account closed
21-01-2010, 02:35 AM
فات أكتر من 60 سنة ... وفلسطين لسة محتلة
ولسة العرب على حالهم ... إسرائيل ملبساهم العمة
كانوا زمان بيعلمونا ... إن فلسطين دولة عربية
وإن في دولة احتلتها ... وهي إسرائيل الصهيونية
لكن كانوا برده بيفهمونا ... إن مسير الاحتلال يمشي
كلها سنتين تلاتة أربعة ... وفلسطين ترجع وإسرائيل تمشي
وعدت سنتين وعشرة وعشرين ... وخمسين وستين سنة
وفلسطين حالها زي ما هو ... مهما كبرت وحلمت أنا
ياترى إحنا اللي اتمادينا ف حلمنا ... ولا غلطتنا وثقنا ف الغرب
لسة فلسطين زي ماهي ... محتلة وبتزيد فيها الحرب
لكن اللي اختلف عن زمان ...إن الحرب أصبحت ع المكشوف
لا مجلس أمن ولا قمم عربية ... ولا حاكم كله ماليه الخوف
كله خايف من إسرائيل ... وأكيد برده من أمريكا
للأسف كله ركع وانحنى ... ونسينا غزتنا المجيدة
نسينا دولة العزة ... أول قبلة للمسلمين
مسرى موسى وعيسى ومحمد ... وكل الأنبيا وتالت الحرمين
نسينا ديننا وهانت علينا عزتنا ... واستسلمنا للي بيحصل
مفيش حد فكر يتحرك ... كله خايف يُعزل أو يُقتل
أنا مكسوفة إني عربية ... عاجزة ومش قادرة أتكلم
لكن سامحينا يا فلسطين ... شايفينك بتتدبحي وبنتألم
أعذرينا عشان حكامنا خايفين ... من أمريكا وإسرائيل
لو بإيدينا مكناش نتأخر ... لكن سامحينا يافلسطين
لا دفاع مشترك ولا قمم ولا مؤتمرات ... بيشفعولك عندهم
دي حتى النخوة والعروبة والرحمة ... خلاص اتنزعت من قلبهم
لكن معاكي اللي أكبر منهم كلهم ... ربي وربك ورب الكون
هو اللي قادر يرجعلك عزتك ... وينصرك على كل صهيون
لو بإيدينا كنا جاهدنا كلنا ... وفديناكي بروحنا ودمنا
لكن حكم القوي ع الضعيف ... المفروض علينا نرضى بذلنا
بس هييجي يوم وتتقلب الموازين ... وساعتها هترجعلك العزة والدين
سامحينا يا فلسطين
سامحينا يا فلسطين
بقلم / خـــــوخـــــة
ولسة العرب على حالهم ... إسرائيل ملبساهم العمة
كانوا زمان بيعلمونا ... إن فلسطين دولة عربية
وإن في دولة احتلتها ... وهي إسرائيل الصهيونية
لكن كانوا برده بيفهمونا ... إن مسير الاحتلال يمشي
كلها سنتين تلاتة أربعة ... وفلسطين ترجع وإسرائيل تمشي
وعدت سنتين وعشرة وعشرين ... وخمسين وستين سنة
وفلسطين حالها زي ما هو ... مهما كبرت وحلمت أنا
ياترى إحنا اللي اتمادينا ف حلمنا ... ولا غلطتنا وثقنا ف الغرب
لسة فلسطين زي ماهي ... محتلة وبتزيد فيها الحرب
لكن اللي اختلف عن زمان ...إن الحرب أصبحت ع المكشوف
لا مجلس أمن ولا قمم عربية ... ولا حاكم كله ماليه الخوف
كله خايف من إسرائيل ... وأكيد برده من أمريكا
للأسف كله ركع وانحنى ... ونسينا غزتنا المجيدة
نسينا دولة العزة ... أول قبلة للمسلمين
مسرى موسى وعيسى ومحمد ... وكل الأنبيا وتالت الحرمين
نسينا ديننا وهانت علينا عزتنا ... واستسلمنا للي بيحصل
مفيش حد فكر يتحرك ... كله خايف يُعزل أو يُقتل
أنا مكسوفة إني عربية ... عاجزة ومش قادرة أتكلم
لكن سامحينا يا فلسطين ... شايفينك بتتدبحي وبنتألم
أعذرينا عشان حكامنا خايفين ... من أمريكا وإسرائيل
لو بإيدينا مكناش نتأخر ... لكن سامحينا يافلسطين
لا دفاع مشترك ولا قمم ولا مؤتمرات ... بيشفعولك عندهم
دي حتى النخوة والعروبة والرحمة ... خلاص اتنزعت من قلبهم
لكن معاكي اللي أكبر منهم كلهم ... ربي وربك ورب الكون
هو اللي قادر يرجعلك عزتك ... وينصرك على كل صهيون
لو بإيدينا كنا جاهدنا كلنا ... وفديناكي بروحنا ودمنا
لكن حكم القوي ع الضعيف ... المفروض علينا نرضى بذلنا
بس هييجي يوم وتتقلب الموازين ... وساعتها هترجعلك العزة والدين
سامحينا يا فلسطين
سامحينا يا فلسطين
بقلم / خـــــوخـــــة