احمد جنرال
24-01-2010, 09:10 PM
السلام عليكم يا جماعه
انا لسه خريج جديد عام 2009 خدمه اجتماعيه جامعه حلوان . انا عايز اعرف شويه حاجات , واستحملونى
ظروف الشغل فى المدارس اتقدم فى اى مدرسه ولا اتقدم فين بالظبط ؟
2. ظروف يعنى المرتبات وكدة . فى بدايه العمل وبعدها ( يعنى لو فى زيادات ! )
3. العمل تثبيت ولا تعاقدات ؟ ولو تعاقدات التثبيت متاح ولا صعب ؟
4. لو حد من الزملاء عايز يفدنى بأى حاجه تانى انا مش معترض :078111rg3:
ومعلش استحملونى
احمد جنرال
25-01-2010, 01:23 AM
يا جماعه اسئلتى صعبه ولا ايه الحكايه
وليد الاخصائى
25-01-2010, 08:27 AM
اعمل دبلومة تربوى الاول قبل اى شى
احمد جنرال
25-01-2010, 04:38 PM
اعمل دبلومة تربوى الاول قبل اى شى
الف شكر على الرد
ولكن انا عايز اعرف ظروف التقدم للعمل والتعاقد كام سنه , يعنى اروح اعمل دبلومه سنه واجيلك ولا ايه ؟!!!
المشتاقة للنقاب
26-07-2010, 05:03 PM
يااستاذ الوقتى وقبل اى وظيفة روح خد دبلومة تربوية
وبعدها لما تنزل مسابفة وتكون محتاجة تخصصك
خد كل اوراقك والاهم الدبلومة التربوية ورح قدمهم فى المسابة اللى
هتنزل وربنا يوفقك ويجعلك نصيب فى اى وظيفة
المشتاقة للنقاب
26-07-2010, 05:04 PM
والتعاقد سنة واحدة وببتتجدد ربنا يوفقك
social_worker
27-07-2010, 10:53 PM
أخى العزيز ..
أولا ألف مبروك على تخرجك ..
ثانيا أتفهم جدا كونك عايز تعرف معلومات بس ممكن لو عايز تشوف على الطبيعه تروح قسم مدرس مساعد اللى فى المنتدى هنا ومن قراءاتك ح تقدر تحكم وتعرف وعموما بالنسبه لمرتبات المؤقتين كانت قليله ولكنها زادت والخوه اللى بيقولولك تاخد دبلومه تربوى دلوقتى ده علشان تختصر وقت لغايه ماتتقدم للوظيفه لأن ده من شروط التوظيف إلى جانب لغه إنجليزيه و حصولك على شهادة ال icdl وده كله بتقدمه وبعد كده تدخل امتحان كادر المعلمين علشان لو نجحت فيه بتاخذ زياده 50 % من راتبك
أرجو أن تكون المعلومه وصلت وبالنسبه للنظام كان قبل كده بيتقدموا للإداره التعليميه التابع لها مسكنك وتتقدم لموجه أول التربيه الإجتماعيه ولكن على مااعتقد إن الآن اصبح التقدم للمديريه أو للوزاره من خلال مسابقه يعلن عنها أثناء فترة الصيف ويتم التعاقد ويكون من حقك بعض مميزات المعين من أجازات ولكنها أقل ولك أن تحصل على مكافأة الإمتحانات
أرجو ن أكون قد أفدتك وإن كنت غير ملمه تماما بشئون المؤقتين وهذه المعلومات من خلال تعاملى مع زملاء مؤقتين فاعذرنى ومره أخرى أدخل موضوعات المعلم المساعد لتفهم وتسأل الزملاء الواقعيين