بالنسبة للجـــــــــــامعات الحكـــــــــــومية

اولا : كلية السياحة وادارة الفنادق - جامعة حلوان

تعتبر احسن كلية سياحة وفنادق فى مصر من حيث خدماتها التعليمية والتدريبية

وكمان وزير السياحة زهير جرانة متخرج منها من

شعبة دراسات سياحية وتأسست سنة 1975م

يكون التخصص فى القسم من سنة اولى


تشمل الكلية فندق تعليمى للتدريب ودى ميزة هامة وكمان موجود معامل لغات


وحسب ما اسمع ان فى شركة سياحية تبع الكلية لتدريب الطلبة ودى حاجة جامدة برضو

ولكن فى عيب فى الكلية ان مصاريف قسم ارشاد سياحى اكتر من 3000 جنية تقريبا



ويوجد بالكلية قسم سياحة انجلش وفنادق انجلش



ثانيا : كلية السياحة والفنادق - جامعة الاسكندرية


تعتبر من اشهر كليات السياحة والفنادق فى مصر وده لانها فى جامعة الاسكندرية وبتاخد طلبة كتير كل سنة وتأسست سنة 1982م


والكلية يكون التخصص فى القسم من السنة الثانية على حسب تقديرات الطالب فى سنة اولى سواء قسم سياحة او فنادق او ارشاد سياحى



والصراحة انا معرفش خدمات الكلية من حيث التدريب الصيفى والاهتمام باللغات لان ده بيختلف من سنة الى اخرى

وتعتبر الكلية هناك من كليات المجمع النظرى !!





ثالثا : كلية السياحة والفنادق - جامعة المنصورة



تعتبر من اجدد كليات السياحة والفنادق فى مصر حيث تاسست سنة 2006م

التخصص فى القسم من سنة اولى على حسب درجاتك فى الثانوية العامة


وقسم ارشاد سياحى لا يزيد عن 60 طالب حتى هذة السنة 2010


تهتم الكلية بالرحلات العلمية الى الاماكن السياحية فى مصر وكمان تهتم بالتدريب الصيفى فبالنسبة لطلبة دراسات فندقية بيروحوا فنادق فى المناطق السياحية
وطلبة دراسات سياحية بيروحوا اى شركة سياحة او مكتب سياحى وده حسب امكانيات الكلية
وطلبة ارشاد سياحى مقضيانها رحلات فى الصيف وشوية سكاشن فى الكلية

والكلية بما انها جديدة فامكانيتها مش متطورة اوى فلا يوجد معامل لغات ولا فندق تعليمى

والكلية خارج الحرم الجامعى واول دفعة هتتخرج منها السنة دى 2010 ! وادعولهم يبقوا معيدين فى

الكلية






رابعا : كلية السياحة والفنادق - جامعة الفيوم

من احسن كليات السياحة والفنادق فى مصر وهى كلية كبيرة داخل الحرم الجامعى وبدأت الدراسة فيها سنة 1994م

التخصص فى القسم من سنة تانية

يوجد بالكلية فندق تعليمى متميز وتهتم الكلية بدراسة اللغات الاجنبية المتعددة والتدريب الصيفى ويوجد معامل لغات والكلية فى تطور دائم







خامسا : كلية السياحة والفنادق - جامعة المنيا

بدأت الدراسة بها سنة 1998م والتخصص فى القسم من سنة تانية وتعتبر من اقدم كليات السياحة





يوجد بالكلية لغات متعددة يختار الطالب واحدة منهم فى سنة اولى وتهتم الكلية بالتدريب الصيفى وتقاريره وايضا بالرحلات العلمية وكل ده فى اطار امكانيات الكلية







سادسا : كلية السياحة والفنادق - جامعة المنوفية

مقر الكلية بمدينة السادات وتأسست سنة 1997


التخصص فى القسم من سنة تانية على حسب تقديرات مواد سنة اولى والكلية بتسعى ان تكون متطورة



سابعا : كلية السياحة والفنادق - جامعة قناة السويس - فرع الاسماعيلية

بدأت الدراسة بها سنة 1994م فى فرع الاسماعيلية





يكون التخصص فى القسم من سنة اولى



يوجد بالكلية معامل لغات وحاسب الى

والكلية انا مش عارف اية نظامها من حيث التدريب والاهتمام بيه





ثامنا : كلية السياحة والفنادق - جامعة جنوب الوادى - فرع الاقصر

هى اجدد كلية سياحة وفنادق بمصر حيث بدأت الدراسة الكاملة بها فى العام الدراسى 2009-2010 يعنى هى فى تنسيق السنة دى بس


الكلية قسمين فقط : دراسات سياحية و دراسات فندقية ولا يوجد قسم ارشاد سياحى فى الكلية والكلية لسه هتعمله السنين القادمة ان شاء الله

التخصص فى القسم من سنة تانية



بالنسبة للجامــــــــــعات الخاصــــــــــة



كلية السياحة وادارة الفنادق - جامعة 6 اكتوبر



تأسست سنة 1996م

مصاريف الكلية 11,000 جنية تقريبا

التخصص فى القسم من سنة تانية

تقوم الكلية بتدريب الطلبة فى الفنادق السياحية وكذلك اخذهم فى رحلات سياحية بغرض التدريب

والكلية امكانيتها حلوة



كلية السياحة وادارة الفنادق - جامعة فاروس بالاسكندرية

لا يوجد بالكلية قسم ارشاد سياحى ولكن يوجد قسم سياحة وقسم ادارة فنادق

مصاريف الكلية 8000 جنية تقريبا

والكلية لسه جديدة

تمام يا اسلام اوي
بس بالنسبة لكلية سياحة وفنادق حلوان
هي فعلا فيها شركة سياحة بس انا معرفش اي معلومات عنها
والكلية فعلا جميلة ومكانها جميل

السلام عليكم انا احمد طالب بكلية سياحة وفنادق جامعة حلوان احب اقول لحضرتك ان فعلا فى الكلية يوجد شركة سياحة وفندق بس تقريبا out of order

merci beaucoup pour ton subject

من فضلك استاذ اسلام انا اشتركت بالمنتدى لكى اسالك سوال واحد فقط ممكن تقبل طلب الصداقة

انا منتظر الرد من فضلك

هو اسلام تقريبا مشغول اليومين دول
ممكن تسأل هنا يمكن اقدر اساعدك......؟

معلش يا جماعة اعذرونى , انا فى الاجازة مشغول جدا وبحاول ادخل المنتدى من وقت للتانى وهحاول اشارك الايام الجاية ان شاء الله .

وربنا يوفق الجميع

انا من اسوان و في 3 ثانوي و عايز ادخل ارشاد و التنسيق هايرميني في الاقصر جامعة جنوب الوادي و دي مافيهاش قسم ارشاد ايه الحل ؟؟؟

انا من اسوان و في 3 ثانوي و عايز ادخل ارشاد و التنسيق هايرميني في الاقصر جامعة جنوب الوادي و دي مافيهاش قسم ارشاد ايه الحل ؟؟؟

الحل انك يأما تدخل قسم سياحة او قسم فنادق وده لو انت مش عايز تدخل كلية تانية زى تجارة او اداب او غيرها , ولو انت مش عايز غير ارشاد ومش عايز تدخل غيره يبقى لازم ترضى بالامر الواقع وتدخل كلية تانية .

يياااه طب و ايه رايك في قسم دراسات سياحية دراسته و مستقبل الشغل و كدة؟؟؟

يياااه طب و ايه رايك في قسم دراسات سياحية دراسته و مستقبل الشغل و كدة؟؟؟

بص قسم دراسات سياحية قسم دراسته جميلة يعنى مفيش تاريخ والحاجات المعقدة اللى بيكرها كل طالب ولكنه بيدرس مواد ادارة سياحية زى ادارة شركات ومكاتب السياحة والتسويق والعلاقات العامة واقتصاد وغيرها ده غير اللغتين وكمان قسم مجالات عمله متعددة وعلى رأسها شركات السياحة والطيران بالاضافة انك ممكن تشتغل فى الفنادق كمان

بس الوظيفة اللى معظم اللى اتخرجوا من القسم ده واشتغلوا فيها هى وظيفة موظف حجز طيران ودى وظيفة جميلة ومرتبها حلو ومطلوبة علطول بس لازم يكون معاك شهادة اماديوس او جاليليو فى حجز تذاكر الطيران وانجليزى

بس فى النهاية اهم حاجة الخبرة واللغات دى اللى بتفرق بين خريج وخريج .

شكرا لك علي هذه المعلومات

السلام عليكم
انا عايز ادخل كليه سياحه وفنادق فى اسكندريه بس انا فى اخر سنه فى دبلوم سياحه وفنادق 5 سنين
ممكن اكمل كليه ؟؟؟ وايه شروط القبول فى الكليه؟؟
ممكن اى حد فى نفس الكليه فى اسكندريه ممكن يفيدنى

شكرا خالص يا مستر اسلام علي المعلومات الجامده دي وعايز اسألك متعرفش السنادي الكليه بالتقريب كده هتاخد من كام في الميه وخصوصا ان السنه الي فاتت كانت كل الجامعات واخده من 60% بس !! يا تري السنادي هتعلي ولو عليت هتوصل لكام كده بالتقريب
ومعلش في سؤال تاني انا من سوهاج وكنت عايز اخش الكليه بس في اسكندريه ينفع عشان التوزيع الجغرافي مع العلم ان توزيعي (ج)

ياجماعه هو صحيح ارشاد حلوان ب 3000 احنا مااتفقناش ع كدا :( هههههههههـ ؟

ياجماعه هو صحيح ارشاد حلوان ب 3000 احنا مااتفقناش ع كدا :( هههههههههـ ؟
:bosyht9::bosyht9::bosyht9::bosyht9: اه ونبى ياااخويا ب 3500 بس وربنا القسمين التانين احسن منو دول سقطو نص بتوع ارشاد السنة دى دكاترة معقدة والعيال تدفع تانى:bosyht9::bosyht9::bosyht9:

اه ونبى ياااخويا ب 3500 بس وربنا القسمين التانين احسن منو دول سقطو نص بتوع ارشاد السنة دى دكاترة معقدة والعيال تدفع تانى

بداية مبشرة....
نص الدفعه و الله .. ده احنا شكلنا داخلين ع أيام سودا
طب متعرفيش اعمل ايه يا ايمى علشان موضوع الدكاترة ده .
..........................أنا زعلان..............

:bosyht9::bosyht9::bosyht9::bosyht9: اه ونبى ياااخويا ب 3500 بس وربنا القسمين التانين احسن منو دول سقطو نص بتوع ارشاد السنة دى دكاترة معقدة والعيال تدفع تانى:bosyht9::bosyht9::bosyht9:

لا خلاص انا هحولل قسم دراسات . بس انا شايف نفسي اقدر اجيب جيد جداً بأذن الله بس طالما فيها فلوس الدكاترة في حتة الفلوس دي هتصب الامتحانات عشان ندفع ...
بس بليز جاوبني ادخل دراسات سياحية "عربي" والتحويل ينفع ولا لأ انا ارشاد وهحول ان شاء الله بعد الكومنت دا ينفع ولا لا ؟
تاني حاجة تربية احسن يعني لو جالي تربية فرنش احسن منها .؟ ولو تربية مواد ادبية زي عربي ...... احسن ولا دراسات سياحية وشكرررررررررررررراً

بداية مبشرة....
نص الدفعه و الله .. ده احنا شكلنا داخلين ع أيام سودا
طب متعرفيش اعمل ايه يا ايمى علشان موضوع الدكاترة ده .
..........................أنا زعلان..............

انا كمان زعلان اكتر انا هبعد عن الشر واحول احسن والدي لو هعرف اني سقطت وهيدفع تاني ههههههههههههههههههـ هيجري ورايا ابعد عن الشر احسن بس حلمي كان اني اكون مرشد الحمد لله

؟؟؟؟؟؟؟؟؟؟؟؟؟؟

؟؟؟؟؟؟؟؟؟؟؟؟؟؟

انا كمان زعلان اكتر انا هبعد عن الشر واحول احسن والدي لو هعرف اني سقطت وهيدفع تاني ههههههههههههههههههـ هيجري ورايا ابعد عن الشر احسن بس حلمي كان اني اكون مرشد الحمد للههههههههههههههههههههه بص هو ارشاد حسب الدكتور يعنى لو شايف نفسك مش هتلتزم متخوشش انما لو ملتزم بيس لكن حوار جيد جدا يبقا :friendsxs3:احب اقولك بتحلم انما لو على دراسات سهل تجيب امتياز لو انت فعلا بتحضر وتذاكر انا: جبت ف اولة وتانية فرقت ع 2% ع امتياز يعنى دراسات حولة وجميلة دا كفاية ان انا فيها :) ههههههههه:d

لا خلاص انا هحولل قسم دراسات . بس انا شايف نفسي اقدر اجيب جيد جداً بأذن الله بس طالما فيها فلوس الدكاترة في حتة الفلوس دي هتصب الامتحانات عشان ندفع ...
بس بليز جاوبني ادخل دراسات سياحية "عربي" والتحويل ينفع ولا لأ انا ارشاد وهحول ان شاء الله بعد الكومنت دا ينفع ولا لا ؟
تاني حاجة تربية احسن يعني لو جالي تربية فرنش احسن منها .؟ ولو تربية مواد ادبية زي عربي ...... احسن ولا دراسات سياحية وشكرررررررررررررراً
بص اى كلية تربية حلوة والله بس دا يرجعك لمويلك انا كنت جايبة تجارة انجليزي وتربية كلها وكل حاجة ف الجامعه واداب ودخلت سياحة بس بصراحة عشان بحب الكلية تميزت فيها ومرتاحة عكس الى دخل حاجة مجموعه جابها والسلام شايف نفسك مدرس بيس شايف نفسك مرشد وبتاع اشطة وانت ممكن تدخل دراسات عجبتك الفكرة ام تخلص اعمل دبلومة ارشاد سنتين وهتبقا مرشد بردة شغالة مش ازمة بس وفر فلوسك ف الاول خود كورسات بيها:bosyht9: زي انا
بداية مبشرة....
نص الدفعه و الله .. ده احنا شكلنا داخلين ع أيام سودا
طب متعرفيش اعمل ايه يا ايمى علشان موضوع الدكاترة ده .
..........................أنا زعلان..............
ههههههههههههه دا مش بيحصل كتير بس ع حسب الدكتور والادب بتاع الدفعه انما لم حد بيعصب دكتور البس بس ف سياحة يعنى فى دكاترة بتغلس بس مش لدرجة السقوط يعنى وانت لو حالل كل حاجة صح وتعبت مفيش اى دكتور هيسقطك:bosyht9:

يا ايمان انتي هتبدأئي تخليني افكر في حلوان مش اليكس .. بصراحه انا بدأت اتخيل شكل الدفعه بتاعتكم دي .. شكلكم مهيصين ع الاخر:028ja7::d

يا ايمان انتي هتبدأئي تخليني افكر في حلوان مش اليكس .. بصراحه انا بدأت اتخيل شكل الدفعه بتاعتكم دي .. شكلكم مهيصين ع الاخر:028ja7::d
هههههههههههههههه مانا قولتلك حول حلوان اصلا جامدة عشان التخصص من سنة اولى

ابنى حصل على دبلوم قسم مطبخ 3 سنوات بمجموع 67% .. وعايز يكمل .. الرجا النصيحة وشروط القبول بالكليات الخاصة التى تناسبه