مشاهدة النسخة كاملة : سؤال محرج حبتين ؟؟؟للاخوات
المجاهد فى سبيل الله 13-02-2007, 10:25 PM السلام عليكم ورحمة الله وبركاته
السؤال ده دار فى ذهنى ......
اختى فى الله نفرض مثلا وانته برضه يا اخى يعنى السؤال مش للاخوات فقط لا وانته كمان
هو سؤال يغيظ شويه لا هما شويتين يعنى لو كان تلاته ابقو استحملونى
انا ححكلكم موقف الموقف ده من خيالى دلوقتى
وفى ليلة الدخله بعد الزفاف وخلاص باه خلص الفرح وروحتو بتكم عظيم عظيم
دلوقتى وانتم خلاص لسه دخلين وقفلتو باب الغرفه عليكم .....محدش يسرح بالله عليكم
ام هند وفجاه لقيت الموبيل بيرن قمت انته رديت ولقيت اصحابك واصحاب ايه باه مهمين اوى
اصدقاء العمر بمعنى اصح ولقتهم بقولولك احنا متاسفين احنا وصلنا الفندق ولم نجدكم
وايه هما باه من بلد بعيده اوى
وقالو احنا اسفين احنا العربيه اتعطلت مننا فى الطريق ووصلنا متاخرين
فا قامت باه الرجوله والحمشنه وخداك وقولتلهم ولله لازم تيجو عندى وانته جيت زى الفالح وضربت يمين طلاق لازم يجو
فا قالو خلاص بدل ما انته حلفت بالطلاق
ام هند حضرتك زى الشاطر سالتهم كام عددكم قالولك عددنا عشره
فا قامت عروستك طبعا خافت ما انته لسه ضارب يمين طلاق وخافت تبات الليله جمب امها او تحصلها على البيت
فا قامت بفستان الفرح ودخلت المطبخ وطبختلهم وطلعت زوجها من الماذق وهى كمان يعنى يعنى هى معملتش كده لله وللوطن
فا وهيه خلاص باه الناس مشو فا رجعت لقت جوزها معاه فلوس كتير جدا يجى كده عشرتاشر جنيه فا سالته انته جبت الفلوس دى منين وبتاعت ايه ؟؟
فا انته قمت مجاوب عليها زى الشطاطير وقولتلها ده كان رهان بينى وبين اصدقائى لو انا خليتيك تطبخى يوم الدخله هما حيدفعو
10.000 جنيه ولو انتى مرضتيش انا حدفع 1.000 ....
السؤال باه لو انتى حتوفقى ؟؟؟ ولو انته حتقبل الرهان ده وحتخليها تقوم وتطبخ لاصحابك ؟؟؟
معلش السؤال طويل شويه بس يا ريت القى ايجابه
وانا اسف على التطويل
ReceptiveGuy 13-02-2007, 10:30 PM الرهان حرام
هههههههههه
لأ طبعاً مش هوافق
هي جاية متربية
(إن شاء الله زوجتي هتكون متربية)
عشان تريحني وأريحها
أبدأ أنا حياتنا بموقف زي ديه؟
ما أعتقدش حتى لو الرهان مش حرام
وأولاً وأخيراً ديه مسألة كرامة بس للي يفهم إنها مسألة كرامة
_the_sad_smile_ 13-02-2007, 10:40 PM ههههههههههههههههههههههههههههههه
لا وربنا لتقول الحكمة من السؤال ؟؟
اصل مفيش حاجة اسمها كدة هو فى كدة لا مفيش كدة
كلكول 13-02-2007, 11:02 PM لا اكيد عمرى ما اعمل حاجه زى كده
ازاى اعمل كده فى شريكه عمرى
kaml_klamk 13-02-2007, 11:02 PM السلام عليكم ورحمة الله وبركاته
اعتقد ان فى اليوم ده محدش بيرد على تليفونات صح ولا ايه؟؟
سلام
ReceptiveGuy 13-02-2007, 11:03 PM هههههههههههههههههههههههههه
المجاهد فى سبيل الله 13-02-2007, 11:20 PM السلام عليكم ورحمة الله وبركاته
هههههههههههههههههههه
لا يا احمد ما هو كان متفق معاهم ما هو رهان باه
اختى بس انتى برضه مقولتيش اجابه
kaml_klamk 13-02-2007, 11:24 PM السلام عليكم ورحمة الله وبركاته
بص والله لو متفق يبقى تعمل وامرها لله بس من غير رهان يكون اللى يدفع طرف واحد
يعنى مثلا لو هى عملت هما يدفعوا بس انما انا هبقى متجوز وادفع
داللى بيتجوز تقريبا بيكون محيلتوش حاجه
سلام
=ivan= 13-02-2007, 11:35 PM لأ
JuMpO 14-02-2007, 12:59 AM لأ طبعا موافقش
اولا هيكون في باقي من البوفيه ابقى اديهم شوية
ثانيا عبيط مين اللي يكسف مراته عشان 10000
مكنش يتجوز ويوفر فلوس الجواز احسن
ولا اييييه
مسيو محمد عياد 14-02-2007, 02:23 AM ده يبقى صحابه كروديات أوي
طب ماهو ممكن يكون متفق مع الكتكوتة
JuMpO 14-02-2007, 02:51 AM ممكن ليه لأ
_GUIDE_ 14-02-2007, 08:09 AM ههههههههه
على راى عادل الامام
دى الام مدرسة
حد يعمل كده فى المدرسة ليلة الدخلة يامجاهد
The_Relativistic200 14-02-2007, 08:37 AM ايه لعب العيال ده
فى ليلة مفترجة زى دى :D
يبقى راجل اهبل ومتخلف
ويستاهل اللى ههههههههايحصله
dr.zomba 14-02-2007, 07:04 PM لا ياعم دا انا ميبقاش عندي دم لو عملت حاجه ذي كده
د.حاملة المسك 15-02-2007, 08:45 PM <div align="center"> :( :( :(
مش ممكن اتخيل ان حاجة ذى كدة تحصل
انا عايزة اتجوز واحد متدين
والرهان حرام
لو عمل كدة هعرف انى اخطات الاختيار :( :( :(
بس لو حصل بقى :(
هعمل اية ؟؟؟ :(
هضايق طبعا وهزعل منه :(
بس فى الاخر هضطر اعدى الموضوع عشان احافظ على البيت :( :( :(
بس لازم يوعدنى انه ميعملش كده تانى :(
لا بقى اية السؤال الغريب دة :angry:
اكيد مش هيحصل :angry: </div>
المجاهد فى سبيل الله 15-02-2007, 11:55 PM السلام عليكم ورحمة الله وبركاته
ايه يا جماعه فين الباقى
وايه انتم مالكم مستغربين السؤال ليه كده
محمد البري 16-02-2007, 12:09 AM <div align="center">بسم الله الرحمن الرحيم
ليه مستغربين يا جماعة
بجد والله موضوع وسؤال متميز من الأخ المجاهد
انا هقولك إجابة غير كل اللي فاتو
اولا : ان كان ما يجمعهما حبا في الله وكان الزواج برضى الاثنين وكان الزوج شاريا لعشرة زوجته فلن يكون له تصرف مثل هذا
ثانيا : ما بني على خطأ فهو خطأ اي ان بداية علاقتهما كذب من الزوج فهل سيكون قواعد بيت الزوجية من الكذب والتراهن على شئ
ثالثا : لا يفعل ذلك بزوجته الا السفيه وهل يرضى احدا ان يكون سفيها
رابعا : كلكم راعي وكلكم مسئول
ايود ان يكسب رهان اصحابه ويخسر الرهان الأعظم وهو الميثاق الغليظ في الزواج
يبدأ حياته مع زوجته بكذب
انا مش بحبذ ذلك :)
يعني لو هو عمل كدا يبأى ميستاهلش مراته بجد :)
والسلام عليكم</div>
ريهام4 16-02-2007, 01:01 AM لا مش انا اللى هطبخ
هو
هو اللى هيطبخ
Unique Muslimah 28-10-2007, 04:57 AM wow! what a weird question!! i still don't get it
fares elnet 28-10-2007, 12:14 PM شكرا ليك اخى المجاهد
على السؤال الجميل والظريف ده
بس لا اعتقد انه يكون فيه انسان يعمل كده
وفى ليلة زفافه هو يبقه فاضى بقه
ههههههههههههههههههههههههه
شكرا لموضوعك الجميل وجزاك الله خيرا
المجاهد فى سبيل الله 25-11-2007, 07:36 PM السلام عليكم ورحمة الله وبركاته
اولا جزاكم الله جميعا كل خير على الاجوبه الظريفه والجميله بتاعت حضرتكم
ثانيا انا بجد اسف انى اتاخرت فى الرد وده بسبب انى بعمل الموضوع ومش ببص على الردود لانى لا اهتم بالردود الا فى المواضيع التى يوجد فيهانقاش
ثالثا انا عجبنى رد الاخت صيدلانيه والاخ محمد البرى والاخت ريهاب 4 جدا
مش دولالعجبنى بس دول الشدونى فى ردهم
الرهينه 25-11-2007, 11:14 PM هطلب ديلافرى
ويدفع هو بقى مش راجل البيت
SEMSEMA ELMASRY 25-11-2007, 11:25 PM هههههههههههههههههههههه بجد انا دمى اتحرق وانا بقرا السؤال امال لو حصل فيا
لالا ده انا ساعتها الانسان ده ينزل فى نظرى فورا للابد وعمرى ما هثق فيه تانى وهعرف انه انسان ماااااااااادى وان انا فعلا اخترت انسان غلط لانه الى يخليه يعمل فيا كدا وفى اول يوم بينا وهنبتدى فيه حياتنا
ويبقى مايلزمنيش للابد
M.Neo 27-11-2007, 05:30 AM ايه يا مجاهد
ايه البعته دي
ابقي غطي راسك وانت نايم p;
am_online5 27-11-2007, 01:48 PM سؤال تافه جدا جدا
لايستحق الاجابة لانه اصلا مش هيحصل
مع احترامي لك اخي الكريم
دور علي حاجة مهمة واكتبها
براءة 29-11-2007, 04:18 PM لا طبعا مش اوافق
دى بموته
سورى يعنى دى حركات عياااااااااااااااااااااااااال
المجاهد فى سبيل الله 15-12-2007, 11:11 AM سؤال تافه جدا جدا
لايستحق الاجابة لانه اصلا مش هيحصل
مع احترامي لك اخي الكريم
دور علي حاجة مهمة واكتبها
السلام عليكم ورحمة الله وبركاته
اولا انا اسف على التاخير فى الرد
بس يا اخى العزيز نا بروح عن نفسى يا سيدى شويه
وكمان انا كنت كاتب الموضوع ده فى فتره كانت كلها مشاكل فى المتندى وكان ده حته كده تشغل الاعضاء
والحمدلله قدرة بيها انى اهدى من المشاكل شويه
فهمت يا رب تكون فهمت
ahmed mansour 18-12-2007, 02:59 PM ايوة والله جامدة فكرة جامدة والله
nothing 18-12-2007, 04:31 PM اولا الرهان حرام وثانيا انا هطلب ديلافرى ويبقى يدفع هو وبعدين ادخل انام
zizo2_2 18-12-2007, 04:44 PM الموضوع مكرر
http://thanwya.com/vb/showthread.php?t=3747&highlight=%D8%E1%DA%CA+%D2%E6%CC%E5%C7
شكرا لمجهودك
المجاهد فى سبيل الله 20-12-2007, 11:43 PM السلام عليكم ورحمة الله وبركاته
جزاك الله كل خير اخى زيزو
بس للاسف الموضوع غير الموضوع بالمره
وهناك فارق كبير جدا فى الحوار والاسلوب والفكره ممكن شبيه بس مش زيها بالظبط
يبقى بكده مش متكرر ان شاء الله
zizo2_2 21-12-2007, 05:29 PM الموضوع التاني شمل عدة مواقف منها تلك القصة التي رويتها لنا
اخي الفاضل ارجو منك وكمن كل اعضاء المنتدى تصفح المنتدى جيدا قبل وضع اي موضوع حتى تكونوا ملمين بكل مواضيعه
Ahmad™ 21-12-2007, 05:33 PM قديمه اوي ياريت بس كنت تكتب منقول عشان انا شوفت الموضوع ده في اكتر من منتدي
شكرا عالمجهود
|