midoragab
20-02-2007, 07:41 PM
<div align="center">بسم الله الرحمن الرحيم
ده اول موضوع ليا بعد حصولي علي اشراف منتدي الرجالة اللي ناوي اغيره نوعيا و يكون منتدي الرجاله مش منتدي اعداء النسوة :D
المهم بيقابلنا كتير من صحابنا و يقول علاقتي زفت بابويا و الرجال ده جنني و حاجات من هذا القبيل كتير
و واحد تاني والدي مش واثق فيا و بيعاملني كأني طفل و انا وصل سني للعشرين و اقدر افتح بيت
والدي مش مديني فرصه اكلمه و احكيله علي همومي ( مش صاحبي من الاخر ) و كل ما اكلمه يهزأني و يطلع عيني
اينعم كتير بنسمع الكلام ده
بس هنا بأي يا حلوين هنحل المشكلة بعون الله و بمناقشتنا ليها
كل واحد يخش يقولنا علاقته ايه بوالده ( والدته ) و هل هي كويسة و لو وحشه يبأي نحلهاله و نخليهم
زي السكينة في الحلاوة زي ما قال عمنا اللمبي </div>
ReceptiveGuy
20-02-2007, 07:46 PM
أنا كان ليا واحد صاحبي كده برضه
كل ما نتقابل في الأجازة يبقى لازم نتكلم عن مشاكله مع أبوه وإزاي معاملته الزبالة ليه
وفي الدراسة ما فيش كلام غير عن المذاكرة
ما علينا
فعلاً المشكلة ديه بسمع عنها كتير
وبحس ساعات إن الأب يمكن يكون اتعرض للموضوع ده في طفولته
فبينتقم
ههههههههههههه
مستني ردود الأعضاء
:)
شكراً ميدو موضوع زي العسل
بالتوفيق في الإشراف
MohammeD el_SadaT
20-02-2007, 07:49 PM
<div align="center">بس أنا عن نفسى أفضل أحتفظ بأسرارى يكفينى انهم والدى كى لا أشكى منهم </div>
midoragab
20-02-2007, 07:52 PM
لا يا مان مش لدرجة الانتقام
بس انت ممكن تقول صراع الاجيال و كل جيل يقول هييييييييييييييييييه ده انتوا ايامكوا ما يعلم بيها الا ربنا
_the_sad_smile_
20-02-2007, 07:53 PM
موضوع جميل اوى
الحمد لله علاقتى بوالدى كويسة
بس انا هنتهز الموضوع دة واسالكم
تقولوا اية لانسان وحيد اخواتة البنات ومقاطع ابوه واخواتة ومش بيكلمهم
قال عشان مش بيسالوا عنه
هو مين المفروض يسال على مين؟؟؟؟؟
ارجوا الإجابة
midoragab
20-02-2007, 08:20 PM
<div align="center">انتي كده هتخرجينا من موضوعنا بس مفيش مشكلة
اولا : كويس ان علاقتك حلوة بوالدك و احمدي ربنا علي كده انه رزقك بوالد متفاهم معاكي و يجعلك سبب في دخوله الجنه
ثانيا : الشخص التاني ده ملوش حق و خصوصا لو زي ما بتقولي انه اخواته كلهم بنات و والده اكيد كبر في السن
ده شخص جاحد و اكيد كما تدين تدان اكيد زي ما قطع والده ربنا هيرزقه بابن ميعبروش خالص </div>
_the_sad_smile_
20-02-2007, 08:27 PM
انا متاسفه لو كنت خرجت عن الموضوع
بس عشان الشخص دة انا مبكلموش دلوقتى بسبب الموضوع دة وكنت حاسة بالذنب
ولو لحد راى تانى غير رايك
ممكن يقولة يا محمد لو مكانش يضايقك؟؟؟
انا متاكدة محدش هيختلف على رايك
انا مجرد انى بوصل الرساله للشخص دة
شكرا ليك يا محمد على الموضوع المميز دة
شاعرالحب
20-02-2007, 08:34 PM
اولا شكرا للموضوع
ثانيا : كويس انى لقيت مكان اتكلم فيه عن علاقتى بوالدى
بجد بجد بجد انا مهما اقولكم عنه مش هاقدر اديله حق
والكلام ده حقيقى فعلا
بيثق فيا ثقه عمياء والحمد لله انا عمرى ماخذلته
اى نعم بيحصل مواقف عابره كده بس بتعدى :D
اى حاجه بطلبها منه الحمد لله بينفذهالى
مش بيناديلى غير يأحب الاسماء اليا زى مابيقولو
وغير كده حاجات تانيه كتييييييييييييييير ..............
لايتسع المجال لذكرها
عموما ربنا يخليهولى وربنا يشفيه
كلكول
21-02-2007, 12:15 AM
موضوع هايل فعلا ياميدو بشكرك عليه :rolleyes:
بس فعلا يا ميدو انا والدى ووالدتى دول غاليين عليا اوى
ربنا يخليهوملى يارب
والحمد لله علاقتى بيهم كويسه جدا جدا وبموت فيهم وبحبهم اوووى فوق ما تتخيل
يمكن سعات بزعل مع اى حد فيهم بس مش بقدر على زعلهم بصالحهم على طول
وكلمه اخيره الوالدين دول نعمه كبيره اوى لازم نقدرها
عمر عابد الشريف
21-02-2007, 10:56 AM
شكرا علي الموضوع التحفه (الجميل يعني)
المهم انا علاقتي مع ابويا قشطه علي العسل و ممكن تقول ان كل الناس اللي بيعرفني و يعرف والدي يقلولي انت عابد رقم 2 يعني انا الcopyبتاعه ابويا بس انا طبعا غيرة
يعني لو ابني قالي هات العربيه اخرج اروش هديهاله هو عشان بوظتله العربيه (جان وش سليندر) هيقلبو دمغنا بقي انا طبعا بهرج بهرج ربنا يخليه ليا و يصبره علي البلاوي
اللي بيشوفهه مني اميـــــــــــــــــــــــــــــــــــــــــــــــ ن
و طبعا الف مبروك يا مان
midoragab
21-02-2007, 01:50 PM
شكرا لكل اللي ردوا و شاركوا في الموضوع