طلب التحقيق مع مدرس تصالح مع ولى أمر اعتدى عليه..

بدر يطالب المعلمين بعدم قبول إساءة الطلاب لهم

الخميس، 28 يناير 2010 - 21:46

http://www.youm7.com/images/NewsPics/large/s120106195116.jpg الدكتور أحمد زكى بدر وزير التربية والتعليم
كتب حاتم سالم
http://www.youm7.com/images/graphics/lg-addthis-en.gif (http://www.youm7.com/bookmark.php?v=20) http://www.youm7.com/images/graphics/igoogle.gif (http://www.google.com/ig/adde?moduleurl=http://activedd.googlecode.com/svn/trunk/iGoogle/Gadgets/Youm7/Youm7.xml) طلب الدكتور أحمد زكى بدر، وزير التربية والتعليم، من المعلمين عدم التنازل عن حقوقهم فى حالة تعرضهم لأى إساءات وتجاوزات من جانب الطلاب أو أولياء أمورهم، مهدداً بإنزال عقاب شديد ضد أى معلم يتنازل عن حقه "لأنه بذلك يفرط فى حق وزارة التربية والتعليم بالكامل وهو ما لن أقبله" حسب قوله.

وأوضح الوزير الجديد، على هامش لقائه بجمعية أصحاب المدارس الخاصة، أنه فوجئ أمس بورقة داخل بريده تفيد بقبول معلم الصلح مع ولى أمر اعتدى عليه داخل المدرسة، فقرر استدعاء المعلم والتحقيق معه ومحاسبته لتنازله عن حقه بما يهز من صورته، وقال "لن أقبل المساس بأى معلم ومن يخطئ فى حقه من أولياء الأمور أو الطلاب سيلقى من الوزارة حساباً عسيراً".

وأكد أنه ظل يزور معلميه فى منازلهم حتى رحلوا عن الحياة، وحكى أنه حينما كان طالباً جامعياً أصر على زيارة محافظة المنيا لأن إحدى مدرساته بالمرحلة الابتدائية تعيش هناك وظل حريصاً على تلك العادة لمدة 15 عاماً حتى توفَّت، فلمَّا أصبح رئيساً لجامعة عين شمس اكتشف أن أبناءها صاروا طلاباً بها فتواصل معهم، حسب قوله.

وقال "بدر" إن المعلم الذى كان يمنحه درساً بالمنزل، فى أوائل السبعينيات من القرن الماضى، كان يحصل على 6 جنيهات فى الشهر مقابل 4 حصص كل واحدة منها ثمنها جنيه ونصف، وأوضح أن المعلم كان يرفض الحصول عليهم ويرحل دون تقاضى مقابل الحصص، وهو ما كان يدفع والده لإجباره على اللحاق به فى الشارع والإلحاح عليه للحصول على حقه المالى.

عارف يا زيزو , أفلحت إن صدقت.

والله ممكن ينصلح حالنا, وحال التعليم , ويعرف الطلب إن فيه فرق بين المعلم وبياع الخضار

لإن الطالب وولي الأمر مع الأسف الشديد معدش حد فيهم شايف فرق بين المعلم وبياع الخضار

علشان الطلب أو ولي الأمر لما ميعجبوش كلام بياع الخضار بيعمل إيه؟؟؟؟؟؟؟؟

انتم عارفين بقى!!!

ومع الأسف الشديد
وضع الطالب وولي أمره المعلم في كفة بياع الخضار

طبعا مش أي بياع خضار بقول عليه!!

ولا أي معلم برضه بقول عليه!!

لكن الاحتياط واجب

الف تحيه لهذا الوزير

لعل وعسي تكون هذه هي البداية لعودة هيبة المعلم

الله يفتح عليك كنت فين من زمان!!!!! بجد الموضع زاد قوى وبقت قلة الادب بتاعة الطلاب لا حصر لها حتى اصبح المعلم بلا قيمة ارجو التنفيذ فوريا

كرامة المعلم من كرامة الوزير
عايزين فعل

عموما الكلام مبشر وياريت المدرس تعود له هيبته ومكانته التي كان عليها من قبل ولكن للاسف هناك قله من المدرسين يجعلون الطلبة يتجرئون عليهم وانتم تعلمون لماذا

الله يفتح عليك كنت فين من زمان!!!!! بجد الموضع زاد قوى وبقت قلة الادب بتاعة الطلاب لا حصر لها حتى اصبح المعلم بلا قيمة ارجو التنفيذ فورياااااااااااااااااااااااااااااااااااااااااااااا اااااااا

نرى بشاير الخير قد هلت نتمنى دوامها

الله يكرمك ياسيادة الوزير وتكون ناصفا للمعلمين وتثبت المتعاقدين

كنت بتاخد درس خصوصى فى أوائل السبعينيات

الله يبارك فيك يا دكتور بدر وانت رجل محترم وانت نصير المعلم

كلام يبشر بالخير مش عارف امال الكلام اللى سمعناه عن الراجل ده حكايته ايه

بداية موفقة ونتمنى ان يسير الوزير على هذا المنهاج المحترم وعدم الانسياق للضغوطات حتى تعود هيبة المعلم وينصلح حال المنظومة التعليمية برمتها

ربنا يكرمه وينهض بالتعليم ويرفع راس المعلم
ويعتمد النتيجة ويرحمنا بئه

الرجاء الخاص تجعل الدروس الخصوصية جريمة يستحق فاعلها عقوبة وتغلق المرسة فى وجوههم

الله عليك يا بدر رائع والله انطباع المعلمين تغير كثيرا عما سمعنا بة عنك من المصدر غير الصحيحة فأنت حقاً رائع من الناحية الاعلامية ونرجو مزيد من التفعيل لهذا الكلام فلابد من عودة كرامة المعلم المصري.

ربنا يستر

بارك الله فيك

بارك الله لنا فى سيادتكم

ربنا يقويك يا سيادة الوزير وتكون عصا الحق التى تضرب على يد كل من يمس المعلم والمربى :d

يارب ترجع كرامة المعلم وهيبته زى زمان ده ممكن يحصل ؟ يارب يكون بدر بادرة امل للمعلمين

من هنا تكون البداية بداية الكرامة للمدرس من بعد ما ضيعها حسين كامل بهاء الدين حسبى اللة ونعم الوكيل فية واللة لا يهمنى كادر ولا اى سوى كرامة المدرس وهيبتة فى فى الفصل ونظرة المجتمع لة دى اهم عندى من اى فلوس اتمنى ان يكون الجميع على ه>ا الموقف لان بدية الصح ان احافظ على كرامة المدرس ووقارة داخل وخارج الفصل شكرا جزيلا معالى الوزير رفع اللة شانك كما رفعت شان المدرس والعلم

بداية جيدة وهو دا الصح كرامة المعلم وهيبته امام ولى الامر والطلاب بداية النجاح للعملية التعليمية وعودة كرامة المدرس التى اضاعوعها سابقيه .الى الامام يا سيادة الوزير الجرىء

بارك الله فيك
فعلا
هيبة المدرس من هيبة وزارة التربية والتعليم بأكملها

كلام مهم جدا وان صح سوف يعيد هيبة المعلم

يارب الكلام دا يتنفذ

تعبنا بقى من المدارس والفوضى الي فيها :angry2:

يا مسهل ربنا يصلح الحال

اتهام بدون مستند او دليل
هو قذف ل : محصن او محصنة
اذا كنت مسلم
لا تفعل ذلك
لا تضيع صلاتك و عبادتك لله .......... يا اخى
قل معى :
استغفر الله العظيم
التواب الرحيم
من كل ذنب او معصية
تبت الى الله
و رجعت الى الله
و ندمت على ما فعلت
و عزمت على اننى لا اعود الى المعاصى و الى الذنب ابدا
و برئت من كل دين ........ يخالف دين الاسلام
رضيت بالله ربا
و بالاسلام دينا
و بمحمد عبده و رسوله .. نبيا و رسولا
و اموت و احيا على قول :
لا اله الا الله محمد رسول الله

يارب يا سيادة الوزير تكون فعلا حاسس بالمعلم اللى بيتعب اللى بشقى اللى المدرسة اللى بيعمل فيها تبعد عن محل سكنه 40كيلو متر ومواصلات سيئة للغاية مع أنه أول الدفعه بتعته ومعاه ماجستير فى التربية واهانه من المدرسيين الى فى البلد وحرب جواسيس من المدرسين القدامى وحقد منهم واهانه شديده من الطلبه وأولياء الامور لان المدرس المتعاقد اللى بيقطع هذه المسافه الشاقة للوصول من المكان الذى يسكن فيه أولياء الامور بيعتبروه غريب أو ملهوش ديه ممكن يقتل فى المدرسه وتعلق رأسه على الباب عبرة لكل معلم متعاقد بيعمل فى أقاصى الريف وبيعمل علشان لقمة العيش وانا بعترف انا بشتغل مش علشان مقولش اننا عاطل لأ علشان اعرف اجيب اكل مع انى فى الحقيقة لاأعتبر من العاملين ولا اشترى أكل لان ببساطة 300 جنيه اللى بشحذهم من السكرتير اللى بيجيب المرتب يوم 7 فى الشهر الجديد للمتعاقدين ثمن المواصلات واللى بيفضل ممكن يجيب عيش وفول يعنى ممكن الفول يغلى بعد كده طيب نعمل ايه ههههههه ................. دا غير الاتاوات اللى بندفعها ل .........ول........... وكمان غير القرف اللى بنشوفه أضحكم على حاجة مرة أمين التوريدات بتاع المدرسة دخل ومعاه دفتر المتابعه وشخط فيا قالى يأستاذ فين دفترك أنا جيى أتبعك المهم انا حسبت أنه بيهرج ولكن مكنش فيه وقت فى الحصه علشان اضيعه معاه والا كان كتب فيا تقرير للمدير وعطيته الدفتر ودفترى لايعلى عليه بشهادة الموجه الاول والموجه لقيته بيقول التحضير به مش عاجبنى انتو عارفين مين اللى بيقولى كده أمين التوريدات اللى بيفوك الخط بالعافية (المهم تمالكت اعصابى وقلت بهدلينا كمان وكمان يابلد) هو ده ياجناب معالى الوزير حال المتعاقدين اللى دخلوا أمتحان الكادر اللى هم تايهين فى وسط المولد:slap1qk6:

والله معاه حق لان انا فى مدرسه صناعيه بنين والولاد حاجه مش ممكن ولما طالب يشاغب واكتب فيه مذكره الاقى 100 مدرس وعامل وولى امر علشان اسامحه اضطر اسامحه علشان خاطر زملائى بس ده غلط والمدير مره زعل من مدرسه علشان اتنازلت فعلا عن حقها ويارب كلام الوزير يجيب نتيجه مع المعلم وميتنازلش عن حقه علشان يبقى له كرامه داخل المدرسه

اشعر ان هناك من سيعيد الي المدرس هيبته التي كان قد قارب علي فقدانها

لرجوا ان يصاحب ذلك احترام المعلم من قبل ادارته ورؤسائه اولا حتي لا يفقد الموضوع مصداقيته افلح ان صدق

الله عليك ياوزيرنا

أول مرة أسمع مسؤول يتكلم عن كرامة المدرس بارك الله فيه

أفلح إن صدق

لا بد من عودة هيبة المدرس ان اردنا لهذه البلد ان تتقدم

ياريت نأخذ كلام سيادة الوزير بجد ولا نفرط فى حقوقنا ...... كما نؤدى واجبنا على أكمل وجه

[quote=علي عبدالرحمن2;1928218] بداية موفقة ونتمنى ان يسير الوزير على هذا المنهاج المحترم وعدم الانسياق للضغوطات حتى تعود هيبة المعلم وينصلح حال المنظومة التعليمية برمتها[
مع معك نرجوا ونتمنى ان يسير الوزير على هذا المنهاج المحترم

عزيزي الوزير / لقد هجرت مصر رغم حبي الشديد لها وسافرت إلى بلد عربي هربا من ضياع كرامتي في بلدي طبقا لقوانين الوزارة التي تمنح ولي الأمر ضرب المعلم على قفاه وسحله على الأرض. واعتبار تطاول الطالب على المعلم حتى الضرب أمرا طبيعيا. فإذا أردت أن تقهر معلما عليك أن تجعل ابنك في فصله .
أرجو من الوزير الجدية في هذا الأمر حتى تعود هيبة المعلم .وبهذه الهيبة وحدها ينصلح حال الجيل ويتقدم العلم كما قال الشاعر:
والعلم إن لم تكتنفه شمائل . .تعليه كان مطية الإخفاق
لا تحسبن العلم ينفع وحده . . ما لم يتوج ربه بخلاق

أتمنى ا ن تكون بداية لعودة الهيبه المفقوده
والله الموفق

هذه هي بدايه اصلاح التعليم دا الكلام دا لو صحيح فعلا

اخيرا هنرجع للزمن الجميل زمن قم للمعلم ووفيه التبجيلا كاد المعلم ان يكون رسولا
حفظك الله لنا يا سيادة الوزير واسعدك الله كما اسعدت قلوبنا باهتمامك بكرامتنا اعزك الله وسدد خطاك على طريق الحق دوما

عمار يا مصر.................عمار يامصر
:abdoog8::abdoog8::abdoog8::abdoog8::abdoog8::abdo og8::abdoog8::abdoog8::abdoog8::abdoog8::abdoog8:

تحية من القلب لهذا الوزير العظيم على هذا الكلام الجميل............. وإن دل ذلك على شىء فإ نما

يدل على الأصالة والاحترام من جانب هذا الوزيرالمحترم.......جعله الله زخرا لمصر وللمعلمين

لو حصل الموضوع ده حغير اسمى واخليه )فرحان قوى(