مشاهدة النسخة كاملة : كلية تجارة إنجليزي
فتاة_الإسلام 17-02-2007, 02:28 AM <span style="color:#009900"><div align="center">السلام عليكم ورحمة الله وبركاته
أصبحت كلية التجارة الإنجليزي تعتبر الآن من كليات القمة، نظراً لمركزها والمستقبل المهني لخريجيها.
وتعتبر جامعة حلوان هي أول جامعة في مصر أنشأت قسم اللغة الإنجليزية بكلية التجارة، تبعتها جامعتي عين شمس والقاهرة ثم بقية الأقاليم.
http://www.helwan.edu.eg/images/ara/1.jpg
شعار جامعة حلوان
http://www.helwan.edu.eg/ara/faculties/images/commer.jpg
كلية التجارة وإدارة الأعمال بحلوان
يدرس بهذه الكلية نخبة من أفضل الأساتذة، سافروا في بعثات للخارج وعادوا ليطبقوا ماحصلوه في هذه البعثات لرفع مستوى التعليم بالكلية.
تشترط جامعة حلوان لقبول الطلاب بقسم اللغة الإنجليزية بكلية التجارة الآتي:
حصول الطلاب على الثانوية العامة أو ما يعادلها·
· التحاقهم بالكلية عن طريق مكتب التنسيق أو محولين إلى الكلية·
· أن يحقق الطالب 80 % على الأقل فى اللغة الإنجليزية فى الثانوية العامة على أن يتم ترتيب الطلاب حسب الوزن النسبى للمجموع الكلى مضاف إليه مجموع اللغة الإنجليزية والمستوى الخاص باللغة الإنجليزية إن وجد وذلك من أجل اختيار العدد من بين المتقدمين·
· ألا يكون الطالب منتسباً أو باقياً للإعادة·
· أن يكون خريج مدرسة لغات أو (IGCSE)·
ويبدأ التخصص فى الفرقة الثالثة حيث توجد شعبة اقتصاديات التجارة الخارجية Foreign trade وشعبة المحاسبة Accounting وشعبة إدارة الأعمال Management وشعبة الاقتصاد Economics وشعبة العلاقات الدولية International affairs.
بالنسبة للمواد التي تدرس في السنة الأولى: سبعة مواد في الفصل الدراسي الأول، وستة مواد في الفصل الدراسي الثاني.
الفصل الدراسي الأول:
1- Accounting principles مباديء المحاسبة.
2- Principles of Economics مباديء الإقتصاد.
3- Principles of Management مباديء الإدارة.
4- Political science العلوم السياسية.
5- Mathematics الرياضيات والتأمين والإحصاء التطبيقي.
6- القانون.
7- Terminology دراسة بلغة ( دراسة مبسطة للإقتصاد والإدارة باللغة العربية ).
الفصل الدراسي الثاني:
1- Accounting Principles 2 مباديء المحاسبة 2.
2- Economice resources and evolution تطور وموارد.
3- Organization Behaviour سلوك إداري.
4- Public Administration إدارة عامة.
5- Computer حاسبات.
6- Microeconomics إقتصاد جزئي.
وتدرس هذه المواد بكتب أجنيبة وأمريكية عدا القانون والـ Terminology فمؤلفين الكتب أساتذة بالجامعة..
وللمزيد من المعلومات عن كلية التجارة وإدارة الأعمال جامعة حلوان يمكنكم الإطلاع على هذا الرابط: كلية التجارة وإدارة الأعمال جامعة حلوان (http://193.227.34.212/tegara/index.html)
أتمنى أن أكون قد إستطعت إفادتكم إن شاء الله..
السلام عليكم ورحمة الله وبركاته</div></span>
ReceptiveGuy 17-02-2007, 02:45 AM أنا عاوز أعرف حاجة واحدة بس
طبعاً الأول شكراً ع الموضوع
بس هل النظام إللي قلتيه بتاع المواد
بينطبق بنفس حذافيره في جامعة القاهرة؟
وحكاية إن الكتب أجنبي ما عدا كتابين بس
ولا كل جامعة وحسب ظروفها؟
فتاة_الإسلام 17-02-2007, 02:59 AM السلام عليكم ورحمة الله وبركاته
أولاً العفو أخي صلاح الدين، وشكراً لردك..
ثانياً بالنسبة للكتب أعتقد أن كل جامعة حسب ظروفها،، بصراحة لا أعلم ما يتم بجامعة القاهرة أو عين شمس من هذه الجهة..
أما بالنسبة للمواد فهناك إختلاف بين الجامعات،، فمثلاًً هناك مادة political science العلوم السياسية بجامعة حلوان لا تدرس بغيرها..
وأي إستفسار لديك إكتبه وسأرد عليك بإذن الله..
ReceptiveGuy 17-02-2007, 03:02 AM شكراً مرة تانية على الموضوع وشكراً ع الرد
:)
فتاة_الإسلام 17-02-2007, 03:19 AM العفو أخي صلاح الدين وشكراً لمرورك وردك..
عمر عابد الشريف 17-02-2007, 07:53 AM انا ف تجارة انجليزي بنها بس عايش والله مستقبل الكليه جميل كل الفلوس اللي تجيلك تجيب بيهم بدل علشان البرستيج
د.حاملة المسك 17-02-2007, 06:39 PM جزاكى الله خيرا يا حبيبتى
موضوع ممتاز ومعلومات جميلة تفيد الطلبة ان شاء الله
فتاة_الإسلام 17-02-2007, 06:49 PM جزاني الله وإياكِ كل خير بإذن الله يا مها
وبإذن الله الطلبة يستفيدوا،،
شكراً لردك..
zizo2_2 18-02-2007, 05:20 PM اتمنى ألا تؤثر دراستكم باللغة الغنجليزية على هويتكم العربية
وشكرا للمعلومات ع يا فتاة الاسلام
فتاة_الإسلام 18-02-2007, 05:39 PM بإذن الله لن يحدث ذلك،،
شكراً للمشاركة باشمهندس عبد العظيم..
abdelaziz shehata 19-02-2007, 12:34 AM شكرا على المعلومات المفيده دي
فتاة_الإسلام 19-02-2007, 12:39 AM العفو أخي والحمد لله إني قدرت أفيد،،
شكراً لردك وأهلاً بك معنا..
CrazY Bo$S 05-08-2007, 03:07 AM <sup>عايز اسأل عن حاجة ؟
هل كل الدراسة باللغة الانجليزية ( ياريت طبعا ) ؟؟ ولا لأ </sup>
انا كنت عايزة اعرف هى بتاخد كام فى المية
Miss_CaR!zma 07-08-2007, 02:30 AM مشكوره يا دميله على الموضوع :rolleyes:
كويس انك قلتى حته التخصصات دى لانى مش كنت اعرف الا اداره اعمال
CrazY Bo$S 09-08-2007, 04:35 AM مش عيب عليهم ياخدو من مدارس اللغات - أن يكون خريج مدرسة لغات أو (IGCSE)· -- بس والمدارس الحكومية عالجزمة !! معلش يعنى
مش ده تشجيع للعولمة الأمريكية وطمس ثقافة الشعوب العربية *
فى تمييز واضح فى قبول الطلبة ولما كلموا الوزير قال ميعرفش ولما كلموا عميد الجامعة قال دى موجودة من قبل لما آجى * طب ماتعدلها ياعم *
مش عارف اكمل ............ بس خلاص
CrazY Bo$S 09-08-2007, 04:37 AM مش عيب عليهم ياخدو من مدارس اللغات - أن يكون خريج مدرسة لغات أو (IGCSE)· -- بس والمدارس الحكومية عالجزمة !! معلش يعنى
مش ده تشجيع للعولمة الأمريكية وطمس ثقافة الشعوب العربية *
فى تمييز واضح فى قبول الطلبة ولما كلموا الوزير قال ميعرفش ولما كلموا عميد الجامعة قال دى موجودة من قبل لما آجى * طب ماتعدلها ياعم *
مش عارف اكمل ............ بس خلاص
CrazY Bo$S 11-10-2007, 04:53 AM فكوها بقى
بقت بتاخد من كله
لومة fces 01-12-2007, 11:35 AM يا جماعة الكلام ده بينطبق على تجارة انجلش حلوان بس
لكن القاهرة لا
القاهرة بتاخد من كله عادى وكمان المواد مختلفة شوية مش زى حلوان
252525 09-12-2007, 02:59 PM علي فكره اول سنه يفتحوا تجاره انليزي في جامعه حلوان لجميع اقسام مدراس الثانوي العربي واللغات كمان
roo2a 27-01-2008, 09:16 PM ع فكرة انا عندى اقتراح ممكن تخلو نسبه مجموع الانجلش 90% بدل 80 % وتكون من المدارس الحكومية كمان مش مقصورة بس على مدارس اللغات لان بجد عاوزين ندخلها وياريت الاقتراح يوصل
عماد العمدة 19-07-2008, 05:39 PM انا جايب 367 منغير المستوى الرفيع و371 بالمستوى بس جغرافيا وجايب 43من50 فى الانجلش ينفع ادخل تجارة انجلش والمصاريف كام
المجموع الكلى 90 ونص% والانجلش 86% ارجو الرد بسرعة
عماد العمدة 19-07-2008, 05:54 PM اااارجو ا الرد بسرعة وشكرا
mohamed adel 20-07-2008, 01:26 AM انا سألت فى كليه تجاره القاهره طلعت باربعه الف و نصف
و فى بنها بثلاثه الاف و نصف
besho_91 20-07-2008, 01:32 AM انا سألت فى كليه تجاره القاهره طلعت باربعه الف و نصف
و فى بنها بثلاثه الاف و نصف
طب و بالنسبة لعين شمس المصاريف كام ؟؟؟
CrazY Bo$S 02-08-2008, 11:10 AM المصاريف موحدة 3000 على الجامعات كلها من غير الكتب اللى هيا اصلا ب 1200
عاوز تدخل تجارة إنجلش .. ومحتار ؟!! تعالى قول اللى انت عاوزه (http://www.thanwya.com/vb/showthread.php?t=59880)
mohamed adel 02-08-2008, 02:50 PM ازانا سالت عين شمس فى بيقول ب خمسه و فى بيقول بسته التالف جنيه و الله اعلم
زبادو 02-08-2008, 03:39 PM 40000 الاف جنيه وسعات فى ناس بيدفعوا 6000 الالف جنيه ده لو طلب منك تعمل انشاءات للكلية يعنى بيضحكوا على الناس بالفين جنيه زيادة بس هى مصاريفها الاصلية 4000
CrazY Bo$S 02-08-2008, 06:01 PM المصاريف موحدة على جميع الجامعات 3000 ده الاساسى
والكتب ب 1200 ودى إختياريه
وفاء البحر 02-08-2008, 10:58 PM شكرا ع المعلومات
زبادو 02-08-2008, 11:32 PM المصاريف موحدة على جميع الجامعات 3000 ده الاساسى
والكتب ب 1200 ودى إختياريه
سورى حضرتك انا قالولى ادفعى 4000 الاف جنيه وصاحبتى دفعت السنة اللى فاتت نفس الفلوس وفيه ناس دفعت 6000
mohamed adel 03-08-2008, 01:15 AM انا روحت وسالت و كل كلمه بكتبها متاكد منها و الا مكنتش كتبتها
nermin2006 09-08-2008, 12:55 AM ارجوكم عايزه حد يساعدني بجد انا جاتلي تجاره اقاليم و كمان الكليه ده مفيهاش english و هما مش كاتبين الكليات فيها قسم english او مفيهاش مش غلطتي يعني و دلوقتى لما سالت علي التحويل بيقولوا لو حولت لمحافظتي حبقي انتساب يعنى مش حاعرف ابقي تجاره english مع اني مجموعي يدخلني كليات تجاره و فيها english لكنهم كمان قالولي مينفعش احول الا للكليه الي في محافظتي ارجوكم حد يقول لي علي حل للمشكله دي بسرعه وليه مينفعش احول لكليه انا جايبه مجموعها و فيها english و يقولولي محافظتي بس ارجوكم الحقوني بحل للمشكله دي و اعمل ايه؟
Alextoday 11-08-2008, 05:29 PM :يعنى انا شايف الكليات كلها بتاخد من 80% لغه انجليزيه اش معنا اسكندريه عايزه 90% حاجه غريبه:confused::confused:
bondok fady 21-08-2008, 08:31 AM 39.5 فى الانجليزى مش ينفع
ymymym 22-08-2008, 02:59 AM انا عاوزه اعرف المصاريف كام بجد انا جامعه بني سويف تجاره انجليزي ارجوووووووووووكم ردوا عليا ضروري عشان بابا يعمل حسابه
minerva 06-09-2008, 04:54 PM يا جماعه انا قدمت تجاره انجليزى القاهره وفرقت معايا على درجتين وكنت عايزه اعرف فى بنى سويف اخدت من كام حد ادنى وكذلك بنها وهل ينفع احول دلوقتى ولا لأ ؟ بليز يا جماعه ردوا عليا بسرعه علشان الحق اتصرف ويا ريت لو حلوان كمان:confused:
vampire1188 06-09-2008, 05:55 PM عندك يا minerva .. العضوة ymymym في تجارة انجليش بني سويف ..
شوفيها كدا .. واساليها ..
minerva 06-09-2008, 09:46 PM مرسى لردك عليا ويا ريت يا ymymym تفدينى يمكن نكون بعد كده مع بعض ولا حاجه
Hanoda 06-09-2008, 11:06 PM ميرسي علي الموضوع الجميل ده والمعلومات الرائعة
لكني عاوزة اسالك سؤل
انااقدمت تجارة انجليشالقاهرة ومقبلتش عشان فرقت معايا علي درجة واحدة يعني انا جايبة 414 والكلية خدت من 415
فهل ممكن اقدم التماس ولا لأ ولو مش هينفع ممكن في سنة تانية احول انجليش
CrazY Bo$S 07-09-2008, 05:59 AM لأ انتى ممكن تنتظرى دورك فى قائمة الانتظار وان شاء الله ممكن تدخلى
sokrat101 07-09-2008, 06:20 AM مصاريف عين شمس السنة دى
تقريبا3500
ده غير الكتب اللى غالبا ب 1200 او 1300
ahlymisr 07-09-2008, 06:27 AM ساعديني يا فتاة الإسلام أنا ماقبلتش في تجارة إنجليزي عين شمس مع العلم أن مجموعي الإعتباري 402 فهل باب التحويل مازال مفتوح ولا لاء وهل لو حولت حلوان أو بنها هقبل إنجلش ولا لاء لأن نفسي أدخل إنجلش أرجو أنك تساعديني وتردي عليا في أسرع وقت
sokrat101 07-09-2008, 06:34 AM متهيالى باب التحويل اتقفل
انت عرفت النتيجة منين؟
والحد الادنى للمجموع الاعتبارى كان كام؟؟
هو مش ممكن تحول بين الجامعات دلوقتى
لكن متهيالى بين الكليات ف نفس الجامعة ممكن بعد شهر ولا حاجة من بدء الدراسة
وكل سنة وانت طيب
ymymym 07-09-2008, 06:56 AM يا جماعه انا قدمت تجاره انجليزى القاهره وفرقت معايا على درجتين وكنت عايزه اعرف فى بنى سويف اخدت من كام حد ادنى وكذلك بنها وهل ينفع احول دلوقتى ولا لأ ؟ بليز يا جماعه ردوا عليا بسرعه علشان الحق اتصرف ويا ريت لو حلوان كمان:confused:
والله يا مينيرفا انا نفسي معرفش بني سويف واخده كام يعني اليل فهمته من كلامك انك عاوزه مجموع تجاره الانجليزي موش العاديه هي الانجليزي لسه معرفش اي حاجه غير انهم بياخدوا طبعا مرحله تانيه ومجموع انجليزي فوق الاربعين لكن حد ادني كام واخدين معرفش لان لسه مافيش حاجه ظهرت غير كده بابا تقديم انجليزي في بني سويف هيخلص بكره يعني بكره اخر فرصه اما بقي لو انت يعاوزه تجاره العاديه بني سويف واخده كام فهي واخده 359.5 معتقدش انك بتسالي عليها بس موش عارفه قلتها ليه ما علينا قلتلك كل حاجه عن بنني سويف يا ستي اما ينفع تحولي دلوقتي الله اعلم معرفش روحي الكليه بكره او يعني النهارده كده علي الساعه انصحك يعني 10 عشان تسالي وتعرفي وتاخدي معاكي اوراقك وتلحقي لان لما تحولي وتقدمي انجليزي ممكن يا خد وقت طويل قوي وربنا يسهلك يا ستي ولو بعد الشر لو يعني مقبلتيش انجليزي موش لازم يعني احباط والم وتعب ومعرفش ايه لأ خليكي دايما قويه يا مينيرفا ماشي خليكي دايما واثقه من نفسك ومن ربنا
ahlymisr 07-09-2008, 08:37 AM بص يا سيدي تجارة إنجلش عين شمس واخده مجموع إعتباري 407 للأدبي و 407,5 للعلمي وبعدين أنا سمعت أنهم هيفتحوا باب التحويلات بعد نتيجة المرحلة الثالثة حد يطمني أرجوكم وشكرا
blackjoker15 07-09-2008, 08:53 AM هو انت عرفت منين انها خدت كده و الكلام ده اكيد ولا لا و ان شاء الله يفتحوا التحويل
sozatsh 07-09-2008, 11:47 AM السلام عليكم ورحمة الله وبركاتة فعلا ياجماعة عين شمس خدت 407 ادبي و47.5 علمي انا كنت مقدمة تجارة انجلش قاهرة وفرقت معايا علي درجة ونص فجبت حاجة اسمها بيان حالة من جامعة القاهرة وقدمت في عين شمس وقبلت الحمد لله بس اللي انا عايزة اسألو وياريت حد يجاوبني عليه هي فعلا تجارة انجلش عين شمس صعبة وانهي احسن عين شمس ولا حلوان وشكرا وربنا يوفقكم جميعا
blackjoker15 07-09-2008, 02:31 PM السلام عليكم ورحمة الله وبركاتة فعلا ياجماعة عين شمس خدت 407 ادبي و47.5 علمي انا كنت مقدمة تجارة انجلش قاهرة وفرقت معايا علي درجة ونص فجبت حاجة اسمها بيان حالة من جامعة القاهرة وقدمت في عين شمس وقبلت الحمد لله بس اللي انا عايزة اسألو وياريت حد يجاوبني عليه هي فعلا تجارة انجلش عين شمس صعبة وانهي احسن عين شمس ولا حلوان وشكرا وربنا يوفقكم جميعا
انا الحمد لله زيك بالظبط كنت جايب 413.5 و مقبلتش فى القاهره الحمد لله قبلت الناهرده فى عين شمس:d بعد مكنت خلاص ابتديت اقدم فى جامعات خاصه و كمان هيا طبعاً اصعب من القاهره و اعتقد حلوان اصعب منهم الاتنين:rolleyes:
minerva 07-09-2008, 11:47 PM يا جماعه ازاى انا النهارده كنت فى القاهره وقلولى مينفعش اصلا التحويل لعين شمس
omniahassan 26-09-2008, 01:39 AM انا فى تانية تجارة انجليزى المنصورة وهى فيها نفس المواد فى حلوان عدا مادة واحدة ولو حد عايز يعرف المصاريف هما ثلاث الاف:):):):):):):):)
chandeny 13-05-2009, 09:37 PM هاي يا جماعه انا تجاره eجامعه الازهر وعايزه اقول ان السنه دي اول سنه في الازهر يكون فيها0000
وعلي فكره الكليه دي رخمه ورزله وصعبه وانا بكره الداكتره ومن فضلكم حد يرد عليعا 000
سلااااااامي للجميع
|