بسم الله الرحمن الرحيم
السادة اعضاء بوابة الثانوية العامة الكرام
تحية طيبة وبعد,,,
لقد صبرت كثيرا وكثيرا وكثيرا عن سباب احد الاعضاء فى هذا المنتدى وان كان هذا السباب لى وحدى فلم اكن لاشكو ولكن تحول السباب الى اعضاء كثيرين جدا وشريحة كبيرة فى هذا المنتدى
المهم ساتى لكم بنص من سب هذا العضو لى ولبعض الاعضاء وتهديده لى شخصيا
وعموما بكل صراحة كنت قد قدمت شكوتين وتم اهمالها من الادارة وارجو الا تهمل مثل سابقاتها وانتظروا عديد الادلة يا ادارة منتدانا المحترم قبل ان يلوث بغير المحترمين
اسم العضو:-حـHoSaMـسام (http://www.thanwya.com/vb/member.php?u=68663)

الدليل الاول:-
الله يسامحك يا سيدي انا مش هرد عليك مع انك شبهتني بالكلب وعدلت المشاركة لانك عارف انك لو سبتها هتتحظر عموما
موت بغيظك :d
انت كده اللي محتاج لمون انا ريلاكس اهو وانت اللي متنرفز فكلامك
وجهة نظري الأخيرة في الموضوع ده
نعم لبناء الجدار=لا للدخول من الشباك
لا لإغلاق المعابر=لا لإغلاق الباب
ملحوظة:الرأي ده موجه للناس اللي بتفهم بس مش لكلاب الإخوان اللي ماليين المنتدى وحماس الإرهابيية
السباب مكتوب باللون الاحمر
وخاصة جملة كلاب الاخوان وكمان جملة ماليين المنتدى اى انه يقصد ان المنتدى مليان كلاب وعلى فكرة دفاعى عن الاخوان ده انا مش عضو بالجماعة نهائى ولكنى ارفض ان يسب احد الاعضاء مجموعة محترمة و ان يقول ان المنتدى ملئ بالكلاب والارهابيين عيب كده وانتظروا الدليل الثانى

مش عرد هههه إسمها مش هرد انت ولا تقدر تشتم ولا تعمل حاجة سواءا في وجود المحترمين او عدم وجودهم.وان كان عالذنوب فالله اعلم انت عندك ايه التعليم ده بقه خليه لنفسك وخش بيه كلية نضيفة . بالنسبة لبقية التلاكيك بتاعتك فانا شارحها للناس اللي بتفهم فوق ومش هتعب ايدي تاني في كتابتها

عملت نفسك صاحب حق على فكرة انا قلتلك اني مش مقاطعك قبل كده ولو عملت اي مواضيع حوار تانية هحاورك فيها بس لو قليت ادبك معايا مش هرحمك ولا هيهمني ادارة ولا حاجة ياريت تغير من اسلوبك المستفز شوية
اولا بيتهمنى بقلة الادب
ثانيا تهديد صريح
ثالثا استهانة بالادارة
رابعا اتهامه لى بان اسلوبى مستفز
والى الدليل الثالث

لا ظريف أوي تصدق موتني مالضحك :d انا لتاني مره هقول لحضرتك انك سطحي وغير منطقي
ملقاش حاجة يتلكك عليها راح متلكك على كلمة شوية عيال اللي انا بقولها للي عامل التعليق:028ja7: وكمان راح متلككلي على غلطة إملائية عشان يبقى علق وخلاص وحكاية اللسان دي الناس شاهده ان انت اللي بدأتها بس أنا مش هغلط فيك وأشتمك مع إني أقدر كل واحد وتربيته والله يسامحك عموما انا مش كلب من كلاب حماس الارهابية ولا من كلاب الاخوان.وانا لو هايف هروح اطلع لك صفحتين اغلاط املائية من عندك
لما تيجي يا شاطر تناقش حد في حاجة ومتلاقيش كلام تقوله متخرجش بره الموضوع وتتكلم كلام ملوش لازمة عشان بيبقى منظرك وحش ياتقول حاجة في النقاش يا تفوت النقاش في النقطة دي مدام منتش فاهم.
مش بقولكو ظريف ومنطقي
بس ليا تصحيح اليك صدق الشاعر القائل القافلة تسير والكلاب تعوي وانا مع القافلة
1-اتهامه لى بانى انسان سطحى للمرة الثانية
2-اتهامه لى بانى انسان غير منطقى
3-اتهامه لحركة المقاومة الاسلامية حماس وجماعة الاخوان المسلمون انهم كلاب
الى الدليل الرابع

اقتباس:
المشاركة الأصلية كتبت بواسطة حـhosamـسام http://www.thanwya.com/vb/life/buttons/viewpost.gif (http://www.thanwya.com/vb/showthread.php?p=1870076#post1870076)
مش هتعب نفسي مع واحد لسة فأولى ثانوي :p
موت بغيظك إنت والاخوان والارهابية حماس:p:p:p

اظن المشاركة دى مش عايزة تعليق كفاية انه بيطلعلى لسانه الى الدليل اللى بعده

اقتباس:
المشاركة الأصلية كتبت بواسطة حـhosamـسام http://www.thanwya.com/vb/life/buttons/viewpost.gif (http://www.thanwya.com/vb/showthread.php?p=1870084#post1870084)
وغدا الجدار الفولاذي هيبقى اتنين وتلاتة وعشرين كمان وخلو حماس ونصر الله الشيعي يفعوكو يا إخوانجية :p

وكمان نضيف دى كمان تطليعة لسان وغير كمان اللى بيقوله

اقتباس:
المشاركة الأصلية كتبت بواسطة حـhosamـسام http://www.thanwya.com/vb/life/buttons/viewpost.gif (http://www.thanwya.com/vb/showthread.php?p=1872008#post1872008)
لي بس تعقيبات سريعه وبكل هدوء لبعض الإخوة المحترمين هنا
الأستاذ super hero 1991 هل أنت مشرف؟ إذا كانت الإجابة نعم فهل هذه طريقة حديث مشرفين في منتدى محترم؟
إلى الأستاذة رحاب طارق أنا لم أنسحب من اي مناقشة دخلتها بل بالعكس أقول كلامي مثبت بأدلة وبتسلسل دقيق فأجد الأخ شامبيون يحدثني بلغته المعتاده ويقول(أنت ياعه-وبلاش عشان مغلطش فيك ومن ده كتير ) وآخر ما يتزنق يروح متلكك لي على أي حاجة في الرد بتاعي عشان ميناقشنيش بشكل منطقي في اللي عرضتهوله وبلاقي اللي أنا كاتبه باللغه العربية الفصحي راح راددلي عليه بطريقة سوقية ومختصرة وإذا حدثته بلغته يغضب وتذكري أنه شبهني بالحيوان وإنتي قلتيله سيبها وأنا هبلغ فيها الإداره
مع العلم ان كل واحد حر في رأيه وطبعا انتي عارفة هو كان كاتب ايه مطرح المشاركة اللي عدلها
إلى الأخ العزيز شامبيون

بالنسبه للمون شربته وبدعيلك لحسن كنت عطشان أوي وبعيدا عن اللي انت كاتبه فوق ده كله وبعيدا عن الأحزاب وكل هذا تذكر أنك شبهتني بحيوان يا من تتحدث بلسان الإسلام إن كنت تجاوزت في الحوار معك فتفضل وأخرج لي مشاركة فيها سباب وليس تريقة إن فعلتها فلك كل حق .
ثانيا الكل هنا يرى تهربك من النقاش المفصل وإكتفاءك بالألفاظ العامية (كلام قهاوي يعني) فنجد الكاتب كاتبلك عشرين سطر حضرتك تهدله كل ده في الآخر بمثل شعبي مثلا هل هذا يجوز؟ هل أنت فاتح موضوع لفرض رأيك وتعجيز أي وجهة نظر أخرى ؟ في النهاية أرجو أن لا تتخذ كلامي من منطلق الإستهزاء بك كالعاده هو توضيح فقط وقد قلت لك مرار وتكرار أنا لست ضد فلسطين وقد عاشرتهم لمدة 13 عام كاملين في المملكة العربية السعودية وأعي ديني جيدا وأعلم حق هؤولاء وواجبي وواجب وطني تجاههم جيدا وكل ما قلته لحضرتك هو توصيل المساعدات لمستحقيها الغزاوين وعدم إمرارها على لصوص الحدود الذين يبيعونها بالدولار بالإضافة لحماية البلاد من ما لا يحمد عقباه
تحياتي وألف شكر على اللمون

معتقدش ان الكلام ده ينفع يتقال فى منتدانا

اقتباس:
المشاركة الأصلية كتبت بواسطة حـhosamـسام http://www.thanwya.com/vb/life/buttons/viewpost.gif (http://www.thanwya.com/vb/showthread.php?p=1865871#post1865871)
أحب اقول لشامبيون وبدون زعل إنك إنسان سطحي وغير وطني ومتحامل على مصر ومتحيز للإرهابية حماس دائما وهذا يتضح في ردودك معي في أحد المواضيع السابقة وطلبت منك حينها أن تفهم اولا ثم تتكلم في مثل هذه الأمور وسأضيف لك بعض النقاط

-مصر جريمتها الوحيدة أن لها معبرين مع فلسطين يتمركزان حول قطاع غزة وهي الدولة الوحيدة التي تفتح معابرها بشكل يسمح بتنقل اكثر من خمسون الف فلسطيني من والى اراضيها
-هناك دول أخرى لها معابر مع فلسطين مثل الأردن وسوريا ودولة مثل الأردن لم تقم بفتح معابرها بشكل كامل منذ 8 سنوات وتقتصر عملية المعابر لديهم على مرور البشر من حين لاخر ولا يستخدمونها ايضا في نقل المساعدات
-جميع التفجيرات التي تمت في مصر في الأعوام السابقة أثبت أنها تم تهريبها من الحدود
-خلية حزب الله التي ضبطت متفجراتها (c4 pumps) والتي يتعدى انفجارها عشرون بالمائة من اي قنبلة عادية تم اكتشافها في الانفاق وثبت انها صنعت في غزة ودرب المهاجمون في غزة ايضا
-هناك انتهاك لحدود مصر وهو انتهاك اجباري يروح ضحيته سنويا جندي بريء لا ذنب له
هناك جهات مستفيدة من جعل معبر رفح هو المعبر الوحيد لفلسطين وأول هذه الجهات هو إسرائيل لسببين هما
أ-الإفلات من مسؤلياتها تجاه قطاع غزة
ب-توتير العلاقات الثنائية بين مصر وفلسطين
ج-زعزعة الامن والاستقرار في مصر عامة وسيناء خاصة
بعد كل ذلك اعلم انك مصر على رأيك ولكن ضع في حسبانك يا أخي بلدك أيضا وضع في الحسبان أنك جندي من اجناد هذه البلد وان ما حدث للشهيد المصري امس هو استهداف قذر للبنية التحتية لمصر الا وهو الجيش,نعم للمقاومة ونعم للنضال ولكن لا لقتل الأبرياء .
وأقول لك ايضا حتى لو كانت الحكومة المصرية تحاصر ابناء غزة فبأي حق تقتل القناصة جندي مسالم لا حول له ولا قوة اليس كان بالاولى ان تقتل مبارك ورفاقه؟؟؟ ما ذنب هذا الشاب الذي يقوم بواجب فدائي؟؟ هل هو من أعطى الأوامر بالحصار؟
كما اقول لك بان الحدود المصرية والجيش المصري مليء بالقناصين ويمكن التعامل مع مع فعل هذه الفعلة تعامل عسكري ولكن هذا امر مرفوض يجب ان يعلمه الاخوة الذين يطالبون بالعنف
ــــــــــــــــ

لا تهزأ بكلامي وتحدثني بألفاظ غير لائقة لأني سأنسحب من الحوار لو حدث ذلك


ده على فكرة اول رد ليه على موضوعى فشوفو داخل يقولى ايه وربنا يعلم انى مغلطش فيه قبلها
عموما كمان سارفق رابط الموضوع
http://www.thanwya.com/vb/showthread.php?t=176645&page=6
اتمنى ان الادارة متقولش مغلق ل24 ساعة وبعد كده ينام كعادته لان المرة دى عضو بيسب غالبية المنتدى لما قال الاعضاء اللى ماليين المنتدى
واتمنى انه يكون فيه صوت للاعضاء فى هذا المنتدى

بصراحة مينفعش كدة
انا مع الاخ شامبيون داخل عمال يشتم فى الاعضاء فى كذا موضوع
والله نا من رأيى ان الناس اللى داخلة المنتدى تشتم وتمشى زى برضوا عضو اسمة ابو سند لازم يتوقفوا مينفعش انذار
انا مش قصدى افرض رأيى على اى مشرف كفاية اللى عليكم

انا من رأيي انك تصلح انت حاكما يا سيد البطل الفاشل ...لانك تمتاز بالدكتاتورية في الردود ولا تعترف الا بآرائك زيك زي كل الحكام العرب ... وزي البرادعي هذا اللي انت بتصفقلوا !! هههههههههههههه


وده دليل على غلط ابو سند وقبل كدة برضوا غلط فيا

تم إجابة الشكوي وبعد تتبع ردود الشاكي والمشكو في حقة تبين أن لديك كامل الحق أخي وتم حذف كافه الردود المخالفة وتم ارسال رساله إنذار أخيرة لهذا العضو فإن تكرر منه هذا أبلغني أخي وسيتم التعامل بحزم معه ومع كل مخالف باذن الله

تقبل مني خالص الحب في الله

تم إجابة الشكوي وبعد تتبع ردود الشاكي والمشكو في حقة تبين أن لديك كامل الحق أخي وتم حذف كافه الردود المخالفة وتم ارسال رساله إنذار أخيرة لهذا العضو فإن تكرر منه هذا أبلغني أخي وسيتم التعامل بحزم معه ومع كل مخالف باذن الله

تقبل مني خالص الحب في الله
الحمد لله رب العالمين
انا بشكر الادارة على سرعة الاجابة
وانا كنت متاكد ان الادارة لن تسمح باهانة اعضائها

طب ليه تم غلق الموضوع
اتمنى اعادة فتحه
لان غلق الموضوع مش الحل ابدا

يا جماعة ليه بس الموضوع لم يتم فتحه حتى الان

يا اساتذة لو سمحتم ليه الموضوع مغلق وامتى عيتفتح
بجد دى تالت مرة اسال حد يعبرنى

يا اخى ازاى مغلق وانت بترد فعلا فيه
!!!!!!!!!!!!!!!!!!!!!!

ههههههههه
حضرتك مقرتش الموضوع خالص
واضح انك بتقرى اخر رد
الموضوع بتاعى اللى فى القسم العام هو الى مغلق مش ده
انصحك بقراءة الموضوع قبل الرد

اتمنى اعادة فتح الموضوع قبل 2011