقوهم بيضحكوا علينا \ وليه بيضحكوا علشان احنا ياعرب جهلاء
الحمد لله لان الشهيد مات لانه لو عائش كان انتحر بلده بتدهور احنا في حرب اسرائيل تحاربنا في الخفاء كفايه بقي ازيلوا الغطاء اللي علي عيونكم
حبوا بعض لان في وقت الشدة ستحتاجون لبعض
وياريت نغلق الصفحة دي ونبتدي صفحة جديدة صفحة حب ووفاء بين الدولتين
وضعوا ايدكم في ايد بعض لان يوم سيكون الاسرائلين هما السادة واحنا العبيد ولانجد مكان نعيش فيه

egyptian fox

30-04-2010, 06:32 PM

ندي المصرية

30-04-2010, 08:51 PM

فعلا بس الموضوع انتهي ليه بتكرهوا بعض

egyptian fox

05-05-2010, 10:36 PM

احنا كمصريين مش بنكره حد بس هما اللى اجبروني اجيب الصور دي بعد ما حسسوني انهم يعني راحو المونديال بعد ما كل لاعب عندهم جرى 112 كم
انا بس حبيت اوريهم انتو وصلتو المونديال ازاى علشان ميفتكروش انهم عملو البدع فى الكوره
واكبر دليل انتو عارفينه فى انجولا لما لاعبونا على ارض وكل واحد ولعبه وشوفتو ايه اللى حصل وكل العالم شاف ايه اللى حصل

the best futur

06-05-2010, 11:38 AM

خلاص اللى فات مات تعالوا نتكلم فى الموضوع دة وهواية هدفك اللى بتسعى وبتتمنى انك تحققة واية احساسك لو اتحقق واذا لسة متحققش كم تتوقع نسبه ان شاء الله

the best futur

06-05-2010, 11:42 AM

على فكرة انا مكنتش عايزة اكتب موضوع بس انا كتبته علشان اطلعكم من مود اللى انتم فيه ولو عايزين تكتبوا فية اهلا وسهلا ولو مش عايزين ارجوكم اكتبوا موضوع جديد نتكلم فية ومترجعوش للموضوع الاول

ندي المصرية

06-05-2010, 03:14 PM

ايوة موضوع تاني افضل وننسي اللي فات
ونفتح صفحة جديدة من غير سب او شتيمة

the best futur

06-05-2010, 04:41 PM

هو دة الكلام يا ندى

عاشقة الطفولة

06-05-2010, 04:48 PM

يارت يا the best futur تقولي الموضوع

the best futur

06-05-2010, 04:50 PM

بما ان مفيش حد حيبتدى حبدا انا هدفى هو انى ادخل كلية الطب ان شاء الله
نسبة تحققة 90%و10%التانية انى ادخل كلية صيدلة اذا مدخلتش كلية الطب طبعا هذة النسب عالية لان ربنا معايا وعمره ما حيسبنى وان شاء اله معانا كلنا وpleeeeeaseادعولنا يلا سلام

the best futur

06-05-2010, 04:52 PM

انتى امتى دخلتى يا عاشقة الطفولة

the best futur

06-05-2010, 05:12 PM

يا جماعة قصدى بنسبه اى النسبة اللى انت تتوقعها لنجاحه

زائر غير مسجل

06-05-2010, 05:13 PM

خلاص اللى فات مات تعالوا نتكلم فى الموضوع دة وهواية هدفك اللى بتسعى وبتتمنى انك تحققة واية احساسك لو اتحقق واذا لسة متحققش كم تتوقع نسبه ان شاء الله

هدفي اني اعدي بسلام من الثانوية العامة عشان الظاهر كده ان الوزير الجديد عملنا سيربريس فيها وربنا يستر

عاشقة الطفولة

06-05-2010, 05:19 PM

هدفي طبعا اني اعدي من الثانوية العامة بسلام وطبعا نفسي اطلع دكتورة صيدلة ( وطبعا ده اللي مش ها يحصل في سنتنا )

ودي كلها اماني

عشان الوزير الجديد عملنا سيربريس جامد

the best futur

06-05-2010, 05:30 PM

اية التشاؤم ده على فكرى ده مش شعرنا خالص

the best futur

06-05-2010, 05:32 PM

وكمان احنا ميهمناش وزير ولاغيرة( مع احترامى له طبعا )احنا معانا ربنا ولا انتى اية رايك

عاشقة الطفولة

06-05-2010, 05:34 PM

اه بس لو عمل اللي بيقولو واحد

يبقى سنتنا نقول يا رحمان يا رحيم عليها

the best futur

06-05-2010, 05:40 PM

ولا بردو يهمنا واحد ولا اتنين

عاشقة الطفولة

06-05-2010, 06:16 PM

طاب يا شاطرة يا ...........

ندي المصرية

06-05-2010, 06:29 PM

ما اسمك الحقيقي عاشقة الطفولة