<div align="center">بسم الله الرحمن الرحيم
السلام عليكم ورحمة الله وبركاته




دي صور منبهات مبتكرة بطريقة تصحي اللي مابيصحاش بالمنبهات


المنبهات مابقيتش مجرد صوت .......

http://www.melody7.com//up/upload1/339-7404-2310.jpg
المنبه ده لما بيرن مابيسكتش إلا لو ركبت البازل دي بطريقة صحيحة ... وإلا هيفضل يرن كده على طول
وطبعا لازم تقيد النور .. وتركز .. وتركب ............ . أكيد بعدها هيكون النوم طار من عينك




http://www.melody7.com//up/upload1/5933-1691-8154.jpg
المنبه ده بقى تحفة
عشان تسكته لازم تدوس على الزرار الصح من كل الزراير اللي بارزة دي
ومش هينفع تحفظ مكان الزرار .. لأنه كل مرة بيتغير
أنا حاسس إن المنبه ده يغيظ جدااااااا ... ده أنا حتى لو مفوق مش هاعرف إذا كنت ضغطت كل الزراير ولا لأ
ربنا يكون في عون اللي عنده منبه زي ده




http://www.melody7.com//up/upload1/9385-2445-3920.jpg
المنبه ده مايتقفلش إلا لما تخنقه كده
بس لازم إيديك تبقى في وضع صحيح وإلا مش هيتقفل




http://www.melody7.com//up/upload1/987-4331-7630.jpg
المنبه ده بقى يجنن بجد وينرفز ويفور الدم
ده أول مايرن يقوم ماشي على طول في طرق غير مستقيمة
طبعا بيقع من على التربيزة ويمشي على الأرض ممكن يدخل تحت السرير مثلا
ومش هيسكت إلا لما تدرو عليه ياحلو وتجيبه من تحت الأرض
وإبقى قابلني لو جالك نوم بعدها




http://www.melody7.com//up/upload1/2591-5667-9725.jpg
ده بقى أجن من اللي قبله بكتير
لأنه بيطيييييييير في الهواااااااا ...... وده بقى مش عارف هتمسكه إزاي
أنا متهيألي أول ما همسكه هرزعه في الحطية وأقول آخر مرة أعاير منبه زي ده



http://www.melody7.com//up/upload1/6471-8633-9104.jpg
ده منبه على شكل فرخة
أول ما يبتدي يرن .......... يبيض
ولو عايز تسكته دخل كل البيض تاني جوا المنبه



http://www.melody7.com//up/upload1/5712-375-1063.jpg
وده مربوط بحبل في السقف
أول مايرن يتشد لفوق ... فلازم تلحق تطفيه قبل ما يطلع ويبقى يومك مش فايت


http://www.melody7.com//up/upload1/7468-3550-595.jpg


ده بقى ............ .. لا تعليق



ارجو ان يكون الموضوع نال اعجابكم :D </div>

ليه الازعاج دا بس :angry:

مش بحب المنبهات ابدا <_<

وبعدين دول ميصحوش دول تاخدهم الجيش معاك :ph34r:

يا ساتر :angry:

تصدق لما قريت الموضوع ودانى وجعتنى وصدعت :(

جميل اوى الموضوع بس مزعج :(

هههههههههههههه
موضوع جميل بجد بس اعتقد ان منبه من دول كفايه اوى
بس دول ينرفزوا ويحرقوا الدم ويصحوك بالعافيه
شكرا على الموضوع
سلام

:lol: و لا زيهم 10 مرات :P

مش انا اللي اصحى من الحاجات الفاضيه دي

شكرا ابن الخطاب

انا ماصحاش الا من منبه واحد

عندنا ده نوعسية خاصة صوته يصى مصر كلها و بيرن على غفلة باعلى حاجة عنده

قصده يخضك طبعا

بجد موضوع لذيذ

شكرا يا ابن الخطاب

هههههههههههههههههههه
لا تعليق بس انا متاكدة ان لو حصل اى مش هصحى

اده المنبهات دى متصحنيش انا بس دى تصحى مصر كلها .........................................
............................ شكرا كتييييييييييييييير حلو

هههههههههههههه
موضوع حلو اوى
بس انا بقى عشان اصحى نفسى لان انا على طول كان المنبه يرن و اقفله و مصحاش
رحت بقى جايبة الموبايل و سجلت صوتى و انا بنادى على نفسى و طبعا بقى اول ما الموبايل يرن كنت بقوم مفزوعة يعنى تخيل ان انت بتنادى على نفسك و انت نايم
و يا سلام بقى لو ناديت على نفسك بطريقة مضحكة ساعتها هتقوم تقفل المنبه عشان متضفضحش

بس بجد شكرا عالصور الجميلة دى

شكرا على المنبهات الفظيعة دي
انا منبهي عادي بس بصحى قبل ميرن اقفلو :lol: :lol: ههههههههههه
بس جمال بس ساعات مفيش حاجة ممكن تصحيني :angry:
شكرا ابن الخطاب ;) ;)

الموضوع جميل بس المنبهات اللى فية يامة اوى انا تعبت منهم ياراجل وعلى العموم ربنا معاك بااااااااااااااااااااااااااى

الطائر الحزين

هههههههههه :lol:
لا حلوين

بس انا بقى ميهمنيش طريقة قفله ولا يطير النوم ولا لاء
انا يهمنى انه يكون صوتى عالى و مستفز عشان يصحينى الاول بعدين ابقى افكر اقفله ازاى
هههههههه

شكرا ع الموضوع الطريف B)