السلام عليكم ورحمه الله وبركاته

قبل ما اقول الاقتراح عايز اقول مقدمه بسيطه كدا بس

المنتدي دا مش اسمه بوابه الثانويه العامه يعني تقريبا موجه للشباب بصفه عامه وطلبه الثانويه العامه بصفه خاصه
مش صح برضه


يعني بيسهم في تكوين الوعي العام عند الشباب

والوعي دا يشمل وعي ديني وثقافي واجتماعي وخلقي

صح برضه

والحمد لله فيه في المنتدي قسم ديني بجد تحفه
وفيه قسم للشعر وقسم للنثر جميل جدا
بس الوعي السياسي الاجتماعي ازاي

ومفيش قسم لمشاكل الشباب ومناقشتها رغم انه كتير جدا جدا

ومفيش ركن سياسي رغم كثره المواضيع عن السياسه وانها نشطه كمان

تالت حاجه بقي
انا من ساعه مدخلت اي منتدي بيكون فيه قسم خاص بالمشاكل والاقتراحات وع ما اظن مفيش في المنتدي

بس كدا
انتم ايه بقي رأيكم

يالا بجد ياريت كل واحد يقول رايه بجد

يالهوي بجد انا الجهاز بتاعي هنج ودخل الموضوع 132 وولا واحد اتكرم واتشرف وترافع اوتنازل وقال رايه

ع العموم انا غلطان

<div class='quotetop'>إقتباس(knight`s tale @ Feb 7 2007, 08:19 PM) 265992</div>




ومفيش قسم لمشاكل الشباب ومناقشتها رغم انه كتير جدا جدا


طب ما فية منتدى الرجالة :unsure:

ومفيش ركن سياسي رغم كثره المواضيع عن السياسه وانها نشطه كمان

طب ما فية اخر الاخبار :unsure:


تالت حاجه بقي
انا من ساعه مدخلت اي منتدي بيكون فيه قسم خاص بالمشاكل والاقتراحات وع ما اظن مفيش في المنتدي

طب مافية الاخصائى الاجتماعى :unsure:
[/b]

غلطان ليه انت بتتكلم صح

لازم يبقى فيه الاقسام دى

و بالذات قسم الاقتراحات و الشكاوى

و ده اتكلم عنه ناس تانية بس

فين التنفيذ

اتمنى ان الادارة تاخد الموضوع ده على محمل الجد

و شكرا knight`s tale على التنبيه ده

و طالما انت شايف نفسك صح ليه زعلان ان ماحدش رد

شناكل

اولا ولا اخر الاخبار ركن سياسي دا واضح جدا من اسمه
ثانيا قسم الرجاله خاص بمواضيع عن الرجاله واغلبيتها ترفيهيه مبيقربش ناحيه مشاكل الشباب يعني ولا بيتكلموا عن المشاكل الاجتماعيه زي البطاله والعنوسه واليأس ولا مشاكل عاطفيه ولا مشاكل عائليه ولا حاجه

والاخصائي الاحتماعي يعني بذمتك لقيتي فيه شكوي مثلا عن سقوط السيرفر او اقتراح للمنتدي
انا اصلا مش عارف ليه لزمه بجد

<div align="center">يا بني قسم شكاوي ليه

لا سمح الله حد زعلان من حاجة ما الناس كلها مبسوطة و رغيف العيش بنص جنية عادي يعني و المشرفين منورين المنتدي ليل نهار ما شاء الله عليهم شعله نشاط و الادارة منورانا علطول لدرجة اننا بنتحيل عليهم عشان يريحوا نفسهم حبه

و من الاخر روح ذاكرلك حبه يا بيسو اخوك بيشتكيلي منك بجد </div>

عندك حق بس انا مع رأى الدكتورة مها صيدلانية
و ممكن يتعمل قسم للأقتراحات

اقتراح جميل وهنفذه ان شاء الله
وشكرا لكاتب الموضوع

يا بيسو
روح ذاكر بس
ونفض
ثم اساسا لو اتعملوا محدش هيشغله غيرك وانا ممكن وكام واحد والباقى متفرجين
الافضل الركن العام يعملوا جواه اقسام فرعية
باللاسماء اللى حضرتك عاوزها
يبقى احسن B)

فيه ايه يا عم خالد
ايه كلمه حضرتك دي
شكلك بتتريق
ع العموم انا عذرك الثانوية مأثره فيك

اه ع فكره حوالي 40% من مواضيع القسم العام سياسيه فيعني متقله القسم العام بمواضيع مش مكانها
والاقتراحات لازم يكون ليها قسم خاص بيها عشان ممكن المشرف العام او المدير ميلاحظهاش في زحمه العام
وقسم خاص بنقاش مشاكل الشباب دا بقي اللي فعلا مهم جدا