فصل المعلمين المزورين وإحالتهم إلي النيابة العامة [الأرشيف]

مشاهدة النسخة كاملة : فصل المعلمين المزورين وإحالتهم إلي النيابة العامة

محمود حسين الزيات

03-02-2010, 12:50 AM

كتب منيرفا سعد (http://www.rosaonline.net/Daily/Author.asp?ID=88)
العدد 1401 - الأربعاء - 3 فبراير 2010 (http://www.rosaonline.net/Daily/Issue.asp?date=2/3/2010)

أحالت وزارة التربية والتعليم 7 من المعلمين المزورين لشهادة الدبلومة التربوية في امتحان الكادر إلي النيابة العامة بعد إلغاء عقودهم المميزة وفصلهم من العمل في الوزارة نهائيا.

وكانت الأكاديمية المهنية للمعلم قد اكتشفت عددا من الشهادات الجامعية المزورة معتمدة من كليات التربية كشهادات تربوية للمعلمين غير الحاصلين علي مؤهل تربوي والتي تعتبر شرطاً أساسياً للسماح لهم بدخول امتحانات الكادر والحصول علي الزيادات المالية، ومن ثم تمت إحالتها إلي الشئون القانونية، خاصة مع تكرار هذه الشهادات في قنا وطنطا.

وكشفت التحقيقات أن عددا من المعلمين المتعاقدين والحاصلين علي مؤهل جامعي غير تربوي تأخروا في الحصول علي الدبلومة التربوية، ومن ثم قاموا بعملية تزوير مبدئية لشهادات زملائهم.

http://www.rosaonline.net/Daily/News.asp?id=42686

baa_sim

03-02-2010, 01:01 AM

ربنايستر باشيرها بانت

محمودعامر

03-02-2010, 01:15 AM

http://www.wathakker.net/designs/images/al7eshiaa.gif

namasa0777

03-02-2010, 01:22 PM

ربنا يستر

http://www.wathakker.net/designs/images/al7eshiaa.gif

اسماعيل التربانى

03-02-2010, 01:41 PM

يستاهلوا طبعا

صفوت داود

03-02-2010, 02:20 PM

يجب محاكمتهم بتهمة التزوير لان الوزارة وزارة تربية قبل ان تكون تعليم

فوفا20

03-02-2010, 02:22 PM

ttt_zzz2010

03-02-2010, 02:51 PM

ما بنى على باطل فهو باطل

أ/ هشام العيسوى

03-02-2010, 03:16 PM

مقدر كلامك
بس دا لايبرر هذه السقطة الكبرى
مدرس بيزور يبقى ازاى نستأمنه على أطفالنا؟
عملو كده مضطرين بس والله ده من اللي بيتعمل فينا طيب يعني الجماعه اللى خريجين اداب ودار علوم مش متعلمين ولا الدوله لو مش معترفه باداب ودار علوم تقفلها احسن او يفرضوا تدريس المواد التربويه عليهم في الكليه طالما كده كده كل الكليات هيطلوا يشتغلوا مدرسين

aliya

03-02-2010, 04:11 PM

http://www.thanwya.com/vb/life/icons/news2.gifوالله حرم عليهم هما عملو كدة اكيد غصب عنهم

aliaa.shakaliz

03-02-2010, 04:15 PM

معلش مختلفة مع جملة او مبدأ غصب عنهم
مفيش مبرر للتزوير دة وربنا يعافينا جميعااااااااا

MISS.DINA

03-02-2010, 04:23 PM

ربنا يستر

لايصح مافعلوه لان المبادىء لا تتجزأ

وازاى اصلا يعملوا كده وهم المفروض قدوه لتلاميذهم

شيموشيمو

03-02-2010, 07:47 PM

فعلا المعلم قدوة صاحب رسالة مقدسة لا يجب أن يكون بهذه الصورة

والمشكلة ان ناس كتير بتعمل كدا00000000000مثلا مدرس قائم باعمال النظارة يزور جدول حصص

له ولكل من لا يدرس فى المدرسة من المثبتين ( المدللين) ليكمل النصاب ليحصل على المرحلة الثانية من الكادر

ويرمى الحصص على المتعاقدين 000000000000000000000000000 وعجبى

حسبنا الله ونعم الوكيـــــــــــــــــــــــــــــــــــــــــــــ ــــــــــــــــــــــــل

aliya

03-02-2010, 07:55 PM

طيب انا عايز اسال بس صاحب الخبر اشمعنا 7 وانت بتقول فى كتير اتحولو شؤن قانونية

m_nagib_2010

03-02-2010, 08:03 PM

الوزارة وزارة تربية قبل ان تكون تعليم

medo10000

03-02-2010, 08:19 PM

كانوا سابوا الشغل بلا وجع دماغ هما بياخده كام يعنى مش كفايه الى احنا فيه كمان تزوير ونيابه عامه على ايه يعنى

mr_mostafa84

03-02-2010, 08:24 PM

طب اللى مش مزورين ليه مش يكافئوهم و يعلنو نتيجتهم

teacher120

03-02-2010, 10:01 PM

انا معاك انه باطل ولازم يتعاقبوا بس احيانا سياسه المسؤولين الى بتخلى الناس تعمل كده والله لا ابرر اى شىء بس بقول للوزاره حرام عليكى لما تخلى شباب بيتقاضوا ملاليم وتطلبى منهم اى سى دى ال و تربوى واحنا عارفين ان التربوى مكلف انا اعرف ناس بقالها سنين متعاقده ومقدروووووش ياخدوا دبلومه لان ظروفهم وحشه ومفيش فلوس لتانى مره مش مبرر بس الحكومه ياريت لما تضع شروط تراعى ظروف الناس وبعدين الاكاديميه كان اولى بها تدريب المعلمين ومنحهم دبلومه التربوى فى الاجازه مثلا

ربنا يهدينا جميعا

محمدطعيمة

03-02-2010, 10:25 PM

أنا عارف واحد من اللي كانوا عاملين كده
وعلي فكرة عندما كنا نأخذ الدبلومة التربوي وقبل ظهور ما يسمي بالمعلم المساعد تلك من الأساس كان إخواننا من المعلمين الناصحين الذين يلعبون بالبيضة والحجر يقولون لنا ماذا ستفعلون بها ؟ بلوها واشربوا ميتها

محمودعامر

03-02-2010, 11:09 PM

على فكرة اللى عملوه ده أكبر غلط بس عاملوه علشان ياكلوا عيش .
وبعدين ربنا يسترها عليهم ومش يبهدلوهم وقابل ما يحاكموهم يفتكروا قضية تامر حسنى وزور فيا كام مستند والآخر ماخدش فيها حاجة خد سنة مع إيقاف التنفيذ...........................................

http://egypty.com/images/top4/tamer_prison.jpgبعد جلسة واحدة استغرقت ساعتين استمعت محكمة جنايات القاهرة إلي مرافعتي النيابة والدفاع وقامت بفض الأحراز وأصدرت في حكمها في قضية التزوير المتهم فيها المطرب تامر حسني عباس فرغلي "28 سنة" بتزوير شهادة قيد منسوب صدورها
لكلية تجارة المنصورة واستعمالها في استخراج جواز سفر دون تأدية الخدمة العسكرية وتقليد خاتم شعار الجمهورية وتزوير نموذج سفر منسوب صدوره لآداب حلوان.

عاقبت المحكمة المتهم بالحبس سنة مع الشغل وإيقاف التنفيذ لمدة 3 سنوات من تاريخ صدور الحكم ومصادرة المحررات المزورة.

صدر الحكم برئاسة المستشار مجدي عبدالرحيم غنيم وعضوية المستشارين حسن حسانين ومحمد علي بأمانة سر أحمد الهادي وهشام حافظ وحسام عبدالرسول.

قالت المحكمة للمتهم قبل إصدارها الحكم: إنه كان يجب أن يكون قدوة حسنة باعتباره مطرباً وله جمهور من الشباب وما كان يجب ألا تدفعه رغبته في شهرة أوسع إلي ارتكاب ما يخالف القانون.

شهدت قاعة المحكمة منذ صباح أمس الخميس 11-5-2006 حضوراً أمنياً وإعلامياً مكثفاً حيث اكتظت بالشباب
اقتيد تامر حسني إلي قفص الاتهام في الساعة العاشرة صباحاً مرتدياً زي السجن الأزرق يمسك بيده اليمني المصحف الشريف.. وواجهته المحكمة بالاتهامات فأنكرها وأقسم بالله وبيده المصحف أنه لم يعلم شيئاً عن الأوراق المزورة.

عقب النطق بالحكم خرج تامر من ققص الاتهام وسط حراسة مشددة إلي سيارة الترحيلات تحيط بها المئات من الجمهور.

http://www.egypty.com/pepper/images/tamir.jpgوصفت النيابة المتهم بأنه شيطان رجيم وطالبت بتوقيع أقصي العقوبة عليه واستعرضت جميع وقائع القضية بداية من محاولته السفر خارج البلاد ليحصل علي شعبية في الخارج بعد أن نالها في الداخل ولكنه أمامه تأدية الخدمة العسكرية فلجأ إلي حيلة وهي اتفق مع غيره علي تقليد خاتمي شعار الجمهورية الخاصين بكلية الآداب جامعة حلوان وشئون التعليم بتجارة المنصورة واصطنعهما علي غرار القوالب الصحيحة واستعملهما بأن بصم بهما محررين مزورين هما نموذج السفر المنسوب صدوره للأولى وشهادة القيد المنسوب صدورها للثانية.
.

a7madxxx

04-02-2010, 12:39 AM

لابد ان نقف جانب الناس دى لأنهم خلاص فاض بيهم الكيل وماحدش هيعمل كده الا مضطر
طبعا انا مش عاجبنى اللى عملوه لكن احنا تعبنا من كل الطلبات اللى عاملين يطلبوها
الحكومة كأنها بتقول احنا بنعقدها وبرده قادرين يجيبوا الشهادات اللى بنطلبها
زى النكته همه لسه معاهم فلوس يشتروا عيش
ولا الموضوع ده مش أسهل من قانون بيع الأثار اللى اتمرر بسهولة واتسلق فى مجلس الشعب

محمود حسين الزيات

04-02-2010, 09:06 AM

ahmed_rian

04-02-2010, 09:33 AM

roosy

04-02-2010, 12:11 PM

محمد ابوصلاح

04-02-2010, 12:18 PM

ربنا يسترها عليهم

ايهاب العراقى

04-02-2010, 03:26 PM

مش ملاحظين حاجه يا جماعه ؟

ان معظم التزوير حصل فى ( طنطا و قنا )محافظه فى الشمال و محافظه فى الجنوب ؟?

aliya

04-02-2010, 05:03 PM

كفيا كلام بقى عن هذا الخبير وياريت نخلينا فى المفيد

طاهر الشاعر

05-02-2010, 01:00 AM

تعليق الوزير عليهم: وأضاف الوزير: «بالنسبة للمدرس الذى يقوم بتزوير شهاداته ليتم وضعه فى الكادر، فلابد من فصله نهائياً من المدرسة، ويحول للنيابة.. لأنه بيزور فى الأجيال القادمة ولا يصلح أن يصبح مدرساً».

أ/ سعيد موسى

05-02-2010, 01:27 AM

طبعا كلام الوزير سليم 100% ولكن لابد من فصل جميع موظفى الحكومة المرتشون لانه لايصح ان يكون موظف مرتشى وكذلك رجال الاعمال اللذين يزورون فى المستندات لاخذ قروض البنوك وكذلك ..................الخ بذمتكم لو طبقنا هذا الكلام على الجميع بدون استثناء كم تحتاج مصر من السجون لسجن هؤلاء عندئذ سوف نجد هؤلاء المدرسون ملائكه ونعطيهم وسام

a7madxxx

05-02-2010, 01:49 AM

لا انا شايفه انهم يستهلو كده ومع احترامى لجميع الاراء الا انى شايفه ان التدريس لازم يكزن ليه ناسه اللى هما التربويين
مبنشفش خريج علوم بيبقى دكتور ولا خريج تجاره بيبقى ظابط
اشمعنا التدريس اللى بياخد اى حد والسلام
لأ مدرس سمح لنفسه انه يزور فى ورق رسمى يبقى هيزور فى امتحانات فى نتايج فى اى حاجه تانيه
ليه نتعاطف مع الغلط ونجد ليه ألف مبرر من غشان فليس منا ويروح يدور على شغل فى اى مكان تانى مش مكانه التدريس

مع احترامى لرأيك ولكنه مش مقنع وبالمناسبة أنا تربوى عشان الشكوك ولكن أنا عندى مؤهل عالى وغير تربوى

يساوى ألف (1000) من الدبلومات الفنية والمعلمين اللى ميعرفوش غير الغش وفلوس المجموعة

قاهر الاسود

05-02-2010, 10:02 AM

مع احترامى لرأيك ولكنه مش مقنع وبالمناسبة أنا تربوى عشان الشكوك ولكن أنا عندى مؤهل عالى وغير تربوى

يساوى ألف (1000) من الدبلومات الفنية والمعلمين اللى ميعرفوش غير الغش وفلوس المجموعة
(((ازاى بتقول انك تربوى.....وكن عندك مؤهل عالى وغير تربوى))
انت مش عارف الفرق
يا محترم
تربوى اى خريج كلية تربية او معه مؤهل غيرتربوى ودبلومة تربوية
فحضرتك غير تربوى ولكن تمارس التدريس عرفت الفرق
يبقى قبل متجرح فى حد ((معلميين ميعرفوش غير الغش وفلوس المجموعة))
انت غير تربوى لانك مش خريج كلية تربية وغير حاصل على دبلومة تربوية لكنك تقوم بممارسة التدريس
اللى حق لخريجيين التربية وانتوا اللى جعلتوا خريجيين التربية بعقود بتكالبكم على التدريس وكمان مش عايز تحضر دبلومة ومؤهلك يساوى 1000 دبلومة وكمان بتدافع عن مزوريين لك الله يا مصر
حسبى الله ونعم الوكيل

العروبة2

05-02-2010, 10:36 AM

عملو كده مضطرين بس والله ده من اللي بيتعمل فينا طيب يعني الجماعه اللى خريجين اداب ودار علوم مش متعلمين ولا الدوله لو مش معترفه باداب ودار علوم تقفلها احسن او يفرضوا تدريس المواد التربويه عليهم في الكليه طالما كده كده كل الكليات هيطلوا يشتغلوا مدرسين

طبعاً انا مع الرأي ده
هم عملوه كده غصب عنهم مضطرين
وفعلا ولو الدولة مش معترفة بالكليات دي
اما تقفلها
واما تضع المواد التربوية في الكليات دي

امل اليكس

05-02-2010, 11:06 AM

اكيد عندك حق

بس احب افكركم ان عمر بن الخطاب لم يقطع يد السارق في وقت المجاعات

واعتقد ان معظم شباب مصر يشعر انه في وقت مجاعة وحرمان فيحين ينعم غيره بكل ما هو يتمناه وزيادة كمان

قاهر الاسود

05-02-2010, 01:29 PM

اكيد عندك حق

بس احب افكركم ان عمر بن الخطاب لم يقطع يد السارق في وقت المجاعات

واعتقد ان معظم شباب مصر يشعر انه في وقت مجاعة وحرمان فيحين ينعم غيره بكل ما هو يتمناه وزيادة كمان
خسارة
يا استاذة احنا مش فى وقت مجاعات علشان نحلل الحرام والتذوير والغش ونساند المخطئ
مفيش اى متعاقد بياخد 350ج الا وفى اكثر من شغل ممكن يجيب منه اكتر ويكسب اكتر منك غير السفر طبعا فالبدائل كثيرة ودول سبعة او قلة فقط والا لو فى مجاعات زى ما انتى بتقولى فكلنا بقى ((وانتى من ضمننا)) يلا نزو ونغش ونسرق ونحلل الحرام
المتمسك بالعقد نوعين
يا اما عشمان يتثبيت((ومعاه دخل تانى يفتح به بيته)) وماشى بمبدأ الامان وانفاتك الميرى والمكافاة والمعاش
يا اما بيدى دروس خصوصية جنب المرتب 350ج
رجاء ندع الكلام فى الدين جانبا ومنحللش ونحرم حسب اهواءنا
وشكرااااااااا

الأستاذ محمود عبد الفتاح

05-02-2010, 01:52 PM

يارب سلم علينا

hamada_fg2003

05-02-2010, 05:24 PM

من غشنا فليس منا

nasserfathy

05-02-2010, 07:38 PM

ما بني علي باطل فهو باطل /من غشنا فليس منا