<div align="center">كان فيه مسابقة بحثية في المدرسة
طلبوا بحث يعني
قمت عملت البحث ده
وقدمته
والنتيجة لسه ما طلعتش

كنت بتكلم مع خالد الجن بقى فقالي إن ما حدش هيهتم إنه يقرا بحث زي ده
ولو حد خدوه على جهازه
فبرضه مش هيقراه
وبعدين العبارة إللي بقيت مكررة أكتر من اللازم اليومين دول
[[ما حدش بيقرا وإللي بيقرا مش بيفهم وإللي بيفهم مش مهتم ... إلخ]]

أنا عاوز أتحداه علانية وأقوله لأ أعضاء المنتدى عقلياتهم مش زي ما إنت متخيلهم
والناس هتاخد البحث وهتقراه ونفتح موضوع للنقاش
وهيبقى موضوع فظيع :rolleyes:

أوك الموضوع متوقف عليكم دلوقتي
أنا البحث ده تعبت فيه جداً لدرجة إنه خد مني أكتر من 40 يوم
على الإنترنت وفي المكتبات ومراكز البحث و إلخ إلخ إلخ
وبصراحة أنا هنجت عشان أطلع البحث بالطريقة ديه

اعتبروني بحكيلكم بس عن البحث في الموضوع ده
إللي عاوز نسخة من البحث التمن بسيط جداً وبيتمثل في 3 حاجات
1- رسالة خاصة أو رد في الموضوع ده بيطلب عن طريقه نسخة من البحث إللي هبتعوه برضه في رسالة خاصة
2- تعهد بعدم النشر أو النسخ لأي فرد داخل أو خارج المنتدى إلى الحصول على إذن خاص أو بعد نشر إذن عام من الكاتب
3- المشاركة في المناقشة التي ستقام للبحث أو عنه مع الكاتب وإللي هيحددها الأعضاء إللي ناوين يقروا البحث

البحث عنوانه "زيادة مشاركة الشباب السياسية والشعبية"
أنا أعتقد إنه موضوعي (يتسم بالموضوعية :P ) أكتر من اللازم
ومليء بالمراجع وكان أحد الشروط لتقديم البحث ألا يقل عن 20 صفحة
أنا جاهز لتلقي الطلبات
وبفكركم إن أنا متفائل وأهبل .. بس مش متشائم وعاقل (http://www.thanwya.com/forums/index.php?showtopic=21950&hl=)</div>

انا اول طلب
واتعهد باللى انت قلتة

سلام عليكم
انا بقا تانى طالب واتعهد باللى انتا قولته بردو

تم الموافقة على الطلبات وجاري الإرسال
شكراً على تفاعلكم
ويا رب يعجبكم

السلام عليكم ورحمة الله وبركاته
أنا ثالث طلب وبإذن الله ملتزمة بالشروط اللي إنت قلتها..

تم الموافقة على الطلب
وجاري الإرسال
:)

4 طلب واتعهد انى افهمه واهتمم بيه والشرةط موافقه عليها

تم الموافقة على الطلب
وجاري الإرسال
:)

ده البنات بإنهم ناويين يقتحموا الحياة السياسية :)

لهم حق يعملوا باسوورد ;)

خامس طلب ، أتعهد بما سبق ذكره

وشكراً لك

وبالتوفيق دائماً

تم الموافقة على الطلب
وجاري الإرسال
:)
شكراً لكل من تفاعلوا ولم أشكرهم إلى الأن
فتاة الإسلام
نانسي
سترونج مان

يا ريت يا جماعة إللي يقرا البحث يقول في الموضوع هنا
عشان نعرف هنبدأ المناقشة إمتى
ولو فيه ملاحظات ممكن يكتبها لغاية لما يجي ميعاد المناقشة لحسن ينسى

<div align="center">السلام عليكم

اولا يا صلاح مش لازم اطلب منك الموضوع او البحث عشان اقراه

تقريبا انا كنت بكتب شعر ومواضيع وكنت بنشرها ( دا لو خايف على حقوق الملكية الفكرية )

ثانيا : انتا تعرض الموضوع قدام الكل ونتناقش فيه

ثالثا : مشاركة سياسية من اي نوع ؟ انتا لازم كنت توضح اهني مشاركة سياسية ممكن تولي منصب أو حق الانتخاب او المشاركة الفعلية في الأحزاب وكدا؟

رابعا: ياريت تنشره في موضوع مستقل ونتكلم فيه اما رسايل ولأ مش هنكون للأسف زي الأطرش في الزفه او اي واحد يزور الموضوع ميعرفش بيتكلم عن ايه

ياريت تتقبل رأيي يا صلاح :)

وفي الاول والاخر مجرد وجهات نظر

سلام عليكم</div>

1- طالما جاي تناقش كنت يا ريت تناقشني في رسالة خاصة بدل الموضوع ما شكله يتغير
2- مش عيب لما تطلب مني الموضوع ومش كتير على التعب إللي تعبه
3- مش خايف على حقوق الملكية الفكرية
كل إللي طالبوه تعهد بمناقشة الموضوع عشان إللي عاوز البحث بس هوه إللي ياخده
مش أي حد كده ويقول هناقشه بكره لا بعد بكره لا بعد بعده

رجاء خاص من المشرفين حذف المشاركتين دول
أو يا ريت تعدل مشاركتك يا بري معلش ونكمل في الخاص
وبعدين أنا ما تلقتش ولا رسالة خاصة ومش عاوز رسايل خاصة والمناقشة مش هتكون في الرسايل الخاصة
حتة الرسالة الخاصة بس عشان أبعت لينك تحميل الملف بشكل خاص بدون إطلاع باقي الأعضاء (الغير مهتمين) على اللينك
واسأل كل إللي اتبعتلهم اللينك
وبعدين لما هنعمل موضوع جديد بإذن الله لما الأعضاء تقرا البحث وتقرر النقاط إللي هتعلق عليها
إللي ما كانش مهتم بالبحث مش هيضطر إنه يدخل الموضوع فمش هيشوف حاجة فمش هيكون لا أطرش ولا فيه زفة
كل إللي طالبوه منك تعهد إنك مش هتتديه لحد وبعدين إنك تناقشه لما تتحدد ميعاد المناقشة
:)

<div align="center">اوكي زي ما تحب

وملهاش لازمة حذف المشاركات برضو انا قولت المفروض الموضوع ينعرض تاما على الموقع بدال مفيش سبب مقنع لانك تبعته في رسالة خاصة واتعهد او لأ

وتقريبا انا رأيي منطقي ومفيهوش اي اساءة ليك وواضح جدا يعني مش متطلب حذف للردين دول

اما اني اعدل ردي فتقريبا انا ردي كان محترم جدا ومفيهوش اي خطأ عشان اعدله

وانا مش مجبور اني اعدل رأيي او لأ

انا بتكلم معاك بمنطقيه واضحة جدا




وتقريبا حق اي عضو يعرف الموضوع بيتكلم عن ايه يباى انتا مكنتش عملت الموضوع وعرضت طلبك في رسالة خاصة

اما اننا نتكلم سوا عندك ايميلي في البروفايل :)

سلام عليكم</div>

تم تبادل وجهات النظر وتم التوصل لحل نهائي
وتم إنهاء الخلاف
وتمت الموافقة على الطلب السادس
وتم الإرسال كذلك
شكراً على تفاعلكم معنا
رجاء ربط الأحزمة
:)

لا زال الموضوع سارياً وستتحدد أول ميعاد للمناقشة بعد مرور أسبوع على وضع الموضوع
:)
شكراً لتفاعلكم معنا

البحث رائع يابو الصلح وغني بالمعلومات والأفكار
وأنصح جميع إخواني وأخواتي ممن تسنى لهم الحصول على البحث بقرائته في أقرب وقت ممكن
أنا ألقيت عليه نظرة تجريدية سريعة
وجاهز للمناقشة معاك في أي جزئية

على فكرة يا باشا أنا إللي المفروض أقلك العبارة ديه

أنا جاهز للمناقشة

لأني ببساطة عاوزكم تقروا البحث من فوق (من بعيد يعني)

يعني كأنكم دكاترة وأنا بقدم طلب للحصول على رسالة والموافقة عليها

إنتوا إللي هتناقشوني
:)
وتوضحولي غلطي وتعرفوني مقامي
تستفسروا عن بعض النقاط التي لا تبدو منطقية
تعدلوا في الرسالة من وجهة نظركم
تنقدوها
توضحوا أماكن الضعف
وما إلى ذلك
ع العموم شكراً لتفاعلك
وشكراً جزيلاً لإطرائك على بحثي
:)

هذا الملف تم تحميلة 13 مرات حتى الان

عدد الطلبات 6
مرة أنا حملتوه علشان أتأكد من اللينك وما حملتوش تاني أو مش متأكد يمكن حملتوه مرة تاني
طب والباقي؟
مش مشكلة أنا هظن بيكم كلكم خير وهعتقد إن فيه حد مثلاً فشل في تحميله أو حملوه وحذفوه أكتر من مرة
ما علينا مش ده موضوعنا يا جماعة

الموضوع إن أنا في الرد القبل الأخير لهذا الرد
حددت ميعاد المناقشة بعد أسبوع أي اليوم ولو أردنا الدقة ربما اخترنا أن تبدأ مع دقات الثامنة والنصف مساءاً
حسناً لم أتلق من الأعضاء حتى الآن رداً بالإيجاب أو بالسلب
نسيتوا إللي اتفقنا عليه؟
ع العموم إللي نسي الحكاية خالص بإذن الله هفكروه رسالة خاصة لو ما دخلش هنا
:)
أشوفكم إنهاردة إن شاء الله

انا لسة مكملتش قراءة
هى المناقشة امتى؟
النهاردة؟؟؟

المفورض إن إحنا هنتقابل إنةهاردة هنا على الأقل عشان نحدد ميعاد المناقشة
سيتم تحديد المناقشة بعد أسبوع من تاريخ وضع الموضوع
يعني إنهاردة عاوزين ميعاد يتفق عليه كل المشاركين لبدء المناقشة
بس يا رب ما يتبعتش بعيد أوي
:)

يا شباب
The Sad Smile
Medooo
فتاة الإسلام
Nancey 2006
Strong Man
محمد البري
خالد الجن

عاوزين نحدد ميعاد نبدأ فيه المناقشة
ولا إنتوا رجعتوا في كلامكوا؟

طيب امتى؟؟؟؟؟؟
بعد بكرة ينفع؟؟؟؟؟؟؟؟؟؟؟؟؟

المشكلة دلوقتي في بقية الأعضاء
هل بعد بكرة هيناسبهم؟
خلاص أنا ما عنديش مشكلة ممكن بعد كرة لو جاهزة
نبدأ الموضوع والمتأخر يحصلنا
وقبل ما نبدأ هنديهم تنويه بالرسايل الخاصة
عشان شكلهم مش بيشوفوا الموضوع
شكراً للتفاعل يا بسمة
:)

يوم الأربعاء حوالي الساعة 12 مساءاً اقترحنا يكون ميعاد بدء المناقشة إنهاردة
مش عارف هيبقى إمتى لسه متوقف على الأعضاء
ع الموم إن شاء الله هبعتلكم كلكم رسالة خاصة عشان تنتبهوا
وبعدين نبدأ الموضوع وكل إللي قرا يبقى يحصلنا
محتاج واحد بس يقوللي إنه جاهز يناقش
:)