السلام عليكم ورحمه الله وبركاته


من شويه سمعت ان جمال مبارك الامين العام للحزب الوطنى وشيخ الازهر هيكونوا عندنا بكره فى قنا

هيزوروا نجع حمادى علشان مشكله المسيحين الى ماتوا



المره دى مفيش رابط سورى بس انا مسئول عن الخبر لانى ساكن قريب من نجع حمادى:)

مستنى رايكم فى الزياره دى ................ من وجهه نظركم الامور هتهدأ؟؟؟؟ ولا لا
وعندى سؤال هو الشاب المسيحى الى اعتدى على الفتاه المسلمه
موجود فين انا من خلال مواضيعكم انهم اخفوه هو فين بالضبط ؟؟؟ .........ياريت الاقى اجابه

استودعكم الله الذى لا تضيع ودائعه

وعندى سؤال هو الشاب المسيحى الى اعتدى على الفتاه المسلمه
موجود فين انا من خلال مواضيعكم انهم اخفوه هو فين بالضبط
لو كان مكانه معروف كان زمانهم جابوه من زمان
ده لو مكنش لسه اتجاب :d
اللى متابع يبقى يفيدك اكتر

الحكومة مسؤولة مسؤولية كاملة عن الفتن دى

لأن طريقة التعامل مع مثل هذه الامور لا تتم بطريقة مدنية سليمة و فاكرين ان كدة هما بيحلوا المشكلة

المفروض اننا فى دولة مدنية تقوم على اساس المواطنة مش على اساس دينى أو عرقى

و بالتالى المخطئ يحاسب بالقانون مش بقعدة عرفية و ياخدوا الناس يودوهم فى حتة تانية و يهجروهم و خلاص و تخلص المشكلة

كدة عمر الفتنة ما هتتحل لكن لو سيبنا القانون ياخد مجراه و نحرر قانون خاص بتشديد العقوبة على الجرائم التى لها بعد طائفى

أعتقد ان العملية هتكون تحت السيطرة أما مسألة ان امن الدولة يخبى اهل فلان و يوديهم مش عارف فين عشان يحل الموضوع

أصبحت فاشلة و جرت العديد من الحوادث الطائفية المتراكمة من آثار أحداث سابقة

لكن لو أهل الضحية سواء مسلم أو مسيحى شافوا المخطئ بيتحاكم و بيتسجن مش هيدورا انهم ينتقموا

و ده يتطلب وعى من الناس بأن الدولة بيحكمها قانون و القانون هو اللى بياخد حق الكل

و بكدة نحل المشكلة

ده لو الحكومة عايزة تحل من أصله

لو كان مكانه معروف كان زمانهم جابوه من زمان
ده لو مكنش لسه اتجاب :d
اللى متابع يبقى يفيدك اكتر[/center]

ازاى لو كان مكانه يعنى انا الى اعرفه انهم قبضوا عليه من الاول

والا كانوا قتلوه ولا انتوا متعرفوش الصعيد.......؟؟؟؟؟ انا متاكد انهم قبضوا عليه

هو كان مع الشرطه حتى لما كان فى مركز فرشوط وراجوا ينقلوه قنا

كانت الدنيا مقلوبه لان اهل البنت كانوا عايزين يقتلوه

وكمان انا سمعت ان المحافظ قال اقتلوه احسن بدل ما تحصل فتنه.....

بعد كدا بقى الى يقول لسه هيتحاكم ...وانه مسجون ...بس هو فين ؟؟؟؟؟؟؟؟؟؟

هذا المقال نشر في قسم: شبابيك (http://www.masreat.com/%D9%85%D8%B5%D8%B1%D9%8A%D8%A7%D8%AA/%D8%B4%D8%A8%D8%A7%D8%A8%D9%8A%D9%83/) | ويحتوي على: 4 تعليقات (http://www.masreat.com/%D8%B4%D9%8A%D8%AE-%D8%A7%D9%84%D8%A7%D8%B2%D9%87%D8%B1-%D8%A7%D8%AD%D8%AF%D8%A7%D8%AB-%D9%86%D8%AC%D8%B9-%D8%AD%D9%85%D8%A7%D8%AF%D9%89/#commenting) فقط .
http://www.masreat.com/wp-content/uploads/2010/01/nag3-8768681-300x228.jpgاحداث نجع حمادى

احداث نجع حمادى

شيخ الازهر ووزير الاوقاف يصليان الجمعة في نجع حمادى

مصريات
يؤدي فضيلة الإمام الأكبر د.محمد سيد طنطاوي شيخ الأزهر ود.محمود حمدي زقزوق وزير الأوقاف صلاة الجمعة غداً بالمسجد الجديد بمدينة نجع حمادى يرافقهما وفد من كبار المسئولين السياسيين والقيادات الدينية بالأزهر والأوقاف.
يلقي الخطبة شيخ الأزهر وموضوعها التعاون والوئام بين أفراد الأمة الواحدة ونبذ الفرقة والاختلاف وتركيز التعاليم الدينية علي تماسك الأخوة وبقاء التعاون بين أفراد الأمة الواحدة علي اختلاف دياناتهم وعقائدهم وعدم ترك الفرصة لدعاة الفتنة والتعصب لإثارة فتنة لا أساس لها وأن القانون سيطبق دون تحيز ضد من يمارس الإجرام.. يستقبل الوفد اللواء مجدي أيوب محافظ قنا.
من ناحية اخرى قدم حمدي خليفة نقيب المحامين واجب العزاء في احداث نجع حمادى لقداسة الانبا كيرلس وجموع الاقباط بعد سفره امس الي محافظة قنا برفقة اعضاء المجلس.
تابع خليفة مع المحامي العام مجريات التحقيق منذ وقوع احداث نجع حمادى وسير التحقيقات والوقوف على آخر المستجدات بـ احداث نجع حمادى التي تمت وصرح بان موقفه هذا ومجلسه من واقع المحافظة علي وحدة الصف المصري بين المسلمين و المسيحيين ووحدته الوطنية وأمن وآمان شعب مصر.

http://www.masreat.com/%D8%B4%D9%8A%D8%AE-%D8%A7%D9%84%D8%A7%D8%B2%D9%87%D8%B1-%D8%A7%D8%AD%D8%AF%D8%A7%D8%AB-%D9%86%D8%AC%D8%B9-%D8%AD%D9%85%D8%A7%D8%AF%D9%89/

ازاى لو كان مكانه يعنى انا الى اعرفه انهم قبضوا عليه من الاول


والا كانوا قتلوه ولا انتوا متعرفوش الصعيد.......؟؟؟؟؟ انا متاكد انهم قبضوا عليه


والله انت ادرى انا معرفش حاجة اكتر من اللى بيتكتب هنا :d
اصل تقريباً نفس السيناريو ده اتعمل عندنا في اسيوط في "ديروط" والجاني سفروه بره مصر
حسب ما سمعت

يظهر اي مركز اخره قوط دلوقتي يتخاف منه :d

والله انت ادرى انا معرفش حاجة اكتر من اللى بيتكتب هنا :d
اصل تقريباً نفس السيناريو ده اتعمل عندنا في اسيوط في "ديروط" والجاني سفروه بره مصر
حسب ما سمعت

يظهر اي مركز اخره قوط دلوقتي يتخاف منه :d



ههههههه لا حلوه دا الواحد المفروض يخاف على كدا:):d

ربنا يستر

بس الواد لو كان اختفى المشكله هتتعقد اكتر .....موضوع الشرف دا صعب وخاصه عند الصعايده

اللى اعرفه انو لسه هيتحاكم بس ف قنا مش هنا

وطبعا الأمير جمال مبارك ولي العهد عايز يعمل لنفسه قيمة ويكون شعبية

بص يبني يا حبيبي يا جمال المهم مش هو رضا الشعب عنك المهم هو رضا

الباب العالي وما دام الباب العالي راضي عليك هتمسك مصر يعني هتمسكها

فالأحسن إن أنتا تروح تتذلل وتتضرع إلي سيدك أوباما

بدل تضييع الوقت في كلام ملوش لازمة كل ما تتضرع أكتر مدة حكمك تطول

فمثلا أبوك ياما خدم أمريكا عشان كده سايباله البلد 30 سنة يعمل اللي هو عايزة فيها

فدي نصيحة مني لازم تسمعها لو عايز تحكم قد أربعين خمسين سنة كمان ولا أيه!