السلام عليكم ورحمة الله وبركاته
انا عندي سؤال هموت واعرف اجابته وياريت حد يفيدني
احنا عارفين ان التوزيع الالكتروني للنحاس شاذ وان المستوي الفرعي s يحتوي علي 1 الكترون والd يحتوي علي 10 الكترونات طبعا لان الذره بتكون اكثر استقرارا لما الd يكون مكتمل
المتوقع ان بقي الايون الاحادي من النحاس يكون اكثر استقرارا من ايون النحاس الثنائي (لان في حالة ايون النحاس الاحادي هيكون المستوي d مكتمل ويحتاج طاقه كبيره عشان نكسر مستوي مستقر ونحوله لايون ثنائي ) :049gc0:لكن في الواقع ان ايون النحاس الثنائي هو الاكثر استقرارا
ازاااااااااااااااااااااااااااااااااااااااي
واللي هيعرف له مني هديه

لما بيجى يفقد
الالكترونات
الالكترون بيرجع للمستوى s تانى الاول
ثم يبدأ فقد الالكترونات
و فى حالة +1 هيكون ال s فيه الكترون
عشان كده +2 اكثر ثباتا

لما بيجى يفقد
الالكترونات
الالكترون بيرجع للمستوى s تانى الاول
ثم يبدأ فقد الالكترونات
و فى حالة +1 هيكون ال s فيه الكترون
عشان كده +2 اكثر ثباتا
مين قال كده
ازاي يعني الالكترون يرجع لل s تاني اذا كانت الذرع مستقره اساسا
ياريت حد يفيدني ويقول الاجابه صح ولا لاءه

نفس الفكره ليه الكوبلت +2 اكثر استقرارا والمفروض يكون الكوبلت +4 حيث 3d نصف مكتمل فى +4

يا جماعه حد يعبرني هتجنننننننننننننننننننننننننننننننن

لف سلا مه عليكى من الجنون
فيه اسئله محيره تانى
ليهK2Cr2O7 ملون واوربيتالات 3d للكروم فارغه

يعني محدش عارف الاجابه ولا ايه
معقوله كل مدرسين الكيميا ع المنتدي مش عارفين الاجابه يعني

ايون النحاس الأول أكثر استقرارا
ايون النحاس الثانى اكثر تواجدا فى القشرة الارض وليس الأكثر استقرارا
لف سلا مه عليكى من الجنون
فيه اسئله محيره تانى
ليهk2cr2o7 ملون واوربيتالات 3d للكروم فارغه



اللون هنا بسبب ما يسمى بإنتقال الشحنة حيث ينتقل إلكترون من احد ذرات الأوكسجين الى الكروم وبالتالى تحدث له إثارة بطاقة الضوء المرئى ويظهر اللون وانتقال الشحنة يجعل الألوان واضحة وغير باهتة
وايضا من المركبات التى يحدث بها انتقال شحنة برمنجنات البوتاسيوم

الله واكبر عليك يا ماجيك فعلا اجابته موقنعة انا مش عارفة صح ولا غلط بس مقنعة

[quote=el_magic;1921513]ايون النحاس الأول أكثر استقرارا
ايون النحاس الثانى اكثر تواجدا فى القشرة الارض وليس الأكثر استقرارا


لا طبعا ايون النحاس الثنائي الاكثر اسقرارا وشيوعه دليل علي استقراره
لو كان ايون النحاس الاحادي الاكثر استقرار مكانش اتحول لايون نحاس ثنائي

انا براي ان ايون النحاس موجب اتنين اكتر استقرارا لانة لمل يتحول من ايون نحاس موجب واحد الي ايون نحاس موجب اتنين هيفقض الكترون المستوى الفرعىs ويصبح المستوى الفرعىs فارغ فتكون الذرة اكثر استقرارا

فى كتاب المدرسة
النحاس +2هو الاكثرثباتا وليس استقرار
وثبات بمعنى وجوده بالطبيعة

انا لست مع el magic
لاننا نتعامل مع مجموعة الكرومات وعدد تأكسدها -2
واذا عوضنا بأعداد التاكسد يكون الكروم +6 اى ان المستوى d فارغ

وللتأكد من رأيى
اخذنا ان المجموعة الذرية تسلك سلوك الذرة الواحدة فلا نتعامل مع الكروم على حدة
مثلnh4 فلا نتعامل مع النيتروجين فقط
لذا فاللون هو لون المجموعة الذرية

هذا السؤال ليس موضع امتحانات

اريد ان اسأل عن شىء غريب
فى القرن العالى فى المعادلة
فى الكتا ب المدرسى2fe2o3+3co+3h2___4fe+3co2+3h2o
سؤالى
fe2o3+co+2h2___2fe+co2+2h2o
ايه الفرق بين الوزنين

فى الاول اعتفدت ان الغاز المائى لابد ان يكون نقس الوزن 3coو3h2
لكن قى العضوية ch4+h2o_________co+3h2
ى انه لايشترط نفس الوزن

اريدحلاااااااااااااااااااا

ببساطه المستر بتاعنا قال لنا ان هى دى المعادلة الى هما بيتعاملوا معاها فى الواقع
بمعنى ان فى معادلات كتيييييييييييير كده
اما بالنسبة للنحاس انت مكبرة الموضوع يا دكتورة ايه (ان شاء الله)
هى بالظبط ذى ما الماجيك قال
وماتشعليش نفسك حتى لو مالقيتيش للسؤال اجابه فى حاجات امر من الى انت بتقوليه
خدى دى
علل
النحاس ايون النحاس موجب واحد ملون مع ان الd ممتلىء
لييييييييييييييييييييييييييييييييييييييييييييييييي يييييييييييييييه

أولا شكرا لك
النحاس حالة شاذة فى كل حاجة

اعرف ان سبب لون برمنخانات البوتاسيوم هو سفر الالكترونات من الاكيجين الى ذرة المنجنيز
هل سبب لون ثانى كرومات البوتاسيوم سفر الالكترونات ايضا ام لون المجموعة الذرية
مثال سيانيد الصوديوم سام لاحتوائه على مجموعة السيانيد السامة

هل سبب لون ثانى كرومات البوتاسيوم سفر الالكترونات ايضا ام لون المجموعة الذرية
مثال سيانيد الصوديوم سام لاحتوائه على مجموعة السيانيد السامة
مجموعة الكرومات فى جميع المركبات يكون لها اللون البرتقالى وهذا قد يفسر سبب لون المركبات بالكامل ولكن السؤال ما سبب تلون المجموعة الذرية نفسها على الرغم من انه من المفترض الا تكون ملون طبقا لعدد تأكسد الكروم بها


أليس من المفترض ان تتغير خواص المركب عن خواص العنصر فمثلا غاز الكلور سام وعند اتحاده مع الصوديوم يكون ملح الطعام وهو بالتاكيد غير سام
فهل يختلف الامر فى المجموعات الذرية ؟

النحاس ايون النحاس موجب واحد ملون مع ان الd ممتلىء

اعتقد سبق وقد ذكر هذا السؤال وكانت الإجابة بسبب تركيب بلوراته التى تمنحه هذا اللون

فعلا تم نقاش السؤال ده انا بس باذكر لها مثال
كويس ان احنا عارفين نركز فى المعلومات ونطلع منها اسئله بس اصلا المناهج المصرية مبتورة يعنى هانتعب لما نركز زيادة
بالتوفيق

لف سلا مه عليكى من الجنون
فيه اسئله محيره تانى
ليهk2cr2o7 ملون واوربيتالات 3d للكروم فارغه
اللون فى ثانى كرومات البوتاسيوم لا يرجع الا عنصر الكروم او مجموعة الكرومات ولكنه بسبب تواجد البوتاسيوم الذى عند الكشف عنه بكاشف اللهب يكون بنفسجى اللون
بالاضافة الى ان لون اى مركب يعتمد على اشياء اخرى منها الشكل البلورى وترتيب الذرات فى البلورة مثل الكربون الذى هو اسود فى الجرافيت وابيض فى الماس رغم انه عنصر واحد ولكن الشكل البلورى مختلف

اللون فى ثانى كرومات البوتاسيوم لا يرجع الا عنصر الكروم او مجموعة الكرومات ولكنه بسبب تواجد البوتاسيوم الذى عند الكشف عنه بكاشف اللهب يكون بنفسجى اللونوهل طاقة إثارة الكترونات البوتاسيوم تساوى طاقة الضوء المرئى ؟؟؟

بالتاكيد لا وإلا كانت كل الفلزات غير الإنتقالية ملونة


اللون فى البوتاسيوم يظهر فى حالة الإثارة فقط > التسخين مثلا <
اما لون فى كرومات البوتاسيوم فهو دائم الظهور لان طاقة إثارته تساوى طاقة الضوء المرئى اى ان الضوء المرئى كافى لجعلها ملونة وهذا ما لا يحدث فى حالة البوتاسيوم

ملحوظة اخرى البوتاسيوم بنفسجى اما الكرومات برتقالية

اتمنى النقاش يستمر ونشوف اراء اساتذة المنتدى العظماء