من يوميات المواطن اللى نايم ع المحطه
شعر/ سمير الأمير
***
لما ميزانى اختل فى الموازين
صبحت عاقل باشتهى جنانى
وقدمى زل فى آخر السلم
دحرجنى تانى لبسطة المجانين.

**
ع البسطه مش مبسوط ولا زعلان
ومعايا علبة بيره وسجاره
محشيه بانجو وبانجو يعنى بعيش
من غير ما حد يشوفنى وانا بحلم
من غير إهانه ف نقطة التفتيش.

والدنيا عامله زى قطر معدى
وانا ع المحطه لا جى ولا رايح
بضحك وببكى بدون إحساس
لا حد بيهمنى ولا بهم الناس
- هوه الميزان امتى حيتعّدل؟
- والدنيا قاعده والا بتعزل؟
- والأخره ليه بتأخر الإنسان؟
بصيت لنفسى وقلت إيه.. حتفوق؟
هوه انت قد العقل والفوقان؟
قربعت باقى العلبه وانا مزنوق
وعملت زى الناس وانا قاعد
وقلت هيه قد بعضيها
ما يهمنيش مين كان ومين حيكون
يجى ابن موسى والا وريث فرعون
ما نيش معشم حاجه بالتحديد
ولا عادش عمر اصبر وأستنى
يارب سيبنى ع المحطه وحيد
ما تودنيش لا النار ولا الجنه
القاعده دى أحسن من المواعيد
ومن انتظار الهم ووقوعه
كل اللى على ضهرها مستعبِدين وعبيد
للى شبع حسرته وللجعان جوعه
فرعون مربى موسى جوه الدار
وسرهم ف البير.. والبير مالوهش قرار
دول ناس كبار.. ودورهم للأبد مرسوم
**
قاعد معايا لوحدنا ف حالنا
والدنيا شارده لوحدها وبعيد
ولا احنا بصين لها ولا هيه بصّالنا
باعزِم على دماغى بآخر نفس مكتوم
تضحيه منى عشان خايف
أسيبنى نايم ع المحطه وأقوم!!

قاعد معايا لوحدنا ف حالنا
والدنيا شارده لوحدها وبعيد
ولا احنا بصين لها ولا هيه بصّالنا
باعزِم على دماغى بآخر نفس مكتوم
تضحيه منى عشان خايف
أسيبنى نايم ع المحطه وأقوم!!

الله يا سمير بجد على الكلام الرائع ده

و تصوير بجد عبقرى

تسلم ايدك

من يوميات المواطن اللى نايم ع المحطه

شعر/ سمير الأمير
***
لما ميزانى اختل فى الموازين
صبحت عاقل باشتهى جنانى
وقدمى زل فى آخر السلم
دحرجنى تانى لبسطة المجانين.

**
ع البسطه مش مبسوط ولا زعلان
ومعايا علبة بيره وسجاره
محشيه بانجو وبانجو يعنى بعيش
من غير ما حد يشوفنى وانا بحلم
من غير إهانه ف نقطة التفتيش.

والدنيا عامله زى قطر معدى
وانا ع المحطه لا جى ولا رايح
بضحك وببكى بدون إحساس
لا حد بيهمنى ولا بهم الناس
- هوه الميزان امتى حيتعّدل؟
- والدنيا قاعده والا بتعزل؟
- والأخره ليه بتأخر الإنسان؟
بصيت لنفسى وقلت إيه.. حتفوق؟
هوه انت قد العقل والفوقان؟
قربعت باقى العلبه وانا مزنوق
وعملت زى الناس وانا قاعد
وقلت هيه قد بعضيها
ما يهمنيش مين كان ومين حيكون
يجى ابن موسى والا وريث فرعون
ما نيش معشم حاجه بالتحديد
ولا عادش عمر اصبر وأستنى
يارب سيبنى ع المحطه وحيد
ما تودنيش لا النار ولا الجنه
القاعده دى أحسن من المواعيد
ومن انتظار الهم ووقوعه
كل اللى على ضهرها مستعبِدين وعبيد
للى شبع حسرته وللجعان جوعه
فرعون مربى موسى جوه الدار
وسرهم ف البير.. والبير مالوهش قرار
دول ناس كبار.. ودورهم للأبد مرسوم
**
قاعد معايا لوحدنا ف حالنا
والدنيا شارده لوحدها وبعيد
ولا احنا بصين لها ولا هيه بصّالنا
باعزِم على دماغى بآخر نفس مكتوم
تضحيه منى عشان خايف

أسيبنى نايم ع المحطه وأقوم!!


جميلة جدا قصيدة الأمير الجديدة
دى من القصائد اللى ممكن كل واحد يفهمها بطريقة مختلفة

كلام رائع جدااااا ومعبر

مشكور على الكلام الجامد ده وتقبل مرورى

كلام رائع ووصف جيد لمعان عميقه
سلمت الايادي

كل كلامها جميل جدااااااا
جزاك الله كل الخير
والى الامام

ما يهمنيش مين كان ومين حيكون
يجى ابن موسى والا وريث فرعون
ما نيش معشم حاجه بالتحديد
ولا عادش عمر اصبر وأستنى
يارب سيبنى ع المحطه وحيد
ما تودنيش لا النار ولا الجنه

عمل رائع وهذا المقطع من أجمل المقاطع التي لفتت نظري في ذلك العمل المبدع
سلمت أخي سمير الامير

الأعزاء:-بندق وهدى وعبير ونغم وانت عمرى وعطر الجنه
تقبلوا محبتى واحترامى ولولا أنى مصاب بانزلاق فى فقرات العنق يجعل الكتابة صعبة لحملت لكل منكم باقة ورد
سمير

الأعزاء:-بندق وهدى وعبير ونغم وانت عمرى وعطر الجنه
تقبلوا محبتى واحترامى ولولا أنى مصاب بانزلاق فى فقرات العنق يجعل الكتابة صعبة لحملت لكل منكم باقة ورد
سمير
يكفينا شعرك الجميل ياأمير
دوما فى عطاء من خلال أعمالك المميزة

استاذ أمير ما شاء الله والله فكرتنا باحمد فؤاد نجم تسلم ايديك

بجد كلام عميق تسلم ايديك

الأخت المتبتله
تحية لمرورك الكريم

تحية لمروركم الكريم