روي لي احد اقاربي انه كان في الستينات وفي طريق الاسماعيلية اثناء الرحلة ينادي الكمساري
على المحطات لينزل الناس وكان كل مرة ينادي : المطار السري اللي نازل المطار السري
وكنت اضحك كبف يكون سري والكل يعلمه؟؟؟؟
والان نحن نعيش هذة الثقافة بصورة شاملة
فمثلا الجرايد والاعلام الرسمي مازال يبقول على الاخوان المسلمين الجماعة المحظورة
رغم انها في قمة العلانية وعلاقتها بالامن زي الفل بدليل الانتخابات اللاخيرة للمرشد
وحتى الان هي محظورة؟؟؟؟؟
كل الناس يشكون من زيادة حد الحرية لحد الانفلات في ملابس النساء ومع ذلك تراهم يشترون هذة الملابس
امال يعني مين اللي بيشترها رجاله المريخ ونسمح لبناتنا واخواتنا وزوجاتنا بارتدائها وبعد ذلك تسمع مر الشكوى

كله بقولك البلاد ملاها الفساد والرشوة والمحسوبية و0000
وكأن اللي بيعمل كده الماليزيين
ومثال تاني دايما كل البلاوي من الحكومة بس ايه هي الحكومة؟؟؟ كام وزير ورئيس وزراء بس؟؟
ولا الفساد ممكن ينزل لدرجة و وكيل وزارة ولا مدير عام ولا رئيس قسم ولا موظف كبير ولا صغير كمان

هل نحن اولاد المحظورة والمطار السري

احنا مش اولا المحظورة
احنا ولاد رموز بيحافظو على التراث
هما لقبو الاخوان بالجماعة المحظورة بس حفاظا على التراث سابو اللقب
زى الفراعنة ما بتسيب اثار لها عن طريق التحنيط والمعابد
ولقبو المطار بالمطار السرى لانه جايز كان فى فترة من الفترات المحظورة بردو كان سرى
هيا مجرد كلام بنتغنى بيه
=========
بس مبنفكرش مرة مين اللى ملا البلد بالفسادةوالمحسوبية
احنا اللىملينا البلد
سواء اللى بيفسدو او اللى بياخدو الامر بصورة سلبية
من باب خليك فى حالك او من مبدأ " خلى قفايا فى حاله "
لو فضلنا على كدا هنفضل لابسين السلطانية لاننا شعب بنحب السلطنة بجد
ثم ان الفساد ماشى فى الكل من الابرة للصاروخ
من الموظف الغلبان فى المصلحة الحكومية الى رئيس المصلحة نفسه
=========
بس لحد الان فى رايين متناقدين انا محتار بينهم
الراى الاول اللى سعد زغلول قاله " مفيش فايدة "
الراى التانى اللى مصطفى كامل قاله " لا يأس مع الحياة عم قول يارب "
شكرا على الموضوع
واتمنى ان كلام الزعيم هو اللى يكون صح
دمتم فى رعاية الله

رغم انها في قمة العلانية وعلاقتها بالامن زي الفل بدليل الانتخابات اللاخيرة للمرشد

سوف يحاسبنا الله على كل كلمة نقولها ماذا تقول يا اخي عندما يسألك الله عن هذا الكلام ؟

الاخ الغالي محمود اولا شكرا لمرورك الكريم
ثانيا هل الموضوع مجرد تراث ولا هي نوع من الازدواجية اصبحت تشمل كافة نواحي حياتنا ؟؟؟

[رغم انها في قمة العلانية وعلاقتها بالامن زي الفل بدليل الانتخابات اللاخيرة للمرشد

سوف يحاسبنا الله على كل كلمة نقولها ماذا تقول يا اخي عندما يسألك الله عن هذا الكلام ؟]

اولا اسأل الله ان يغفر لي ولك وللمسلمين جميعا
بس حقيقي اخي الحبيب لم افهم ما هو الخطأ الذي تلومني عليه؟؟
ارجو منك التكرم بالايضاح
هل العلاقة الجيدة بالامن سبة ؟؟؟ لا والله بل هي علامة خير
هل تنكر ان الانتخابات تمت علانية وكان معروف مكانها وزمانها قبل اجراءها بوقت طويل ومع ذلك لم يعترضها اي قرارات من اي جهة امنية
ارجو ان توضح لي فالكل هنا يعرف اني احترم الاختلاف ولكن احاول ان افهم وجهة نظرك
دمت موفق وبارك الله فيك

الاخ الغالي محمود اولا شكرا لمرورك الكريم
ثانيا هل الموضوع مجرد تراث ولا هي نوع من الازدواجية اصبحت تشمل كافة نواحي حياتنا ؟؟؟

هيا اتنين فى واحد زى تايد للغسيل كدا مع انى بكدب لان تايد للغسيل تلاتة فى واحد
الاتنين مع بعض محافظة على التراث وازدواجية فى نفس الوقت
========
زى مثلا بنشوف فى المدارس نظيفة جميلة متطورة
فلو حللنا الجملة تحليل علمى دقيق معتمد على قواعد الانثربيولوجى
هنلاقى ان الجملة دى من التراث يرجع عهدها لعام 1620
وفى نفس الوقت تمثل ازدواجية لانها ولا جميلة ولا نظيفة ولا متطورة
======
والازدواجية فى حد زاتها خطر
لان الازدواجية المفروض انها تمثل وجهين لعملة واحدة
انما الازدواجية فى مصر بتمثل وجهين لعملة واحدة بردو ! " الفساد يعنى "
=====
شكرا على الموضوع
واعزرنى على اسلوبى الساخر
اصل انا مفقوع من مامتى اوى " مصر يعنى "
دمتم فى رعاية الله

تمام
طبعا المسميات لا تغنى ولا تسمن من جوع
محظورة مش محظورة ولا بتفرق كتير
انت ضربت مثال حلو اوى
بس فعلا ايه فى بلدنا اسمها على غير مسماها
يعنى مثال بكدا نفس المثال الى حضرتك ضربته
وهى جماعة الاخوان المسلمين
اطلقوا عليها محظورة برغم وجود 86 عضو فى مجلس الشعب
اطلقوا عليها محظورة برغم وجود اكبر نفق فى مصر وهو نفق الشهيد احمد حمدى وهو كان اخوانى وقائد الكتائب فى حرب فلسطين 48
يعنى ازاى يكون من الجماعه المحظورة و يسموا اكبر نفق فى مصر باسمه
و غير المثال الى ضربه محمود طه
تلاقى فى البلد كلام غريب كدا حافظ على نظافة بلدك
و تلاقى السماد فى طلخا بيضرب
وتلاقى شاحنات النفايات بتبهدل الدنيا
وتلاقى مصنع الكيماويات فى دمياط
سبحان الله

نــو كــومنت

الاخوة الاعزاء: اولا بجد ارائكم تثري الموضوع
ولكن هناك توضيح بسيط لماقصدته وهو انه اصبح هناك اتفاق غير معلن بين غالب افراد المجتمع على
اشياء تفعل ولا تقال او تقال ولا تفعل والامر اكبر من موضوع التسمية
اصبحنا متفقين ان نتغافل عن اشياء وكانها غير موجودة ونحن كلنا نعلم وجودها
نتساهل في اشياء وندعي التشدد لنريح ضمائرنا

http://img30.imageshack.us/img30/5361/rody.gif

الاخوة الاعزاء: اولا بجد ارائكم تثري الموضوع
ولكن هناك توضيح بسيط لماقصدته وهو انه اصبح هناك اتفاق غير معلن بين غالب افراد المجتمع على
اشياء تفعل ولا تقال او تقال ولا تفعل والامر اكبر من موضوع التسمية
اصبحنا متفقين ان نتغافل عن اشياء وكانها غير موجودة ونحن كلنا نعلم وجودها
نتساهل في اشياء وندعي التشدد لنريح ضمائرنا

http://img30.imageshack.us/img30/5361/rody.gif

تمام وانا فعلا اتفق مع حضرتك
ان فى حاجات كتيرة اوى بتحصل
واحنا مش بنعرفها
او بيكون الظاهر شئ وفى حاجات متوارية مستتره و الضمير بتعها بيكون خفى
او مخفى
بس ايه علاقة قصد حضرتك بالمثال الى ضربته ؟

الموضوع جميل وتفاعل أجمل
من المشاركين استمتعت فعلا
واستمتعت بالسخرية الاذعة
وهى دعوة جميلة للتطبيق
العملى للقيم ، والتزام الفرد اولا
وان يكون قدوة لمن حوله .
ومن الوان هذا الخلط هو ان يقول
الأب لابنه الصغير
لا تكذب والكذاب سيذهب الى النار
وعندما يقول له الولد عم محمود جارنا بينادى عليك
وواقف على الباب ، فيرد الأب على الابن : قول لعمك
محمود بابا مش موجود .!!!!!!!!
اللهم ارزقنا خير العمل وعمل الخير
تحياتى لحضرتك استاذ / علاء

الحقيقة ان المجتمع كله اصبح مذدوج الشخصية

احي مروركم الكريم ومشاركتكم الطيبة
اخطر ما في الامر غي رأي ان يصل المجتمع لهذا التوافق الغريب في الازدواجية
يلا كلنا نعمل وكلنا نعمل نفسنا معملناش
اما مثال المحظورة فهو نموذج القانون والاعلام والامن والحكومة ظاهريا تدعي حظر الجماعة
ومع ذلك تراها في الواقع علنية جدا وممثلة في مجلس الشعب
بل ولها متحدث رسمي يسمونه المتحدث باسم كتلة الاخوان المحظورة برضة فاين هو الحظر؟؟؟
دمتم موفقين

مووع رائع استاذ علاء
كلنا بنشتكى وفى نفس الوقت لا نفعل شئ لحل مشاكلنا
انت لمست أكبر مشكلة بنواجهها كلنا فى مجتمعنا المصرى
وهضربلك مثل فى مجال شغلى كمدرس
ففى كتير من المدرسين بيشتكوا ان التعليم باظ وعمره ما هيرجع زى زمان
وتلاقيه هو مش بيحاول يخلى التعليم أحسن وعمال يغشش فى اللجان !!
قمة الإزدواجية ....

طرح ممتاز للموضوع
سأعلق على جزئية فى غاية الأهمية
للأسف الشديد لا أحد فى الشعب المصرى - إلا من رحم الله - يعترف بخطئه بل يحب أن يلقى باللوم على غيره ويتهم غيره فالفساد الذى نشكو منه جميعا من الذى يفعله إنهم أفراد منا ( كلنا مسئولون )
فعندما نلقى باللوم على الحكومات فقط ( طبعا الحكومات مسئولة وإن الله ليزع بالسلطان ما لا يزع بالقرآن )
لكن الحكومة ليست فى بيوتنا وشوارعنا ومصالحنا فمثلا من سمح للبنات بالعرى وارتداء الثياب التى تظهر أكثر مما تخفى هم أهلهم وذويهم وبعدها نشتكى ...
الرشوة و المحسوبية وغيرها من الامراض المستشرية فى الامة من يفعلها ؟؟ إنه نحن
وغيرها وغيرها
إن الله لا يغير ما بقوم حتى يغيروا ما بأنفسهم
اللهم اهدنا جميعا إلى ما تحب وترضى

الاخ الغالي محمد فوزي
كلماتك تسعدني ومرورك يشرفني
والازدواجية فعلا اصبحت كالسوس ينخر في كل نواحي المجتمع
ومثاللك اعجبني جدا وهو واقع مر
ولكن الامر ان تجد المعلم يترك الطلاب يغشون في اللجان وينتظر الثواب من الله باعتباره يساعدهم
واذا كلمته تكون انت قاسي القلب ومش مقدر
واذا قلت له كيف تستحل مال يأتيك من هذة المراقبة ؟؟؟؟ تسمع مالا يرضيك
وذكرني ذلك بمثال اخر وهو المعلمون الذين يذهبون الى لجان انتخابية لمجلس الشورى مثلا ويسمح بالتزوير لمجرد خوف من كلمة تهديد ولكن بعد ذلك يزاحم من اجل الحصول على المال
دون اي احساس بانه مال حرام؟؟؟؟؟؟؟؟؟؟؟
ودمت موفق وبخير

الاخت الفاضلة أفنان
جزاك الله كل الخير لمرورك ولرأيك الكريم
وفعلا الفكر التبريري هو احد اسباب البلاء الذي نحن فيه
ولنذكر اخوتي وانتم تعرفون ذلك اكثر مني طبعا ان ادم عليه السلام وابليس عليه لعنة الله كلاهما عصى أمر ربه
ولكن ادم عليه السلام ارجع الخطأ لنفسه واعترف به
قَالاَ رَبَّنَا ظَلَمْنَا أَنفُسَنَا وَإِن لَّمْ تَغْفِرْ لَنَا وَتَرْحَمْنَا لَنَكُونَنَّ مِنَ الْخَاسِرِينَ
اما ابليس فبرأ نفسه
قَالَ فَبِمَا أَغْوَيْتَنِي لأَقْعُدَنَّ لَهُمْ صِرَاطَكَ الْمُسْتَقِيمَ
ولذلك غفر الله لادام بتوبته ولعن ابليس ليوم الدين
وما ذكرتيه استاذتنا الفاضلة هو بداية الحل
فحين لايكون لي دخل بالمشكلة لن يكون الحل بيدي
اما حين نعترف اننا جزء من المشكله سنكون جزء من الحل
دمت موفقة وبكل الخير واسرتك الكريمة
وليس غريب على مدرسي العلوم شوية تحيز مش هتضر

دولتنا دولة مسميات .......
و ما هى إلا مجموعة من البشر لها قوانينها التى تحكمها
فإذا كنت الدولة تنافق شعبها فماذا يفعل الموظف المغلوب على أمره ؟؟؟؟
إلا اللجوء إلى التحايل على القوانيين و الإزدواجية فى التعامل لكى يعيش !!!!!!!!
فلا تطلب من الذئب رعى الغنم و المحافظة عليها ..... !
أرجو أن أكون وفقت لما يحدث غالبا فى مجتمعنا
و الذى أود أن يكون فاضلاً
ليسهل للجميع العيش به أغنياء و فقرااااااااااااااااااء
مشكور مستر علاء على التوبيك الرائع

اذا كان رب البيت بالدف ضاربا
فشيمة اهل المنزل الرقص
اللهم اجعلنا من الذين يحسنون اذا اساء الناس
وشكرا مرورك الكريم

سبحان الله عدد خلقه ورضا نفسه ومداد كلماته وزنة عرشه سبحان الله العظيم

بسم الله ماشاء الله , حوار بناء ---- واوافق الاستاذة فيما قالت "ان الله لا يغير ما بقوم حتى يغيروا ما بانفسهم , فليبدأ كل منا بنفسه ثم بيته ثم ---- " الله المستعان

استاذنا الغالي نورت الموضوع
وفعلا هذة نقطة البدء للحل
ولكن كل واحد منا مع الاسف ينشغل عن رعيته بما لن يسأله الله عنه
وسيحاسب عليه غيره
دمتم موفقين جميعا