يتم حاليا تسليم الافادات وشهادات الاي سي دي ال في المناطق الازهرية, بالنسبة للمتعاقدين حاملي اصل شهادة الاي سي دي ال عندما تسلمها خد بيها ايصال وذلك للاتي:
1- اذا الموظف اهمل وضاعت منه الشهادة وقالك انا مالي انا سفرتها مصر وهي ضاعت منهم كدة انت مش هتقدر تثبت حقك
2- فرضا ضاعت في مصر هيقولولك مشفناش حاجة ومش هتقدر تثبت حقك
3- فرضا طلع الموضوع مش تثبيت حتي بعد ماترفع قضية وعيز تسيب الشغلانة تقدر تسترد الشهادة بالايصال
4- عشان متسمعش من الموظف كلمة اللي معه ورقة يثبت بيها اني اخدت منه حاجة زي ماحصل في موضوع التقدم لاختبارات 20/11 وموظفين الازهر في سوهاج واسيوط وبعض المحافظات فوتوا علينا الفرصة مع اننا كنا مستوفين للشروط لكن مكنش معانا ايصال نثبت بيه ان احنا قدمنا
5- الايصال مستند قانوني قوي ممكن تشتكي بيه في النيابةاو حتي اللجوء للقضاء وحقك يرجعلك

*- ممكن ايضا يتم التسليم عن طريق المعهد بواسطة حافظة تضم جميع المتعاقدين الذين سيسلموا
*- في حالة الحافظة والايصال لابد ان يكونوا ممضين من موظف المنطقة ومختومين بختمها عشان متبقاش ورقة من الشارع
*- في التربية والتعليم بعد ماكانوا بياخدو الايصال رجعوا بعد كدة بقي يمضي عليه موظف الاكاديمية ويتركه مرة اخري مع المتعاقد لضمان انه سلم الاصول

*** حتي لايلدغ المؤمن من جحره مرتين, وانتوا عارفين اهمال موظفي الازهر الجسيم وضميرهم الاسود في مستقبل الناس

كلام سليم
احسنت

كلمك كويس
بس التنفيذ صعب ان ماكنش مستحيل
يعني تخيل الموظف المتعجرف ده لما تقولي اديني ايصال
هيقولك وبكل بجاحة : شوف لك حد يبقى يستلم منك
وانت هتعمل ايه يا غلبان
الله لا يوريك الموظفين بتوع الشرقية
طلعوا عين زميلتي تخصص تربية رياضية
كانوا بيقولوا لها انتي مش تربوي روحي هاتي لنا حاجة تثبت انك تربوي وطلعوا عينهم
وفي الآخر دخلا لوكيل الوزارة 4 مرات على ما قبلوا ورقها
وطلعت الروقة بتاعتها من الاكاديمية فيها خطأ في التخصص
رجعت تاني للمنطقة قالوا لها ملناش دعوة
روحي القطاع في مصر
البنت كانت حامل اجرت عربية مخصوص وراحت القطاع
في القطاع قالوا لها المفروض الموظف اللي من المنطقة هو اللي يجي يصحح الاخطاء وبالفعل شوفنا هنا موظف من كفر الشيخ بيعدل الاخطاء بتاعة منطقته

يعني من الآخر
اللي في الشرقية منتهى القرف في المعاملة

وتوتة توتة
خلصت الحدوتة

لا توجد رقابة على الاداريين لأنهم حاقدين عليك وحسبنا الله ونعم الوكيل

حلوة قوي الحدوتة ديه يا شيماء وربنا ما يوقعنا تحت اديهم ابدا لانهم في منتهي اتعجرف فعلا والله زي ما يكونوا هم رؤساء الدولة واحنا مش هنقول الشعب لا العبيد
انا كمان من الشرقية وبؤكد على كلام شيماء انه لايمكن نقدر نتطاول عليهم ونطلب منهم وصل ابددا

ممكن تصور الاصول وبيمضى على الصورة انها صورة طبق الاصل وانه استلم الاصل مع ختم المعهد
وتسلم الاصل
ويتم ارسلها من المعهد عن طريق البريد
وفى هذه الحالة تستطيع ان تستخدم الصورة المختومة كالأصل

ده اذا كان فى حد فاهم حاجة

ممكن تصور الاصول وبيمضى على الصورة انها صورة طبق الاصل وانه استلم الاصل مع ختم المعهد
وتسلم الاصل
ويتم ارسلها من المعهد عن طريق البريد
وفى هذه الحالة تستطيع ان تستخدم الصورة المختومة كالأصل

ده اذا كان فى حد فاهم حاجة

الكلام ده مش ينفع في الشرقية
ده احنا عندنا استاذ اسمه ..........ولا بلاش
بجد هو اسسم عائلته الهابط
بس فعلا هو بيجيب هبوط لاي واحد عايز يخلص ورق هناك منه

شهادة icdl مش ممكن تتطلع نسخة تانيه يجب الحفاظ عليها

والله احنا الموظف عندنا شخصية زفت بس بيخاف من الفاهم وانا اتوقع انه بنسبة 100 % مش هيديني ايصال وهعمل الاتي:
1- محضر في الشئون القانونية في المنطقة انه رفض يستلم شهادة الاي سي دي ال بايصال
2-صورة من المحضر ورقمه وعلي النيابة الادارية مباشرة
3- غصبا عنه بامر من النيابة هيديني ايصال
* لانه علي رقبتي اني اسلم اصل الاي سي دي ال بدون ايصال مختوم والبعض اتكوي منه قبل كده في تقديم الاوراق للامتحان والموضوع اتنشر في جريدة الجمهورية وقتها
*غير اني كاره الموظف دة مووووت وكمان من طبقة الفتايين والمتعجرفين واعداء الليفة

معظمهم غلابة بس بيحبوا يترسموا ويعيشوا الدور
على ايه او ليه مش عارف !!

مفيش حاجة وصلت العهد بخصوص تسليم الاصول