انا بعمل بحث مهم بالنسبة لى جدا واعتقدد هيكون مهم بالنسبة لكم ايضا هو عن الحرية والجبرية بس قبل ما اعرضه لكم لازم اعرف ارائكم الاول ووجهات نظركم

من فضلكم انا عايزة اعرف ما معنى الجبرية او الاجبار والحرية ؟
وعايزة من حضراتكم تكتبولى أراءكم عن الجبرية وهل الانسان حر ولا مجبر من وجهة نظرك ولماذا ؟ يلزم ذكر المبرر؟

وياريت لو تعرفوا أراء علماء او فقهاء او فلاسفة او شخصيات هامة يؤكدوا الجبرية برضو تكتبوها هنا فى الموضوع بس كل حاجة لازم تكون مدعمة بالادلة ؟


فانتظار ردودكم

السلام عليكم ورحمه الله وبركاته
بصراحه موضوع الحريه والجبريه من اصعب المواضيع اللي قابلتني وانا ف الثانويه
مش صعبه يعني مش مفهمومه انما صعبه يمكن علشان الواحد بيخاف انه لما يفكر ف الموضوع ده يتهوس بيه
المهم
:excl: بالنسبه للمسلمين الجهمين قالوا ان الانسان مجبر ولا يوصف بالاستطاعه وقالوا كده لان قدرة الخلق
يعني انك تخلق حاجه فالقدرة دي في يد الله سبحانه وتعالي بس من وجهه نظري انا بنقدهم في موضوع انهم اختاروا الخلق كموضوع للمذهب بتاعهم يعني كانوا اختاروا مثلا ان الانسان قادر ع التفكير او علي بناء الحضارات
:excl: المعتزله ردوا وقالوا ان الانسان حر
ثواني معلش لو الانسان مجبر ومعروف انه هيدخل اما الجنه او النار فالواحد بيقول
مبلاش اتكلم ف الموضوع ده
:excl::excl: انا من وجهه نظري انا بقول ان الانسان حر ولكنه جوه قفص
غريبه صح
هوا حر يختار اللي عاوز يعمله يا اما يكون مومن او ملحد مثلا او يختار اللي عاوز يعمله
وهوا حر ف قفص علشان هوا مش حر حريه مطلقه يعني الانسان كده كده ميت ميقدرش يختار ان كان يموت او لا
وانا سألت شيخ ف الموضوع ده فقالي :excl: الانسان مسير:excl:
قولتله يعني ايه قالي هوا فعلا كل حاجه مكتبوبهلك وضربلي مثل وقالي انته مكتوبلك ان كنت تنجح ف الامتحان او لا
قولتله ايوة
فقالي طيب انته بتذاكر ليه
قولتله علشان انجح
وربنا يستر والواحد يعدي حياته ده ع طاعه الله اخوك الصغير احمد يارب اكون عرفت اعبر

السلام عليكم ورحمه الله وبركاته:

فيه نقاط احب اعلق عليها .

أولا الجهمين و المعتزله دول مش هم الذين يعبرو عن المسلمين

لانهم مخالفين لعقيده المسلمين ومن ضمنهم موضوع ان الانسان مخير او مسير

اما الانسان فهو مخير في امور ومسير في امور اخري

فليس هو مخير مطلقا ولا مسير مطلقا

وهذا ما يميز الأسلام انها دائما وسطيه لا انحراف ولا مغالاه

ومن الامور الانسان مسير فيها

مثلا : مكان مولده وزمن ولادته _ ابيه _ امه _ اسمه _ شكله _ ولونه_ ونوعه
كل هذا يحدث دون دخل من الانسان فهو مسير فيها

ومن الامور الانسان مخير فيها

مثلا : اغلب افعاله _ كلامه _ وحركاته _ وتفكيره _ واختياره للاصدقاء _
واختياره للبس وللاكل وللشرب _ كل هذا يقع من الانسان باختياره
وتعليق للقائل:
(( انا من وجهه نظري انا بقول ان الانسان حر ولكنه جوه قفص ))؟؟

جوة قفص وحر؟؟ هذا تناقض كيف يكون حر وهو داخل القفص

العصفور الذي داخل القفص دائما فاقد للحريه ... فلا معني للحريه بكلام مثل هذا

انا عجبانى الردود هو الموضوع جميل...بيخلينا نفكر
فعلا الانسان مش حر حريه مطلقه
ربنا ميزنا بنعمة العقل علشان نفكر ونختار نمشى ازاى
ولو مشينا فى الطريق لله فأكيد معتقداتنا الدينيه لو كانت سليمه هنمشى صح ومش هنضل عن الطريق الصحيح
ولو معتقداتنا غلط اكيد هيضيع مننا كل حاجه وهنخسر نفسنا.
انا عن نفسى حره فى كل حاجه وحتى دينى بالنسبه ليا مش بيمثل لى قيود وانما بيمثل لى المثاليه
وبجد دينى اجمل شئ فى حياتى وهو بالنسبه لى المعنى الصحيح للحريه
حتى الدين اعطى للمرأه مكانتها وحريتها.

جميل جدا الحمد لله ان باب المناقشة اتفتح ده انا كنت فقدت الامل معقولة بعد شهرين يتفتح كويس جدا وانا فى انتظار الباقى والتعليقات وياريت كل واحد لو مش مقتنع بوجهة نظر اللى قبله ينقدها بس مع ذكر السبب طبعا وكل حاجة خلى بالكم لازم تبقى مدعمة بالادلة
يلا يا شباب يلا يا صبايا