السلام عليكم ورحمة الله وبركاته ,أما بعد فإنى عندما رأيت اليوم فاتورة التليفون صدمت بأنها تزيد كل مرة
حيث أنها تجاوزت ال200 جنيه وبالطبع فى الفواتير القادمة لن تنزل عن 200 جنيه وبالطبع أن لا أتكلم فى التليفون أنا وأسرتى مكالمات كثيرة لكى يصل ثمنها إلى 200 جنيه وأنا أعرف أن هذا يحدث مع كل الناس لذا فإنى أدعوكم من هذا الموقع أن نقاطع التليفون الأرضى وأن نستخدم الموبايل فى جميع إتصالاتنا فهو أرخص بكثير كما أدعوكم أن تنشروا هذه الحملة على الفيس بوك وعلى غيرها من المواقع

اتفق معك في هذا فأنا لا أكاد أتحدث في التليفون الأرضي ومع هذا الفاتورة كل مرة كبيرة وهذه المرة أكبر

وفائدة الموبايل انك تدفع وبعدين تتكلم وهذا يدعوك لترشيد الإنفاق يعني كل واحد على قدر فلوسه وحاجته

معاكوا فى الى بتقلوة انوا خسارة مدية بس بنحتاجوا فى امور كتير

هو طبعا حضرتك عندك حق لكن التيلفون الارضى بالرغم من ان فاتورته تكون كبيرة لكن نحتاج له

معاكم لاكن مشينفع نرغى فى الموبيل ايه الحل

السلام عليكم
اكيد الكلام ده صحيح ومظبوت مية فى المية ان الحل هوا المقاطعة ... ولاااكن ..

هاقول لحضرتك حاجة

المشكلة اكبر من ان فاتورة التليفون عالية

المشكلة هنا فى فكر شعب

كله يشتكى .. والأسعار عالية .. طب نتحرك نعمل حاجة ... مافيش

مشكلة ارتفاع الأسعار دى محلولة من زمان

تفتكرى لو كلنا قاطعنا اللحمة سعرها مش هينـزل للنص ويمكن اقل !
لا هينـزل

بس المشكلة ان مش بنتفق على رأي واحد

مجموعة تروح يمين ومجموعة تروح شمال والباقى يفضل فى مكانه واحنا كدة مش هنتغير

فكرة المقاطعة دى مطروحة من زمان .. يااااااااااااااااااااااماااااااا كتيييييييييير

شوفت حاجات زى دى .. وحملات وفيس وغيره

بس فالأخر ... مافيش حاجة بتكمل

حقنا بنسيبه

بنرجع نتفرق وتتعدد المذاهب

المشكلة فينا احنا

80 مليون شخص .. لما أت لييست يعنى هنقول 100 الف شخص يقاطعو

تفتكرو هيحصل حاجة

بس هنعمل ايه ... ادينا بنحاول

"الغريق بيتعلق بقشاية"

جارى النشر ...

تقبلى مرورى

فى رعاية الله

أنا والله شلته وما دفعتش الفاتورة وكان نفسى أخربها عليهم وأدخل الدولى والمباشر وكل الخواص وأوصل الفاتورة ل5000 جنيه أنتقاما منهم وتعويضا على المبلغ اللى دفعته عند التعاقد
يارب انتقملى منهم

لا تقلقوا بالطبع عدد المشتركين الغيرالمسدين وصل الي 15% من عدد المشتركين وقابل للزياده في كل مره بعد ان احرزت شبكات المحمول النصيب الاكبر بين فئات الشعب المصري

وأنا اؤؤيدك يا أخي هذا الرأي المشكلة اننا عمرنا ما نتفق
تتذكر يا أخي غلاء حديد التسليح لما وصل 8 آلاف الطن
هل قاطعه الشعب
بالعكس
تهافتوا ووقفا طوابير لكي يشتروه خوفا من زيادة الغلاء
وعندما رخص سعره بار عند التجار ( حيث انتظر الشعب زيادة الانخفاض )
وعجبي
يتفق ذلك مع قوله تعالى عن فرعون والشعب المصري
بسم الله الرحمن الرحيم " فاستخف قومه فأطاعوه"
وهذا من الاعجاز العلمي للقرآن الكريم عن وصف الشعب المصري أنه يستخف فيطيع
ولنا الله

على العموم التليفون الارضى مبقاش لوة لزوم اصلا علشان اى حد دلوقتى شايل الموبيل

دلوقتى دقيقة الموبايل فى كل الشبكات بقت أرخص من الأرضى لآن كل الشبكات بتنافس بعضها فكل شوية بيعملوا عروض جديدة فإحنا ممكن بدل منتكلم أرضى إحنا ممكن نجيب كارت أبو 25 جنيه ونتكلم بيه براحتنا أو نخلى التليفون الأرضى إستقبال بس و لما نعوز نتكلم أرضى نجيب كروت زى مرحبا نتكلم بيها

الارضى هيفضل هو الاساس

فعلا الفواتير بقيت غاليه لدرجة لا تصدق

ربنا يعينا

اه والله عندكو حق
الفواتير بقت حاجه صعبه
والارقام بتاعتها خياليه