|
مشاهدة النسخة كاملة : بصراحة:مصر احلي ولا الأمارات؟؟؟؟ Mohamed Salah 2010 18-01-2010, 01:50 PM بصراحة انا لقيت صور راائعة لدبي والأمارات وصور حلوة لمصر بس بصراحة قولو مين الأحسن اقتصاديا ماديا في الجمال في النظام في البترول! في الحضارة! في الحصريات اللي انت عايزة قولوا ________________ **تسابيح** 18-01-2010, 01:53 PM مصر حلوة عشان اعضاء بوابة الثانوية العامة عايشين فيها مفيش وجه مقارنة أصلا مصر أحلي لاني مشفتش غيرها:dومش هشوف وطنية اعمل ايه ف نفسي سلالالالام هانى الشرقاوى 18-01-2010, 01:56 PM بصراحة انا لقيت صور راائعة لدبي والأمارات وصور حلوة لمصر بس بصراحة قولو مين الأحسن اقتصاديا طب الإمارات ماديا طب وايه الفرق بين ماديا واقتصاديا لو تقصد اقتصاد الدولة واقتصاد الشعب يبقى غلطان الاتنين واحد في الجمال الإمارات أجمل من مصر طبعا بس مصر سر جمالها فى الروح في النظام مصر أكيد في البترول! أكيد هى في الحضارة! احنا طبعا مش محتاجة كلام انت هتقارن أقدم دولة فى التاريخ ب دولة لسه ظاهرة على الخريطة أول امباراح في الحصريات مش فاهم تقصد ايه ب دى اللي انت عايزة قولوا ________________ شكرا لصاحب الموضوع Observer 18-01-2010, 02:17 PM السؤال دة مينفعش يجاوب عليه حد من مصر أو من الإمارات اسأل أى واحد من جنسية تانية ولو أوروبى يكون أحسن اعتقد انه هيقول الإمارات أفضل بكل المقاييس لأنه هيستند لأسباب ومؤشرات موضوعية انما لو عايز رأيى فطبعاً مصر هى الأفضل لأن مصر دى أم الدنيا والتاريخ والفن والمفهومية بالإضافة ل 7000 الاف سنة حضارة واكيد طبعاً العاطفة هى سبب الرأى ده مش حاجة تانية شكرا Mohamed Salah 2010 18-01-2010, 02:39 PM قصدي بالحصريات يعني حاجات انفردوا بيها زي برج دبي ااطول برج في العالم زي اول شاطئ مكيف في العالم حاجات انفردوا بيها محمد أشرف يعقوب 18-01-2010, 03:36 PM إذا كان السؤال أي البلدين أفضل؟ طبعا سأقول الأمارات وإذا كان السؤال أي البلدين تريد أن تعيش فيها؟ سأقول مصر طبعا Ehab Hegazy 18-01-2010, 05:16 PM انا مصري بس ياريت اعيش في الامارات بجمالها كفايه ناطحات السحاب دي أجمل دوله في الشرق الأوسط والله ومن اجمل الدول في العالم almslm2000 18-01-2010, 05:19 PM دي عندهاااااااااا سبع عجاااااااااائب catcat3000 18-01-2010, 09:51 PM مصر لا ان مصر ام الدنيا كلها طبعان ahmed_hos777 18-01-2010, 10:50 PM والله يا جماعة مصر افضل ونبقى نشوف الجمال بتاع الامارات واكتر فى الجنة ان شاء الله طموحة للأبد 18-01-2010, 11:11 PM الوطنية فوق كل شيء , ولا أنكر طبعا إن الإمارات جميلة , لكن مصر أجمل , أجمل بشعبها وناسها الطيبة , وبالمنتدى الجمييل ده thechampion 18-01-2010, 11:35 PM بصراحة انا لقيت صور راائعة لدبي والأمارات وصور حلوة لمصر بس بصراحة قولو مين الأحسن اقتصاديا ماديا في الجمال في النظام في البترول! في الحضارة! في الحصريات اللي انت عايزة قولوا ________________ من الواضح انك مبهور بالامارات جداجدا بس اسمع منى انا اتعرض عليه انى اسافر دبى اتعلم هناك مع والدى اللى بيشتغل هناك ولكنى رفضت لسبب لانى لايمكننى الاستغناء للحظة عن بلدى ولو عنتقل لاجمل بقاع الارض لان كفاية انك عايش فى مصر ومصرى shaimaa zaki 18-01-2010, 11:47 PM مصر هى امى نيلها هو دمى شمسها فى سمارى شكلها فى ملامحى حتى لونى قمحى لون نيلك يا مصر مصر ... مصر ماتلاقيش مثالها ست كل عصر ضله جنب نيلها تسوى الف قصر ولا ورده بلدى فيها عطر مصر ولا جو مصر ولا سحر مصر مصر ... مصر يا ارض المحبه يا غاليه يا مصر روحنا ونور عيونا فى حياتك يا مصر لولا كان ميلادى فى حسنك يا مصر لا اتمنيت يا بلدى تبقى امى مصر مصر...مصر فاتك نص عمرك ياللى ماشفت مصر السماحه روحها والشهامه مصر والكرامه هى والتاريخ فى مصر والهرم فى مصر والكرم فى مصر مصر... مصر مصر هى امى نيلهاهو دمى شمسها فى سمارى شكلها فى ملامحى حتى لونى قمحى لون نيلك يا مصر مصر هى مصر مش لازم تكون مامتك احلى ولا أغنى واحدة في الدنيا علشان تحبها بس أكيد هتكون أكتر واحدة بتحبك وتخاف عليك وهتكون حنينة عليك في الدنيا كلها الطالبة السعيدة 19-01-2010, 12:36 AM في البدايه احب اقول اني كنت عايشه في الامارات و مازلت يعني بس انا حاليا في مصر عشان الدراسه الجامعية...انا هقول رأي بصراحة...كل واحدة منهم ليها مميزات و عيوب...خلينا ايجابيين و نبتدي بالمميزات...هناك طبعا اول حاجه بتلاحظها...النضافة...النضافه في كل شىء في الشوارع...في الأزقه (مع ان هناك مفيش ازقة كتير اوي يعني)بس الشكل العام يوحي بالنضافه...تاني حاجة النظام...النظام موجود في كل شىء...المعاملات الحكومية كل واحد له رقم و بالدور من غير زحمه و لا طوابير بالعكس ده بيبقى في مبنى اخر شياكه و مكيف كمان عشان الحر هناك يخنق:)...طبعا دي مش كل المميزات بس دي نبذه...العيوب...ان هناك الواحد بيحس انه متكتف...مينفعش يروح و ييجي براحته...مينفعش يمشى في الشوارع...كل حاجة بالعربية...الفسحه عندنا اننا نمشي في شوارع المول...انا مش معترضه طبعا بس الواحد بتوحشه الشوارع الحقيقيه...كمان هناك دايما محاط بجنسيات كتييييير...و ثقافات و عادات كتييير...و نادرا ما تلاقي عربي...و شحيحا ما تلاقي حد من اهل البلد نفسها...ده معناه ان كل معاملاتك بالانجليزي...الانجليزي في حد ذاته مش مشكله بس احنا يا جماعه عرب و في دوله عربيه..و هي دي المشكله ..ان هما مبهورين بالغرب..عايزين يقلدوا كل حاجة...التعليم هيئلبوه كله انجليزي...يعني مفيش حد هيتعلم عربي...الكتب مترجمينها من المناهج الامريكية و البريطانيه...كل المناصب العليا و المهمة اللي ماسكها اجانب...ايا كانت جنسيته...امريكي بريطاني اسكوتلندي الماني كندي فرنسي اي حاجه...دول حته لما يعرفوا انك عربي معاك جنسيه اوروبيه...يشيلوك من على الارض شيل...اشي مرتب قد كده...و بدل سكن و بدل اثاث و تذاكر طيران ببلاش و من ده كتير لكن العرب هناك...حسرة عليهم...اللي معاه بكالوريوس تجاره و واقف حراسه على باب مدرسه...و اللي معاه دبلوم و واقف في مخبز من 6 الصبح لحد 1 بليل...اي نعم مفهوم المخبز هناك غير هنا...المخبز هناك عبارة عن ميني هايبر ماركت...بس ولو...اما بالنسبه لمصر...و على الرغم من كل العيوب و كل الصعوبات اللي بواجهها في مصر من مواصلات و الرغبة في استنزاف الشخص اللي راجع من الخليج...و الافكار اللي بتدور في افكار الناس في الكليه عن ازاي اني اخدت مكان واحد في الكليه كان يتسحقه اكتر منى بس لانى معايا الثانوية الاماراتيه التافهة التي لا تسوى شىء مقارنه بالثانوية المصريه...على الرغم من كل ده...فمصر هي بلدي...امي..يكفي تشوفوا نظرة الاحترام في عيون الاماراتيين لما يعرفوا اني مصريه...انا مش هقدر لقول كلام اكتر من اللي الاستاذة شيماء قالته...مصر هياا امي..نيلها هوا دمي..... H 0 s s A M 19-01-2010, 01:20 AM من الآخر وهما كلمتين ورد غطاهم ماديا في الجمال في النظام في البترول! في الحضارة! في الحصريات انا هعقب على 3 نقط من 5 فى نقطة واحدة السبب فى الحياة المادية , الجمال , النظام مش الشعب المصرى لكن السبب وبكل صراحة ((( الكبار اللى ماسكين البلد ))) يعنى مثلا احنا ومن غير زعل لو عندنا حكومة عاقلة وبتهتم بالصغير (( الشعب )) قبل الكبير (( اللى ماسكين البلد )) وبتحافظ على حقوقهم اكيد مفيش حد هيسرق ولا حد هينصب ولا حد هيكرة البلد دى طب والجمال ؟؟؟ لما يبقى الواحد عايش فى قصر وحواليه اكتر من 500 شجرة وجنينة وبتاع هل هيبص للى عايش جنب صندوق (( الزبالة )) ولا هيمسك مبيد حشرى طول مهو ماشى يرش ولا هيعدى على كل عربية ومصنع ويركب فلاتر ؟ اكيد لا يبقى هنا بردو الحكومة او الكبار اللى ماسكين البلد هما السبب طب والنظام ؟؟؟؟؟؟؟؟؟؟؟؟؟؟؟؟؟ دة اكتر سؤال معروفله اجابة وخصوصا عن الشعب المصرى فاكيد وبكل صراحة هقول ان اول 3 نقط هما لحساب الامارات وربنا يكرمهم ويزيدهم ويهدى بلدنا باللى ماسكينها لكن نيجى لآخر نقطتين الحضارة - الحصريات (الانفرادات) ف دى مش عايزة كلام مصر هي بلد الحضارة وبلد الاديان مصر ليها فضل عالعالم كله وخصوصا العالم العربى مصر اللى مشى واتولد فيها عديد من الانبياء والرسل (((( مصر مش كورة . مصر فى القرآن مذكورة )))) واظن دى اكتر حاجة تتقال للدول العربية الحاقدة علينا وخصوصا فى آخر سنتين عدوا مصر سابت علامة فى كل مجال فى الدنيا ( كيمياء فيزياء فضاء سلام ادب فن ... الخ ) مصر ( اطول نهر فى العالم ) مصر ( اذكى طفل فى العالم ) مصر ( عد كام جائزة نوبل ) مصر ( اجدع واكرم شعب فى الدنيا ) مصر ( الحقيقة احترت اكتب اية هنا لانى بجد لقيت ان مصر فيها حاجات كتير اوى جميلة بس احنا اللى مش حاسين بقيمتها ) واسمحولى اقول لاعداء النجاح واللى بيتمنوا الشر لمصر ((((((( احنا الملوك اصحى وفوق هنعلموك ونفهموك ونظبطوك ولو اتعوجت على دماغك هنهدوك ونحطموك ونحبطوك هنحسسوك قد اية انت صعلوك .... آن الاوان نبقى قدام صيتنا فى كل مكان اسمنا على كل لسان ونحقق الاحلام دحنا فى يوم من الايام كنا ملوك الزمان وهقلها بكل صراحة ايوة انا egyptian ..... الامن والامان الحب والسلام وجنود قوتهم فاقت قوة اى انسان شعب اتحدى الطغيان شعب ولاده شجعان شعب فى وقت الشدة زى الاسد الجعان ..... بلدى جابت زويل بلدى بلاد النيل بلدى شمسها بتطلع من بعد ليل طويل بلدى انا ليها عميل بلدى الشعب الاصيل بلدى مفيش فى قاموسها كلمة اسمها مستحيل ...... تعظيم سلام لكل واحد جابلنا انجاز فى يوم من الايام خلانا نكون قدام علانا فى مجال فى مجاله صال وجال كلامه كان افعال صحى فينا الآمال ))))))) فى النهاية احب اشكر صاحب الموضوع واحب اعتذر لو فى كلامى لفظ او عبارة مش تمام thanks all Khaled Soliman 19-01-2010, 03:24 AM أعتقد أن بلاد الإسلام أحب وأجمل بلاد علي وجه الأرض سحس بومب النووى 23-02-2010, 02:10 PM لا طبعا مصر احلى مش تبص لناطحات السحاب والبترول والحاجات دى كلها احنا بلد عندنا حضارة مبيه من الاف بل وملايين السنين احنا ام الدنيا عندنا وعى وثقافة ومصر عمرها ماهتبقى فى نفس الوضع الاقتصادى للامارات لان احن صرفنا كل اقتصادنا واضطرينا للاستدانة وضيعنا كتير من عمرنا بل وعمرنا كله علشان نخلى الامه العربيه دى حاجة بين الدول وحاربنا 4حروب علشان العرب احنا بلد تشهد لها العالم فى الحضارة والتريخ والفن والعلم . الحمد لله مصر اخدت 4جوائز نوبل اللى ماحدش خدها فى الدول العربيه وطلعنا علماء افادوا العالم وعندنا ثقافة ووعى قومى كفايه ان احنا عندنا خير اجناد الارض واحنا البلد اللى اتذكرت فى القران باسمها 5مرات ووصى بيها سيد الخلق وكفايه ان شعب مصر ده قابل للتعبئة فى اى وقت للاستشهاد فى سبيل الله اكتر شعب عنده غيرة وحميه ووطنيه وتضحيه . يبقى بالله عليك ايهم احسن احسبها فى دماغك كدة الاول. مريم عمر عادل 23-02-2010, 06:21 PM مصر حضاريا وثقافيا لها مكانه كبيير طبعا لا نستطيع انكارها ولكن الامارات اقتصاديا وماديا افضل بكتييير منا لانها تبنى وتعمل واحنا واقفين مكاننا ؟؟؟؟؟؟؟؟؟ وقريبا الامارات حيكون لها مكانه جيده وحتغطى على مصر يالا بينا 23-02-2010, 10:07 PM يا جماعة الكلام في الموضوع دا صعب يبقى مرسل كده في هنا ع المنتدى كم كبير من الاعضاء كان عايش برا مصر وانا منهم وعشان كده اقدر اقول ان اجمل مكان في العالم هو (مصر) بعيدا بقى عن التاريخ والجغرافيا والحضارات والمعالم السياحية والكلام المتعب دا كله مصر ليها سحر تاني تماما يخلي كل المصريين وغيرهم .. يعشقها. |