يا جماعة مفيش تثبيت اللى معاه دليل واحد انه فى تثبيت يقدمه
اللى بقولو عقد تعيين عقد خمس سنين تلاعب بالالفاظ مفيش اى دليل على كلمة تثبيت
الامتحان اللى امتحناه امتحان المرحلة الثانية من الكادر اقرأ الوصل وانت تعرف
زى ما خدنا المرحلة الاولى واحنا عقد اللى هينجح هياخد المرحلة الثانية وهو عقد برضوووو
ايه هتقبلو انكوا تكونوا عقووووووووود بعد ده كله
نحن المعلمون المتعاقدون يوجدمنا من يعمل بالعقد لأكثر من6 سنوات .
إن فكرة التعاقد هى لمن يعمل فى عمل موسمى أو عمل غير منتظم فيتم التعاقد معه لفترة لا تتعدى العام .
ولكن التعليم من الوظائف الدائمة فلماذا يتم التعاقد ,ولماذا لايكون تعيين رسمى فنحن نعمل أكثر من الأساسيين ولكن ليس لنا حقوق كل ما علينا هو واجبات فقط ,ف‘ن لم يكن لنا درجة وظيفية فلماذا قاموا بالتعاقد معنا.
إن كل منا له مكانه الذى يعمل به ولا يوجد أحد منا زيادة على رأس عمله.
ولماذا لا يكون تعيين وكلاء النيابة بالتعاقد
ولماذا لا يكون تعيين ضباط الشرطة بالتعاقد
ولماذا لايكون تعيين ضباط الجيش بالتعاقد
ولماذا لايكون تعيين الدبلوماسيين وموظفى الخارجية والسفارات بالتعاقد
وتحقيقا لمبدأ المساواة الذى تحدث عنه مدير الأكاديميةلماذا لا يعمل كل هؤلاء بالعقود مثلناولماذا لا يتقاضون نفس الراتب الذى نتقاضاه.
ولماذا لم يتم أختبارهم فى أكاديمية مخصصة لهم وأمتحانهم فى التربوى علشان بيتعاملوا مع الناس واللغة الأنجليزية واللغة العربية والتخصص والأخر وكيل النيابة أو الضابط مايخدش العقد بتاعه إلا لما ياخد الicdl
هم جم علينا علشان أحنا الفئة المغلوبة على أمرها فى البلدى.
ودائما
عمار يامصر ..................عمار يامصر.............عمار يامصر

هنستفاد ايه من كلامك فى الصميم و نسكت
يا جماعه لازم الكلام ده يوصل للمسئولين و يعرفو اننا لن نقبل و هيكون لينا وقفه لو تم التعاقد معنا مره اخرى
عايزين نسيب مرحله الاعتراض بينا و بين نفسناو ناخد موقف و لو مره فى حياتنا!!
ليه ميكونش سبب تأخير النتيحه هو جس نبضنا فى حكاية عقد معلم
و طبعا احنا ماابديناش الى الان رد فعل يذكر !! كله كلام بينا و بين بعض ( داخل الاروقة )

معلش احنا من دلوقتى لازم نكون لينا وقفه و نفكر فى المهم مش يبقى كل همنا النتيجة هتظهر امتى !!
و الاخوة المتفائلين زيادة اللى عمالين يقولو تعيين و مش فاهمين يعنى ايه تعيين للمرة المليون التعيين بيكون بالتعاقد او التثبيت و عقد المعلم المساعد مكتوب فه عقد تعيين
كلمة تعيين مش هى الكلمة اللى تفرح اوى لآنها مش تثبيت ولا حاجه

ياما نتحرك من دلوقتى و يكون لينا صوت ياما هنفضل طول عمرنا متعاقدين لغاية سن المعاش ده لو وصلنا لسن المعاش و احنا فى الوظيفه
و لو متحركناش دلوقتى و اعترضنا و الله مش هنعرف نعترض بعد كده ولا هنعرف نغير الوضع !!

افتكرو الازهر لما مكانوش مش هيطبقو الكادر و اضربو يوم عن التصحيح خدو الكادر و خدو كمان ايام مكافأة
و الخبراء فى وزارة العدل و غيرهم و غيرهم عرفو ياخدو حقوقهم

اللهم بلغت اللهم فاشهد

وانت عندك دليل انه مفيش تثبيت؟

وانت عندك دليل انه مفيش تثبيت؟
اكتر من دليل
1ــ من جريدة اليوم السابع ((وأكد عبد الحفيظ طايل، رئيس المركز، أن التأخر فى الإعلان عن نتائج اختبارات التعيين سيؤدى بالتبعية إلى تأجيل تسلَّمهم عقود التسكين على درجة "معلم" وتعطل تعيين معلمين شباب جدد فى الأماكن التى سيتركونها مع إعلان النتائج.))لا كلمة تاجيل استلامهم عقود!!!!! كمان كلمة تعيين تطلق على العقود لاحظ جملة (( تعطل تععين معلميين شباب جدد.....للاخر)معنى كده ان كلمة تعيين وتعاقد واحدة وهى لا تعنى تثبيت
2ـ انت كان مرتبك 174 ثم زاد الى 340 ودى كانت المرحلة الاولى من الكادر انت خدتها وانت متعاقد
الامتحان اللى اللى امتحنتحه فى 20/11/2009 كان للمرحلة الثانية من الكادر والدليل وصل الاكاديمية اقراه تجد مكتوب كادر المرحلة الثانية يعنى زيادة فى المرتب مع تغيير المسمى الوظيفى الى معلم مع فسخ عقود اللى سقطو شوفت شغل الابالسية يتخلصوا من زملائنا بالقانون والامتحان ويبقوا فى الشارع
ملاحظة
على فكرة انا والحمد لله اجاباتى كانت والحمد لله فى الامتحان ممتازة

ان شاء الله فيه تثبيت بشروا ولا تنفروا

ارحمووووووووووووووووووووونا والله حضراتكم تعبتونى وكرهت ادخل المنتدى من الاخبار المشؤوووووووووووووووووووووووووومه الى بتجيبوها كل شويه راحمونا بشروا ولا تنفروا وبعدين مواضعيكم دى منقوله من منتدى اخر مشهور

كل التصريحات بالفعل بتقول إنه مافيش تثبيت .. وإنه هيتم تسليم الناجحين من المعلمين عقد آخر لمدة خمس سنوات .. ودا طبعا فى تهديد لأمن الموظف ، ومن ناحية تانية مانقدرش مثلا ناخد أجازة بدون مرتب لو جاتلنا سفرية برة ..
دا بصراحة استخفاف بالمعلمين .. مافيش وزارة تانية بتعمل مع ولادها العمايل دى .. وحسبى الله ونعم الوكيل .

كل التصريحات بتقول مفيش تثبيت
ولو فيه تثبيت كان هيقوموا الدنيا ومش هيقعدوها ، وكانوا هيعملوا حفلات واشتغلات و ..........و............. وكانوا هيقولوا ( وعد فأوفى) ومن والكلام ده كله كتير........

مش عارف الجماعة اللي مستنيين تعيين دول جابوا م فين التفائل دا
مفيش تعيين
افهوا يا بشر

ارحمووووووووووووووووووووونا والله حضراتكم تعبتونى وكرهت ادخل المنتدى من الاخبار المشؤوووووووووووووووووووووووووومه الى بتجيبوها كل شويه راحمونا بشروا ولا تنفروا وبعدين مواضعيكم دى منقوله من منتدى اخر مشهور
اولا شكرااااااااا لردك
ثانيا هو عدم التثبيت شؤم
الرسول عليه الصلاة والسلام والقران الكريم نهانا عن التشائم
ثالثا هو الاشتراك فى المنتدى يمنع المشاركة فى منتيات اخرى ما هو انت بتتطلع لمرفة الاخبار فى منتديات بدليل قرائتك للموضوع فى المنتدى الاخر المشهور للعلم انا صاحب نفس المواضيع فى هذا المنتدى المشهور
محاولة منى لاوصل صوتنا لاكبر عدد حتى نوقف وقفة رجالة مرة واحدة لنطالب بابسط حقوقنا وهو التثبيت
وشكرااااااااااااااااااااااااااااااااااا

لاحول ولا قوة إلا بالله

مش عارف الجماعة اللي مستنيين تعيين دول جابوا م فين التفائل دا
مفيش تعيين
افهوا يا بشر
شكرا لردك واهتمامك
هو مش عيب التفائل ده نوع من الطموح
لكن
منبقاش زى النعام ونحط راسنا فى الرمال بل نطالب بحقنا بكل الوسائل المشروعة

وشكرااااااااااااا

أعلنت وزارة التنمية الإدارية بأن كل من يعمل بوظيفة عقد معلم مساعد بالتربية والتعليم سوف يتم تعيينهم جميعاً وليس بعقود خمس سنين كما صرح البعض وذلك يرجع الي عدم موافقة الرقابة الإدارية علي نظام العقود طويلة الأجل وعدم الموافقة علي قانون تغيير مسمي الوظيفة الحكومي للتعاقد بها وجاء هذا علي لسان الأستاذ/ سيد صابر وكيل وزارة التنمية الإدارية للشئزن التنفيذية
مقتبس من جريدة المصري اليوم

قانون رقم 155 لسنة 2007 بتعديل بعض أحكام قانون التعليمالصادر
بالقانون رقم 139 لسنة 1981




هذا نص الماده 73 من قانون الكادر


اقتباس:

مادة(73)
يكون شغل وظيفة "معلم مساعد" بالتعاقد لمدةسنتين قابلة للتجديد سنة أخرى بقرار من وزير التربية والتعليم ويجب على شاغلها خلالهذه المدة الحصول على شهادة الصلاحية لمزاولة التعليم بالمرحلة التعليمية التييتقدم لها فإذا لم يحصل على الشهادة خلالها انتهى عقده تلقائياً دون حاجة لأيإجراء.
ويتم التعاقد مع المعلمين المؤقتين الذين يباشرون فعلاً أعمالالتعليم في تاريخ العمل بهذا الباب لشغل وظيفة معلم مساعد وذلك متى توافرت فيهمشروط شغل الوظيفة.
ويعين بقرار من المحافظ المختص في وظيفة معلممن أمضى سنة على الأقل في وظيفة معلم مساعد وحصل خلالها على الشهادة المشار إليهاوثبتت صلاحيته للعمل وفقاً للمعايير التي تحددها اللائحة التنفيذية.
ويسري حكم الفقرة الأولى على الأخصائيين الاجتماعيين والنفسيينوأخصائيي التكنولوجيا وأخصائي الصحافة والإعلام وأمناء المكتبات المشار إليهم فيالمادة (70) من هذا القانون الذين يعينون بعقود مؤقتة .