Samir Elamir
31-01-2010, 01:10 PM
من يوميات المواطن اللى نايم ع المحطه( 2)
شديت نفس من روح معندانى
لقتنى بين الصحو والتوهان
و لقيت ايدين بتشد ف ودانى
وتقولى ياروح امك ده مش دكان
أنا قلت يا باشا روحى وجعانى
موصوف يدوسنى القطر وأنا نعسان
والبانجو ده مرهم لأحزانى
علشان أموت فى قهركم فرحان
**
فى السجن مرمى مزاجى فل الفل
ولا هاممنى المهانه ولا العذاب والذل
جدرانى لحم البلاد وروحى محبوسه
باتحمل الشلوت واتحمل الدوسه
واخد على دماغى بصرمه قديمه
واهتفلكم فى الانكسار والهزيمه
"كفاءه" زى محمد سعد فى الأفلام
بامشى ورا يا بقفايا عشان ماجيش قدام
شديت نفس من روح معندانى
لقتنى بين الصحو والتوهان
و لقيت ايدين بتشد ف ودانى
وتقولى ياروح امك ده مش دكان
أنا قلت يا باشا روحى وجعانى
موصوف يدوسنى القطر وأنا نعسان
والبانجو ده مرهم لأحزانى
علشان أموت فى قهركم فرحان
**
فى السجن مرمى مزاجى فل الفل
ولا هاممنى المهانه ولا العذاب والذل
جدرانى لحم البلاد وروحى محبوسه
باتحمل الشلوت واتحمل الدوسه
واخد على دماغى بصرمه قديمه
واهتفلكم فى الانكسار والهزيمه
"كفاءه" زى محمد سعد فى الأفلام
بامشى ورا يا بقفايا عشان ماجيش قدام